خبراء الهايلكس و الددسن يتفضلون ^_^

[ابو غمارة]

السلام عليكم


هلا و الله بشباااب مكشات

اخباركم ان شاء الله بالف بصحة و عافية

انا و الله ابي استشيركم في الموترين طبعا غمارة و ايهم افضل في هاذي الاشياء

1 : موتر يصبر على الكرف

2 : ممشاه ممتاز في البر ( منب راعي مراقى ) يعني اهم شي ادخل و اطلع بدون مشاكل و تغريز كل شوي

3 : قطع غيارة متوفرة و رخيصة

4 : قوية نوعما في الطلعات

5 : قليل الخرابات



و هاذولي اهم شي و يا ليت تنصحوني بالافضل لاني صراحة ابي موتر للبر و ما يبهذلني في الرمل و التغريز



و اكون شاكر و مقدر لكم :D

[اسير الغضا]

انا و الله ابي استشيركم في الموترين طبعا غمارة و ايهم افضل في هاذي الاشياء

1 : موتر يصبر على الكرف

2 : ممشاه ممتاز في البر ( منب راعي مراقى ) يعني اهم شي ادخل و اطلع بدون مشاكل و تغريز كل شوي

3 : قطع غيارة متوفرة و رخيصة اذا كنت بالقصيم فقطع الغيار متوفره ماودي اقول بالبقالات بعد

4 : قوية نوعما في الطلعات
الهايلكس اقوى عزم
5 : قليل الخرابات
كلهن صبورات

الهايلكس شكله ازين واريح


وانا باختصار انصحك بالهلي

[Nawaf alrawaily]

حياك الله اخوي

بصراحة أنا انصحك بالددسن لأن بصراحة مريحة مع الخط وممتازة في البر وفراملها جداً ممتاز ماهوب مثل الهايلكس فية حذفة وبعدين حديد الددسن أقوى بشوي من الهايلكس وأنا من الناس لو تخيرني بهايلكس موديل 2010 صدقني راح أختار ددسن موديل 79 يعني مافي أحسن من الددسن . ولا تنسى بأن الددسن يابانية 100% عكس الهايلكس .
وللحديث بقية

[قرم العيال]

خذ هلي من القديمات 2005 وتحت من النظاف

[قناص حفراوي]

والله كلهن زينات ان بغيت الصدق
كل وحده تغطي على الثانيه بشي
وانت بكيفك وانا من ناحيتي افضل الددسن على الهلي
ومثل ما قال اخوي " عشق وجنون " الددسن حديد اقوا من الهلي

[اسير الغضا]

اللي قالو حديد الددسن اقوى من الهايلكس
انا اعارض الددسن اوله زين واخره شين والهايلكس العكس
يعني لو تجيب هايلكس وددسن وجه لوجه وبسرعه خفيفه الهلي هي اللي تنعجن

بس لو يصير على سرعه الددسن تنعجن


وانا شايف بعيني حادث بالبر على المطينه اللي تودي للمغيسليه على سرعة 80 وجه بوجه
وكلهن غماره والددسن صارت عجين

[حمد الأحمد]

شف أخوى التغريز لابد ولا هب يعتمد على السيارة يعتمد على السواق

أنا أنصحك بالهايلكس لاني معي هايلكس

ومافيه شك إن الهايلكس أقوى مكينة وأكثر شعبيه

[أبو لينا]

الهلي وبس.............

[وادي السرحان]

السلام عليكم

انا انصحك مثل ماقال قرم العيال


خذ هلي من القديمات 2005 وتحت من النظاف

واضيف عليه

والددسن كثير خراب

ويبله تشديد دايم

والهيلكس قيمتها فيها..

انا ماجربت الددسن ولاكن كل من جرب يقول ابعد

[عويذر]

مرحبا اخوي
الهلي انضر واشكل :no:
الددسن اصبر وتحمل بالصحراء اكثر :good:
النصيحه
خذ ددسن 2008 جديده مكيف دركسون هواء
وزود لها ريشة سسته وراء وارفعه من قدام 3سم وركب كفرات 225/75
ان شاء االله تدعيلي بخير
ودمتم بخير ;)

[ابو غمارة]

شكرا على مروركم العطر

بس الحين نبي نركز في البر ( ممشى ) و الخرابات ( تحمل كرف حمير )

و يا ليت تعطونا من واقع تجربة

[بيضا القاع]

انا اخوك عندي ددتسن غماره في البر والطعوس اخف من الهلي لاكن المكينه للهلكي اقوى وافضل ويستحمل اكثر من الهليكس وانا عندي مو 92 و2006 وكلهن شغالات والله من طلعتهم من الوكاله احسن ما يكون لاكن المشكله لوحيده في الجديد ما يستحمل الوزن الكثير انا عندي بو غماره فوق 30 ربطه رودس او 40 يطيح من وله فسلات مره ويغرز وشوف الازين لك

