المساعد الشخصي الرقمي

مشاهدة النسخة كاملة : ساعدوني في شراء سيارة اكسبلورر 2009 ... اللي يعرف احد في التوكيلات


AbuSami77
17/09/2009, 01:39 AM
السلام عليكم ورحمة الله وبركاته

اخواني أنا بعت سيارتي واخذت فلوسي رحت توكيلات الجزيرة في جدة ابغى اطلع اكسبلورر 2009

اللون اسود من داخل بيج الدرجة الثانية ( حساسات وارقام على الباب ) قالوا لي مافي الا ازرق وأحمر

وبعد لف ودوران وعجن ولت بين الموظفين قال لي موجود سيارة واحدة فقط وفي جدة قلت خير وبركة

قال لي لكن مانقدر نطلعها لك الا بعد مايبدأ الدوام بعد العيد بحوالي ستة أيام

المشكلة انا دوامي في الدمام .... يعني ويني ووين جدة

والمشكلة الثانية انها غير موجودة لا في الدمام ولا في الرياض ( يقولوا الموجود كلها محجوزة )

قلت خلاص اروح الدمام واطلعها من هناك بعد فترة ... فتدخل أحد الموظفين وقال بعد العيد مافي غير 2010

وراح يرتفع سعرها وممكن تتأخر كمان

وأنا ما ابغى ادفع 97000 على اي لون ( ماسكة على أسود من داخل بيج )


فياليت أحد الأخوان الكرام وعلى رأسهم الأخ الأحمدي ولا يهونوا الشباب أعضاء الرابطة الكرام .......
اللي يعرف أحد في توكيلات الجزيرة يقدر يساعدني ... لأني رايح لهم في اول يوم دوام ان شاء الله .... وصعبة اجلس فترة بدون سيارة أو ادفع فلوسي في شي ما ابغاه

عضو رابطة ملاك اكسبلورر >>>>>>> باقي انتظار
شاكرا لكم ومقدر
التعـ King ـديل
17/09/2009, 02:30 AM
ابو سامي انت رح للمعرض اللي بديرتك واقلهم ابي اللي بجده وعطهم فوق الموتر 600 ريال قيمه الشحن للرياض او الدمام وانتهت المشكله

عربن على الموتر من الحين .. ولا تخاف من حركه بعد العيد مافيه الا 2010 لان الموظف يبيك تستعجل وتاخذها من عنده 2009

لانه مستفيد يحقق تارقت السنه انت كل اللي تسويه تدخل على مشرف الصاله او المسؤول الكبير عندهم وتقوله ان فيه اسود بجده

ولا تقوله موظف اللي عطاك الخبر علشان ماتسبب بمشكله له قوله انك اتصلت على فرع جده وقالو عندنا وخل فرع الرياض او الدمام

يطلبها لك وانت ادفع قيمه الموتر + مصاريف الشحن ومبروك مقدما .. بس نصيحه لاتدفع الفلوس كامله الا اذا وقعت على طلب

الشراء اللون اللي تبي وانتبه يخليه فاضي ويجيب لك الموجود ويقولك خطاء مطبعي ويروح عليك الاسود وتضطر تاخذ اي لون
AbuSami77
17/09/2009, 03:08 AM
أخوي كنج التعديل شاكر لك تعقيبك وبارك الله فيك

المشكلة أخاف أروح الدمام وتروح اللي في جدة .... انت عارف ايه الطبخة حقتهم

انهم ماسكين السيارات عندهم ويقولوا محجوزة علشان يبيعونها على انها 2010

وخاصة الأسود من داخل بيج .... لأنها أكثر السيارات من فئتها مرغوبة

أتمنى القى شخص يعرف أحد في التوكيلات يفزعلي وخاصة فرع الدمام

انا ان شاء الله مسافر بعد العيد .... بسيارة ايجار استلمها في جدة واسلمها في الدمام
ابوو زيد
17/09/2009, 03:40 AM
الله يالغالي لو تصبر يكون افضل

اذا نزل 2010 وما تغير شي ترى الفرق بسيط

ولو فكرت بالبيع بعد فتره يفرق المديل معك لو انك في بداية او منتصف 2009 كان قلت لك هذا بس ما بقى على نزول 2010 الا اسبيع او بالكثير شهر فحرام تفوت مديل

والراي الاول والاخير لك

والله يوفقك في مطلوبك و يعطيك خيرها ويكفيك شرها مقدما
AbuSami77
17/09/2009, 04:42 AM
شكرا لك اخي ابو زيد على النصيحة

لكن الفئة الثانية سعرها الآن 97000

وموديل 2010 اعتقد راح يكون 105000

ولا يوجد أي فرق ابدا بينهما في المواصفات
ن م ر 470
17/09/2009, 05:59 AM
الله يكون في عونك وتحقق مطلبك باأسرع وقت..

لكن مستحيل وكيل يبيع سيارة موديل سنه كموديل السنه الي بعدها لانها مسجله وموثقة برقم الشاصي وغالبا يأتي بعد الرقم الخامس من جهة اليمين أو اليسار حسب صناعة السيارة وشكرا
aljanah
17/09/2009, 06:03 AM
يبيعونها ولا يبالون ههههههههههه
الفلك
17/09/2009, 09:15 AM
وجهة نظر


يارجال وعسى ان تكرهو شي وهو خير لكم
يمكن لو خذت السيارة الآن وشفت 2010 بعد العيد يمكن تحسف وتقول
( ياليتني انتظرت حتى لو تسلفت كم الف )
انا الي سمعته ان 2010 بيتغير والله اعلم

اهم شي الاستخارة

وما اقول الا الله يكتب لك الصالح
إن شاءالله ولكل مسلم