الفزعه يا شباب

[aziz277]

السلام عليكم ورحمة الله اعضاء مكشات الافاضل

يا شباب عندي سياره كرفان واحتاج لورشه تتعامل مع مثل هالسيارات لاني تعبت كل ما رحت لورشه ردوني يقولون السياره كبيره ما ندخلها في الورشه مع ان السياره معروفه وهي من جي ام سي ..

تكفون يا شباب الفزعه

[اسير الغضا]

مالي علم يفيدونك الاعضاء
مااقول الا الله يسهل لك امرك

[غالي]

وش الخراب الي فيها؟؟؟

اذا كان بدي او تضبيط

فيه ورش تصنع كرفانات قد شفتها من 3 سنوات تقريبا الله واعلم بيصلحون لك

وهي بالرياض جنب ورشة السوافي الي يركبون عندها الشباب بطاريه اضافيه ولمبات وغيره

واذا كان ميكانيكا ماادري والله لكن لابد تلقى بالصناعيه لا محاله ورش متخصصه للتريلات والكرافانات أكيد

موفق

[aziz277]

تسلمون يا شباب والله يعطيكم العافيه

ابي ورشه للميكانيكا وابي ورشه لتصليح الفرن والمكيف والثلاحه تشتغل على الكهرب والغاز لانهم كلهم صناعه امريكيه وقليل من الورش تعرف لهم وخاصه حقين التكيف والتبريد المنتشرين بالرياض
بإنتظار ردودوكم تكفون تعرفون الشتا جاي والربيع ان شاء الله