خبراء القير التماتيك

[Cool 3la 6ooL]

السلام عليكم

من فترة لاحظت شي بالقير وهو انه اول ما أشغل السيارة وهي بارده واعشق القير لـ D ما تمشي من نفسها!! واذا دعست بنزين تمشي كأن فيه شي ماسكها من ورا لمدة ثلاث او اربع ثواني بعدها يتعدل ويمشي صح الين اوقفه واطفي السيارة وتبرد ترجع تسوي نفس الشي مره ثانيه.
اما لو شغلت السيارة وتركتها دقيقه تحتمي فما اواجه المشكله.

ياليت تفيدوني؟ مع العلم ان القير له مبرد راكب من المصنع وفيه فلتر للزيت الجاي من المبرد؟ <<< انا شاك بالفلتر

[DARK2]

السلام عليكم ورحمة الله
اخوي انا بوضح لك نقطة مهمة وكثير من الاخوان للاسف غايبة عنة .. وانا تكلمت عنها في موضوع سابق في هذا المنتدى وه التشغيل الخاطئ اذا كانت سيارتك من السيارات الحديثة فيجب عند التشغيل الانتظار حتى يقوم الكمبيوتر بالقراءة الصحيحية لاجزاء او قطع السيارة المترابطة معة .. اما السبب الثاني وهو عدم دوران زيت القير بالشكل الصحيح ويكون من الطرمبة

[ابو شقط]

وش المقصود بالانتظار عند التشغيل هل يعني ماندق سلف مباشرة ونحرك ام نجعل المفتاح على وضع البطارية وظهور رموز التشييك على السيارة وبعدين نشغل وضح لنا ؟

[Cool 3la 6ooL]

السلام عليكم ورحمة الله
اخوي انا بوضح لك نقطة مهمة وكثير من الاخوان للاسف غايبة عنة .. وانا تكلمت عنها في موضوع سابق في هذا المنتدى وه التشغيل الخاطئ اذا كانت سيارتك من السيارات الحديثة فيجب عند التشغيل الانتظار حتى يقوم الكمبيوتر بالقراءة الصحيحية لاجزاء او قطع السيارة المترابطة معة .. اما السبب الثاني وهو عدم دوران زيت القير بالشكل الصحيح ويكون من الطرمبة

بارك الله فيك

يعني ظنك ان المشكله عندي من الطرمبه؟
انا اذا شغلت السيارة وانتظرت دقيقه ما احس بأي مشكله
بس اذا كنت مستعجل وشغلت وعشقت القير على طول، تجيني هالحاله اللي ذكرتها وهي ان السيارة ما تمشي من نفسها واذا دعست البنزين تمشي بثققققققل بس ما تطول 3 او 4 ثواني وترجع الامور تمام.


طيب سؤال ثاني، لو تركت الطرمبه ما صلحتها بيجيني يوم تقول السيارة هذا مكاني؟

مشكور

[محسن اليامي]

السلام عليكم ورحمة الله
يجب عند التشغيل الانتظار حتى يقوم الكمبيوتر بالقراءة الصحيحية لاجزاء او قطع السيارة المترابطة معة ..

أحسنت يا DARK2 وهذا اللي أسويه في موتري الفتك ودايما أنصح الشباب فيه وتراه مكتوب في دليل المالك

وبالنسبه للمشكلتك إن شاءالله يفيدونك الشباب الطيبين

[بدوي جنوبي]

كلام الاخ دارك صحيح ،، عند فتح الوتش
لجيمع السيارات الحديثه خاصة المزودة بكمبيوتر
الانتظار لمدة 5 ثوانى على الاقل لان في هذه الحاله يقوم الكمبيوتر بالتشييك على
كل حساس لاجزاء السياره ،،،
فأذا ظهر حساس معطوب تصبح لمبته شغاله (ما تطفى)
واصلا يوجد جرس انذار عند التشغيل وهو يعتبر مثل التحذير
اذا طفأ الجرس بعد مدة لا تتجاوز ال 5 ثوانى بأمكانك التشغيل

بعض السيارات مثل الصناعه الالمانيه لابد ان يحتمى القير حتى يعطى استجابه سريعه
لان الزيت وهو بارد يكون صعب الانتقال والمرور بين اجزاء القير

طبق هذه الخطوات وان شاء الله لا يوجد اى خلاف بالقير

بالتوفيق

تحيتى للجميع

[Cool 3la 6ooL]

الحمدلله تم حل المشكله
تم تغيير فلاتر القير (عددها 2) وتغيير الزيت وانحلت بفضل الله