المساعد الشخصي الرقمي

مشاهدة النسخة كاملة : ترهيم تانكي بنزيم للباثفاندر الجيل الجديد(استشارة)


ابوناصر426
17/09/2009, 09:25 AM
السلام عليكم ورحمه الله وبركاته

صبحكم الله بالخير

شخباركم يالربع

حصلت بموقع بالنت خزان للباثفاندر الجيل الجديد، سعة 110 لتر، وسعره حول الف وميتين دولار، يعني حول 4600 ريال، وهذه صورته

http://i391.photobucket.com/albums/oo356/darksouls3/4952.jpg
وهذه معلومات الخزان من موقع الشركة

Nissan Pathfinder R51 110lt 06
Product Code: FTN120/P
RRP: $1,230.00
General Description
Nissan Pathfinder R51 V6 Petrol 110 litre Aux Tank 2006 on
Technical Specifications
Nissan Pathfinder R51 V6 Petrol 110 litre Aux Tank 2006 on This auxiliary tank fits in the spare wheel location; this will require the wheel to be relocated on an external wheel carrier (P/No. SWCPAT2). The filler for the new tank is positioned in the

والشركة تقول ان الخزان ما يبان من الخلف والا يفقد السيارة ارتفاعها عن الارض
ولتركيبه لابد من فك الاستبنة، قلت ياولد خلني اروح واشوف كم يكلفني تفصيله هنا، واذا حصلت ناس تفصله لي بشكل احترافي فصلت هنا، واذا ماحصلت شريته من النت، المهم الدعوة فيها فك الاستبنة، ومافيه مكان للاستبنة الا مكانين، الاول داخل الغماره، وهذا يسبب زحمة بالموتر ويضيق علي، والثاني احط الاستبنة علاق، وهذا حل زين، بس انه يكلف قريشات ويمكن يشوه شكل الموتر.

وش رايكم يالربع ابي شوركم لا هنتم
وكم يكلف تفصيل تانكي البنزيم، وكم يكلف ترهيم كفر علاق
survivl
17/09/2009, 12:14 PM
اخوي ابو ناصر

انا اويدك ان يكون الاستبنة علاق علي الباب الخلفي وانا معك حاول تفصلة هنا

شكرآ
ابوناصر426
17/09/2009, 03:44 PM
اخوي ابو ناصر

انا اويدك ان يكون الاستبنة علاق علي الباب الخلفي وانا معك حاول تفصلة هنا

شكرآ

الله يعطيك العافية

بس ماتهقى ان شكل الموتر يخرب من الخلف اذا حطيت الاستبنة علاق
بن عاقول
17/09/2009, 05:00 PM
الحقيقة إن المبلغ كبير مقابل المنفعة المحصلة - ومطلوب منك ونا خوك التروي وحساب المنفعة صح - يعني تشوف سعة التانكي الاصلي ومقدار الزيادة اللي بتحصلها وهل إنت أصلا تحتاج لقطع مسافات طويلة في مناطق لا يوجد فيها محطات بنزين - ولو خذتلك جركل زي حق الباترول القديم يبي يفي بالغرض أو لا - هذا رأي أخوك والله يكتب لك مافيه الخير
ابوبندر2002
17/09/2009, 05:26 PM
المبلغ مكلف ومكان الستبنه علاق غلط مشوه
ابوناصر426
17/09/2009, 05:52 PM
الحقيقة إن المبلغ كبير مقابل المنفعة المحصلة - ومطلوب منك ونا خوك التروي وحساب المنفعة صح - يعني تشوف سعة التانكي الاصلي ومقدار الزيادة اللي بتحصلها وهل إنت أصلا تحتاج لقطع مسافات طويلة في مناطق لا يوجد فيها محطات بنزين - ولو خذتلك جركل زي حق الباترول القديم يبي يفي بالغرض أو لا - هذا رأي أخوك والله يكتب لك مافيه الخير


المبلغ مكلف ومكان الستبنه علاق غلط مشوه

كلامكم سليم

و بعد حساب التكلفة و الاذي منه حصلت ان المردود ضئيل، لذا صرفت النظر عن الفكرة.
التعـ King ـديل
17/09/2009, 07:13 PM
ابو ناصر عند الرمايه موجود استرالي مر عليهم وشف اسعارهم وكيف يركبونه قبل تسوي شي

