لاهنتم ياالذيابه أبغالي ورشه ترهم قواعدلدينموكبير

[النداوي1]

السلام عليكم عندي دينموكبيربقوة(165)أمبير ولايركب بمكان الأول ألا بترهيم قواعد له فمن يدل ورشه بالرياض يوصفها لي جزاه الله خير 0

أخوكم / النداوي1

[هويدي]

وعليكم السلام ورحمه الله وبركاته

انصحك بورشه بسوافي صح انه يتسوي بالسعر بس شغلهم نظيف

اليوم مريتهم وركبت عندهم ماطور هوا وكنت ابي شغلات ثانيه قالي بعد العيد

لذلك لا تروح الا عقب العيد

[النداوي1]

آخي هويدي مشكورعلى مرورك العطر ومثمن لرأيك السديد لكن أنا بغيت أركب دينمو بدل دينموالوكالة اللي يركب عليه سيرالماكينةأي ( المولد ) أنت ممكن فهمت أني أبغا أركب محول اللي يحول كهرباء من 12فولت الى 220فولت وهذا اللي أشتهرت به ورشة سوافي مثل ماتفضلت لكن اللي أبيه تركيب دينو كبير(مولد) بدل من الصغير حيث أني مركب بالموتربطاريةأضافية كبيره وثلاجة وأجهزه أخرى وأنوارقوية وكبوس ولآ يخلا الأمر من أجهزه كثيره تحتاج شحن بشكل يومي تقريبا وحسب تجربتي أن دينموالوكالة لصغره لايستطيع أن يفي بكل ما ذكرته بعاليه لذا أشتريت دينمو كبير بقوة (165) أمبير ويحتاج ترهيم قواعدعلى شان يركب على الماكينة صح ويوزن بكرة السير الخاصه به مع بكرات الماكينة هذا ما بغيته ولك الشكروكل التقدير 000

أخوك / النداوي1

[تيتشر]

ورشة ندى بالصناعية القديمه

فيها ابو جميل فلسطيني ملتزم <<< مو القصد امدح لكن عشان لاشفته تعرف شكله

شوف يا حبيبي جربت كهربائيين كثار لكن زي هذا بشطارته ما لقيت

عيبه الوحيد انه غويلي لا مو غويلي غالي

عشان كذا تقاطع انت وياه بالسعر

وهذا رقمه 014475318

[يتيمة الدهر]

أخوي النداوي 1
السلام عليكم ورحمة الله وبركاته
ياخوي كأنك عارف مشكلتي أني أبركب دينمو أمبير عالي ولا حصلت إلا ديمنو كابربس 94 قوة 105 امبير . لو تتفضل تعلمني نوع الدينمو 165 امبير وين أحصله وكم سعره . ولك مني كل التحية ،،،

[هويدي]

هلابك يالنداوي

فاهمك يابعدي انك تبي تركب دينمو بس تبي تفصل له قواعد

يوم قريت موضوعك تذكرت واحد من الربع مركب كمبرسر مرسدس لتعبه الكفرات بالهوا وفصل قواعد عند سوافي او ورشه 4×4 <= التبس علي الموضوع مدري ايهم بس والله العالم انهم ورشه 4×4 في ام الحمام ونا اليوم ناوي امرهم ان شاء الله وابسألك عن الشغله كانهم يسوونها جبتلك رقم السعودي مدير الورشه

[النداوي1]

أخي هويدي جزاك الله خير وبيض الله وجهك

[هويدي]

ووجهك ابيض الناس للناس والكل بالله

مريتهم وللاسف صارو مسكرين ناسي ان اجازتهم يوم الجمعه

بس ابروحلهم بكرى واستفسر

[ابوطاقية]

اخوى النداوي ترى اي صاحب مخرطه يفصلها لك بالملي وانا فصلت قاعة كمبرسر مكيف بنفس الطريقه
وفيه مخرطه بالصناعيه القديمه اسمها مخرطة لاهور وبجنبه كهربائي تخليه يفك الدينمو وراعي المخرطه يطبقها علي الدينمو الجديد والسلام ختام
لاكن ماقلت وش نوع السياره

[النداوي1]

أخي هويدي ما قصرت وجهك أبيض

[النداوي1]

أخي أبوطاقية ما قصرت وجهك أبيض السيارة تايوتا صالون موديل 85 لكن أبيك توصف لي
مخرطة لاهور لو كلفت عليك تحملنا 0

[سوبر VTC]

و عليكم السلام و رحمة الله

هذي شغلة المخرطه :good:

موفق

[النداوي1]

يتيمة الدهر بالنسبه للدينمو والله ما أدري وشو نوعة لكنه أمريكي أقصد ما أدري وش كان راكب على أي نوع من السيارات ولا موديلها جابه رفيقلي جزاه الله خير دائماُ بالتشاليح تقول مقطوع سره بالتشاليح
وبدون قيمة0
أخوك / النداوي1

[النداوي1]

أخي سوبر في تي سي ما قصرت وجهك أبيض

[هويدي]

هلابك يالنداوي

ابشرك مريتهم وقابلت السعودي وشرحتله موضوعك وقالي نفصل ابوه :)


ابرسلك الرقم على الخاص وكل عام ونت واعضاء مكشات بخير

[النداوي1]

أخي هويدي ما قصرت وجزاك الله عنا خير الجزاء

تقبل أحترامي وتقديري وكل عام وأنتم بخير

أخوك / النداوي1