وش رايكم في الاف جي [الأرشيف]

صاحب خير

14/09/2009, 12:35 AM

السلام عليكم

مساكم الله بالخير

العشر مباركة ياشباب انا ناوي اشتري انشاء الله جيب اف جي وش رايكم في استعماله من ناحية الرساوة والراحة وقطع الغيار والعزم لني والله متردد خايف

امل منكم المشاركة وابدا الراي والله يعطيكم الف عافية

ابومحيميد

14/09/2009, 02:21 AM

انا والله معجبني وفي بالي اف جي نشوف نصايح المجربين

بن محفوظ

14/09/2009, 02:25 AM

ابو محيميد ... تراه حول الباث ... مشاكلة واجد ...

خصوص صرفية البنزين

L I M I T E D

14/09/2009, 03:28 AM

^^
ياليت تنورنا بمشاكله اللي تقول الله لايهينك

عاشق القرى

14/09/2009, 03:57 AM

خلها تصدي يارجل

نسيتوا الحملة الي يقالها (خلوها تصدي)

ابو سعود1981

14/09/2009, 03:57 AM

:good: من خلال تجربة اقول اتوكل على الله اشتر وانت مرتاح اكمل سنتين ولله الحمد بدون اي مشاكل زيت وسيفون بس وتانكي البنزين يمشيك من 400 الى 500 كيلو وتفلله بحوالي 38 ريال اذا على الصفر ومطبة اخف من
الفورنتشر والبرادو وله خفة نفس وافضل شيء انك اخوي تدخل على اليوتيوب وتشوف مقاطع عنه او تزور منتدى متخصص للسيارة وبالتوفيق

البرنس 911

14/09/2009, 04:16 AM

ابو محيميد ... تراه حول الباث ... مشاكلة واجد ...

خصوص صرفية البنزين

اما مشاكله واجد والله ما صدق يمكن موترك خربآآآآآن لا تجمع قل موتري مشاكله واجد

اما بصرفيه كلامك صحيح

تقبل مروري

المحترف800

14/09/2009, 05:06 AM

ابو محيميد ... تراه حول الباث ... مشاكلة واجد ...

خصوص صرفية البنزين

بالنسبه للصرفيه عشان التانكي صغير حول تانكي الباث ...

بن محفوظ

14/09/2009, 05:26 AM

pepo

14/09/2009, 05:27 AM

مــمـــتـــاز

سعود27

14/09/2009, 05:37 AM

هج هج هج هج هج هج هههههههههههههههههههههههههههههههههههههههههههههههج عنه لاتكثره تكفى ,,,أنا لاشفته بالبر كرهت الكشته كله أحس أني بشارع العليا العام أو التخصصي ,,, يكفيك شكله (مكي ماوس)

لهايب نجد

14/09/2009, 05:49 AM

انا شريته وجلس معي شهر واسبوع سافرت عليه وقنصت عليه وجربته في حميع الظروف
الموتر عزمه حلو بس يصرف بنزين وصجة هواء والاهم من هذا كله تراع سيارة مملة من ناحية الديكور والمركب والموتر بشكل عام ضيق جدا وفتحة بيبانه غبية ومملة

س6ك7ب

14/09/2009, 05:53 AM

السلام عليكم ورحمة الله وبركاته
موضوعك ياصاحب جاء على الجرح أنا مثلك ودي بالإف جي من زمان لكن محتار وكل ما أسأل عنه ناس تمدحه وناس تذمه ما أدري وش أسوي أشري الموتر ولا؟
وأزيدك من الشعر بيت ردود الأخوان زادتني حيرة

مخاوي الذيابه

14/09/2009, 06:24 AM

ياشباب .... واحد من العيال معه لونه اسود .... يقول رحت للشرقية عبيت بنزين 3 مرات على الخط ... وهو راعي سرعة ... بس ماتوصل حتى لو تمشي 200

المعلومة صحيحة اذا كان الهوا ضدك ...

ثانياً : يقول لي راعيه فيه اصوات وصرصرة ما ادري وينها
موتري له 7 شهور ولا صرصرة ولا هم يحزنون ولله الحمد...
مع العلم اني اطلع للبر واجد..

ثالثا ً : يقول الفحمات ... كل شهرين اغيرها
الموتر له 7 شهور وهو على فحمات الوكاله ..
كل شهرين مبالغ فيها او ان موتره فيه عيب مصنعي ..

كذلك يقول ضيق ورى واذا مسكت خط صوت الهواء يصدع بك ..
ما فهمت قصدك ..
الصوت من وين ...وضح ؟؟؟

وانا ما اخفيكم كنت من اشد المعجبين فيه ... وكنت احاول اقنع واحد من اخوياي يشتري له واحد ... لكن

على كلام الناس ... الموتر غرييييييييييييب ...

