المساعد الشخصي الرقمي

مشاهدة النسخة كاملة : قطع غيار اليوكن


ابو العزايم
10/09/2009, 03:34 PM
السلام عليكم ورحمة الله وبركاتة

لدي يوكن 2008 ودي استفسر عن بعض قطع الغيار

الفحمات الامامية والخلفية

فلتر القير وعل كم يتغير

أفضل مكان لقطع الغيار الأصلية وانا سمعت ان العيسى ارخص من الجميح وبالبيد ارخص لكن هل بالبيد القطع اللي عنده أصلية

شاكر تعاونكم واهتمامكم مقدما
سوبر VTC
10/09/2009, 03:46 PM
و عليكم السلام و رحمة الله

اذا كان الموتر مخلص ضمانه
لا تحد عمرك على الوكالات باسعار صيانه خياليه
هذي ورش من الاخ ماجلان





عندك تشليح آل موسى في الصناعيه القديمه
فيه لبناني مسيحي دكتور كارونات للجمس فقط ويوزن الكوارين بالمللي
ادخل شارع العنوز وجهك شرق وخل السالم على اليسار وتعد اول محطة يبي يجيك مطعم بخاري على اليمين فيه شارع مقابله من شمال ادخل معه يجيك التشليح يسار...

والقيور فيه هندي بصناعية الخليج
دكتور قيور جموس وشفر اسمه صابر رقم الورشة 217
كاسره بالسعر لو فيه مشكلة توضيب

وفي عندك ورشة مشعل العتيبي على شارع الريم بالصناعية القديمة تخصص قيور جمس من 40 سنه

وفي عندك صناعية ام الحمام ورشة القحطاني رقم 11 سوداني فلته في الكهرباء




موفق
ابو العزايم
10/09/2009, 07:43 PM
تحياتي لك سوبر

والضمان لازال


شاكر ومقدر
ابو العزايم
12/09/2009, 12:18 AM
يا الربع محد يعرف قيمة الفحمات
Magellan
12/09/2009, 12:39 AM
يا الربع محد يعرف قيمة الفحمات
ليش تغيرها ياخي إلا إذا كنت في ديرة كلها طلعات ونزلات وتٌستهلك بسرعه
وفحمات جي ام تصبر بالحيل ...
إلا على فكرة كم ماشي موترك لأني أضمن إن الفحمات تعيش أكثر من 100 الف كيلو
وأفضل المحلات عندي التقوى والجزيرة والتويجري وباقادر والسبيعي
والوكالات ما أدري عنهم
قمة افرست
12/09/2009, 02:11 AM
الفحمات غالية بحدود 400 ريال الامامي
الفلتر مع الزيت تقريبا 350 مع التغييير عند الجميح
وفلتر الزيت يتغير كل 40 الف اقصى حد 60الف كيلو
القماش (الفحمات ) حسب حالته وشد البلد يطول يوصل فوق 100الف كيلو
ابو العزايم
12/09/2009, 02:16 AM
الله يعطيكم العافية موتري ماشي 35000 كيلو
ولازالت الفحمات ممتازة ولله الحمد بس انا سألت لأن فيه ناس خوفتني من قطع غيار اليوكن يقول غالية وحبيت استفسر من أهل الخبرة
سمعت ان المساعدات بعد غالية بالحيل

على العموم الله يوفقكم ما قصرتوا يالنشامى
باترول03
12/09/2009, 03:21 AM
لا يهمك جرب القطع الامريكي وانحش من اسي دلكو

الفحمات سعرها 100 الطقم الامامي ومثلها الخلفي ولا تخرط الهوبات ترى الموتر جديد
ابوابراهيم3
12/09/2009, 04:09 AM
ودي اسال بعد اذن اخوي ابوالعزايم

كم علبة زيت يشيل مكينة الجمس 5.3 بسيفون وبدون
لان والله العظيم حقين الزيوت بعضهم مايخاف من ربة يعبي على النية
ابو العزايم
12/09/2009, 04:09 AM
باترول وش نوع الفحمات اللي ذكرتها وهل انت مجربها
رآعي GMC
12/09/2009, 04:12 AM
الله يوفقك


بس أتوقع العيسى
ابووشمي1
12/09/2009, 05:30 AM
الزيت انا اعرف انه مع السيفون ياخذ 5،7 خمسه فاصله سبعه لاكن بدون سيفون ما ادري لاني اغير زيت كل 5000 خمسه الاف كيلو زيت وسيفون من زمان ولله الحمد والمنه بدون مشاكل
باترول03
13/09/2009, 06:01 AM
باترول وش نوع الفحمات اللي ذكرتها وهل انت مجربها


اي نعم لها على الموتر فوق ال 6 اشهر و اذكر ان لون الكرتون ازرق وكتوب عليه ناسكار NASCAR

انت اطلب القطعة امريكي ولا تاخذ ACDelco

وفيه نوع ارخص و كرتونه اصفر الطقم ب 90 ريال
مغلي
13/09/2009, 12:52 PM
ليه .... هل ال ACDelco سيئه .... اذكر اني ركبتها باليوكن (120 ريال)في الخلف وجلست تقريبا 5 شهور وانعدمت وخربت الهوبات وخرطتها ... تتأكل بسرعه غريبه مع انها بالخلف ... والمفروض ان الي بالامام هي الي تخلص بدري
مغلي
13/09/2009, 12:59 PM
لا يهمك جرب القطع الامريكي وانحش من اسي دلكو

الفحمات سعرها 100 الطقم الامامي ومثلها الخلفي ولا تخرط الهوبات ترى الموتر جديد



لو تحدد ايش افضل نوع من اي شركه ( جي ام - اي سي دلكو - .............)

وكيف اعرف انها اصليه او شبه اصليه .... لأن الغش وارد بشكل كبير
باترول03
15/09/2009, 01:02 AM
ال AC delco اشتهرت في السوق بانها الاصلي بحكم ان الوكالة نفسها تبيعها فالغش وارد فيها وهي في الاخير شركة لتصنيع قطع الغيار مثلها مثل اي شركة

اما الامريكي فالاقبال علي ضعيف لان العوام يدخل المحل ويقول وين الاصلي وبس
وبالعكس تجد جودة القطع الامريكية اعلى لان الغش فيها غير شائع