المساعد الشخصي الرقمي

مشاهدة النسخة كاملة : في مثل هذا اليوم كانت فزعتكم


العودالازرق
14/09/2009, 07:38 PM
قبل عامين في العشر الأواخر من رمضان كنت ناوي السفر أنا والعيال للشرقية
لكن ما اراد الله عسى في الأمر خيره تعطلت السيارة فجئة سحبتها على سطحة
حتى أقرب ورشه وكانت النتيجة طرمبة البنزين مرض الجمس المزمن
شريت جديده 800 ريال من عند بالبيد وركبتها وكلها يوم ونصف ونسدح على طريق صلبوخ
ورجعت مره للورشه وفك الطرمبه ورجعتها للحبيب بالبيد اللي ما فاصلني واعطاني فلوسي على
طوووول لأنه عارف أنها رايح تخرب والله ضاق صدر حتى عرضت مشكلتي على الشباب
في مكشات والحمد لله واحد من الشباب وصاني أن أذهب إلى ورشة شلنجر في الصناعية
القديمة وفعلاً رحت لهم وسلمتهم السيارة بعد أن أخذت قيمتها800 ريال
تركت السيارة عندهم ورحت للصراف ورجعت لقيت السيارة شغاله ناس ما عندها وقت
والله الموتر تغير عزمه والحمد لله الليله كملت السنتين دون مشاكل خاصة أني حرصت على البانزين
ما ينزل عن النصف الله يرحم والدين من ساعدني .
موضوع الفزعه
http://www.mekshat.com/vb/showthread.php?t=115352 (http://www.mekshat.com/vb/showthread.php?t=115352)
البوعينين99
14/09/2009, 08:03 PM
تستاهل كل خير والله


وماقصرت على التذكير ,,,
هويدي
14/09/2009, 08:07 PM
الله يتمملك وموترك دوام الصحه والعافيه :)

والله يجزاك خير على التوجيه
؟؟؟ياعيني؟؟؟
14/09/2009, 09:39 PM
الحمد لله الذي جعل لنا منتدى نتشارك فيه بالاراء ونتبادل بالافكار ويعين بعضنا بعض ..
الله يعطيك العافية اخويالعود الازرق على هذا التوجيه و(الفزعة)

تقبل تقديري واحترامي
تناهيت
14/09/2009, 11:37 PM
هلا بك اخوي وهذا الشي غير مستغرب من شقردية مكشات ...لكن اخوي انت ما ذكرت وش سوو الورشة للسيارة هل ركبو لك طرمبة جديدة او صلحو القديمة او رهمو لك حقت جيب

نرجو منك التوضيح لتعم الفايدة


تحياتي الخالصة
س6ك7ب
15/09/2009, 01:00 AM
الحمد لله اللي وفقني واشتركت بهالمنتدى
وهذا أحد الأدلة على الأخلاق والروح العالية والطيبة لمشتركيه
وأبشركم كل يوم أزداد فوائد.
العودالازرق
15/09/2009, 02:46 PM
هلا بك اخوي وهذا الشي غير مستغرب من شقردية مكشات ...لكن اخوي انت ما ذكرت وش سوو الورشة للسيارة هل ركبو لك طرمبة جديدة او صلحو القديمة او رهمو لك حقت جيب

نرجو منك التوضيح لتعم الفايدة


تحياتي الخالصة

حياك الله أخوي اللي ركبوها طرنبة جديده نوع الماني الظاهر أنها حق شبح لكن بعض الاخوة يقول أن مالها
رقم شكلهم جايبينها طلبيه المهم ركبها ونااااااام وتركب طبيعي دون ترهيم أو عبث بالاسلاك
بدوي جنوبي
15/09/2009, 04:40 PM
النوع اللى ركبوه حق مرسيدس
وعلى فكره الطرمبه تكون خارجيه
وليس داخل التانكى ،،

تحيتى
العودالازرق
18/09/2009, 10:13 AM
النوع اللى ركبوه حق مرسيدس
وعلى فكره الطرمبه تكون خارجيه
وليس داخل التانكى ،،

تحيتى

لا أخوي نفس الشكل وتركيبها داخلي مثل القديمة بالضبط حتى الفيش نفسه
محسن اليامي
18/09/2009, 12:52 PM
الحمدلله وهذادليل تبادل الخبرات في منتدانا الراقي