آمل اني افدتك ...:)

صاحب خير

16/09/2009, 12:13 AM

السلام عليكم

مساكم الله بالخير جميعا

الله يعطيكم الف عافية وماقصرتو وبيض الله وجيهكم لكن وش رايكم اشتري والا لا لان بعضكم يمدحه والاخر يذمه وما ادري قطع غياره غالي لان واحد قالي سعر السيفون 50ريال

الولهان.

16/09/2009, 12:22 AM

بنسبه للسياره مع واحد من الزملاء مطلعه وكاله وماجازله ابد يقول الى المطر اذا انطرت تسمع لجه فوق مافيه عازل عن المطر مثل الجيب العشه اذا كنت تعرف ولا ازود عن الشباب بنسبه لصوت الهواء وعلى فكره تراه يصرف بنزين.

أبوحميد

16/09/2009, 01:01 AM

أنا لي نية أشتري السياره في حدود الأسبوعين اللي بتجي أن الله كتبة !!

شف ياطويل العمر مو أي رد تقراه تقتنع فيه , مثل رد لاقيه في هالموضوع ويعذرني أني أقول انه رد
يعبر عن رجولة وفحولة صاحب الرد !! يقول اذا شفته في البر أحس اني في شارع العليا ولا التخصصي !!
يقالك أنه اذا ماطلع البر بالشاص مهوب رجال !!

الموتر انا وصيت عليه واحد من الشباب وشراه قل 3 شهور تقريباً وكل ماكلمته يمدحه لي , وعندي
قريب شاريه ويمدحه ( بشكل عنيف ) الموتر شبابي وعزمة قوي واللي عرفت عنه أن مكينته نفس
مكينة البرادو !!

النقطة اللي أقولك عنها ومو متأكد منها ان أصحاب الأف جي ( يملون منه ) بس ماأدري عن المعلومة
هل هي صحيحه ولالا !!

أقول اذا لقيت لي واحد ياليت تعلمني :)

قمرزمانه

16/09/2009, 02:39 AM

السيفون ب18 من الوكاله توكل على الله الموتر تراه حلو مرررررررررررره ويقهر بعض الي مسوين فيها اقويا ترا الموتر بيكمل سنتين معي مطلعه وكاله ماشاء الله مايشتكي من شي

سلمان العوفي

16/09/2009, 07:34 AM

اخوي اذا كنت كشات مايصلحك لانه مايشيل اغراضك يالله انت واخويك
واذا كنت راعي تطعيس مايصلحلك لان ما يتحمل الترهيم والتعديلات
واذا بتشخص فيه مايصلحلك لان شكله غلط
شفلك موتر ثاني صحيح انه من شركة عريقة
لاكن ياخوي (مهو والزين)
والله يوفقك...........

القناص4800

16/09/2009, 07:44 AM

اخوي انا ابنصحك نصيحه (ان كان عاجبك خذه وما عليك من بعض الردود اللي ما ادري وش هدف اللي كتبها )

for

16/09/2009, 08:24 AM

هالموتر عجزت اهظم شكله لكن علومه زينه نشيط ...

انت استخر قبل تشتري وكانك ابو عيال ماينفع لك والله يوفقك للخير

أبو لينا

16/09/2009, 08:45 AM

أفضل شيء انك تستاجر الجيب أو تدور احد تعرفة معة الجيب و تجربة بنفسك.....
وبعدين مر اي محل قطع غيار وأسئل عن سعرقطع الغيار الأستهلاكية ......

خشيمان

16/09/2009, 08:59 AM

الموتر له معي حول 3 شهور

اكرهه بمعنى الكلمة
-ضيق
-ما تشوف شيئ من جوا خاصة اذا جيت تطلع من موقف (جربه وتعرف وش اقصد) والله كم مره بغيت اصدم به كله من تصميمه المتخلف
-صوت الدبه ازعااااااااج
-صرف البنزين زي الجيوب الثانية بس المشكلة ان تانكيه صغير
-بالبر اي كلاااام ( انا اقارنه بالباترول اللي كان معي نفس اللي بالتوقيع ) قسم بالله يانا كرهته
- مشكلة مانع الانزلاق والظاهر حلوها بالجدد

أما اللي اعجبني فيه فهي شيئين
- العزم
- القير < من افضل قيور التماتيك تحسه مع رجلك اول ما تدعس يرد نمره واول ما ترخيه يهدي

في النهايه اقوللك استخر وجربه
وترا قيمته تجيب لك مواتر احسن بواجد عندك
الباثفندر
الفورتشنر
الاكس تيرا
الباترول

