رأيكم في المقطورة لأني عازم لشرائها -بإذن الله -

[خالد77]

بسم الله الرحمن الرحيم
السلام عليكم ورحمة الله وبركاته
وبعد
أريد أن أستشير أهل الخبرة والفن عن المقطورة الصغيرة نوع ألمنيوم الخاصة للعفش
لأني صاحب عائلة كبيرة وأمتلك جيب لاندكروزر وأواجه مشكلة في العفش لأن الجيب مايستوعب العفش إذا كان الركاب حول العشرة بالأطفال
وجربت قبل كذا السلة العلوية ولم أرتاح لأنه متعب في التحميل والتنزيل وأيضا يسبب ضغط على الموتر واليايات حتى لو كانت استرالية غير ذلك إذا كان هناك هواء تنزعج جدا
وأما السلة العلاقية الخلفية فلم أعتنق بها أبدا لنفس الأسباب السابقة غير مشكلة الهواء لكن تزيد مشكلة الضغط من الجهة الخلفية أكثر وقبح في الشكل



المهم أنا في راسي ياجماعة [ مقطورة ] حليلة ومناسبة وصغيرة
لكن ودي آخذ منكم التوجيهات والتوصيات ومكان بيعها غير العليان
لأن العليان عنده مقطورات حلوة نفس اللي في بالي لكن نار في الأسعار
وإن مالقيت غيره مالك إلا العليان لو انه عوج وبكرة عندك
بحول الله وقوته

[سنافي وبس]

السلام عليكم :
عز الله انك اقديت .... وغير ورشة الضويان بالرس لاتدور... انا شاري منهم قلص وقاعد اعدل فيه ... واليك انواع قلصاتهم :
http://www.waraqat.net/757/

واعتقد اول قلص يصلح لك تحياتي ...

[خالد77]

السلام عليكم :
عز الله انك اقديت .... وغير ورشة الضويان بالرس لاتدور... انا شاري منهم قلص وقاعد اعدل فيه ... واليك انواع قلصاتهم :
http://www.waraqat.net/757/

واعتقد اول قلص يصلح لك تحياتي ...



ما شاء الله عليك
أنا اشهد انك سنافي وبس
ويكفي سرعتك بالرد قبل لا أغلق النت
وبانتظار باقي الشباب الليلة
ولاتهون ياسنافي

[خالد77]

للرفع الله يرفع قدر كل من يخشى الله

[خالد77]

بدأ العد التنازلي لشرائها
ولازم تشاركوني قبل الشراء

[s3ed]

السلام عليكم

انا خذت عربة من المميز في الرياض على 2500 الومنيوم حجمها مناسب وثلبتة في الحط



هذا محل موجود عدنا في الامارات في امارة عجمان

جودة عالية بس السعر فووووووووووق

هذا جي تريلا امارة بوظبي

عرباتهم صناعة المانية ومحلية بجودة ومواد المانية



http://www.gtrailers.com/English/Equipments.htm


اختار اللذي تريدة من عربات سفر ومعدات وبحر وغيرة


خذ لك فكرة

http://mastertrailer-uae.com/products.htm


ماستر تريلا

[بدوي جنوبي]

-اهم شيئ اخوى خالد تكون فاعدة العجلات للعربه كبيره
لانها كل ما كانت اكبر ،، تكون راسيه اكثر
وايضا الكفر لا يكون سخيف
بكون عريض افضل

وترا يتعب القير عندك اذا كان اتوماتيك
لانه مو مثل الامريكي يوجد زر لسحب المقطورات
http://www.mekshat.com/pix/upload03/images125/mk32037_5.jpg


ودائما حاول الوقوف في ماكن متسع عشان ما تتظر ارجع ريوس
لانها تحتاج عكس الطاره وانت راجع // اكيد عارف هاكلام

عموما الله يوفقك

تحياتى

[الجندي2005]

