المساعد الشخصي الرقمي

مشاهدة النسخة كاملة : جيب الربع وصوت في المرتبه شي محير


ولد عبدالعزيز
09/09/2009, 05:31 AM
السلام عليكم

عندي مشكله وابغى الحل خويي معه ربع 2008 وعندهـ مرتبة الراكب كأنها مرتخيه يعني بالعامي تقرقع مع العلم ان الرجال مهوب راعي مراقى وتفجير والموتر ما وصل ال40,000كم وراح لكم محل وقالو له لازم تغير القاعده بقاعدة جديده من الوكاله يعني ماتتصلح ابي الحل وياليت تفيدوني وبيض الله وجيهكم
>> ابوعلي <<
09/09/2009, 05:38 AM
والله مالي تجربه

لكن جب لك ربل ولا شي زي كذا ونشبه بالمكان اللي يهز

وان شاء الله تظبط معك
ولد عبدالعزيز
09/09/2009, 07:11 AM
الله يعطيك العافيه ونسمع من الباقين
ولد عبدالعزيز
09/09/2009, 06:03 PM
للرفع
للرفع
قناص*07
10/09/2009, 03:56 AM
تاكد ان مابها كسور اولا فإذا فيها فكها ولحمها.
وإذا مابها كسور فك المقعد وخرج المجاري وقم بتضيقها بالكماشه او الزراديه شوي وشد السست اللي تمسك اللسان اللي تحكم المقعد من التقدم والتأخر.
انا مجلربها ونفعت معي.
المتر
10/09/2009, 04:51 AM
السلام عليكم

اخوي شي عادي المجاري حقت المرتبه متوسع شوي والحل هو

انك ترجع المرتبه لاخر شي ثم تجيب كلبسات بلاستيك اوقفيز حديد وتشد المرتبه بالمجاري مالك الا هالحل

وصدقن جرب كل الحلول مانفعت اسبوع ويرجع الصوت وصفت على هالحل والحمد الله ضبط بس المشكله

اذا كان موتر مرتبه عرض ورى الله يعينك .....جرب كلام اخوي القناص*70

وان مافهمت راسالي على الخاص ...
اسير الغضا
10/09/2009, 01:31 PM
يابعدي ولد عمي معه ربع 2006 مرتبة الرديف ماغير تقرقع
والمراتب اللي ورا طبيعي يقرقعن


الله يكون بعونك
ولد عبدالعزيز
11/09/2009, 08:16 AM
يالله أنك تعافيهم


وأن شاء الله بنجرب ونشوف
دانكن
11/09/2009, 01:41 PM
يالغالي فيه ورشة بالصناعية القديمة اسها الحربي ..

فيها شايب من اهل المدينة .. انا كان عندي المرتبة حقت الراكب مرتخية وترج ..

رح له وفكها واشتغل لي شغل يبيض الوجه وظبطت الحمدلله ..

مكان الورشة قريب من عند ميزان المجد واليرموك ..

اذا دخلت مع اشارة شارع الصبات وانت جاي من مخرج 17 اول تقاطع كبير ادخل معه يمين ..

بعدين اول تقاطع او هو التقاطع الوحيد اللي موجود ادخل معه يسار ثالث ورشة على يسارك اسمها الحربي ..

موفق يالغالي ..


.