اضافة دينمو كهرباء جديد

[عذب الاحساس]

وجت كثير من الناس يتكلم عن اضافة بطارية جديد وطريقة تركيبها
لكن مالقيت احد فكر في تركيب دينمو كهرباء اضافي في السيارة مع انه له اهمية كبيرة في السيارة

هل فكر احد يركب دينمو كهرباء اضافي في السيارة ؟

[ترهيم]

السلام عليكم


اخي الكريم انا بعد وجدت الكثيرين يتكلمون ويركبون بطاريات اضافيه وكان السبب مقنع ..

لكن تركيب الدنمو الاضافي ماهو سببه !! خصوصا في كلامك له اهميه كبيره في السياره ! وش الاهميه ..

شكلك غلطان بين الدنيمو والكمبرسر :)

[سوبر مكشات]

اخوي دنمو واحد يكفي اكثر من اربع بطاريات
فما فيه حاجه للدنمو الاخر



للفائدة:
راعي البر يحتاج ماخف وزنه وكثرت فوائده
ليه اثقل على الموتر؟؟؟؟؟؟

يعني 4*1
5*1
2*1 مثل شامبو مع بلسم ينفع مزيل للدهون،:)

[أبوسليم]

الدنمو مله فاية لأنه يولد كمية كبيرة من الكرباء زائدة غالبا عن الحاجة فيقوم الكتوتالذي بداخله بتفريغها

لكن لو قلت دنمو احتياطي معك في الشنطة كان الوضع غير

تحياتي

[ذيب عنيزه]

اكلووووه بقشوره

[بن عاقول]

أتصور إن لدى أخونا وجهة من المفترض سماعها

[عذب الاحساس]

الذي جعلني اطرح مثل هذا الموضوع هو
انني اعرف من الشباب تعطلو في الخطوط السريعة والسبب دينمو الكهرباء
والي اعرفة اذا تعطل الدينمو لاتستطيع ان تسير بالسيارة لكن البطارية تنتع السيارة يعني لها حل مهب مثل الدينمو
ابو سليم كلامك اعجبني وضع دينو بالشنطه وقتراح رائع
ولكم جزيل الشكر والتقدير

[بنزرت]

البطاريه المليانه تستطيع ان تمشي السياره 200 كم بس بشرط انك ما تفتح اي انوار او ولاعه او شاحن جوال او اي شئ يستهلك الكهرباء وهذا انا شخصيا مجربه حيث تعطل الدنمو وصار مايشحن من عند التفتيش في بدايه طريق الرياض القصيم ولا خلصت البطاريه الا بعد ما تعديت الزلفي بـــ 30 كم

[تداول]

يا شباب انا قطعني دنمو السيارة كثير اشتريت واحد مخليه سبير معى في السيارة يوم قطعتني السيارة ومعى اثنين من الاصدقاء تشائموا وقالوا وين نلقى سطحة لكن قلت لا تخافوا معى دينمو سبير طبعن ركبته وحركنا لكن كل الطريق والشباب اللي معاي يضحكون ويقولون ما معاك مكينة سبير!!!!!!

[تيتشر]

مثلا الجمس الدينمو حقه 105 امبير
فيه دينموات 150 امبير

انا ناوي اروح لسوافي اركب بطارية اضافيه
لكن قبل كذا بركب الدينمو ابو 150 امبير

[ابويارا1001]

يا شباب انا قطعني دنمو السيارة كثير اشتريت واحد مخليه سبير معى في السيارة يوم قطعتني السيارة ومعى اثنين من الاصدقاء تشائموا وقالوا وين نلقى سطحة لكن قلت لا تخافوا معى دينمو سبير طبعن ركبته وحركنا لكن كل الطريق والشباب اللي معاي يضحكون ويقولون ما معاك مكينة سبير!!!!!!





