خبراء السيارت أستفسار عن دبل جيب النتيفيا (ميتسوبيشي ) [الأرشيف]

مشاهدة النسخة كاملة : خبراء السيارت أستفسار عن دبل جيب النتيفيا (ميتسوبيشي )

مصيول

13/09/2009, 04:05 AM

اول شيء صبحكم الله بالخير

شباب شريت جيب ناتيفيا 2006 مستعمل وماشيء خفيف حسب العداد ( وحسب ذمة راعية كمان ):cool:

المهم رحت أجرب الدبل وعند تعشيق الدبل على الخفيف يطلع صوت قررررررر خفيف

واشتغل الدبل وماعلية مع العلم أني ما ارتحت للصوت .

وقبل قليل وبعد يوم من التجربة اللمبة حقت الدبل تأشر وقفت وشغلت وفصلت ورجعت وراء وقدمت قدام

ولا على بالها انها تطفي :no2:

المهم تكفون اعجلو على بالمشورة وأيش ممكن يكون السبب

وقبل كذا لو اوديها الوكالة للفحص كم تكون تكلفة الفحص فقط ؟

ودمتم بحفظ الله ..

راعي المجهم

13/09/2009, 07:50 AM

الله يعينك على المستوبيشي

أخي أفصل أصبع البطارية نص ساعة وربكه وشغل

ابوعبدالله9999

13/09/2009, 08:23 AM

تبادل بفورد 2001 أحمر .... راس براس واقف جنبك.

مصيول

13/09/2009, 10:32 AM

تبادل بفورد 2001 أحمر .... راس براس واقف جنبك.

لالالالا يابو عبد الله الله يبارك لك بالفورد ولو تقول خذه هدية ماوافقت :j

وأبشرك حليت المشكلة !!:D

عشقت الدبل والسيارة على الدي وفضيته كمان وهي على الدي وطفت والحمد لله

لأني قبل كذا كنت أعشق الخفيف وأنا مخلي السيارة على N

تشكررررات ...

الساهر2003

13/09/2009, 10:53 AM

اخي العزيزي
طريقة تعشيق الدبل في القير التماتيك
اذا الخفيف الطريقة الصحيحة تعشق وانت تمشي بالدي وانتبه تعشق N راح يفقع الصوفة حقة القير
وتعشيق الثقيل يجب عليك توقف السيارة وتحطها بـn وتعشق بسرعة ثم تمشي عليه
مع اطيب تحية لك

مصيول

15/09/2009, 04:32 AM

راعي المجهم بارك الله فيك أخوي وشاكر ومقدر لك

وكل عام وانت بخير .

مصيول

15/09/2009, 04:33 AM

الساهر 2003

تسلم على النصيحة وجزاك الله الف خير

دمت بحفظ الله

وكل عام وانت بخير .