جمس مكينة 8100

[naifalharbi]

إخواني الأعزاء.
أسعدالله أيامكم بالفرح والسرور وكل عام وأنتم بخيروعافية..
موضوعي بإختصارهوأنه عندي جمس سوبربان حجم المكينة 8100 يمشي أكثرمن مية وثمانين بقليل ثم يفصل مايزيد عنها عاملين له الخواجات قفل على هذه السرعة فقط .
الي منكم يعرف أحد يقدر يفك لي القفل أكون شاكر له كثيراً وياليت يشرحلي بالتفصيل وجزاكم الله خيراً .

[بن محفوظ]

والله ياخوي قبل اعلمك وين .... ترى السرعة مابها خير ... ويازين 140 وانا اخوك و الموتر الكبير يتعرض للخطر اكثر من الصغير ...


لكن فيه فيلب الي في رياض الخبراء في القصيم ...

وفيه بعض الاعضاء هنا يظبطون وصفه

[آل زايد502]

وانت بخير وصحه وسلامه
فيه واحد قالي يبيلك تلعب فالكمبيوتر وواحد قالي تشتري كمبيوتر من الكويت
على العموم 180 زينه وحلوه وتراه جمس موب كابرس تبيه فوق 180
على الاقل احسن مني 160>>>>منيب متحطم

[mtc_959]

إخواني الأعزاء.
أسعدالله أيامكم بالفرح والسرور وكل عام وأنتم بخيروعافية..
موضوعي بإختصارهوأنه عندي جمس سوبربان حجم المكينة 8100 يمشي أكثرمن مية وثمانين بقليل ثم يفصل مايزيد عنها عاملين له الخواجات قفل على هذه السرعة فقط .
الي منكم يعرف أحد يقدر يفك لي القفل أكون شاكر له كثيراً وياليت يشرحلي بالتفصيل وجزاكم الله خيراً .
عزيزي كانك من السكان الدمام ابشر اوديك لواحد يفكه لك ويبرمج موترك (يزود من عزمه)بـ500

لكن ترى صرفية البنزين بتختلف

[naifalharbi]

لاوالله أنا من سكان ينبع لكن مافيه مشكلة ممكن أروح للدمام ياليت ياخوي لو تتكرم تجيب لي رقم الشخص الي ممكن يفكه لي من شان أكلمه وأشرحله الأمر وأخذ منه موعد

[عامج432]

اخوي نايف تحيه طيبه وبعد
1 - فيه ورشه في المنطقه الشرقيه في رحيمه
ويديرها شخص سعودي
ويفك برمجت الكمبيوتر حق السرعه
بس قبل لاتودي السياره ركب لها دبتين خلها عبارتين (اكزوزبن)
2 - فيه ورشه في قطر تبيع جهاز صغيربفتح برمجه الكمبيوتر حق السرعه وتقدر في المستقبل
ترجع البرمجه
قيمة الجهاز اعتقد الفين ريال
وعلى فكره حتى عزم الموتر يتغير في الرمل

[GMC79]

يارجال الامر سهل اي مبرج لكمبيوتر المكينه يفكها

انا فكها عند واحد في نص دقيقة

[ابو رقيه]

تعالي بالكويت وانا اظبطك بي شي تبي واترك عنك بعض السوالف الي وردت

[64 الحر]

عندك في ينبع ورشه الحامد يصلحونها با الكمبيوتر مقابل الااشاره الي بجوار معرض سلامه العلوني

وعندك صاله هلا عندهم ورشه با الخلف واعتقد عندهم كمبيوتر

[التعـ King ـديل]

الغالي نصيحه اخو لاتلعب بالموتر وترا 180 زينه

انت معك جمس لاسمح الله صار ماصار ماتقدر عليه مثل اي موتر ثاني .. الله يستر عليك

ويحفظك من كل شر .. خله على شد بلاده

[في اكس ار]

اخوي مساك الله بالخير
والله نصيحه اخو لا تحوس سيارتك وترى الفرق كله 10 دقايق ولا جمس ولا غيره إذا كنت مسرع والله ما تتحكم بالسياره

قال الله تعالى ( وَلاَ تُلْقُواْ بِأَيْدِيكُمْ إِلَى التَّهْلُكَةِ وَأَحْسِنُوَاْ إِنَّ اللّهَ يُحِبُّ الْمُحْسِنِينَ ( آية 195) من سورة البقره )
والله يستر عليك ويحفظك ويخليك لعين ترجيك

[برق القصيم]

اخوي مساك الله بالخير
والله نصيحه اخو لا تحوس سيارتك وترى الفرق كله 10 دقايق ولا جمس ولا غيره إذا كنت مسرع والله ما تتحكم بالسياره

قال الله تعالى ( وَلاَ تُلْقُواْ بِأَيْدِيكُمْ إِلَى التَّهْلُكَةِ وَأَحْسِنُوَاْ إِنَّ اللّهَ يُحِبُّ الْمُحْسِنِينَ ( آية 195) من سورة البقره )
والله يستر عليك ويحفظك ويخليك لعين ترجيك


هذا الكلام الصحيح
يااخوان والله ما بالسرعه خير وكم من شباب وعوايل راحوا ضحايا هالحديد والسرعه
الموت حق بس لا يصير الانسان سبب على نفسه
انا شخصيا كنت مسافر وكنت امشي مابين 130 و140
وزميل لي فيه تهور شوي كان محرك معي بنفس الوقت بسياره ثانيه على كلامه كان يمشي 190
وصل قبلي ب 13 دقيقه
مع العلم ان المسافه حول 400 كيلو !!!فهل يستحق هالفرق البسيط المخاطره والقاء انفسنا بالتهلكه؟
الله يصلحنا وياكم وشباب المسلمين قولو امين

[التسعاوي]

شكلك ماسمعت بنظام ساهر :j

[naifalharbi]

مشكورين ياإخواني الأعزاء جميعاً بلا إستثناء على معلومتكم الطيبة . والله لو أقدر لقبلت رؤسمكم جميعاً . أما بخصوص الجمس فقد فكيت القفل بجدة ورقم جوال صاحب المحل وأسمه موجود معاي لمن يريده منكم أنا على إستعداد أعطيه الإسم ورقم جواله . وتستاهلون كل خير والله يحفظكم من كل سوء ويرعكم ويسعدكم بالدنيا ولأخرة .

[naifalharbi]

مشكورين ياإخواني الأعزاء جميعاً بلا إستثناء على معلوماتكم الطيبة . والله لو أقدر لقبلت رؤسكم جميعاً . أما بخصوص الجمس فقد فكيت القفل بجدة ورقم جوال صاحب المحل وأسمه موجود معاي لمن يريده منكم أنا على إستعداد أعطيه الإسم ورقم جواله . وتستاهلون كل خير والله يحفظكم من كل سوء ويرعاكم ويسعدكم بالدنيا ولأخرة .

[سيف الظفير]

يا بعد حيي معي جمس 2500 / 2006 فل الفل

العداد ما يوقف الا في المساحة السوداء تحت الميتين بمسافة .

ولا تعديل ولا شئ وترا السرعه ماهي طيبة ابد

[عاشق الحريه]

الله يحفظك ويحفظنا من السرعه والله يوفقك اخوي