الاخوه المشرفين والاعضاء اريد حلا لسيارتي ؟

[abuwaleed]

السلام عليكم ورحمه الله وبركاته
مشكلتي بعد مامشي بالسيارة مشوار وارجع وابغا اشغل السياره بعد 10 دقائق ماتشتغل يعني كانها مشرقة بالبنزين وبعد ماتبرد السياره تشتغل على طول يعني بعد ساعة او اكثر
مع ملاحظة الاتي .........1-الكبليتر سليم ونظيف 2-طرنبة البنزين سليمة
3-اسلاك البواجي والبواجي سليمة 4-السلف جديد
5-الكويل ركبنا جديد 6-غطاء البليتين جديد
7-جددت اسلاك التوصيل من الكويل الى البلتين وكذلك الى البطاريه

كل هالتغيرات غيرتها من هالورش غير غير.......؟
طبعا الموتر لاند روفر ديفندر مديل 84 مع ملاحظة البليتين اكتروني هو الوحيد الذى لم اغير فيه
شى والظاهر مابقى الا هو؟
الفزعة الغزعة وش الحل ؟

[صقر]

السلام عليكم.

حسب معلومات الخاصة والمتواضعة أن العلة في طرمبة البنزين.

واذكر أن اننا نضع عليها خرقة مبلولة بالماء حتى تبرد وبعدين تشتغل السيارة.

والله يشفي سيارتك يا ابو وليد.

[abuwaleed]

الطرمبه سليمه ياخوي صقر بس شف العلله وين والله اني محتار؟

[abuwaleed]

يالله ردو علينا والا خلينا مكشات مقشاع
وين الاخ ايمن وطاير بالعجه وكحيلان وشقردي وجميع الاعظاء لا تبخلون علينا.
:mad: :mad: :mad: :mad:

[Bader-M]

يالله ردو علينا والا خلينا مكشات مقشاع

الله يصلح قلبك

انا قريت سوالك كم مره
وحوالت اني اجد حل مشكلتك

ولكن في الحقية لا املك اي اجابه

وقيل

من قال لا اعلم فقد افتى ;)



.......

[اعقاب]

السلام عليكم ورحمة الله وبركاته



يالله ردو علينا والا خلينا مكشات مقشاع :hot:

السبير غيرته ولا لا:D

الطرمبه من الاحتمالات المتوقعه مثل ما قال اخونا

البليتين مابقى الا هو

اقطع الشك باليقين:good2:

[abuwaleed]

اظاهر ما بقى الا اغير الطرمبه واشوف وش يصير!!!!!!!!!!!!!!!!!!!!!!!!!!!!!!!!!!!!!!!!!؟؟؟؟؟ ؟؟؟؟؟؟؟؟؟؟؟؟==========$$$$$$$$$$$$$

[الجيب الربع]

الأصل كُتب بواسطة صقر
السلام عليكم.

حسب معلومات الخاصة والمتواضعة أن العلة في طرمبة البنزين.

واذكر أن اننا نضع عليها خرقة مبلولة بالماء حتى تبرد وبعدين تشتغل السيارة.

والله يشفي سيارتك يا ابو وليد.

أخي abuwaleed

أنا اوافق على ماقاله مشرفنا العزيز صقر جرب تبريد الطرمبه باي طريقه وشف النتيجه.... مثل هذا كان يحدث في دوج كان عندي وكنت أرش الطرمبه بشيء بارد ويشتغل على طول

لك أحلى تحية

[abuwaleed]

انا غيرت الطرنبه اليوم ان شاء الله ابعلمكم وش يصير

[abuwaleed]

ياهل الفزعه
غيرت الطرنبه والحال كما هو رحت فحصت البليتين قلت ما بقى الا هو قال الكهربائي الشراره موجوده
وقوية البلتين سليم.......تكفون وش الحل لا تبخلون علينا.

[الخيال]

سبق وأن صارة معي على شروكي موديل 91 وخسرني في الصناعية كذا مرة وكل واحد من المهنسين المعروفين من اليمانين وابوهنود ......الخ يجيب من راسة راي وغيروغير ولافية فايدة وياماسحبتة بسطحة.
ويوم اللة أراد إكتشفت الخلل بنفسي .
وش طلع علبة الفيوز اللي داخل الكبوت إذا عيا يشتغل طقيته بمفك ولاحصاة وبعد ذلك يشتغل مثل الساعة .
وسويت لها تنظيف عند كهربائي فك القاعدة ونظفها وطلاع من أحسن مايكون .

