طريقة استخدام الدبل في الباث التماتيك؟ (فزعتكم) يالربع ! [الأرشيف]

PATHFINDER 4

11/09/2009, 01:31 AM

ياحيالله المكاشيت كلهم
ياجماعة الخير عندي باث تماتيك 2004 ولا عرفت استخدم الدبل الثقيل
كل شوي اسمع صوت قرررررررر قرررررررر

عطونا الطريقة تكفون سواء الخفيف و الثقيل:

هل أفضيه (N) ثم أشبكة ثم (D)
وبالنسبة للخفيف هل لازم تكون السيارة واقفة ولا عادي وأنا أمشي

تكفون شرح مفصل

ولا عدمناكم يانشامى

اسير الغضا

11/09/2009, 01:40 AM

شف يابعدي انا هذا استخدامي والموتر مزبوط معي
اذا جيت اشبك الخفيف احطه بأن واشبكه والوضع تمام بس ابوي يقولي يالذروز اشبكه وانت رادزي بالنفد
مب جايه شي على ضمانتي
ويفيدونك الاخوان بذي
بالنسبه للثقيل انا يقرقر معي قرقره مب صاحيه ويعيي يشبك الا بطريقه وحده
هو اني اذا احتجت للثقيل ومتى احتاجه اذا غرزت ولا لي حيل انسم
اطفي الموتر واشبكه ويشبك على طول بدون قرقره قل سبحان الله وتصدق اني ماادري ليش
لحظه واذا جيت افصله لازم اطفي الموتر ولا مب راضي يفصل

كل التحيات

سعد777

11/09/2009, 01:49 AM

اخي الكريم

الدبل في التماتيك تقريباً طريقة وحده

انا معي المبروك المرز في التوقيع

الخفيف اذا جيت تشبكه ونت تمشي من سرعه 40 وتحت لا بد أن يكون تشيل رجلك من دعسه البنزيم عشا يشبك بطريقه سلسه وبدون طق روس لأنك لو شبكته ونت رجلك داعس على البنزيم صدقني تسمع انواع الطقطقه ويمكن ينفرط مع الدبل انتبه او قبل ماتنوي تستخدمه وقف واشبكه وريح راسك م الشك

الثقيل اكثر السيارت اذا ماهي كلها لازم توقف وتضع القيير على وضعيه n وتفر الزر على الثقيل حتى تسمعه شبك واذ مانفع رب على تضع القير على وضع p وجرب يمكن مايشبك الا على وضعيه p
الصحيح ن الثقيل يشبك والقير في وضعيهn واذا ماشبك فيه مشكله لازم تحلها انت جرب

بدوي جنوبي

11/09/2009, 03:38 AM

تقريبا اغلب السيارات الدبل الخفيف H4 *
تشبكه وانت ماشى ما يحتاج توقف او تنقل عصا القير في ال N

اما L4 وهو الدبل الثقيل لابد من ايقاف السياره تماما ووضع القير في ال N
ومن ثم نقل عصا الدبل الى ال L4 اذا لاحظت ظهور صوت اثناء التعشيق قرررر

انتظر قليلا حتى يهدأ المحرك وحاول مره اخرى ،،، واذا كان المكيف شغال من الافضل تطفيته انثاء تعشيق القير لان عدد لفات المحرك تكون زايده عند عمل المكيف

وهذا يسبب صعوبه في التعشيق للدبل الثقيل
اذا لم تنجح معك الطريقه وما زال الصوت يظهر وقت تعشيق الدبل
اضغط على عصا الدبل برفق حتى اذا ظهر صوت قررررر واصل التعشيق لكن برفق
حتى يستطيع الدبل التعشيق بين التروس ،،،،

البعض يقوم بأطفاء المحرك للتعشيق ،،، لان المشكله ان بعض السيارات لا تقبل التشغيل الا اذا كان عصا القير في وضع ال P

* تعنى : ان الدبل الخفيف H4 في الحقيقه هو ليس دبل مجرد نقل الحركه
للدفرنس الامامى ،، لذلك تستطيع السير به لسرعات عاليه حتى 100 كلم
يجب مراجعة كتلوج السيارات ،، لاختلاف السيارات عن بعضها .

