توي متعين وابي مشورتكم

[أمير الو د]

السلام عليكم

يا شباب أنا توني متعين وابي سيارة تنجزني فالخط واعطالها قليل وتصبر علي

حدودي 23000 ريال

[عذب الروح]

يفيدونك بإذن الله الشباب

ومبروك التعين والله ييسر لك أمروك

[التعـ King ـديل]

كامري 2000
مكسيما 2002
كرولا 2003
صني 2004
اكسنت 2007
كابرس 2001
فورد 2000

انا اعطيك نوع السياره والموديل بالنسبه للنظيف يعني ممكن تلاقي اقل من هالسعر بس الله يعينك على التصليح

ووممكن تلاقي نفس النوع بس موديل اقل بس نظيف وينشد به الظهر ومبروك التعين والموتر ان شاء الله

[القناص4800]

ابنصحك نصيحه ((((حج عن الأمريكي وانت بخير))))

خلك على الياباني

[راعي المجهم]

فورد كراون فكتوريا 2001 نظيييييييييييف

[النجم الطائر]

كامري وبس http://smilies.sofrayt.com/%5E/aiw/fan1.gif

[طيار قطر]

كامري وداوم :)
الله يوفقك

[العريني1]

مبارك التعيين...والله يكتب لك الخير...
اشوف الكامري مناسبه او ماكسيما

[ياليل خبرني]

شف الكامري كويسة ماشاء الله تبارك الله

[مساح الحزوم]

شف لك فورد 2001
لاتنسى أنك تبيه للتردد لأن الكامري والصني والسيارات الصغار يلعب بهن الهواء عليك بالفورد مكده وقل خراب وان خرب قطعه رخيصه وكلن يشتغله

[البرحه]

مكسيما 2002 << انتبه !!

يجي في كثير من هالموديل مشكاكل في الكمبيوتر وسعره 4000

[الطيف الموادع]

مبروك التعيين وعقبالي :D

اشوف الكامري بس اهم شي نضيف عشان ماتعبك

بس الامريكي لاتقربه عله خراباته كثيره :no2:

[ابورايف]

مبروك خذلك تويوتا وبس

[ديزب]

ماقلت لنا الطريق فيه صحراء والا اسفلت كامل من البيت للعمل ؟؟

[Magellan]

أول شيء مبروك التعيين ..

وثانيا بالنسبة للموتر فأشور عليك بالكابرس موديل 88 -93 ،ملك في الطريق ومريح وقطع رخيصة ،بس الله الله بالنظيف..

وعندك خيارات ثانية مثل الفورد من 98 وطالع كمواتر خطوط
بالنسبة للكامري وأنا معي كامري فمشكلتها متعبه بالخطوط والدركسون مو ثابت يبغى لك تثبته بيدينك وغالبية طرازاته مافيها مثبت والآمان لك عليه وإلا هي موتر مايحتاج صيانه خصوصا موديلات 98-2002..

وإنتبه لايقربك النيسان بكل أشكاله وألوانه وخصوصا المكسيما تراها دمار وقطعها غالية ودايم حرارتها ترتفع...

[طياوي]

مبروك التعيين

عليك بالهايلكس
أو الددسن

والمبلغ اللي معك يجيب لك موديل من 98 إلى 2000

وكده ومتى ما بغيت تبيعه تلقى زباينه واجد

وازيدك ما ينزل به شي واجد وتبيعه حول قيمته اللي شريت به

[3bdelm7sn]

اذا تبي موتر يصبر والله مالك الا الدتسن والله انه موتر ما يقول لا في جميع الظروف
ودي اقولك هايلكس بس غالية واستخر وان شاء الله يجيك موتر 2010

[بدوي جنوبي]

انا اقول خذ مرسيدس ملك الخطوط
موديل 91 8 سلندر او 6 سلندر

او شبح من 93 وطالع

بالتوفيق

[ماجد1234]

نصيحتي لك


خذ لك كامري 99

او فورد 2000 وحواليها

والله يكتب اللي فيه الخير

[محمد النفود]