وعسى الله يوفقك باللي يعجبك ولا تنسى تعلمنا لاشريت عشان نبارك لك

راكب جمس

16/09/2009, 09:43 AM

اشتره وتوكل على الله اغلب السيارات الجديده اقتصاديه من ناحية الزيت والبنزين الا قطع الغيار غاليه
للمعلوميه اف جي تصنيع امريكي والشركه يابانيه

abo ruof

16/09/2009, 09:54 AM

وانا اخوك عشان تقطع الشك باليقين استأجر لك واحد وجربه بنفسك في البر وامسك به خط قريب وشف ان جازلك اشتره والى لا تتوهق فيه

انا عني ماجازلي ابدا

Island Dreams

16/09/2009, 10:31 AM

http://fjarabia.com/

الرسيفر

16/09/2009, 06:57 PM

المواتر توافيق
المشكلة بعض الشباب يتكلم عما لا يعلم
يا أخي الكريم إذا شكل الموتر عاجبك عليك فيه لأنه تايوتا ياباني وبعض الشباب يقولون أشياء ما أدري وش الفايدة منها
واللي يقول ضيق وبالأخير ينصح بالباترول ربع يعني يبي يقنع الناس إن الربع أوسع من الإف جي شي غريب
واختم كلامي : المواتر توافيق نسأل الله التوفيق
و لاتنس الاستخارة
مع تمنياتي التوفيق للجميع

النادر666

16/09/2009, 08:50 PM

ياشباب .... واحد من العيال معه لونه اسود .... يقول رحت للشرقية عبيت بنزين 3 مرات على الخط ... وهو راعي سرعة ... بس ماتوصل حتى لو تمشي 200

ثانياً : يقول لي راعيه فيه اصوات وصرصرة ما ادري وينها

ثالثا ً : يقول الفحمات ... كل شهرين اغيرها

كذلك يقول ضيق ورى واذا مسكت خط صوت الهواء يصدع بك ..

وانا ما اخفيكم كنت من اشد المعجبين فيه ... وكنت احاول اقنع واحد من اخوياي يشتري له واحد ... لكن

على كلام الناس ... الموتر غرييييييييييييب ...

اما عباء الموتر 3 مرات بنزين ولشرقيه هذي قويه شوي
الموتر يمشيك بالضبط 390 كم لان تانكيه صغير وهذا عيبه بس
وبنسبه للفحمات تغيرها على حسب السواق اذا كان راعي فرمله كل شوي اكيد بغيرها كل شهر
مو بس في الاف جي في كل السيارات ( على حسب السواق )
اما بنسبه لصوت الهواء طبيعي مو يصدع بالراس زيه زي اي سياره من تويوتا

النادر666

16/09/2009, 08:55 PM

اشتره وتوكل على الله اغلب السيارات الجديده اقتصاديه من ناحية الزيت والبنزين الا قطع الغيار غاليه
للمعلوميه اف جي تصنيع امريكي والشركه يابانيه

للمعلوميه
تصميم امريكي والصناعه يابانيه

بن محفوظ

16/09/2009, 11:42 PM

النادر .. ادري انها قوية ...

بس الرجال يحلف لي .. وش اسوي اقول انت كذاب ..

والفحمات .. انا من شكل الرجال و خرشته .. لو معه شيول كان غير فحماته كل شهر ..

قرموع

17/09/2009, 12:22 AM

الحين كل واحد يقول ( خويي معه واحد ويشتكي) يا جماعه الموتر عندي شاريه جديد 2008 والله ما خليت محل ما جيته والصيف رحت فيه سوريا وضواحيها صلنفه كسب ودخلت تركيا ورحت فيه عمان وكرفت امه كرف والله ويشهد على الله انه موتر ممتاز اما يقول بنزين صح تدخل رجلك الى الصدام اكيد بيصرف بنزين وللعلم والله ما غيرت فحمات ولا شي غير زيت وسيفون اما شكله وضيق كلام فاضي عشان بابه ينفتح عكس قالو ضيق لو انه ينفتح عادي قالو ممتاز وهو نفس الوسع انا ما امدحه عشانه معي لا والله بس الحق ينقال وسلامتكم

صاحب خير

17/09/2009, 12:59 AM

السلام عليكم

مساكم الله بالخير

يا اخوان الله يعطيكم العافية على هالمشاركات وبيض الله وجيهكم انا نويت انشاء الله ابشتريه وعلى الله لاني قارنت مع الي يذمة والي يمدحه ولاحظت الي يذمة يذمه في اشياء غريبة مثل الصرفية والفحمات وكلها تعتمد بعد الله على السواق والزين ما يكمل لكن انا انشاء الله باشتري واعلمكم انشاء الله عنه ومشكوين والله يعطيكم العافية

