اسعار برادو 2010

[مخاوي نجد]

السلام عليكم ورحمة الله وبركاته



هاذي اسعار برادو 2010 وذلك حسب ماهو موضح في موقع تويوتا اليابان حيث تم تدشين البرادو بتاريخ 14/9/2009


اوضح لكم بعض المواصفات



البرادو متوفر بست فآآآآت (في اليابان)


* ثلاث فآآآت بمحرك V6 1GR-FE
(خمس سرعات اتوماتيكية)


- اعلى فئة TZ-G
192,907.00 ريال



- الفئة المتوسطة TZ
166,509.20 ريال



- اقل فئة TX
150,264.40 ريال




* ثلاث فآآآت بمحرك V4 2TR-FE
(أربع سرعات اتوماتيكية)


- اعلى فئة TX-L
151,888.88 ريال


- الفئة المتوسطة TX
134,019.60 ريال


- أقل فئة TX for 5 person
(بدون مقاعد صف ثالث)
127,927.80 ريال





* جميع الفئآت لايتوفر بها اسبير علاق كما هو موضح في
دليل المالك للسيارة (http://toyota.jp/manual/landcruiserprado/landcruiserprado_200909.pdf). (باللغة اليابانية)


* تم تحويل القيمة عن طريق تحويل العملات من خلال موقع البنك السعودي الفرنسي


*جميع الاسعار الموضحة أعلاه منقولة من
موقع تويوتا اليابان (http://toyota.jp/landcruiserprado/concept/grade/index.html)



*جميع المواصفات الخاصة بالبرادو الياباني متوفرة على الرابط التالي


برادو 2010 (http://toyota.jp/landcruiserprado/exterior/bodycolor/index.html)


منقول للفائدة

[abo abd allh]

يعني البرادو الربع ما يجي الا 4سلندر

[غالي]

اها آجل 192 الف؟؟

ارسل لليابانيين وقلهم غالي يستنى الهايلوكس يوصل 150 الف خلال هالسنتين

استهبال هالعالم اقسم بالله

العالم رواتبها على 3000 وعلى 5000

وهذي اسعار سياراتهم :)

شكرا لك اخوي ونرجع نقول

خلوها تصدي :p

[سيد النشاما..]

العالم رواتبها على 3000 وعلى 5000



ومبعوج منها 1500 إلى 2000 قروض , أو ديانة من أبوسعد وألا ابوصالح :D





خلوها تصدي ,

[أبو يزيد 11]

هذا اسعارها باليابان ولجت السعودية عند ابو جميل زاد عليها عشرين الف
الله المستعاااااااااان

[الرررحال]

حسبنا الله ونعم الوكيل...

والله ماصارت اسعار........

[التعـ King ـديل]

هذا اسعارها باليابان ولجت السعودية عند ابو جميل زاد عليها عشرين الف
الله المستعاااااااااان

عشرين الف بس .. كل موديل يتغير يرتفع 50 الف على الاقل ..

اجل ال 2009 الفل كامل ب 140 الف والجديد 192 الف + 50 الف حقت ابو جميل

اطق لي فكسار 2010 ب 250 الف ارحم وفيه كل المواصفات وخليجي 8 سلندر

[mohmad]

فيه شي يسمى

مستعمل

وخل الغالي لاهله

[أبو محمد2010]

يا حليل جي أم و فورد.....

وين يبون بهالأسعار....

[ابن عكاش]

الله يعين على غلى هالكراتين والله انها كراتين ولا تكلفهم واجد لكن وش نقول شعوب مغلوب عليها واسعار نار يزين القديم والله ابرك منها مية مرة
مشكور يالغالي

[رمز الوفا]

السلام عليكم كم سعر الفورتشنر 2010

[واتين]

لايهم الجديد خلك على القديم ترى يجي يوم تحسف عليه ......؟
......مثل مكاين العجز ألي باعت بسبعين الف ربحانه ....وألي بالخردوات رميته مع البنقالية خسرانه ...؟؟؟
تحياتي كامري 2002 قالبه مع تعديل راضي فيها

[shaheenshah]

الله لا يهبلنا

الغالي علاجه الترك

[العود&& الازرق]

يعطيك العافيه

[شيخ النفود]

وش هالاسعار ..؟

[الربذي]

برادو ب192 ههههههههههههههه شر البليه مايضحك ...............

[تميمي92]

193 الف لوه الماني موصفات

دبل ودرايش تماتيك وريموت وبس

خلوه تصدي

[ابوطاقية]

يا اخوان هذي اسعارها باليابان
وانتم تعرفون ان دخل المواطن اليياباني اعلى دخل بالعالم يعني ها البرادو براتب شهرين

[صالح2007]

اشتري ارض وابني دوراحسن لي واقضي حياتي تكاسي......
ياوالله الدجه

[الربذي]

يا اخوان هذي اسعارها باليابان

وانتم تعرفون ان دخل المواطن اليياباني اعلى دخل بالعالم يعني ها البرادو براتب شهرين
صدقت اخوي واحد راح بعثه هناك واحتاج فلوس لان وضعه المادي ووضع اهله لك عليه قام قال ابي اشتغل
تدرون وش بداء يشتغل يغسل الصحون بالمطعم بعد كل وجبه وراتبه 4800ريال ويعتبر قليل جدا وراتب عامل النظافه عندهم عالي جدا فوق30الف سعودي ويسمونه مهندس الصحة ........

لكن هنا الرواتب ضعيفه والسعر هو نفسه هناك.............اكتب بقوقل بحث عن راتب عامل النظافه باليابان وشوف بنفسك ....

