المساعد الشخصي الرقمي

مشاهدة النسخة كاملة : اسأله عامه بخصوص السياره ياليت الكل يشارك


F-X
08/09/2009, 04:35 AM
السلام عليكم ورحمة الله وبركاته

هلا والله أخواني هذي أول مشاركه اكتبها في موضوع جديد واتمنى الكل يستفيد وأولكم أنا ..


اكيد السيارات + البر = خرابات ومشاكل للسياره


بس فيه حلول الكل يستخدم بطريقته للحل ...

وسيارتي لخبطت علي اليوم وانا اسحب واحد في الثمامه من ارتفاع درجه الحراره للنص والموتر يلك اذا جته طلعه خفيفه

فياليت الكل يشارك عشان نستفيد وخاصه الغشمان اللي زيي :no:
ونبداء بالأسئله :


الصيانه :
متى تعمل الصيانة الدوريه للسياره ووشي الأشياء الاساسيه اللي تسويها ؟؟

اذا جيت تطلع البر ؟ وشي الأشياء اللي تشيك عليها ؟

وشي الكفرات اللي تستخدمها في سيارتك مع ذكر حجم الجنط للسياره ؟


الدبل :

الدبل وما ادراك مالدبل

ماهي الصيانه الدوريه للدبل ؟


اقوى نمره يكون فيها الدبل فعال جدا ؟ ومتى استخدم الثقيل ومتى استخدم الخفيف ؟

كيف اشيك على الدبل ؟ وأنه يعمل بشكل سليم أو لا ؟

اذا جيت تدخل البر :

تنسم الكفرات ولا تستخدم الدبل ولا ثنتينهن ؟

وش المستوى المطلوب الهواء في كفرات البالون ؟

معلومه تقدمها لخوانك بخصوص السياره ؟

اسأله عامه :

السياره عزمها ضعيف مع الدبل جدا ؟ السبب ؟ بالنسبه للسياره فيها الفزه قويه لكن ثقيله في الممشي بشكل لا يطاق مع الدبل

الفرارات (التحضيره) هل تأثر على السياره اذا مشيت عليها على الزفلت ؟


وياليت الكل يطرح اسأله وخاصه الأسئله العاديه اللي يستهينون فيها اصحاب الخبره


لأن عندي طلعة بر ولاني واثق في موتري (الموتر جديد علي وقديم بالموديل) وبطلع لحالي والله يستر وان شاءالله الطلعه يوم الخميس الجاي اذا الله اراد



وشاكر لكم مقدما على المشاركه وننتظر طرح الأسئله العامه اللي من النوعيه هذي ..
ابوراس الدحمي
08/09/2009, 05:37 AM
اسئلتك واجد ياf-xوعاد ان شاء الله الربع ما يقصرون معاك لكن تأكد ان فيه مواتير
ما يمكن انك تتنبأ بخراباتها خاصة اذا كان استخدام في البر يعني تصير المشكلة ثم تحلها بس اهم شي انك تفحص الاجزاء الميكانيكية زي الاذرعة ,المساعدات ,اعمدة التوازن وخاصة هذه القطع اللي تتأثر بشكل مباشر من البر ـ أما ان جيت للكفرات فهي اشكال وألوان وكل كفر له مميزاته ومساوئه وما يخص الدبل هو مصمم على ان يكون ثقيل عشان تحتاج عزم دوران قوي في الطلعات عشان ما يرجع الموتر ورا بس مايخص البران كل واحد له طريقة في استخدام الدبل وكنت ابي اتقترح عليك شغلة لو كنت قسمت اسئلتك الى مواضيع متفرقة تكون احسن لك واعرف ان هذا حرص منك على ان تعم الفائدة للجميع وبارك الله فيك .
تحياتي :::::::::::::::::::
GMC79
08/09/2009, 05:47 AM
حدد مانوع السيارة وابشر؟
F-X
08/09/2009, 06:07 AM
اسئلتك واجد ياf-xوعاد ان شاء الله الربع ما يقصرون معاك لكن تأكد ان فيه مواتير
ما يمكن انك تتنبأ بخراباتها خاصة اذا كان استخدام في البر يعني تصير المشكلة ثم تحلها بس اهم شي انك تفحص الاجزاء الميكانيكية زي الاذرعة ,المساعدات ,اعمدة التوازن وخاصة هذه القطع اللي تتأثر بشكل مباشر من البر ـ أما ان جيت للكفرات فهي اشكال وألوان وكل كفر له مميزاته ومساوئه وما يخص الدبل هو مصمم على ان يكون ثقيل عشان تحتاج عزم دوران قوي في الطلعات عشان ما يرجع الموتر ورا بس مايخص البران كل واحد له طريقة في استخدام الدبل وكنت ابي اتقترح عليك شغلة لو كنت قسمت اسئلتك الى مواضيع متفرقة تكون احسن لك واعرف ان هذا حرص منك على ان تعم الفائدة للجميع وبارك الله فيك .
تحياتي :::::::::::::::::::





هههههههههه منحرمش منك الله يعطيك العافيه وبالنسبه للدبل انا استخدمته في سيارات واجد بس هالسياره غير تحس الموتر فيه لكه وبقوه


ومن ناحية المواضيع المتفرقه انا فكرت كذا بس قلت انهم بقولون جاء الغثيث هههههههههه


شاكر لك مشاركتك
F-X
08/09/2009, 06:08 AM
حدد مانوع السيارة وابشر؟


حياك الله يا راعي الجمس


نوع السياره فوورد حوض دفرنسين موديل 91
F-X
09/09/2009, 03:12 AM
وين الاجابات يا شباب ياليت الكل يشارك لا هنتوا