المساعد الشخصي الرقمي

مشاهدة النسخة كاملة : إلي عنده معلومات عن أمتار جلد مراتب السيارات


غالي
09/09/2009, 05:43 PM
السلام عليكم ورحمة الله وبركاته



أخواني الي عنده خلفيه عن اسعار الجلد حق المراتب الي تنباع بالمتر


اليوم رحت لمحلات التنجيد بصناعية العروبه


وابي بس متر ونص في مترين


قالي ب100 ريال


هذي اسعارها ؟؟؟


اخبرها ارخص بكثير


والي يعرف مكان بشمال الرياض او وسط الرياض اسعاره زينه يدلني عليه هاليومين


وشاكر لكم
ابوحمد666
09/09/2009, 06:54 PM
حياك الله وابشر يا غالي الاثمان غلوك بالحيل
وانت با الدائري الجنوبي وجهك شرق انزل مع مخرج الخرج شمال بعدين ع طول وصار وجهك شمال الحين بيجيك جسر خليك فوق بعدين بيجيك اشارة السالم للزجاج السيارات على طول دوغري بيجيك جسر لا تصعد الجسر امسك اليمين بجيك اشاره اطلع يمين طبعا هذا شارع الامير سلمان الممتد من مخرج 17 طبعا اول ما تلف يمين صار وجهك شرق اول فتحه على اليمين على ما اعتقد اول ثاني فتحه بس الظاهر الاولى راح تلاقي المحلات على اليمين والسيار محلات واجد وراح ان شاء الله تلاقي انواع واشكال
بالنسبه للاسعار المتر يبداء من 4 ريال وانت طالع
اما المتر الالماني فا اعتقد ان سعره من 70 وطالع عاد انت وشطارتك
وبا النسبه للافضل والاسعار لو تسئل محل تنجيد راح يفيدك اكثر قبل ما تشتري
تحياتي لك
غالي
09/09/2009, 06:58 PM
الله يجزاك بالجنه ووالديك ماقصرت وبيض الله وجهك

وبمرهم بعون الله هاليومين

ماقصرت اخوي ابوحمد