المساعد الشخصي الرقمي

مشاهدة النسخة كاملة : اخواني الاعزاء اصحاب الخبرة والمعرفه افيدوني جزيتم خيرا


وادي النوم
10/09/2009, 02:02 PM
شبابنا الله يوفقكم لكل خير


ويجعلكم في هالشهر والعشر من المقبولين


اخوي طلع جيب جي اكس آر 2009


سبيرين وونش


لكن عنده استفسارات الله لايهينكم


1/ ماهو افضل محل ينجد السيارة بالرياض تنجيد ارضي (البلاستيك )


2/ ماافضل محل يقوم بتلبيس المراتب حيث يوجد عندنا عمال غشمان يلعبون بالمواتر


3/ ينقص هذا النوع عده مواصفات


هل يوجد محل يكملها


1/ الشاشة جارمن


2/ حساسات


3/المراتب الامامية طريقتها بدائية ماترتفع ولاتنزل


4/ شاشة الفيديو الدفيدي


5/ بعض المواتر تعطيك كم عبيت لتر بنزين وكم بقي هذا النوع ليس فيه هذه الخاصية


ياجماعة اللي يستطيع يفيدنا الرجاء لايحرمنا اسأل الله ان لايحرمه الاجر

قبل الختام اخوي راعي بر ويقول ابشيل السبير الاسفل وبخلي مكانه تانكي مويه وين المحل اللي

يركب التونكي الالمونيم بالرياض علما اانا شرق الرياض

ومارأيكم بفكرته مع العلم اني اقترحت عليه مايشيل السبير الارضي لصعوبه فك وتركيب السبير العلوي




شكرا للجميع وعذرا على الاطالة
ابولولو
10/09/2009, 05:11 PM
اخوي مبروك الموتر الله يعطيه خيره ويكفيه شره فيه ورشه اليحي يصلح توانك خل مقبره النسيم علي اليمين وانت باتجاه الشمال تجي اشاره امش اشوي تجيك علي اليمين تفتح شرق والتنجيد فيه وضاح ممتاز بس السعر عالي شوي وانت نازل مع مخرخ 17 باتجاه الغرب الين يجيك النفق اطلع معه ومع الاشاره جنوب وامسك الخدمه يجيك مسجد العويضه علي اليميت ادخل قبله يمين ووجهك غرب امش شوي يجيك علي اليسار داخل شوي ونصيحه لاتلبس الارضيه لان لو دخل مويه جوه رايح تطلع ريحه وصعبه تطلع الي اذا فكيت التلبيسه مجربه
Abu Saad
10/09/2009, 05:24 PM
اخوي مبروك الموتر الله يعطيه خيره ويكفيه شره فيه ورشه اليحي يصلح توانك خل مقبره النسيم علي اليمين وانت باتجاه الشمال تجي اشاره امش اشوي تجيك علي اليمين تفتح شرق والتنجيد فيه وضاح ممتاز بس السعر عالي شوي وانت نازل مع مخرخ 17 باتجاه الغرب الين يجيك النفق اطلع معه ومع الاشاره جنوب وامسك الخدمه يجيك مسجد العويضه علي اليميت ادخل قبله يمين ووجهك غرب امش شوي يجيك علي اليسار داخل شوي ونصيحه لاتلبس الارضيه لان لو دخل مويه جوه رايح تطلع ريحه وصعبه تطلع الي اذا فكيت التلبيسه مجربه

ورشة اليحيى..
من بداية رمضان وانا رايح جاي تلحيم في التانكي الالمنيوم (الجديد) !!
كل ماعبيته قام يخرخر ..
امحق شغل.
ابولولو
10/09/2009, 07:27 PM
ابوسعد الله يحفظك ويستر عليك انت صادفت مشكله وغيرك كثير وانا واحد منهم اشتغل عندهم ماشفنا الي كل خيرلايكون احد صاكك عين هههههه علي العموم فيه ورشه سوافي وورشه المميز تنقا وطب وتخير وموفق خير
Abu Saad
10/09/2009, 09:16 PM
ان شاء الله يفيدونك الاخوان الله يطعمك خيره ويكفيك شره.
وادي النوم
11/09/2009, 12:12 AM
الله يوفقكم لكل خير ويسلمكم من كل شر

لكن مادري عن بقية الاستفسارات

والا غثيتكم

الله لايهينكم
وادي النوم
11/09/2009, 03:09 PM
ياجماعة الله يوفقكم

وين تركب الشاشة وهل يوجد اصلي وين المحل

لاتبخلوا علينا ياشباب
ابولولو
11/09/2009, 05:16 PM
لاغثيتنا ولا شي انت تامر امر والاعضاء لبعض فيه الحميدان بالغرابي امام الضمان الاجتماعي والحوشاني عند اشاره الدوريات القديمه والغرابي مليان يركبون اي خدمه
وادي النوم
12/09/2009, 01:41 PM
أبولولو الله يوفقك لكل خير ماقصرت يالغالي

كما اشكر بقية الاعضاء على الذين تشرفت بردودهم

كما إنني لااسغني اطلاقا عن ارشادتكم وتوجيهاتكم
الاصلي
12/09/2009, 10:05 PM
اخوي ادخل موقع تويوتا العربيه راح اتحصل كل الاجوبه والفايده ان شاء الله
رعد الصحراء
13/09/2009, 05:25 AM
العليان على طريق خريص
الغرابي فيه كل شي وكل المحلات اللي هناك خاصه بلوازم السيارات
’’تـقبل مروري’’