تحياتي لكم جميعا اخوكم جديد تحملوه شوي [الأرشيف]

سليمان 1391

10/09/2009, 03:38 PM

السلام عليكم ورحمة الله وبركاته لكل الموجودين في مكشات
تراني ياخوان انا جديد عليكم في مكشات واتشرف انني اتعرف عليكم جميعا ... هذا اول شي
ثاني شي الله يطولي بعماركم ودي اصيد في افريقيا مع شقرديه مثلكم ... اذا ماعندكم مانع اكملكم رابع ( بلوت ):) .......
شلتي كلها يحبون الصيد بشعبان المملكه مايحبون الصيد بالخارج
ترا العزبه جاهزه واهم شي البيز ( هات البيز رد البيز جب البيز ) واثر البيز خرقه
لاعدمناكم
ويسعد قلوبكم ولا يريكم مكروه
اخوكم سليمان من الرياض

شموخ جبال

11/09/2009, 12:48 AM

وانا احسبن معك اذا اداره مكشات تبي تنظم رحله صيد للخارج شي طيب والله

وبرسوووووم يعني مثلا نقول 3000 ريال لكل شخص

مناااااااااسبه والله

سليمان 1391

11/09/2009, 02:01 AM

وعليكم السلام ياشموخ جبال

صقرحايل

11/09/2009, 04:10 AM

مرحبا اخوى سليمان 1391
والله انا مثلك واذا تبى تجى عندى باحايل ابشر وانا اخوك نطلع ونصيد ونتمشا وتتفرج على حايل
وطبيعة حايل والله انه تعجبك ويمكن ما تفكر تطلع براء المملكه
وانا بخدمتك اخوى وشكرا

سيف الرعد

11/09/2009, 10:58 AM

جميل جدا ان يكون هناك رحلة صيد بافريقيا لاعضاء مكشات
وانا على استعداد للتنسيق والاعداد في حالة توفر الاعضاء
والتقائهم قبل السفر للتعارف !

تحيتي

shaheen70

11/09/2009, 08:54 PM

أخي العزيز سيف الرعد ودنا
بالتنسيق وأنشاء الله بيحصل
دامك موجود بارك الله فيك
أخوك shaheen70

سليمان 1391

12/09/2009, 12:42 AM

كفو والله ياصقر حايل
تسلم واعتبر والله دعوتك تاج على راسي
ماهي غريبه عليكم يانشاما حايل
وتقبل تحياتي

سليمان 1391

12/09/2009, 12:48 AM

تحياتي سيف الرعد والتحيه لكل فرد في مكشات
خلاص مادام الموضوع بيد الله ثم بيدك اجل انشالله الموضوع فيها صيد
والله يعطيك الف عافيه
وتقبلو تحياتي وتواجدي بينكم
اخوكم سليّم

العتيبي %

12/09/2009, 05:28 AM

السلام عليكم
كيفكم اخواني في مكشات
والله الفكرة ممتازة وانا من المؤيدين
اخوي سيف الرعد نبي المساعدة وتنسيق
لانك الخبرة مشاء الله
ولا يهنون الاخوان
واتمنا التنفيذ من مكشات
وشكرا

الغواص البري

12/09/2009, 02:43 PM

وأنا معكم وأخونا النداوي مع سيف الرعد بيوصلونا لمبتغانا سجل راكب

القبس

13/09/2009, 06:15 AM

وانا بعد وياكم يا اخوان انتمني مثل خوة النشاما والقنص والوناسه معكم
تحياتي

شموخ جبال

13/09/2009, 06:56 AM

اخوي سيف الرعد ناقش الاداره في هالموضوع

فالكثير من الاعضاء ودهم والله

شموخ جبال

نـجم الـشمال

13/09/2009, 07:10 AM

سيف الرعد ترانا جاهزين ونتشرف
تتقبلوا مروري

القدهي

13/09/2009, 08:26 AM

السلام عليكم
ومبروك عليكم العشر الاواخر من رمضان

من ناحيه الفكره انا مؤيد لها ولكن يبيلها دراسه بسيطه

فكره راااااااااااااااااااااااااائعه واتمنى ان تتحقق

العود&& الازرق

13/09/2009, 01:25 PM

وانا مؤيد لها بصراحه شي جميل تكون مثل هاذي الرحلات وخاصه بين اعضاء مكشات

الهاشمي1

14/09/2009, 03:37 AM

توكلنا على الله خويكم بعون الله

المارد1

14/09/2009, 07:07 PM

والله ان هالفكرة براسي مبطي ماهو تو بس كنت مدري من وين ابدأ على العموم
يعطيك العافية ياسليمان على طرحها
والله يعطيك العافية ياسيف الرعد للتنسيق وأنا جاهز بعد وعلى خط النار لانويتوا ردوا لي
والله يوفق الجميع ويكتب اللي فيه الخير

سليمان 1391

15/09/2009, 12:07 AM

الله يعافيكم ياأخوان على الحماس
بأذن الله العلوم شكله زينه
والله يتمم على خير انشالله
الهمااااااااااااااااااااااام
:good:

بس انا اشوف مافي احد رحب فينا بالمنتدى ولا شي
اشوف الشله كلهم طايرين وبدون سلام
وين علوم الشقرديه