L: تعنى سرعه منخفصه وهى اختصار من كلمة LOW
H:تعنى سرعه عاليه وهى اختصار من كلمة High

بالتوفيق للجميع

2003أمريكي

11/09/2009, 04:37 AM

والله أنا يالغالي معي باث 2003

وإذا بغيت أشبك الخفيف أعشقه بـ(n)وأشبكه..

أما الثقيل فهو عذاب شوي

أوقف وأفضيه (n) وأضغط عصا القير على تحت وأشبكه
وإذا بغيت أفكه أضغطه مره ثانيه وأرفعه إلى (n)ثم أتركه حتى يرتفع العصا ثم أفصله مرورا بالخفيف
ويقر أكثر الأحيان،،

هذا اللي عندي،،،

وأتمنى أكون أفدتك،،،

.::تحيااااااتي::.

بن محفوظ

11/09/2009, 06:09 AM

شكرا ً للأعضاء ... و المشرفين على التوضيح للأخ ...

لكن من باب الاحتياط .... حتى الخفيف اذا جيت تعشقة .... وقف ..

والنقطة الثانية ... وهي مالها دخل في الموضوع لكن تعتبر مهمة كذلك ...

وهي اذا فكيت الدبل .... وقف وعشق القير على R

وارجع مترين بس .... علشان يفصل القير قبل لاتمشي ..

لان بعضها ما يفصل الا بعد كيلو يمكن

الملهماوي

13/09/2009, 09:41 PM

والله أنا يالغالي معي باث 2003

وإذا بغيت أشبك الخفيف أعشقه بـ(n)وأشبكه..

أما الثقيل فهو عذاب شوي

أوقف وأفضيه (n) وأضغط عصا القير على تحت وأشبكه
وإذا بغيت أفكه أضغطه مره ثانيه وأرفعه إلى (n)ثم أتركه حتى يرتفع العصا ثم أفصله مرورا بالخفيف
ويقر أكثر الأحيان،،

هذا اللي عندي،،،

وأتمنى أكون أفدتك،،،

.::تحيااااااتي::.

هذي هي الطريقة الصحيحة بس يبيلها رواقة شوي يعني لاتتحمس اكثر من اللازم ويضبط مع

ولايقر اغلب الأحيان بإذن الله

دمت بود

الملهماوي

13/09/2009, 09:43 PM

شكرا ً للأعضاء ... و المشرفين على التوضيح للأخ ...

لكن من باب الاحتياط .... حتى الخفيف اذا جيت تعشقة .... وقف ..

والنقطة الثانية ... وهي مالها دخل في الموضوع لكن تعتبر مهمة كذلك ...

وهي اذا فكيت الدبل .... وقف وعشق القير على R

وارجع مترين بس .... علشان يفصل القير قبل لاتمشي ..

لان بعضها ما يفصل الا بعد كيلو يمكن

مع التجربة ماواجهت مشكلة يعني مايحتاج ارجع مترين

امشي قدام ويفصل في مثلها تقريبا أو أكثر شوي

بدوي جنوبي

14/09/2009, 04:31 AM

اخى بن محفوظ
صدقنى ما يحتاج توقف
وتعتبر هذه ميزه تغنيك عن التوقف
ان السائق يقدر يعشق الخفيف وهو ماشى
لو فيه ضررعلى الدبل ،، من التعشيق اثناء المشى
كان تجد صعوبه في التعشيق ،،

ومثل ما ذكرت بعض الاحيان ما يفصل الدبل الا بعد التقديم والرجوع للخلف
وصارت لى فبي باث موديل 2001
ما فصل الدبل الا بعد مسافه 20 كلم تقريبا
لانى حاولت بكل الطرق ولم يفصل الا بعد المشى مسافه طويله

وبرضو هذا ما يأثر اذا استمر الدبل شغال (الخفيف اقصد)

تحياتى

بن محفوظ

14/09/2009, 05:32 AM

888
88
8

يعطيك العافية بدوي جنوبي

ولاهنت على التوضيح

بن محفوظ

14/09/2009, 05:34 AM

الملهماوي : حياك الله وتوي انتبه لردك ...

لكن قد حصلت لي ولا فك الدبل الخفيف الا بعد ماوقفت ورجعت ورى ...

نيسان 807

14/09/2009, 05:44 AM

الشباب فيهم الخير والبركة