انت لو حسبتها 4600 ريال + رسوم شحن بيطق ال 5000 بدون تركيب زي السلام عليكم

الرمايه عندهم من 3000 الى 4500 + التركيب نفس السعر ومركب جاهز
ابوطاقية
17/09/2009, 08:10 PM
انا بقولك طريقه ارخص وتوفر عليك المال والوقت
الطريقه مجربه وطبقت على الجيوب الربع التايوتا لان الخزان يجي صغير
الطريقه انك تقص التانكي من الوسط يعني يصير وصلتين علويه وسفليه وتزود المقاس الي تبي وتعيد تلحيمه
اذا انت خايف على تانكي السياره تاخذ واحد من التشليح وتسوي نفس الطريقه والله يوفقك
ابوناصر426
17/09/2009, 08:18 PM
ابو ناصر عند الرمايه موجود استرالي مر عليهم وشف اسعارهم وكيف يركبونه قبل تسوي شي

انت لو حسبتها 4600 ريال + رسوم شحن بيطق ال 5000 بدون تركيب زي السلام عليكم

الرمايه عندهم من 3000 الى 4500 + التركيب نفس السعر ومركب جاهز

مرحبا ملك التعديل

بيض الله وجهك على هالشور، بمر الرماية الليلة وبشوف وش الخيره فيه
ابوناصر426
17/09/2009, 08:21 PM
انا بقولك طريقه ارخص وتوفر عليك المال والوقت
الطريقه مجربه وطبقت على الجيوب الربع التايوتا لان الخزان يجي صغير
الطريقه انك تقص التانكي من الوسط يعني يصير وصلتين علويه وسفليه وتزود المقاس الي تبي وتعيد تلحيمه
اذا انت خايف على تانكي السياره تاخذ واحد من التشليح وتسوي نفس الطريقه والله يوفقك

مرحبا بابو طاقية

ممكن توضح اكثر يالغالي لاني مافهمت
YZNQAZ
18/09/2009, 03:27 AM
مرحبا يا اخوان
معي باث الجيل السابق هل من حل لاضافة خزان اضافي مكان الاستبنة اسفل الموتر
ابوناصر426
18/09/2009, 04:08 AM
مرحبا يا اخوان
معي باث الجيل السابق هل من حل لاضافة خزان اضافي مكان الاستبنة اسفل الموتر

بالنسبة للباث القديم تقدر تركب خزان مكان الاستبنة وترفع الاستبنة علاق، لان ذاك الجيل من الباث فيه استبنة علاق وماراح يتشوه شكل الموتر الا ان الشغلة مكلفة بصراحة

اليوم رحت للرماية وحصلت التانكي عندهم سعره 3650 ريال وتركيبه بيكلفني حول 200 ريال، ويبي ارهم مكان للاستبنة، وشاورت نفسي قلت ياولد الدعوه فيها تكاليف كثيره.
راع الطويلات
18/09/2009, 05:16 AM
طييب اخوي لو تسمح لي بطلع عن الموضوع وش رايك بالبثفندر الجديد يعني من 2006 و طالع هل هو موتر زي الاول ينغزى فيه او لا و بالبر نشيط والا للك عليه و البنزين كم تفلله و كم يمشيك اعذرني على الاطالة وشكر
الدبل الثقيل
18/09/2009, 03:08 PM
وعليكم السلام ورحمة الله وبركاته....

روح لساكو فيه جالون بنزين بلاستيك مقوى ... خذ أكبر حجم تقريبا 20 او 23 لتر ... ومايهرب أبدا ... ومخصص للوقود ... وسعره حول ال80 .... خذ جالونين او 3 وانتهينا ... بدل الخساير وتشويه السيارة...
الكـاسـر
19/09/2009, 02:44 AM
انا عندي لك فكره ثانية طبعاً انت ما راح تكون محتاج البنزين الزيادة الا في الرحلات الطويلة والرحلات الطويلة يبيلها عفش كثير عشان كذا فصل لك شبك اللي يكون معلق ورى وفصل فيه من الجهة اليمنى تانكي25 لتر ومثله على الجهة اليسرى عشان التوازن .
واذا كنت ملزم على فكرة الكفر العلاق شف هالصور يمكن تفيدك:
http://i85.photobucket.com/albums/k54/kasser1/1-2-3.jpg

http://i85.photobucket.com/albums/k54/kasser1/1-2.jpg

http://i85.photobucket.com/albums/k54/kasser1/1.jpg
بن محفوظ
19/09/2009, 02:50 AM
هلا بو ناصر ..

110 لتر .... جبار والله ...

لكن وانت تبحث مالقيت للجيل القديم ...

موفق ان شاء الله