دبل الجمس الجديد .. !! [الأرشيف]

مشاهدة النسخة كاملة : دبل الجمس الجديد .. !!

جمس قطعه 10

09/09/2009, 03:26 PM

السلام عليكم ورحمة الله وبركاته

احب ابارك عليكم بالشهر الكريم ومااسرعها من ايام ونحن نمضي بـ الـ 10 الايام الاخيره نسئل الله عز وجل نكون
من عتقاه من النار ومن تقبل الله منهم صالح الاعمال يارب العالمين
مشكلة اعاني معه وراح آذكرها بالتفصيل واحتاج ارائكم معي بالموضوع اسعدكم الله ماحييتم ومابقيتم ::
جمس موديل 2006 دفرنسين ][ دبل ][ اوتماتيك يعمل باالازرار ومعروف لاصحاب الجموس او اليوكون
ياتي بنفس الشكل والاستعمال ممشى 78 الف كيلو .. أي انه تعدا ضمان الوكاله للاسف الشديد المشكله
كاالاتي ~ قبل مدة وضعت القير على R ولكن اتفاجا عدم شبكه ويطلع صوت زي الجنزير او السير وصار
بين مده ومده لايرجع السياره الا الخلف الا على AUTO الزر الاعلى بالدبل او الدبل الخفيف .. قبل اسبوع
امشي في طريق الملك عبد الله بدت السياره تقطع مع الاحساس بالقير التقطيع وقفت عند الاشاره جيت بمشي مره ثانيه
السياره على D ولكنها مامشت برضو رجعت وشبكت على ATOU مره ثانيه ومشى على D ولكن بصوت اذا هديت
او لفيت ذهبت لعدة ورشات منها شلنجر في الصناعية القديمه طلبو مني فك الدبل .. القير السعودي للاتاومتيك جنب
تشلنجر قال فحص بـ 200 ريال تقريباً ذهبت الى سوادني مدحوه لي في الصناعية القديمه اسم الورشه القير السعودي
برضو بس ورشه صغيره وشرحت له المشكله بالتفصيل قال شف هالتاهو زي مشكلتك للاسف .. طيب كيف وليه
وليش وش السبب ماعطآني سبب مقنع وقال شركة GMC تبي هالشي يكون بسيارتها وعشان تنتفع بقطع الغيار
مو زي الجموس القيدمه ممكن كلامه يكون صحيح او لا .. مالكم بالطويله عطآني حلين لاثالث اسف نسيت آقولكم
صارات المشكله من الدبل وليست من القير بعد الشرح والاخذ والعطا لاني رحت بعده وكالة العيسى ودخلت على
السوبر فايزر المهندس قالو لي نفس الكلام المشكله من الدبل طيب افصلي الدبل ماابيه صار الدبل مشبوك مع المكينه
على عامود القير على الدفع الخلفي يعني كلهم يشغل الثاني والاساس الدبل نرجع للحلين اللي لاثالث لهم اللي هو
:: توضيب << وشي يخووف جداً ثانياً دبل من التشليح << وبرضو يخووف ماتدري وش استخدام اللي قبلك ..
والاسعار التوضيب على 4000 .. الدبل التشليح بـ 4800 .. اعتذر عن الاطاله .. اللي عنده أي خلفيه بالموضوع
او مرت عليه المشكله يفيدني ويفيد غيري من عنده نفس المشكله .. والغريب بالموضوع ان مافيه سبب لهذا العطل وخاصه المبلغ الضخم ..

اخوكم جمس قطعه 10

saad.saud

10/09/2009, 03:36 AM

السلام عليكم
الله يعينك ... لكن أخوي رتب موضوعك زين والشباب كلهم خير وبركة يبي يفزعون لك ..
لكن لاتسوي شيء حتى تسمع من الشباب

بانكر

10/09/2009, 03:42 AM

سلام عليكم
اللي فهمتوه ان دبل الموتر خربان و اذا ماعندك مشكله شف
عندك ياطويل العمر صناعية العويضه في الرياض رحلها
و اسئل هناك عن حقين الدبلات و راح تلقا الحل عندهم
باذن الله

و الله يسمح امرك ان شاء الله

جمس قطعه 10

11/09/2009, 12:57 AM

معليش اضطريت آكتبه من جديد عيا يضبط معي

اتاسف مره ثانيه

ابو ريان1881

11/09/2009, 04:15 AM

حاول تستدل على صاحب خبره لان الدبل والقير اسهل ما على الفنيين قولت غير بس مع العلم انه يوجد اصحاب خبر ممكن يختصر عليك الدعوى بتغير قطعه بسيطه