[abuwaleed]

موتري فيوزه لمبات من النوع القديم وكلها منظفها ومشيك عليها يابعد حيي يالخيال.
استجد شي جديد ياشباب واحد شرواكم قالي اذا جتها علتها وما اشتغلت اضغط على البنزين الى
اخر حد وشغل اذا اشتغلت فالكبريتر يبغى تنظيف وطبقت طريقته كذا مره واشتغلت السياره
وش رايكم يا شباب كلن يدلي بدلوه انا في انتظاركم

[الجزوم]

السلام عليكم

بالنسبة للسيارات ذات التشغيل القديم يعني كربريتر من الطبيعي انك اذا طفيتها وجيت تشغلها مره ثانيه وهي

ما زالت حاره انها ما تشتغل الا مع دعس البنزين حول ربع او ثلث الدعسه وتزيد في الدعس وانت داق سلف

الين تشتغل وهذا الامر طبيعي جدا ولا فيه اي مشكله في السياره واذا تعودت على هالشي بيكون عادي عندك...

ومعضم السيارات فيها هالشي ولو تجرب لك كراسيدا او ددسن او اي سياره كربريتر وتطفيها وتجي تشغلها

تجدها ما تشتغل الا اذا دعست شوي بنزين ...

وتقبل تحياتي

الجزوم

[سنتافي]

السلام عليكم ورحمة الله وبركاته

اخوي انا برأي انك من البدايه المفروض انك تروح الوكاله وتسألهم لانهم احيانا يكون عندهم كتيب يبين العيوب والمشااكل الي تظهر للسياره مع الوقت ومسبباتها وحلولها من تجارب المصنع و وكالات السيارات عادتا لا يعطى للزبون ومتأكد انهم بيرفضون يورونك اياه لكن لو تعرف احد فيها ممكن يساعدك وكان وفر عليك هذه الصرفيات


http://www.mekshat.com/pix/upload/images5/mk8041_1121.JPG

[طحنون]

السلام عليكم ورحمة الله وبركاته
مرحبا اخويabuwaleed
من وجه نظري يمكن يكون المشكله من الكهرباء
بدقولي ليه بااقولك
نفس الاسلاك اللي بالظفيره هي وموزعه علىااجزاء السياره صح
السلك اللي رايح الى طرمبه البنزين
والسلك اللي رايح الكلبريتر
والسلك اللي رايح الى الديلكو((واركز عليه)) زياده
والسلك اللي رايح الى الى الدينمو لا تقولي ليه
انت شيك على اللي قلتلك وان شاء الله بتدعيلي
مع التأكد من الفيوز ان كل فيوز راكب في مكانه الاصلي وكلن راكب على رقمه المقصص له
انا متأكد ان المشكله في الكهرب بسبب ظغط الكهرب اللي ماهو مرتب بشكل صحيح بالسياره
ويعطعي كهرب زياده ويسبب مشاكل في التشغيلوارتفاع الحراره
اخوك طحنون
;)

[غواص الاحلام]

الاخ الغالى /ابو وليد
السلام عليكم ورحمة الله وبركاته
اقر واعترف انى جهل مركب فى علم الميكانيكا ولا كن علمتنى الحاجة عدة حلول فيما يتعلق بمشاكل السياراتوسأعرضها عليك وانت الحكم (حشا دعاية شاهى ليبتون)
1-اولا محاولة مع الوكالة مع العلم ان بعض الوكالات ماتنفع تصير ولا وكالة توزيع حلاو بقر

2-افتح الانترنت وعلى طول راسل المصنع وخذها منى ان ماأعطوك الحل ووجهو الوكالة بعمل اللازم وعلى فكرة قد يكون فى السيارة عيب مصنعى ولاكن بعض الوكلاء عندنا ..ماأقول الا حسبنا الله ونعم الوكيل
لذلك قبل لاتراسل المصنع جهز رقم الشاصى فهو اول سؤال يطلبونه منك وكذلك رقم المحرك والموديل

3-ان لم ينفع معناها ان فيه واحد صاكها عين ماصلت على النبى حاول انك تعرف منهو والباقى انت تعرف

4-ان لم ينفع فكما قال الشاعر فى سيارة صاحبه الذى كان يشتكى من كثر اعطالها :

وعندى لك نصيحة ان رمت تصلحها
بأن تدحرجها فى اوسع الحفر

[abuwaleed]

شكرا لجميع الاخوان الجزوم و سنتافي و طحنون و غواص الاحلام
والله كل الكلام الي قلتوه سويته.......وعلت السياره توها صايره مالها الاشهرين
والله يمكن كلام اخوي غواص الاحلام صدق فيها عين لان كلن ينحتني في هالسياره
قديمه وما خلت مكان ولا فيضه ولا روضه الا وماشالله واصلتها ماغير هالجماعة يقلون وش هالسياره
الي ماخلت مكان الا وراحتله سياراتنا هالجديده ماراحتله.

[ابن هدبة]

السلام عليكم ورحمة الله وبركاته


ياصاحبى الى يدور المكينة هو السلف والتماتيك حيث ان اللى بسيارتك تجارى ولما
يحتر الموتر مايشتغل لانه تجارى لمايحتر وان برد اشتغل عادى واقوولك بدل السلف

ولك جزيل الشكر والاحترام

[abuwaleed]

السلف جديد ومن الوكيل السيف.

السؤال هل انظف الكبريتر ابي اجابه

واسف على الاطاله بعدم الرد لاني مسافر.