وعساها دوم يالعود الازرق
برق خاطف
18/09/2009, 05:08 PM
هلا بالناس الطيبين

كل كلامكم على عيني وراسي ...
اقتباس:
المشاركة الأصلية كتبت بواسطة تنهاهيت http://www.mekshat.com/vb/images/buttons/viewpost.gif (http://www.mekshat.com/vb/showthread.php?p=3131526#post3131526)
هلا بك اخوي وهذا الشي غير مستغرب من شقردية مكشات ...لكن اخوي انت ما ذكرت وش سوو الورشة للسيارة هل ركبو لك طرمبة جديدة او صلحو القديمة او رهمو لك حقت جيب

نرجو منك التوضيح لتعم الفايدة


تحياتي الخالصة


حياك الله أخوي اللي ركبوها طرنبة جديده نوع الماني الظاهر أنها حق شبح لكن بعض الاخوة يقول أن مالها
رقم شكلهم جايبينها طلبيه المهم ركبها ونااااااام وتركب طبيعي دون ترهيم أو عبث بالاسلاك ......
انا احد الضحايا لمركز تشالنجر (( النصابين )) وانا مسؤل عن كلامي .. وقصتي مثل قصة الاخ(( العود الازرق )) رحت بالسياره لهم بسطحه لان الضمان عندهم .. وخذ لك من الخراط والكلام الفاضي .. فحص كمبيوتر 100 ريال . تغيير الطرمبه المانيه على كلام المهندس السوري 1000ريال .. قلنا خير اخوكم ماعنده حل ثاني .. لاكن متى تخلص السياره قاللي بعد يومين ..((السياره بده شغل كتيير...
ومن باب اللقافه قلتله ابي اشوف الطرمبه اللي بتركبها .. الله لايعيدها من كلمه .. زعل وزبد هالسوري .... شووو مافي سقه.. شو مابيتسدق .. ركبنا لناس ابلك تقريبا الف سياره ...
ماالو هييك ..
المهم .. ان ماعنده نيه اني اشوف الطرمبه الجديده...انا قلتله الله وكيلك .. ركب ابدا في الشغل.. وهو يزعل مرة ثانيه ... الله لايعيده من سوري ..
شكلي طولت السالفه .. بعد مااستعملة السياره لمدة شهر او اكثر طلع عندي مشكله في العوامه الامبير حق البنزين مره فوق ومره تحت.. قررة انزل التانكي في البيت واشوف ايش المشكله.. والله مفاجأه من العيار الثقيل .........
لقيت العوامه طايحه بالتانكي.. قلة بسيطه امرها سهل ..
في قلبي شي ...ابي اشوف الطرمبه الالمانيه اللي يقول السوري .. والله قاهرني ابن اللذينا.....
المفاجأه الثانيه اكبر... فكيت قاعدة الطرمبه وطلعة الدينمو اللي يقول الماني .. ويش لقيت ياجماعة الخير ..
والله انا في العشر الاواخر .. ولا راح اضلمهم ولا اضلم نفسي .... لقيتهم لاركبو المانيه ولا ايطاليه....
ركبو حقة شد البلد GM !!!!!!!!!!!!
وماخذين علي 1000 ريال !!!!!!!!!!!!!!! وانتظار يومين ..
حسبي الله عليهم الله لايوفقهم دنيا واخره ..
اختصرة الموظوع وركبة حقة تويوتا .. وقيمتها 240 ريال .. ولها الأن اكثر من السنه مافيها اي مشاكل ....

هذه تجربتي مع مركز تشالنجر النصابين
العودالازرق
30/09/2009, 09:48 AM
ركبو حقة شد البلد GM !!!!!!!!!!!!
وماخذين علي 1000 ريال !!!!!!!!!!!!!!! وانتظار يومين ..
حسبي الله عليهم الله لايوفقهم دنيا واخره ..
اختصرة الموظوع وركبة حقة تويوتا .. وقيمتها 240 ريال .. ولها الأن اكثر من السنه مافيها اي مشاكل

حق الجمس شد بلد من بالبيد 1200 + 250 ركيب وفاشله بعض الأخوة يقول حق الوكالة
قيمتها فوق 6000 الآف ريال وتجي طلبية
أما حق شلنجر اربعه من الاصدقاء ماشيه
معاهم تمام . بس غلط منك تتشاد مع العامل
تراه يضرك بأي طريقه