الشاص والربع 2010 ( تجارب ملاكه )

[غضنفر]

السلام عليكم معشر المكشاتيه


عيدكم مبارك وكل عام وانتم بخير

تقبل الله منكم صالح الأعمال


2010 له اكثر من شهر نازل بالمعارض

نبغى كل من جربه يعطينا رأيه فيه من حيث


1- صرفية البنزين


2- تماسك الديكور الداخلي


3- الأعطال ان وجدت


4- العزم ثم السرعة


5- برودة المكيف


6- الحرارة

[نسناس الهوى]

ان شاء الله يفيدون الاخوان ..

[غضنفر]

3- الأعطال ان وجدت



يبدو ان المكينة الجديدة الـــ 4.0 لتر
تخبط بسرعة

وهذولا كلهم خبطت عليهم مواترهم



السلام عليكم يروى على صديق لى خاص شارى الموتر له اسبوعين شاص 2010 يمشى 140 على طريق حائل بقعاء يقول طلع صوت وشحط الموتر وقف وشاله بصطحه وجابه لحائل للوكاله وما استقبلوه لانه خليجى والحين هو موجود بورشه عادى وفكوه وقالوا له انه مخبط وخوى بلشان الحين وتفجاءنا بعد بخر ان فيه ربع بعد خليجى عمانى نس الحاله خبط انتبهوا،،،،،،





اخوي بولوهي

انا ما اعتقد ان اخوي ولد الحمايل غلطاااان

لان حاليآ مخبط 3 جيوب ربع موديل 2010

والمواتر جايين من براء






لا وابشركـ واحد من العيال شاري 2010 وخبط عليه

والحين يبي يبيعهـ بـ 80 الف

<<والله حالهـ




لا يا اخوان صدق

خوي اخووي مشتري شاص 2010 وخبط

جايبه من الرياض ما وصل حائل الا وهو مخبط

يمشي 120 بعد وش رايكم

..............................

انا مايقهرني الا اللي يقووول مكينة الفورتشنر والاف جي ووو الخ... مثل مكينة الربع
والشاص الجديد من يقووووولهhttp://www.t63ys.com/vb/images/smilies/ranting1.gif

تختلف اختلاف تااااام وصغيررررره مررررره انا شايفها بعيني

ناظرووو زيييين للمكينه

والكلااام صحيح وكم واحد مخبط اللي اعرف 2 واحد ربع والثاني الشاص وكلهن تخبييييط






صاحب الإقتباس التالي

راعي سطحه



عزوووم احب اعقب على كلامك

انا سمعت ان فيه واحد مخبط بالقصيم 2010 شايله انا

دق على راعي المعرض يقولي ان السياره مخبطه جيب ربع

وسالني كذا سؤال عن المكينه يعني هل فيه تغير للصوت المكينه

واستغربت من كلامه

يعني شي ما يدخل العقل السياره جديده

انا قلت يمكن خطاء مصنعي ولا اللي شاريه جلد على اصوله

لكن كل يوم نسمع انه فيه واحد مخبط ولازم اي سياره جديده يطلع فيها عيوب

لكن ما نقول الا معوضين خير ان شاء الله

مع العلم ان اكثر السيارات اللي احملهن الى القصيم ماشيات 6 كيلو او7

واسف على الاطاله





ياجماعه ترا كلالام الرجاال صحيح


اناا معي 2010 ربع مااشي 2300 كيلو فقط



عندي صوت الفحمه بالقير







السلام عليكم ورحمة الله وبركاتة

هذة اول المصايب من الشكل الجديد من بعد ما غيرو المكينة

أول عيب مصنعي أنة ماصورة المكيف جاية من فوق المروحة

قريبة على طول تنكسر أعرف كم واحد أنكسرت علية

هذة أولة الله يستر من الباقي...





اول شئ مبروك مقدماً ثآني شئ ترآ الشاص 2010 يوم مريت معآرض الشيباني في الشفاء قالي انه مهوب زين المكينه تطقطق اذا وقفت الموتر ..

[الندى]

هلا أخوي غضنفر
ياأخي ولله مانصدق ولا نكذب
لكن لازم نتأكد نشوف المواتر بأنفسنا أو أحد نثق فيه يعلمنا وش صار له
قبل مأحد يتورط
لاكن ما نستبعد يصير فيه عيب صنعي
اناشاء الله يفيدوننا الاخوان

[المعرقب]

كل الكلام الي قيل موصحيح
الوالد الله يطول عمره شاري واحد ومسكت عليه خط وجلته ولا لحضت عليه شي بس عندي اريح
بس فيه تنسيم من عند القزاز وهذا عيبه الوحيد
وشكرا

[omar454]

مع احترامي لجميع الردود مع الأقتباسات (ابي واحد يقول حصلي مو واحد من العيال )
انا عندي 2010 ربع بريمي من ابدع مايكون وماشي حتى الأن 10000 وزي الحلاوة ماشاء الله
بالنسبة للعزم ممتاز جدا و يروح على ربع من 2009 و تحت مركب فلتر و مراوح
و انا بلد
وبالنسبة للمكينة هي حقت ال fj و البرادو و الاند الجديد ال 6 سلندر
و الي يقول صغيرة يحط مو ترين جنب بعض وبعدين يقارن لأن شكل المكينة بالكبوت صحيح صغيرة مقارنة بالمكينة القديمة لأنة هذيك طويلة
و بالنسبة للي يبي يبيع ب 80 انا شراي الرجو إرسال رسالة لي على الخاص مع خالص تقديري

[Abu Saad]

اللي في القدر تطلّعه المغرفة .