ما قصروووووووووووووووا الأخوان

[خالد77]

السلام عليكم

انا خذت عربة من المميز في الرياض على 2500 الومنيوم حجمها مناسب وثلبتة في الحط



هذا محل موجود عدنا في الامارات في امارة عجمان

جودة عالية بس السعر فووووووووووق

هذا جي تريلا امارة بوظبي

عرباتهم صناعة المانية ومحلية بجودة ومواد المانية





http://www.gtrailers.com/English/Equipments.htm


اختار اللذي تريدة من عربات سفر ومعدات وبحر وغيرة


خذ لك فكرة

http://mastertrailer-uae.com/products.htm


ماستر تريلا






الله يعطيك العافية اخوي
الروابط فيها اللي أبي بس وين مكانهم بالضبط
وأنا أبي شي بالرياض او القصيم لأني بينهما

[خالد77]

-اهم شيئ اخوى خالد تكون فاعدة العجلات للعربه كبيره
لانها كل ما كانت اكبر ،، تكون راسيه اكثر
وايضا الكفر لا يكون سخيف
بكون عريض افضل

وترا يتعب القير عندك اذا كان اتوماتيك
لانه مو مثل الامريكي يوجد زر لسحب المقطورات
http://www.mekshat.com/pix/upload03/images125/mk32037_5.jpg


ودائما حاول الوقوف في ماكن متسع عشان ما تتظر ارجع ريوس
لانها تحتاج عكس الطاره وانت راجع // اكيد عارف هاكلام

عموما الله يوفقك

تحياتى


الله يعطيك العافية
أنت أستاذ كبير
وأما موتري فهو قير
وأنا أبغاه فقط للسفريات
والقيادة عارفها لأني سقت تريلا قبل كذا
ونفس ماقلت
لكن مافهمت ماذا تقصد بقاعدة العجلات هل الدفرنس وماحوله
ومعلومات الكفرات حلوة

[خالد77]

ما قصروووووووووووووووا الأخوان




وأنت ماقصرت لزيارتك الخفيفة

[بن محفوظ]

اذكر ان فيه عضو قبل فترة طرح موضوع .... وذكر فيه ان قطر عندهم بسعر رخيص

حوالي 1000 ريال او الف وميتين ...


نرجوا من الاخوان الي في قطر اخبارنا عن المقطورات عندهم ...



وشكراً للمشرف بدوي جنوبي على التوضيح ولاهنت

[خالد77]

اذكر ان فيه عضو قبل فترة طرح موضوع .... وذكر فيه ان قطر عندهم بسعر رخيص

حوالي 1000 ريال او الف وميتين ...


نرجوا من الاخوان الي في قطر اخبارنا عن المقطورات عندهم ...



وشكراً للمشرف بدوي جنوبي على التوضيح ولاهنت



أشكرك بارك الله فيك على التوضيح
لكن قطر بعيده شوي وخابر[ن] قطر غالية بالأسعار
وأنا عجل أبي شي قبل العيد
الله يوفقك

[fahad-k6]

هلا اخوي خالد

اهم شي بالمقطوره يكون بها دفرنس ددسن
عشان يتحمل اكثر والكفر تحصله عند اي بنشر
ا

[العريني1]

انا رأيي تركد قبل تشتري.....
الا اذاحاجتك لها بكثره....ومستمره

[ابو ريان1881]

انا اشير عليك تاختار التفصيل الي موجود عند اصحاب الدبابات لانه ممكن يتم التعديل عليه لو احتاجة له واذا ماناسبك راح تلقى زبونه على طول وممكن تسئل احد الشباب الي على طول سحب للعربة ويعلمونك وش السلبيات منه لانه مهو على كل حل يناسبك اوقد تكون فائدة مهي بالمستوى المطلوب واسال الله لك التوفيق والسداد

[النجم الطائر]

الله يصلح لك النية والذرية ويرزقك من اوسع الابواب يارب .
اعقلها وتوكل
روعه

[خالد77]