السلام عليكم

يا شباب أنا توني متعين وابي سيارة تنجزني فالخط واعطالها قليل وتصبر علي

حدودي 23000 ريال

طيع شوري وانا أخوك خذلك يارس وكالة بنظام التقسيط الآن نزلو 2010 فموديلات 2009 رخصوها من اول قيمته 38500 الآن أقل وانت بتدفع لهم مقدم اكثر من نص القيمه يعني قسطك بيصير يمكن 600 ريال. وأنتبه :no2: (التوفير عين الخسارة) تآخذ مستخدمه وتصير تداوم بالخضريه :no: .
وبالمبارك الوضيفه والله يرزقك خيره ويكفيك شره.
والله يوفقك.

[بندوري666]

اولاً : مبروك التعيين
انصحك بالكامري موديل 99 - 2000
وبالتوفيق لك

[arabicizing]

أخوي

أنا أرشح لك كابرس موديل 89-90 صدقني راح يريحك

بس دور النظيف تلقى ألنظيف النظيف89 ب 17 الف ووفر الباقي لك

[عويذر]

السسسسسسسسسسسسسسسسسسسلام عليكم
خذ ككككككككككككككككامررررري ولاتشاور
الله يوفقك

[سوبر مكشات]

كورلا ما فيها خرابات ابد
اشوفها مع اخوياي محد شكت منها
عندك من2001 الى 2005
اسعارها رخيص لكن النظيف يمسك سعره

[GMC79]

كامري لايعلى عليها ثم كورولا

[الرسيفر]

أنا من رأيي تصبر لك شوي وتعبر أمورك قبل تشري السيارة لين تدري وين يحطونك ممكن تشتري سيارة صغيرة ويشوتونك بأحد مدارس هالقرى الصحراوية ويالله عاد اقعد به تصير شريطي بع هذي واشتر هذي

[ريلاكس]

الكامري

والكرولا كلهن حلوات

[ابودعسان]

انا اقول خذ مرسيدس ملك الخطوط
موديل 91 8 سلندر او 6 سلندر

او شبح من 93 وطالع

بالتوفيق
انا مع اخوي بدوي جنوبي
المرسيدس ملك الخطوط والقطعه اللي تركبه انساها 10 سنين
والدليل شف الاجانب الشوام ماتشوف الا المرسيدس والعفش فوق التنده طول السياره

وبالتوفيق
الا وين تعينت ؟؟؟

[شنطة عده]

السلام عليكم

يا شباب أنا توني متعين وابي سيارة تنجزني فالخط واعطالها قليل وتصبر علي

حدودي 23000 ريال
السلام عليكم

لاتشتري غيرها وبتدعيلي
كرسيدا 6 سرندل
96 او 95 بشرط
بشرط تكون نظيفة

اعطالها نادره جداً جداً

سعرها مناسب وبتوفر مبلغ محترم من الي معك

في حالة بيعها تجيب لك قيمة وعليها طلب يعني ما تبلش بها

مكيفها ثلاجة واتحدى اي سياره مكيفها يبرد اكثر منها حتى لو 2010

صيانتها في غاية السهولة

اغلب قطعها تقدر تركبها بنفسك

[cooc]

كامري 2000

[.أبوعبدالرحمن]

طيع شوري وانا أخوك خذلك يارس وكالة بنظام التقسيط الآن نزلو 2010 فموديلات 2009 رخصوها من اول قيمته 38500 الآن أقل وانت بتدفع لهم مقدم اكثر من نص القيمه يعني قسطك بيصير يمكن 600 ريال. وأنتبه :no2: (التوفير عين الخسارة) تآخذ مستخدمه وتصير تداوم بالخضريه :no: .
وبالمبارك الوضيفه والله يرزقك خيره ويكفيك شره.
والله يوفقك.