وكل عام وانتم بخير

أبوحميد

17/09/2009, 03:40 AM

^
^

دور لي معك :)

أنا لاقي أف جي مع واحد من الزملاء أمريكي ويمدحه لي ويقول مافيه فرق عن الياباني الا الجنوط
والعداد بالميل !!
محتار بصراحه اشتريه ولا لا :( دخلت السوق والياباني غالي بزود :(

صاحب خير

17/09/2009, 09:38 PM

حيا الله ابو حميد

ايشر ابدور للك ولكن نصيحة لاتاخذ امريكي

H I T L E R

17/09/2009, 10:53 PM

موتر خفيف و حق شباب بعد

ولكن أنا اشوف فيه مشكلتين بس

عدم الانسياابيه بالخط مما يزيد الصرفيه ( مع اني لا اجد فيه صرفيه )

الضيق في الخلف فقط

عبرود طويق

21/09/2009, 09:03 AM

مراحب...اذا كان استخدامه في البر قليل فهو بيخدم...
لان كله بلاستيك....
1-1

مهجد النت

25/09/2009, 08:24 PM

عليك بصلاة الاستخارة

فلقه

12/10/2009, 06:54 AM

طيب يا رياجيل بكم مستعمل

كشات غربي

12/10/2009, 08:18 AM

الله يكتب لك ما فيه الخير ويهديك سبيل الرشاد

mednight

12/10/2009, 09:44 AM

الموتر معي صار له سنتين و ما غير تفحماته إلا مره وحده بعد ما مشى تقريبا" ستين الف كيلو و من ناحية الضيق على حسب إذا تبيه اوتبيس طبيعي يبي يكون ضيق و إذا تبيه حق اربع اشخاص فهو كويس .. من ناحية الباب الخلفي الروز رويس بابها الخلفي نفس طريقة الإف جي و لكن للناس فيما يعشقون مذاهب ... و من ناحية صرفه للبنزين هو صرفه على عزمه يعتبر مناسب و لكن عيبه أن التانكي صغير و لو كان التانكي كبير لتغيرت النظره ..

من ناحية النشاط فهو نشيط و مناسب للشباب اكثر من الشياب و مناسب للعائلة المكونة من اربع اشخاص

لأن المرتبة الخلفية ليست كبيرة كفاية ..

و من ناحية الهواء و الأصوات فكل الجيوب تقريبا" ليست مثل السيدان ..

و نصيحتي لك اخي الكريم .. صل الإستخاره و لا تأخذ كلام الناس و استخر و جرب و انت احكم

لأن الناس تحكمهم ميولهم و اهوائهم إلا من رحم ربي .. فلذلك استخر و استأجره لك يومين و جربه و احكم بنفسك ..

راعي طفات

12/10/2009, 02:17 PM

1- صلاة الاستخارة

2- جرب الموتر قبل تشتريه

3- يعتبر من فئة ( الربع ) كان عندك عائلة الصالون أفضل بلا شك

4- كان رحلاتك بعيدة داخل البر خذ حساب البنزين

5- هل يمسك سعره عند البيع ؟؟؟؟ <<<<< نقطة مهمة جدا - يمكن تمل منه ولا مايجوز لك وتبلش به -

6- وجهة نظري انه شبابي وللطلعات الخفافية

7- قرأت أن من عيوبه الزاوية العمياء بالخلف + تصميم الزجاج الأمامي + صوت الهواء + المطب

وفقك الله

ahmad995

12/10/2009, 03:01 PM

ممتاز مررره
توكل على الله واشتره وانت مرتاح
واحد من العيال كان معه باثفندر 2004 نظيف مره
وصديقي راعي تطعيس ومراقى ما كمل معه الباثفندرر 3 شهور وبدت الحرارة ترتفع وقرقعه البيبان
والمكيف خرب ووضب قيرة ب 4500 ريال باعه 47 الف عقب ما اشتراه ب 64 خلال سنتين

واللحين معه اف جي من 6 شهور ويقول اثري كنت ضايع بالباثفندر ويتردد من الرياض لبريدة كل اسبوع يقول رساوة وراحة وبدون حنه مكينه والى الان يقول ما حطيت فيه الا زيت وبنزين ماشاء الله
واقوى من الباثفندر وافضل منه بالخطوط

العودالازرقhk

13/10/2009, 01:05 AM

الله يوفقك لما فيه الصالح لك اخوي

مطيع لوالديه

13/10/2009, 06:14 AM

انا معي واحد 2008 سافرت عليه الي الدمام قبل يومين ماعبيته الا مره وحده
والسيفون 25 عند الوكاله والموتر تمام من جميع النواحي لا نفود ولازفلت
ومعي الحين سنتين ماشاء الله زي الحلاوه