المساعد الشخصي الرقمي

مشاهدة النسخة كاملة : هل يمكن اعادة السيارة التي تأخذها تأجير منتهي بالتمليك


الدويشاني
13/09/2009, 07:12 AM
السلام عليكم
أحد الشباب أخذ سيارة من البنك الأهلي ودفع 100000مئة الف ريال ويقسط شهريا (2000) ريال


وسألني :هل يمكن اعادة السيارة التي اخذها تأجير منتهي بالتمليك


وماهو الحل؟
ولكم منا الدعاء
الاتصال السريع
13/09/2009, 11:50 AM
ما عندي فكرة بس اتوقع انه هذا النظام الصحيح للتأجير يحق لاحد الطرفين انهائه متى شاء لكن عندنا اتوقع صعب لان الشروط هم اللي يضعونها
الدويشاني
13/09/2009, 03:47 PM
الله يعافيك اخوي الاتصال السريع لازلنا بانتظار مرئيات الاخوة
ahmedkd
14/09/2009, 02:02 PM
اقرء العقد مع البنك تجد فية انه يحق للعميل ارجاع العميل للسيارة متى ما اراد لكن يدفع مبالغ اذا كان في السنة الاولى يدفع اربعة اقساط والسنة الثانية ثلاثة اقساط والثالثة قسطين
كذلك الكيلو الزايد يدفع عنه .35 هلله لانه لك في كل سنة 25000 كيلو فقط
ق ب م 632
14/09/2009, 03:02 PM
والله ان كان نظامهم مثل شركه المتحده للتقسيط فتقدر ترجعها عن طريق حلين وهي:

1/تجيب لك زبون يشتريها منك ويعطيك مبلغ تتفق انت وياه معه بحكم انك دافع مقدم 100 الف.. والباقي المبلغ يعطيها الشركه من قيمتها مع فائدتهم حقت سنه 8% وبعد ذلك تنقل باسم المشتري الجديد وتنتهي القضيه

2/الغاء العقد بـ5000 الاف ريال واظن فيها حساب للكيلو و3 اقساط تدفعها وهذه انصح فيها للي ما دفع دفعه كبيره مثل خويك ..
بواسامه
14/09/2009, 05:27 PM
الحل اعرضه للبيع لمن يريد ان يكمل اقساطها عن صاحبك
ويصير التعويض بينهم حسبما يتفقون خارج الشركه
ابوهتون
14/09/2009, 05:49 PM
:no: سألت مرة مندوب البنك الاهلي عن ترجيع السيارة بنظام التأجير فافاد بن الدفعة الاولى تذهب عليك,وتدفع 4 اقساط زيادة للسنة الاولى,و3 اقساط للثانية...وهكذا...اتمنى ان اكون افدتك او تجيب واحد من خارج المعرض ويكمل باقي الاقساط بأسمه ووتتفق انت واياه كم يعوضك للدفعة الاولى..وسلامتكم...
بدوي جنوبي
14/09/2009, 06:56 PM
واحد من الزملاء عنده سياره موديل 2009
نظام تاجير
وراح لهم يبى يرجع السياره
قالو ادفع مبلغ 17 الف
لان الفتره اللى استخدمها حسبوها عليه فتره تاجير
والرجال قد دفع 3 اقساط

تحياتى
هويدي
14/09/2009, 09:04 PM
ماله الا يعرضه للتنازل لشخص آخر مقابل مبلغ من المال يتفق الطرفان عليه

وينقل العقد بأسم المشتري الجديد وهو يكمل مع البنك
الدويشاني
15/09/2009, 06:13 AM
الله يبيض وجه الجميع ومشكورين وما قصرتوا

لكن ودي أسأل عن الدفعة تروح والا ماتروح علما ان الموتر 2008 وماشي 40000

ثانيا هل من الممكن استبدالها بسيارة رخيصة بحيث انه ينتهي من الاقساط

مثلا يشتري سيارة بحدود المئة الف ريال

علما انه يقول انه يقصد في سيارته الفين وثلاثمائة ريال

الله يجزاه خير كل من يقدم الحل
بن عاقول
15/09/2009, 01:46 PM
هو في الاساس عقد تأجير منتهي بالتملك وفق الشروط الواردة فيه - طالما إنه وصل 40000 كلم أنصحه يواصل لأنه في جميع الأحوال خسران - وإذا كانه معزم - ياخذ قرض من البنك أومن اللي يعلنون عند مكاين الصرف - وبقيمة تملك السيارة فقط يعني يستبعد المتبقي عليه من الفوائد عن السنين الجاية - وسوف يقوم البنك بخصم جميع فوائد الفترة المتبقية وبذلك يمتلك السيارة في وقت أقل ويستطيع بيعها ويصير القرض الي أخذه أقل فائدة وأقل أقساط - لأنه أصلا دفع جزء كبير من قيمة السيارة من خلال الدفعة والفترة المنصرفة من السداد - والقرض اللي بياخذه للتملك الفوري أقل من المتبقي عليه

هذه وجهة نظري
بواسامه
15/09/2009, 02:16 PM
وش الموتر يالدويشاني
يمكن احد يبي يشتريه وتتفق انت واياه
وفقك الله للخير