بختصرلك اذا تبي كرف خذ ددتسن وما عليك من حد

[ابو غمارة]

^^^^

شكرا على مرورك العطر

[ساري 111]

الهايلوكس افضل بس غاليه
والددسن اعتقد سعره زين

بس الددسن كل مامشت اكثر يضعف عزمه يعني تجيب وحده ماشيه 50 الف وتجيب وحده جديده تلقى بينهن فرق واضح

اما الهايلوكس عزمه ثابت سوا جديده او ماشيه 100 الف

[ابو غمارة]

شكرا لمروركم

طيب يا شبااب ابي اسئل عن الممشى في الرمل

يعني ادخل و اطلع و انا ظامن الموتر ولا لا ؟؟؟؟

[سنافي 00]

شف اخوي .. اول شي الله يكتب لك الخير ومافيه وصل الاستخاره قبل كل شي .
بانسبه لي واكلمك من واقع تجربه شخصيه لم ارى في قوة التحمل والصبر والكرف مثل الددسن وليس معنى ذلك ان الهايلكس لايتحمل جميعها تتحمل لكن الددسن اكثر تحمل وبالنسبة للمكينة الهايلكس اقوى من الددسن وقضية الدخول في الرمل ركب للموتر ددسن كان اوهايلكس كفرات اعرض من كفرات الوكاله ونسم على 15 وازهله مع الخبره في القياده في الرمل والحمدلله كل الموترين قطعنا بها النفود ماشفنا شر , وكلهن لهن شعبية ولها زباين وهذا مايخفيك .. وانا رايي تاخذ لك ددسن .. والرأي الاول والاخير لك ولاتنسى الاستخاره.....

[ابو غمارة]

شكرا لك يا سنافي 00

على مرورك العطر و المميز

و شاكر لك و مقدر

و طبعا الاستخاره قبل كل شي

[أبوغمارة]

لاتتعدى الددسن يا سميي :)

[راعي الفتك 9]

انا و الله ابي استشيركم في الموترين طبعا غمارة و ايهم افضل في هاذي الاشياء

1 : موتر يصبر على الكرف

2 : ممشاه ممتاز في البر ( منب راعي مراقى ) يعني اهم شي ادخل و اطلع بدون مشاكل و تغريز كل شوي

3 : قطع غيارة متوفرة و رخيصة اذا كنت بالقصيم فقطع الغيار متوفره ماودي اقول بالبقالات بعد

4 : قوية نوعما في الطلعات
الهايلكس اقوى عزم
5 : قليل الخرابات
كلهن صبورات

الهايلكس شكله ازين واريح


وانا باختصار انصحك بالهلي

1-أكيد الددسن
2- أكثر راحه
3- قطع الغيار متوفره في كل مكان
4- الهايلكس أقوى عزم
5- الددسن معروف بقلة خرابه والدليل شوف الموديل القديم أيهم أكثر

[أبوسعود711]

اخوي انا معي ددسن 2007 الصراحه رايقه بمعنى الكلمه احمل عليه حمل الله لا يوريك من تبن وانت بكرامه والبر ما عمره قالت اح اروح للشمال وللجنوب ما تطلب الا زيت وكفرات وبنزين وتخيل بالبر كنت مستعجل وامشي بالبر 130 وما قلت اح .
وانا نصيحتي انك تاخذ ددسن سوا كانت غماره ولا غمارتين

[أبوسرور2009]

يارجال واللة العظيم أن واحد من الجماعة معة ددسن 2006 ياخي أشتكا منها ليش يقول ومعروف بين الدداسن القير يطلع أصوات أذا فصلت العداد وزيوت وعمي معة هلي 2002 ماعمرةأشتكا منها أبدا يكدها كد وأقوا من الددسن عزم وسرعة ومع النفود حتى لونك راعي مراقي وأقوا من الددسن 2004 الي دايم ينكسر كيرها هالدداسن أشتر2005 وتحت وأفضل 2002 وشكرا

[ابو غمارة]

شكرا لمروركم العطر

و شكلها بتصفى على هلي :)

[موسمي هو صيدي]

يا اخي شف انصحك بالهايلكس بس من موديل 2002 الى2005 لانها صدام مهب ربل وثانيا تصنيع وتجميع ياباني مهب مثل البقر ( الهلي من 2006 .......)
تجميع تايلندي والتغريز والله لو مك vx-r وتدخل مكان تغريز مغرز مغرز

[مخاوي نجد]