هلا اخوي خالد

اهم شي بالمقطوره يكون بها دفرنس ددسن
عشان يتحمل اكثر والكفر تحصله عند اي بنشر
ا







طيب ليه ددسن بالذات لكن يمكن تقصد دفرنس
عموما الله يجيب الطيب

[خالد77]

العريني .... أشكرك والركادة انتهت صلاحيتها وهل من نتيجة بعد الركادة ؟
أبو ريان ... إقتراح طيب لكن الوقت ضيق والتفصال مكلف وشكرا من أعماق قلبي .
النجم الطائر ..... دعوة طيبة ولك بمثل والله يجزاك خير وأشكرك جدا على المرور المعطر للموضوع

[بدوي جنوبي]

الله يعطيك العافية
أنت أستاذ كبير
وأما موتري فهو قير
وأنا أبغاه فقط للسفريات
والقيادة عارفها لأني سقت تريلا قبل كذا
ونفس ماقلت
لكن مافهمت ماذا تقصد بقاعدة العجلات هل الدفرنس وماحوله
ومعلومات الكفرات حلوة



صحيح اقصد الدفرنس وما حوله
كل ما كان ماصورة الدفرنس اطول يكون افضل
مثل هالصوره :
http://mastertrailer-uae.com/box_2.gif

شف هذا اعلان بقسم عدد وادوات الرحلات بمكشات
قلص عربة سحب للبيع للسفر والبر (http://www.mekshat.com/vb/showthread.php?t=215570)

للبيع عربه قلص وارد القاضي موديل 2005 (http://www.mekshat.com/vb/showthread.php?t=210748)

بالتوفيق :good:

[اسير الغضا]

الله ييسر لك امرك واذا لقيت شي طيب علمنا الله لايهينك ان كنت تقدر

[ابن عكاش]

والله يالغالي ودي افيدك لكن اللي يحضرني اني فيه محل على طريق الشرقية إذا تعديت كبري خالد بن الوليد عنده مقطورات وذفه والله يوفقك
تقبل مروري اخوك ابوصقر

[خالد77]

بدوي جنوبي........ وصلت المعلومة وبارك الله فيك وماقصرت
أسير الغضا .......... دعوة طيبه ولك بمثل وأبشر إن لقيت شي صورته وحطيته بنفس موضوعي هذا
ابن عكاش ...... ياليت تحدد المكان بالضبط أكون شاكرا لك وداعي لك أيضا

[خالد77]

جيت العليان البارح وفعلا مثل ماقلت وأسعارهم زايدة ولعبوا علي الله يهاديكم قالوا تعال وكل شي عندنا وجيت ولقيت اللي اريده معدوم من الوجود وقالوا تعال بعد شهرين
قلت عز الله هذه عادتكم

[القناص4800]

السلام عليكم

اخوي انا ما لي بالعربات

بس حبيت اتفلسف

عندنا بالشرقيه في محل يفصل عربات حديد

واسعاره زينه انا رحت ركبت عنده حديده للقلص قبل فتره

وقعدت اتلقف واسأله عن الاسعار بالـ 1000 وحوله

اتمنى اكون افدتك

[خالد77]

السلام عليكم

اخوي انا ما لي بالعربات

بس حبيت اتفلسف

عندنا بالشرقيه في محل يفصل عربات حديد

واسعاره زينه انا رحت ركبت عنده حديده للقلص قبل فتره

وقعدت اتلقف واسأله عن الاسعار بالـ 1000 وحوله

اتمنى اكون افدتك

تشرفت بزيارتك ووالله إني عارف إن الشرقية هم أغلب شي يتوفر عندهم المقطورات وبحكم قربهم من قطر وأسعار رخيصة حسب ما وصل لي عن طريق هذا الموضوع لكن البعد شين

[الكـاسـر]