هاوي غماره

15/09/2009, 10:23 PM

مشكوووووووووووووووور

الادغال

23/09/2009, 12:30 PM

الله اكبر لو يتحقق هالحلم وقنص خارج السعودية راح ادعي لكم الى يوم الدين وخاصة مشرفنا العزيز سيف الرعد لانه على اتم الاستعداد للقيام بهذه الرحلة
ومن هنا نناشد ادارة المنتدى بالنظر في الموضوع بشكل جدي ووضع الشروط والاسعار لكل صغيره وكبيرة بخصوص هذا الموضوع وسجلوني معاكم ان شاء الله لو الرسوم 50000 ريال

وكلي ثقه فيكم يا ادارة المنتدى عموما وسيف الرعد خصوصا بتلبيه هذا الطلب

عز الهيلا

23/09/2009, 04:03 PM

ياريت انكم تنسقون مع بعض

سليمان 1391

27/09/2009, 02:42 PM

شكرا لكم على الردود الجميله والحماسيه
وبأذن الله كل شي ميسّر

ترفيد

28/09/2009, 12:05 AM

والله ياريت يا اخوان وانا اخوكم من ليبيا علي اتم الاستعداد في كل شي

ابوهادي11

28/09/2009, 03:04 AM

لاتخلووووووووووووووووووووني احسبوني معاكم

اخوكم ابو هادي من الكويت الموتر جاهز

راعي الصيد12

29/09/2009, 01:11 AM

أبشر ياسليمان بالخير حنا معك انت بس وجهنا لديرة زينة،،،

وهذا وقت المقناص والطلعات وانا معك والمنتدى فيه ربع شقرديه

وانا قنصت ارتيريا بس المشكلة السلاح مومتوفر والفشق غالي والديرة رخيصة سواء الدليله او السيارات

واذا احد يعرف اثيوبيا لايبخل ترا يمدحونها،،،،،

سليمان 1391

29/09/2009, 02:16 PM

كفوووووووووووووووو والله ياراعي الصيد 12
ويعطي الجميع العافيه الي معنا
حبيب قلبي راعي الصيد والله اني متحمس بالحيل
بس على رايك نبي ديرة مزبوطه وفيها كل شي حتى لو كانت غاليه
الواحد ياراعي الصيد يشتري راحته

عازف الإيقاع

29/09/2009, 05:44 PM

السلام عليكم ورحمة الله وبركاته

يا جماعه والله ودي بالقنص معكم لو تحطوني بالصندوق هههههههههه

والله ولي الشرف اني اتعرف على رجال شرواكم

المهم سجلو واحد نفر وردولي خبر من بدري عشان أزبط الاجازه

ومشكور يا اخوي سليمان على البادره الطيبه

سليمان 1391

30/09/2009, 09:35 AM

تكرم والله ياعازف الايقاع
نحطك بعيوننا وتصير اميرنا
وابشر والله بالخير انشالله
الرحله انشالله باين عليها على الابواب
والله يوفق الجميع يارب

:good:

Thenayyan

06/10/2009, 10:12 PM

الاخوة الاعزاء
يبدو ان المتحمسين الى الرحلة كثير ,,
وان شاء اللة الاخ سيف الرعد والاخ النداوى خبراء فى مثل هذة الرحلات وما يقصرون.
وانا معكم اذا بغيتو لكم شايب ويعرف بعض الشى,, لاكن المقناص فى تنزانيا على اخر الموسم والشركات اغلبهم مرتبطين من بدرى,, نتمنى من الاخوان جزاهم اللة خير الترتيب لهذة الرحلة على ان يكون الاجتماع التحضيرى عندى فى الرياض وللجميع اجمل التحاياوالامانى بمقناص لا ينسى.

ابو فهد

إًلْقَنْإًصْ

07/10/2009, 06:47 AM

فكرهـ رائعه والى الامام .

سليمان 1391

07/10/2009, 11:58 AM

قال أحد السلف
يا أخي إذا ذكرتني ادعوا لي
وإذا ذكرتك ادعوا لك
فإذا لم نلتقي فكأنما قد التقينا
[ فذاك أروع اللقاء ]
----------------------------
تتوق النفس للقياكم
وتجلو العين برؤياكم
يبيت القلب مكسورا
ونجبره بذكراكم
سألت الله يحفظكم
وفي الجنات نلقاكم
_____________________
اخواني اذا الله كاتب ان نلتقي سوف نلتقي
ويعلم الله انني متشوق لأخوتكم
فليس بعد هذا الكلام كلام

وانت يابو فهد على الراس والعين
وربك ميسّر الامور بأذن الله
بس لاتغلط وتشيل معك ام خمس والفشق بالطياره :D

شعيب الابييض

13/10/2009, 01:32 PM

قال رسول الله صلى الله عليه وسلم
لا يؤمن احدكم حتى يحب لاخيه ما يحب لنفسه.

بعطيكم رقم رجال في تنزانيا ما اعرف اسمه وهو سالم لكن نسميه (العامري)قبيلته طبعا
عنده كل حاجه ما عليك الا صندوق العزبه .
يوفر بنادق جديده قناصات شوازن وفشق متوفره وعمال اكثر من 5 وسيارات
ما عليك الا ترمي بس
هذا رقم الرجال00255784234922
سعر الفرد2500 دولار قبل سنتين
وسامحونا لو بدا منا قصور.

ادعوا لوالديني الله يرحم والديكم جميع