أنا مع اخوي محمد النفود


وكلامه عين الصواب

[ميمون111]

صني صني صني صني
بتلقا بمبلغك موديل 2005 الى 2006

[أبوهشام2]

أهم شي أبعد عن الأجار المنتهي بالتهليك وأنت بخير إن شاء الله

[أبوالمثنى]

زد فلوسك شوي وطق لك بليزر

[بن عاقول]

صراحة أفضل من الكابرس والكروان فكتوريا بالنسبة لي ماشفت باعتبار ان المبلغ محدود والا لو الميزانية مفتوحة مافيه أحسن من الألماني

[راعي الفتك 9]

كان التعيين بعيد وطريق وعر عليك بالددسن إلين يفرجها ربك

[مكشاتي كوكتيل]

36 رد وصاحب الموضوع ماله حس ولا خبر!!.

عيني عليكم باردة يامكشاتيين. والله إنكم أهل فزعة ونخوة ولاعليكم قاصر.

ياصاحب الموضوع أكثر من عضو سألك وش طبيعة الطريق (اسفلت أو صحراوي) وكم كيلو وأنت للحين مارديت. المفروض ترابط عند موضوعك وترد على أي استفسار على طول لأنك صاحب الحاجة وعشان تفيد الأعضاء ببعض المعلومات عشان يفيدونك بآرائهم.


على العموم صار خير ودربي مثل درب أخوياي لازم أشارك وأعطيك رأيي :)

أنت توك متعين يعني ماعليك ديون ولله الحمد. ونوع السيارة اللي تبي تشتريها يعتمد على خططك المستقبلية. يعني إذا كنت ناوي تشتري سيارة تمشيك سنة أو سنتين لين تقترض وتشتري سيارة جديدة فأنا اقترح إنك تشتري مرسيدس 90 أو 89 أو 88 نظيف وبالتالي إذا أردت تشتري موتر بعد سنتين تقدر تشتري لك سيارة دفع رباعي على حسب دراهمك وتستخدمها للطلعات والبران والمرسيدس ذا يصير للخطوط.

أما إذا ماكان عندك نية تشتري موتر بعد سنتين وتبي تستخدم موترك لفترة طويلة فمالك إلا حمير المكدّة (وأنت والأعضاء بكرامه) ياكامري ياكرسيدا يافورد 99 أو 2000 أو كابرس 89

تحياتي لك

[أمير الو د]

أولاً السلام عليكم ورحمة الله وبركاته

كيف حالك طيبين إن شاء الله

قولوا آآآ ميين الله يجعلكم جميعاً من الذين قال فيهم ربهم (( أدخلوها بسلام أمنين ))

غفر الله لكم وتقبل الله طاعتكم وكتب لني ولكم الأجر والمثوبة وجعلني الله وإياكم ممن قام ليلة القدر إيما ناً واحتسابا

أشوف قلبتها خطبة جمعة >>>>>>>>>

ثانياً ماشاء الله عليكم ياهل مكشات أنا أشهد انكم وافين ورجالٍ صادقين وتحبون الخير بارك الله فيكم على هالردود الطيبه واللي تخلي الواحد يحس إنه يعرفكم شخصياً عن قرب

ثالثاً الله يبارك فيكم وعقبال ما نشوفكم مهندسين وطيارين ومعلمين وضباط

والله العظيم أخجلتوني >>>> حمر وجهه

وعلى فكره الموضوع كتبته اليوم الصبح بعد صلاة الفجر إن ما خاب ضني ورحت نمت إلى الظهر وانشغلت عن النت وتوي فاتحه بعد طاش

فالعذر منكم
وأشكر كل من رد علي فالموضوع ورزقه من حيث لا يحتسب كلاً باسمه


فيه كثير من الشباب اللي سأل عن مكان التوجيه ؟

والله التوجيه ياشباب لهالحين ماظهر شي يقولون يمكن بكره الجمعه أو بعد العيد

بس على ما سمعنا أن أهل الدراسات القرآنيه يوجهونهم يا على الجنوب (( نجران )) أو على الشمال (( سكاكا ))

وانا والله ما عندي إلا موتر ما يوفي ( النترا 2002 ) زيوتها تخرخر ولا تصلح أبد للخطوط