شف اخوي هذا الرابط:
اضغط هنا (http://www.remorques-charnoud.fr/remorques/Daxara/Daxara_home.php)
مقطورات فرنسية ووكيلها زي ما قال اخونا ابن عكاش على طريق الشرقية من مميزاتها خفيفة الوزن وفيها فرامل

[شبــ الريح ــيه]

شف اخوي هذا الرابط:
اضغط هنا (http://www.remorques-charnoud.fr/remorques/Daxara/Daxara_home.php)
مقطورات فرنسية ووكيلها زي ما قال اخونا ابن عكاش على طريق الشرقية من مميزاتها خفيفة الوزن وفيها فرامل

عزالله هذي القلصات وارفع ايدك

وياليت اخوي اذا فيه منها بجده دلني عليه

الله يوفقك

[خالد77]

تم الانتهاء من عملية البحث وأبشركم شريت مقطورة مناسبة من الصناعية القديمة لكن لقيت ورشة ممتازة جدا وتفصل مقطورات حلوة وشغل متكتك ومحترم جدا ، وهي ورشه بالسلي قبل بوابة الاسكان يمين الظاهر اسمه الحوشان ، لكني ما أردت التفصيل وقتها لأني عجل والحمدلله

[ساري 111]

المقطورة افضل من التحميل فوق السياره وافضل من السله

بشرط ماتتعدى 120
وتتهتم بكفراته وتغيرهن كل سنه ولاتهمك نقشتهن انه جديده


لكن لها مشاكل منها صعوبه الرجول للخلف وصعوبه المناوره بين السيارات داخل المدن

[0راعي الجبيل0]

السلام عليكم جميع وكل عام وانتم بخير
انا مثلك شريت عربة من عند السنيدي اول ماجابها قبل كم من سنة وكلفتني حدود 2200 مع الهوك والكهرباء ماروح بدرب الا وانا شابكها حتى للبر وبصراحة مافيه مثل خدمتها لكن من واقع التجربة عندي لك نصايح اذا توفقت وشريت عربة احب انك تهتم لهذه النقاط ::: (((( هام جدا)))

- تأكد من شد جميع المسامير والصواميل اللي بالعربة ولو كانت صغيره اول ماتشريها لانه اغلب المحلات تركبها بدون شد . وتربيط.
-افضل انك تتأكد من مقاس الرمانة المناسبة على حسب مقاس مجراها بالعربة ( يعني لا تركب مقاس 1.75 على 2 انش وبعدين تفلت بسهولة وتسببلك حادث لا سمح الله .
- حاول انك تدور عربة يكون الدنقل حقها مقاسه عريض يعني تكون عجلات العربة والسيارة علنى نفس الخط وهذه بصراحة ميزتها تكون ارسى على الطريق .
- اذا كنت مسافر مسافة طويلة كل ماوقفت بمحطة او للصلاة تأكد من عدم ارتخاء صامولة الرمانة وذلك بتحريك الجزء الخاص بالعربة لفوق وتحت بشكل عمودي واذا سمعت صوت طقة معناته انها مرتخية وهذه المشكلة واجهتها كثيرا حتى ولو غيرت الرمانة بأفضل نوع مع نوعية الطرق عندنا الا وترتخي.
- حاول دائما يكون مركز ارتكاز ثقل العفش في العربة بالنصف , بمعنى لا يكون كل الثقل في الامام فيكون الحمل على السيارة ثقيل او يكون اكبر من تحمل الهوك او ذراع العربة, وكذلك لا يكون في اخر العربة فتكون عرضة لانزلاق الذراع من الرمانة للخارج .

وفي النهاية ارجوا قبول تحياتي واعتذاري عن اي تقصير لكن حبيت اشارككم بمعلوماتي المتواضعة


تحياتي
ابو حمدان

[خالد77]

ابو حمدان كفيت ووفيت وبارك الله فيك ولك رسالة على الخاص لمعرفة بعض الملاحظات الضرورية