:D :D :D :D :D :D :D :D :D :D :D :D :D :D :D :D :D :D :D :D

[راعي المجهم]

السبب الرئيسي لخراب الدينمو وعدوه اللدوووود هو الماء فعند غسيل المكينة بالديزل والماء يؤدي لتنشيف الشحم حول فخوذ الدينمو فيجيم أو يتعطل وتولع لمبة البطارية فجأة صارت معي 4 مرات يجيم الدينمو بسبب الغسيل خلال 3 سنوات والآن له معي 7 سنوات يالله لك الحمد بلا مشاكل

[صاحب بوعبود]

السلام عليكم ورحمة الله وبركاته
ودنا من الاخوان يوضحون لنا طريقة تركيب الدينمو الاضافي و اسماء الورش والاسعار
وارقام جوالات حتا يسهل التواصل معهم
شاكر ومقدر

[خيال الغلبا]

من خلال اكثر منتجربه وجدت ان تركيب البطارية الاضافيه عبث واضاعة وقت حسب تجربتي الشخصيه على اكثر من سياره

لان الدينمو الأصلي مصنعيا لم يهيأ لشحن بطاريتين

وبالتالي أرى ان ترهيم دينمو إضافي للبطارية الاضافيه انفع واجدى

[ابو نايوفيتش]

لكن مالقيت احد فكر في تركيب دينمو كهرباء اضافي في السيارة مع انه له اهمية كبيرة في السيارة


فيه اسباب كثيرة لعدم تركيب الدينمو او لا
لكن بشرح شيء مهم يعتمد اساسا على تركيب البطارية او الدينمو

السيارة اذا شغلتها يرتفع قوة الفولت الواصل لها مع الدينمو 14.2 وفوق ، واذا استمرت السيارة شغالة فراح ينزل الفولت من 14 الى 13
ونجي للشيء المهم وهو اذا نزل الفولت

فكل جهاز راح تضيفة راح ينزل قوة الفولت ، وكل ما زاد عدد الاجهزة زاد نزول الفولت من الدينمو اللي راح البطارية
واضرب لك مثال ، عندي يو اس بي في السيارة اذا شكبت فيه الجوال نزل من 14.1 الى 13.5 فولت ، وهذا يو اس بي واحد بس

فكل ما زادت الاجهزة زاد الحمل على الدينمو انه يعطي كهرباء للبطارية الاساسية وهنا تبدا سيارة بالخراب من ناحية الكهرباء حقة الوكالة
وهنا تجي فايدة البطارية الاضافية او الدينمو

ومثال هذا احد اخوياي جا لمي وصار يشتكي انه اذا شغل المحول السيارة تلذع فيها كهرباء
يعني كل البدي في السيارة فيه كهرباء يعني لو تسلمه راح يشفط او يلذع فيك ، هذا غير ان المسجل يطلع فيه صوت ونه قوية ، فعشان يسمع المسجل لازم يطول المسجل لاخر شيء
وهذا الشيء يصير وقت تشغيل المحول

فتوقعت انه من المحول وان عنده التماس ، فمددت له ثاني مرة للمحول مع محول جديد من رفيق الدرب
الا طلعت المشكلة نفسها ولا تغيرت

وهنا تجي فايدة البطارية الاضافية او الدينو ، عشان مع الوقت ما تخرب عليك كهرب السيارة


لكن متى تركب دينمو وانا اشوف اذا صار عندك ثلاث اجهزة مع بعض
ثلاجة ومحول وشواية
محول شواية قدر ضغط
قدر ضغط شواية ثلاجة
ليد بار 300 واط ومحول وشواية

واللي اقصده الاجهزة مثل هذي سحبها للكهرب عالي مرة حتى ان المنظم بين البطاريتين مع البطارية ما تقدر تغطي سحب الكهرب
اما عدا الاجهزة هذي ما اشوف الا تركيب بطارية اضافية ومنظم

[راعي الجيوب 1]

لكن مالقيت احد فكر في تركيب دينمو كهرباء اضافي في السيارة مع انه له اهمية كبيرة في السيارة