قلت أباسألكم وتعطوني مشورتكم والله يسهل الأمر

الصراحه شوركم علي طيب جميع وانا والله ودي الموتر اللي يقضي لزومي وينجز

إن قلت مرسدس والله أعشقه وملك خط لكن وين النظيف

وإن قلت كابرس فمع الوالد واحد موديل 2001 هو حق خط لكن الحرااااره سلخت جلده

والكورولا وطقتها مثل الصني غيرها ما تنفع للخطوط

أنا شوف أقرب شي هو الفورد لكن يبيله دزة دراهم شوي على النظيف

في الأخير شاكر ومقدر لكم وأعذروني عالقصور

[الهراس]

مبروك التعيين والله يوفقك ومثل ماما قال القناص4800 حج وهج عن الفورد <<عن تجربه شخصيه وانصك بالكامري شيخت الخط 240 استخير والله يكتب اللي فيه الخيره

[الكـاسـر]

بما انهم راح يعينونك في مكان نائي فما لك الا الهايلوكس يتحمل جميع التضاريس وصيانة وقطع غيار متوفر في كل قرية واذا بغيت تبيعة زبونه جاهز ويمكن تكسب فيه بعد هاه وش قلت:confused:

[النيساني]

مبروكـ التعيين وشوري عليكـ تأخذ كامري وإلا فورد بس إنتبة تنغش فيها .

[اسير الغضا]

ابعد عن المستعمل وخذ لك اكسنت اقساط
واترك النيسان ماينفع للخطوط

[abo_hoor]

مبروك التعيين واحسن سياره لك كورلا والله اي موديل والله ماشاء الله عليها بس تبي بنزين وبس

[جفيل]

كامري ..عطي الله حمار مكده وانت بكرامه ..وخاصه موديل 98 الى 2002

اسئل مجرب

[أمير الو د]

يا شباب حصلت بترول نيسان مقاس كبير موديل 92 أبيض فل سفاري

يقول صاحبه هو الثاني من الوكاله واللي قبله كان مع خويه طالب فيه 30000 ولا ينقص ريال
والموتر الصراحه عاجبني

وش رايكم

[ahmad995]

فورد شرط النظافه

او كامري

[حرف عطف]

على البركة التعيين أخوي ،،،،

من ناحيتي أفضل الفورد من زمان معي فورد ما شفت منه أي عيب وما لقيت مثله اشتريت موديل 99 و 2003 والحين معي 2008 ، سيارة مريحة على الخط وصرفها للبنزين في الخط مناسب جداً ،،،،

[ahmad995]

يا شباب حصلت بترول نيسان مقاس كبير موديل 92 أبيض فل سفاري

يقول صاحبه هو الثاني من الوكاله واللي قبله كان مع خويه طالب فيه 30000 ولا ينقص ريال
والموتر الصراحه عاجبني

وش رايكم
نصيحة ابعد عنه
شفط بنزين وقله راحه واصوات وقرشعه وموديله قديم يعني تبي تحط ما وراك وقدامك

[PICASSO.]

اخوي اذا تبي نصيحتي انت لا تاخذ سيارة غير الكورولا لان انت دوبك متعين ولازم تخطط لمستقبلك عشان ما تطيح في الديون ومو لازم تاخذ سيارة راسيه او في الخط تمام اصبر الين ربك يفرجها عليك عشان ما تطيح في ديون والله يطلع الشيب وانت ما سددتها اسال مجرب ولا تسأل طبيب هذي نصيحتي لك وانت لساعك في بداية المشوار

[ديزب]

انحش عن النيسان لو تمشي رجلي !!!