لا هايلكس و لا ددسن


( نافارا )

http://www.alobaidi-cars.com/carsphotos/912_4.JPG
-
http://www.alobaidi-cars.com/carsphotos/912_8.JPG

http://www.alobaidi-cars.com/carsphotos/1170_8.JPG
-
http://www.alobaidi-cars.com/carsphotos/1170_9.JPG
-

-

-
http://www.alobaidi-cars.com/carsphotos/98_1.jpg
-
http://www.alobaidi-cars.com/carsphotos/98_2.jpg
-
http://www.alobaidi-cars.com/carsphotos/98_8.jpg
-
http://www.alobaidi-cars.com/carsphotos/98_9.jpg

http://www.alobaidi-cars.com/carsphotos/1043_8.JPG
-
http://www.alobaidi-cars.com/carsphotos/1043_9.JPG
-

[ك ح ن 027]

وعليكم السلام ورحمة الله

1- الهايلكس الجديده 2006 وفوق مب راعية كرف لأنها تتهربد على طول .

2- من ناحية البر والنفود اكيد الهايلكس افضل من الددسن لأن المكينه اقوى .

3- قطع الغيار كلها اسعارها معقوله والقطع متوفره .

4- الطلعات الهايلكس اقوى وافضل .

5- الخرابات كلهم خراباتهم قليله لكن الهايلكس اقل خرابات من الددسن .

واللهم اكتب له اللي فيه الخير .

[العرض داري]

النافارا حلوه :good2: لكن ما تجي غمارة:mad:

انا افضل هايلكس غمارة او ددسن اهم شي يكون دفرنسين

لكن بنسبة لتغريز لو كان معك اكسنت وسوق راح تمشي ولو معك شاص وانت وما تديره راح تغرز

استخر وشاور

[MjNo0oN]

اخوي اسمع نصيحة مجرب

انا كان معي ددسن غمارتين 2003 صراحه دبل كبدي عزمه + خراباته + سمعته = مهيب مثل ما نسمع اصوات خذ وخل + خرابات صحيح انها قليله و خفيفه وتصليحها ماياخذ وقت + العزم اقرب ماله ميت

لاكن انا اشهد له في قطع الغيار تلقاها في اقرب بقاله و بأرخص الاسعار ويمكن تتعدى نصف قيمة اسعار قطع غيار الهايلوكس

طبعا انا جربت اكثر من موتر في النفود سواء ددسن او هايلوكس دامك سواق ماعليك خوف لاكن الافضل و الاقوى في الطلعات و النفود اكيد الهايلوكس وفي نضري ان الهايلوكس اخف نفس من الددسن في كل مكان

ورايي من مجرب للثنين سواء غماره او غمارتين في كل شي انا افضل الهايلوكس الا في شيين البدي و اسعار قطع الغيار اكيد لصالح الددسن وهاذي تقدر تتاكد بها بنفسك في الصناعيه او الوكاله ((مع ان اسعار القطع الاصليه متقاااااربه جداً))

وقبل ما تشتري انصحك بالهايلوكس + الاستخاره

[Nissan hail]

دتسن دبل طع شوري ومانت ندمان

[3ashkas7ary]

هلي يا بعد كلي ددسن عزم مهناش وراحه حول بعض
2010 2011 ليست يابانية وفيها من 2005 إلى 2011 مشكله في البيبان

[أبوسلامة]

قل لاإله إلا الله وصل على النبي اللهم صلي وسلم عليه اللي يخلي الددسن من يوم عرفناه ولا أسبه لاكن عزمه هو واحد ماتغير
2400 اللهم زودوا الاحصنه وصارت 160 حصان وصارت المكينه بخاخ لاكن الهلي من ال97 وتحت كانت 2400 مكينه كلبليتر جت ال98 إلى 2001 زادو قوة المكينه إلى 2700 برضو كلبليتر جت ال2002 إلى 2005 نفس القوه ولاكن انه بخاخ وعدد الاحصنه 157 بعده نزلت ال2006 إلى 2011 نفس القوه ولاكن زادو عزم الصمامات (vvti)
المهم من الكلام ذا كله ماصارت الهلي وخاصة ال2005 وتحت تاصل قيمة الجيوب إلا انه تستاهل فعلاً من يجربه
وبالاخير استخر الله سبحانه وتعالى وحط في بالك ان التويوتا كاش لراعيه يعني ماراح تخسر بإذن الله آسف على الإطاله

[ziran]

اخوي اسمع نصيحة مجرب

انا كان معي ددسن غمارتين 2003 صراحه دبل كبدي عزمه + خراباته + سمعته = مهيب مثل ما نسمع اصوات خذ وخل + خرابات صحيح انها قليله و خفيفه وتصليحها ماياخذ وقت + العزم اقرب ماله ميت

لاكن انا اشهد له في قطع الغيار تلقاها في اقرب بقاله و بأرخص الاسعار ويمكن تتعدى نصف قيمة اسعار قطع غيار الهايلوكس