بدوي جنوبي

11/09/2009, 04:28 AM

تم ترتيب الموضوع :D

جمس قطعه 10

11/09/2009, 04:33 AM

حاول تستدل على صاحب خبره لان الدبل والقير اسهل ما على الفنيين قولت غير بس مع العلم انه يوجد اصحاب خبر ممكن يختصر عليك الدعوى بتغير قطعه بسيطه

الله ينور عليك يااخوي ابو ريان .. كلامك عين العقل وهينآ مشكلتي بالموضوع

فاقلت آن شاء الله الاخوآآن يفيدوني آكثرر .. او ينصحووني بورش خاصه بالدبل والقيور

جزيت خيراًً

جمس قطعه 10

11/09/2009, 04:34 AM

تم ترتيب الموضوع :D

بدوووووووووي جنوووووووووووبي :D

يالبببببببى قلبك .. من زمآآن عنك :no:

مشكووور على تزبيط الموووضوع:p

لاتقطع :o

اخوك جمس قطعه 10:rolleyes:

راعي المجهم

11/09/2009, 04:35 AM

جمس قطعه 10

11/09/2009, 06:52 AM

أخوي مشكلتك بسيطة جداً جداً صارت لي نفس المشكلة بالضبط

وكل واحد يقول توظيب والثاني القير تعبان .....الخ من التشخيصات الغلط

أخوي شيك على حساس الدبل ومجموعة مفاتيح الدبل الأزرار

مشكلتي طلعت من حساس الدبل قيمته أعتقد 400 حاجة زي كذا قبل 3 سنوات صلحته

أو شفلك واحد معه جمس زي موترك وفك حساسه وجرب

أذا ضبط أشتر حساس أول جرب

يامرحبا تراحيب المطر ياراعي المجهم

ياليت يكوون كلامك صحيح وآرتاح من هالهم اللي نزل علي

عندك فكره وين مكان الحساس بالضبط ..!

والنقطه الثانيه وين القا وآحد يعطيني حساسه سلف :D

لان فيه اوقات الموتر يمشي زي العسل ماشاء الله .. آكثر مايوقف فيه R او D اذا احتر الموتر

الف شكر مره ثانيه :good:

baaasss

11/09/2009, 11:47 PM

المشكلة في الحساس
التوضيب ماله دخل ابدا

DARK2

12/09/2009, 12:08 AM

يامرحبا تراحيب المطر ياراعي المجهم

ياليت يكوون كلامك صحيح وآرتاح من هالهم اللي نزل علي

عندك فكره وين مكان الحساس بالضبط ..!

والنقطه الثانيه وين القا وآحد يعطيني حساسه سلف :D

لان فيه اوقات الموتر يمشي زي العسل ماشاء الله .. آكثر مايوقف فيه R او D اذا احتر الموتر

الف شكر مره ثانيه :good:

اخوي اذا كان الموتر مثل ماقلت بعض الاوقات يمشي زي العسل فمشكلتك كهربائية 100% ان شاء الله ودائما السبب يكون من الحساس لانة يعطي قرائة خاطئة للكمبيوتر وهي وضع N ولكن الخطوة الاولى حاول تفك ازرار الدبل وتنظفها والعملية سهلة جدا واذا مانفع تمر اي ورشة وتقولة بدلي الحساس وان شاء الله تضبط مهاك

big boss

12/09/2009, 12:45 AM

جرب احد يفحص لك الحساس
في ورشه مشعل العتيبي مر عليهم واسئلهم عن مشكلتك وقلهم على الحساس وهو بيعطيك الخبر الاكيد

الناموس

12/09/2009, 01:12 AM

اخوي اذا كان الموتر مثل ماقلت بعض الاوقات يمشي زي العسل فمشكلتك كهربائية 100% ان شاء الله ودائما السبب يكون من الحساس لانة يعطي قرائة خاطئة للكمبيوتر وهي وضع N ولكن الخطوة الاولى حاول تفك ازرار الدبل وتنظفها والعملية سهلة جدا واذا مانفع تمر اي ورشة وتقولة بدلي الحساس وان شاء الله تضبط مهاك

انا اؤيد كلامك 100%

لأنه منطقي بصراحة

نقطه

12/09/2009, 02:13 AM

صباح الورد

المشكله بالحساس حصلت مع أخوي وغيره وما شاء الله صار مثل أول وأحسن