فيه اسباب كثيرة لعدم تركيب الدينمو او لا
لكن بشرح شيء مهم يعتمد اساسا على تركيب البطارية او الدينمو

السيارة اذا شغلتها يرتفع قوة الفولت الواصل لها مع الدينمو 14.2 وفوق ، واذا استمرت السيارة شغالة فراح ينزل الفولت من 14 الى 13
ونجي للشيء المهم وهو اذا نزل الفولت

فكل جهاز راح تضيفة راح ينزل قوة الفولت ، وكل ما زاد عدد الاجهزة زاد نزول الفولت من الدينمو اللي راح البطارية
واضرب لك مثال ، عندي يو اس بي في السيارة اذا شكبت فيه الجوال نزل من 14.1 الى 13.5 فولت ، وهذا يو اس بي واحد بس

فكل ما زادت الاجهزة زاد الحمل على الدينمو انه يعطي كهرباء للبطارية الاساسية وهنا تبدا سيارة بالخراب من ناحية الكهرباء حقة الوكالة
وهنا تجي فايدة البطارية الاضافية او الدينمو

ومثال هذا احد اخوياي جا لمي وصار يشتكي انه اذا شغل المحول السيارة تلذع فيها كهرباء
يعني كل البدي في السيارة فيه كهرباء يعني لو تسلمه راح يشفط او يلذع فيك ، هذا غير ان المسجل يطلع فيه صوت ونه قوية ، فعشان يسمع المسجل لازم يطول المسجل لاخر شيء
وهذا الشيء يصير وقت تشغيل المحول

فتوقعت انه من المحول وان عنده التماس ، فمددت له ثاني مرة للمحول مع محول جديد من رفيق الدرب
الا طلعت المشكلة نفسها ولا تغيرت

وهنا تجي فايدة البطارية الاضافية او الدينو ، عشان مع الوقت ما تخرب عليك كهرب السيارة


لكن متى تركب دينمو وانا اشوف اذا صار عندك ثلاث اجهزة مع بعض
ثلاجة ومحول وشواية
محول شواية قدر ضغط
قدر ضغط شواية ثلاجة
ليد بار 300 واط ومحول وشواية

واللي اقصده الاجهزة مثل هذي سحبها للكهرب عالي مرة حتى ان المنظم بين البطاريتين مع البطارية ما تقدر تغطي سحب الكهرب
اما عدا الاجهزة هذي ما اشوف الا تركيب بطارية اضافية ومنظم



السلام عليكم
من يسئل عن مافائده تركيب الدينمو الاظافي ؟؟؟؟؟
ماذكره اخي العزيز بعاليه !!
من سئل أو استفسر عن تركيب الدينمو الاظافي
كما ارجو زياره اليوتيوب لمشاهده منهم من يعانون من ضعف توليد الكهرباء في سياراتهم بعد تركيب الأجهزه الاظافيه
كمثال ثلاجه - قدر ظغط كهرباء - فرن تحمير - لد بار

[الوااا(بالله)اااثق]

السلام عليكم ورحمة الله وبركاته
ودنا من الاخوان يوضحون لنا طريقة تركيب الدينمو الاضافي و اسماء الورش والاسعار
وارقام جوالات حتا يسهل التواصل معهم
شاكر ومقدر

هنا تجد بإذن الله ما سألت عنه ورقم جوال المهندس

https://m.youtube.com/watch?v=XbpHvS9FQv4


https://m.youtube.com/watch?v=GliytHN0xag

[نورس2]

السبب الرئيسي لخراب الدينمو وعدوه اللدوووود هو الماء فعند غسيل المكينة بالديزل والماء يؤدي لتنشيف الشحم حول فخوذ الدينمو فيجيم أو يتعطل وتولع لمبة البطارية فجأة صارت معي 4 مرات يجيم الدينمو بسبب الغسيل خلال 3 سنوات والآن له معي 7 سنوات يالله لك الحمد بلا مشاكل


كلام مفيد .......👍

[الحربي حاتم]

ماشاء الله تبارك الله