طبعا انا جربت اكثر من موتر في النفود سواء ددسن او هايلوكس دامك سواق ماعليك خوف لاكن الافضل و الاقوى في الطلعات و النفود اكيد الهايلوكس وفي نضري ان الهايلوكس اخف نفس من الددسن في كل مكان

ورايي من مجرب للثنين سواء غماره او غمارتين في كل شي انا افضل الهايلوكس الا في شيين البدي و اسعار قطع الغيار اكيد لصالح الددسن وهاذي تقدر تتاكد بها بنفسك في الصناعيه او الوكاله ((مع ان اسعار القطع الاصليه متقاااااربه جداً))

وقبل ما تشتري انصحك بالهايلوكس + الاستخاره



اسأل مجرب ولاتسأل طبيب

[الوايلي...501]

ددسن فقط

انا انصحك لوجه الله

[ذيب الشمالvtc]

شف اخوي .. اول شي الله يكتب لك الخير ومافيه وصل الاستخاره قبل كل شي .
بانسبه لي واكلمك من واقع تجربه شخصيه لم ارى في قوة التحمل والصبر والكرف مثل الددسن وليس معنى ذلك ان الهايلكس لايتحمل جميعها تتحمل لكن الددسن اكثر تحمل وبالنسبة للمكينة الهايلكس اقوى من الددسن وقضية الدخول في الرمل ركب للموتر ددسن كان اوهايلكس كفرات اعرض من كفرات الوكاله ونسم على 15 وازهله مع الخبره في القياده في الرمل والحمدلله كل الموترين قطعنا بها النفود ماشفنا شر , وكلهن لهن شعبية ولها زباين وهذا مايخفيك .. وانا رايي تاخذ لك ددسن .. والرأي الاول والاخير لك ولاتنسى الاستخاره.....كلاممممممممك درر

[جديعان]

انا املك ددسن 2008 جي ال ما شا الله من طلعتها من الوكاله ما شكيت منها طلعات وروحات وجيات

بالبر ما تغرز ابد نسم الكفر 15 ورصها بثنين المحل اللي تبيه تاااصله

[ابونبيل]

الممشى بالتراب لا خلاف انه من صالح الهلي

رح محلات التطعيس وشف الطعس يعج بالهليات وهذا شي معروف

وترا كلهم قويات لاكن عزم الهلي اقوى وتمسك سعرها ومريحه اكثر من الددسن

ارشح الهلي لاني مجرب الثنتين فرق شاااسع

[السبيعي 503]

والله وانا اخوك كلن ورغبتة



الهايلكس ممنتااز بس الجديد يتفكك بسررعة يعني فيبر وقرووشة


والددسن صبور بس الهايلكس اقوى منة في البر والطلعات





والله يوفقك

[السبيعي 503]

شكرا لمروركم

طيب يا شبااب ابي اسئل عن الممشى في الرمل

يعني ادخل و اطلع و انا ظامن الموتر ولا لا ؟؟؟؟



وانا اخووك الضامن رب العالمين



انت وسواقتك وراعي الجيب ماايضمن الا بعد توفيق الله

[M Fox]

حياك الله اخوي

بصراحة أنا انصحك بالددسن لأن بصراحة مريحة مع الخط وممتازة في البر وفراملها جداً ممتاز ماهوب مثل الهايلكس فية حذفة وبعدين حديد الددسن أقوى بشوي من الهايلكس وأنا من الناس لو تخيرني بهايلكس موديل 2010 صدقني راح أختار ددسن موديل 79 يعني مافي أحسن من الددسن . ولا تنسى بأن الددسن يابانية 100% عكس الهايلكس .
وللحديث بقية



هههههههههههههههههههههههههه
هههههههههههههههههههههههههه
هههههههههههههههههههههههههه
هههههههههههههههههههههههههه

سلام يالهرج الواقعي .. أجل لو خيرتك بين هايلوكس 10 و ددسن 79 تختار الددسن ... انت يا انك تستهبل يا إنك تستهبل .. بالغ بس مهب كذا يرحم والديك ..

[ابونبيل]

شف واحكم

http://www.youtube.com/watch?v=ALtziV4a2GI

وشف هذا وضح واحسن
http://www.youtube.com/watch?v=K5unEtOfUMY

[مكشاتي اصلي]

انا معي هايلوكس وخويي معه ددسن نروح للنفود اول كلنا نغرز وبعدين تعلمنا صرنا كلنا ما نغرز
كلهن من ناحية لعزم قويات وممشاهن بالنفود على السواق
وانصحك بالدفرنسين هلي ولا ددسن
كلهن واحد الا بشي واحد عند البيع الهلي احسن