[بدوي جنوبي]

اذا ما تحب المرسديس خذ لكزس موديل 95 او 96
شرط تكون نظيفه
صدقنى راح تستانس معها

عموما انت ما ذكرت طبيعة الطريق
تحيتى

[أمير الو د]

اذا ما تحب المرسديس خذ لكزس موديل 95 او 96
شرط تكون نظيفه
صدقنى راح تستانس معها

عموما انت ما ذكرت طبيعة الطريق
تحيتى


أخوي بدوي من قال ما أحب المرسدس >>> هاه من قال قلي يالله ولا ترى>>> واحد معصب هههه

ياخوي والله يالمرسدس ناشبن في راسي نشبه واحبه لكن وين النظيييف ياخوي

إذا تعرف لي واحد تكفى لا يردك إلا الخاص

[سوبر VTC]

و عليكم السلام و رحمة الله

مبروك التعيين مقدما :)
و ان شاء الله انك حول اهلك :)
اشير عليك بباترول ربع سلقة :good:
موتر خط و بر و سفر و مريح :good:
كد و مد و مابه خسارة و زبونه والم
الطيب يوصل 28 م93 او 92
و عادي توفق بصديه كد بيع موتر طيب سلقة 96 ب30 الف :good:
ان بغيت سيارة
انصحك بفورد 2001 و طالع
غالبيه الموظفين فورد للدوام و للبر جيب
او ان حبيت كامري بس النظيف يوصل 33 الى 35 خصوصا النظيف
م2001 تماتيك او كورولا
انصحك بالفورد الامريكي او الباترول
اهم شي الاستخارة بعد الاستشارة
ولم الذبيحه بهالمناسبة :D:p:D
و لا تنسى سعيي فوق البيعه :D
موفق

[عآشق الحره]

يا شباب حصلت بترول نيسان مقاس كبير موديل 92 أبيض فل سفاري

يقول صاحبه هو الثاني من الوكاله واللي قبله كان مع خويه طالب فيه 30000 ولا ينقص ريال
والموتر الصراحه عاجبني

وش رايكم
حلو بس الله يعينك على البنزين والغبار وقطع الغيار نار

[الرسيفر]

والله يا ابن الحلال ما ودي أحطمك بس بالعادة تخصص الدراسات يحطونهم بأبعد إدارة وأبعد قرية ومن النادر يكون الطريق زفلت يعني اصبر واصبر واصبر ومن رايي دامهم بيجدعونك بعيد ما له سنع تشتري اشحن موترك وعبر أمورك لين تشوف وش أنت عليه
من رايي لو أنت بتتردد يومي معك اشتر سيارة أما تشتري عشان سفرة وحد أو سفرتين كل ست شهور ما له سنع الطيارة أوفق

أكرر تريث لين تشوف وش أنت عليه

[أمير الو د]

والله يا ابن الحلال ما ودي أحطمك بس بالعادة تخصص الدراسات يحطونهم بأبعد إدارة وأبعد قرية ومن النادر يكون الطريق زفلت يعني اصبر واصبر واصبر ومن رايي دامهم بيجدعونك بعيد ما له سنع تشتري اشحن موترك وعبر أمورك لين تشوف وش أنت عليه
من رايي لو أنت بتتردد يومي معك اشتر سيارة أما تشتري عشان سفرة وحد أو سفرتين كل ست شهور ما له سنع الطيارة أوفق

أكرر تريث لين تشوف وش أنت عليه



مشكور على ردك ياخوي االرسيفر

والصراحه إني اليوم كنت مع واحد من جيراني له علاقه في التوجيه الصراحه كان رد اخوي الرسيفر تقريباً مثل رده لي

يقول الرجال تعيين الدراسات القرآنية ‘ما في الشمال حول سكاكا أو الجنوب حول نجران الله يكفينا من مشوار

عاد انا اختبصت برده :(

وزي ما قال أخوي الرسيفر بغيت أتحطم إلا شوي

لأني من جده

وشكل موضوع الموتر بيصبر إلين يطلع التوجيه يبيله اسبووووع


ــــــــــــــــــــــ

أخوي بدوي جنوبي شكراً لك وعلى إجتهادك ولا يهونون الأخوان

[عاشق القمم]

انا عندي كامري واببيعها لك نظيفه سعرها 25 الف

[شمالات نجد]

ما شاء الله


ألف مبروك التعيين


أسمع وأنا أخوك.... (تم الحذف حتى يتم التوجيه :) )


سلام

تم التعديل من قبل شمالات نجد