[رواق الكشته]

بصراحه جنون ...

الأن البرادو قد يجد مشاكل في تسويقه لأن البديل بنفس السعر أفضل منه ...

لكن الوكاله يراهنون على المهابيل وعلى الشركاة وعلى ضعاف النفوس اللي راح يسحبون كل اللي بالوكاله

بصفقات حكوميه مدهونة السير ...

[أبوحمييد]

هاذي اسعار اليابان واضنه بيختلف لاجا هنا لامن ناحية المواصفات ولامن ناحية السعر...

[الرجيلي111]

يعطيك العافيه

[ابومحيميد]

اف والله سعره جداً غالي

حرام السياحي بـ 127

[sallen]

اها آجل 192 الف؟؟

ارسل لليابانيين وقلهم غالي يستنى الهايلوكس يوصل 150 الف خلال هالسنتين

استهبال هالعالم اقسم بالله

العالم رواتبها على 3000 وعلى 5000

وهذي اسعار سياراتهم :)

شكرا لك اخوي ونرجع نقول

خلوها تصدي :p
رد قوي
وخلوها تصدي
:p

[جغرافي2000]

سلاااااااااااااااااماااااااااااات وش هاالنيراااااااااان قصدي الاسعااااااااااار و الله فعلا شر البلية ما يضحك يا شيخ خلني على دردعتي أبرك من سياراتهم

[الفتيله]

هذي حركة من ابو جميل الله :::::::: يقول لكم فيها ( ثاني مره لاتحطون راسكم من رأسي وتسوون لي فيها مقاطعه انتم شعب يبي تأديب علشان كذا ابرفع اسعار 2010)

بعض الأخوان يقولون اتجهوا الى المستعمل وهذا سيولد لنا الف ابو جميل فالشريطية على كف من يشيل ولن يتركوا الفرصة تفوتهم

[Abu Saad]

ومبعوج منها 1500 إلى 2000 قروض , أو ديانة من أبوسعد وألا ابوصالح :D

الله مير يسلمك :no:

[أبو خولة]

أهم شي نأكل رز ونتقهوى المغرب ونسجل مقاضي عند االبقاله ونفرك من الدوام يوم الاربعاء ...................................... وهذي الحالة الا بيت ملك ولا سيارة ملك نظام تأجير ....................لا يقولون بعد البرادو الجديد 192 الف شكلي ابطق واحد ؟؟؟؟؟؟ههههههههههه

[ماكسس 900]

جعلي أمشي على رجولي طول عمري ولا أدفع دم قلبي على بقره ماخوذ منها كمبروسر ومسجل الوكاله ولاعب علينا حاط زر لدعاء السفر والله لو اننا قبل أمس أسلمنا
ياشباب الحل الوحيد طوربيدات تجربع كل سفينة شحن لبو جميل ولا ندفع لهالعبند قراصنة الصومال

[ياوجودي]

جعلي أمشي على رجولي طول عمري ولا أدفع دم قلبي على بقره ماخوذ منها كمبروسر ومسجل الوكاله ولاعب علينا حاط زر لدعاء السفر والله لو اننا قبل أمس أسلمنا
ياشباب الحل الوحيد طوربيدات تجربع كل سفينة شحن لبو جميل ولا ندفع لهالعبند قراصنة الصومال
^^^^^^^^^

هههههههههههههههههههههههههههههههههههههههههههههههههه ههههههههههههههههههه


:good: :good: :good: :good: :good: :good: :good: :good: :good: :good: :good: :good: :good: :good: :good:

[صقرالعرب2007]

متأكد أن سعر البرادو 2010 الـ 6 سرندل بيكون من بين 140 ألف ـ 170 ألف إن طقته الحمى...

لا تشيلون هم

[ymas]

اليوم كنت في وكالة عبداللطيف جميل وهذي هي الأسعار
سيارات البرادو 6 سلندر

VXL 195500 RS
VX2 180500 RS
160500 ريال VX1
TXLعادي ب130500 أتوماتيك 136500
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــ
أم 4 سلندر فهي

TXL عادي 109000 أتوماتيك 113500
TX عادي 103000 أتوماتيك 107500

[alanaziB52]

والله حرام فيه هالسعر ,,,,, اقولك خله يصدي عندهم

×

[مقلع الرمث]

اعوذ بالله برداو ب 200 الف الله يذكر ايام اللكزس بهالاسعار

مااقول الا خلوها تصدي

[بدوي جنوبي]

اها آجل 192 الف؟؟

ارسل لليابانيين وقلهم غالي يستنى الهايلوكس يوصل 150 الف خلال هالسنتين

استهبال هالعالم اقسم بالله

العالم رواتبها على 3000 وعلى 5000

وهذي اسعار سياراتهم :)

شكرا لك اخوي ونرجع نقول

خلوها تصدي :p


الله يخلى لنا مواترنا
نحط عليها 5 الاف نرجعها شد بلد

وخلوها تصدى :D
http://www.alriyadh.com/2009/04/05/img/1238843388264069000.jpg

[بندر ع ح]

تدرون ليه ياشباب تم رفع سعر البرادو

يوجد لدينا ناس شرت البرادو بكثره في الخليج وعلى قولتهم الشي اللي فيه حلى زد سعره

فلو نقاطع اب جميل شوي هذي السنه فقط تبون تشوفون الاسعار في سقوط

قالو ازه عالميه

اظن على الشعب اللي مثلنا بس

[المرقآب]

يا حليل جي أم و فورد.....

وين يبون بهالأسعار....

سعيــــــــد أخـــــو مبــــآرك:o
خلــــــــوهــــآ تصــــــدي . . .