[ابو فهد 2004]

غريبه ما جربوا المكينه يوم انهم ركبوها على السيارة
اعتقد ان هناك حملة لتنفير الناس من شراء الحوض والربع الجديد 2010
فعلا كلام غريب عن ماكينة اللاند

[سوبر مكشات]

الشكوى لله

اللي خبطت عليه المكينه حطلي رقمه


او قله يحط مكينة 2009
اذا كان يبي فيه سعر او يستخدم

ومشكور

[ميمون111]

شباب ارحموا عقولنا بس
قال خبطت مكينته
والله لونه من اردى انواع السيارات ماتخبط مكينته وهوا جديد
ترا السيارات هاذي تجرب وبعدها تورد علينا
الدعوى مهب فوضه

[التعـ King ـديل]

مع احترامي لكل من كتب هل تتوقعون تويوتا غبيه لهالدرجه تصنع موديل في وقت حرج ويخرب بسرعه

مع اني من عشاق النيسان الا اني هالشي مادخل مزاجي ابد وخاصه على سيارات بجوده تويوتا ولاهي

اي سيارات يعني افضل سيارتين بيع على مستوى الخليج بشكل عام والسعوديه بشكل خاص مع احترامي

لكل واحد اقولها بخط عريض كلامكم غير صحيح

[سفاري66]

السلام عليكم وكل عام وانتم بخير
نصيحه لا تصدق الا بعد فتره من الوقت
انا اقدر اخترع قصص على كيفي واحط بالنت اذا كنت ما اخاف الله ولي مصلحة من الاشاعات
اكيد تذكرون ايام الاسهم ياما صدقت هالكلام واندق اذا لا حظتو المعارض مليانه 2009
ويبيله تصريف
انا ما اتهم احد حشى لله بس عقب الاسهم ما اصدق الاعيوني
هذي وجه نظري الخاصه

اخوي تاكد بنفسك اسأل وين الورش ورح شف بنفسك نصيحه

[بن سليمان]

اقتباس:
المشاركة الأصلية كتبت بواسطة غضنفر http://www.mekshat.com/vb/images/buttons/viewpost.gif (http://www.mekshat.com/vb/showthread.php?p=3151229#post3151229)

3- الأعطال ان وجدت


يبدو ان المكينة الجديدة الـــ 4.0 لتر
تخبط بسرعة

وهذولا كلهم خبطت عليهم مواترهم

اقتباس:
السلام عليكم يروى على صديق لى خاص شارى الموتر له اسبوعين شاص 2010 يمشى 140 على طريق حائل بقعاء يقول طلع صوت وشحط الموتر وقف وشاله بصطحه وجابه لحائل للوكاله وما استقبلوه لانه خليجى والحين هو موجود بورشه عادى وفكوه وقالوا له انه مخبط وخوى بلشان الحين وتفجاءنا بعد بخر ان فيه ربع بعد خليجى عمانى نس الحاله خبط انتبهوا،،،،،،
اقتباس:

اخوي بولوهي

انا ما اعتقد ان اخوي ولد الحمايل غلطاااان

لان حاليآ مخبط 3 جيوب ربع موديل 2010

والمواتر جايين من براء


اقتباس:
لا وابشركـ واحد من العيال شاري 2010 وخبط عليه

والحين يبي يبيعهـ بـ 80 الف

<<والله حالهـ
اقتباس:
لا يا اخوان صدق

خوي اخووي مشتري شاص 2010 وخبط

جايبه من الرياض ما وصل حائل الا وهو مخبط

يمشي 120 بعد وش رايكم

..............................

انا مايقهرني الا اللي يقووول مكينة الفورتشنر والاف جي ووو الخ... مثل مكينة الربع
والشاص الجديد من يقووووولهhttp://www.t63ys.com/vb/images/smilies/ranting1.gif

تختلف اختلاف تااااام وصغيررررره مررررره انا شايفها بعيني

ناظرووو زيييين للمكينه

والكلااام صحيح وكم واحد مخبط اللي اعرف 2 واحد ربع والثاني الشاص وكلهن تخبييييط




صاحب الإقتباس التالي

راعي سطحه

اقتباس:
عزوووم احب اعقب على كلامك

انا سمعت ان فيه واحد مخبط بالقصيم 2010 شايله انا

دق على راعي المعرض يقولي ان السياره مخبطه جيب ربع

وسالني كذا سؤال عن المكينه يعني هل فيه تغير للصوت المكينه

واستغربت من كلامه

يعني شي ما يدخل العقل السياره جديده

انا قلت يمكن خطاء مصنعي ولا اللي شاريه جلد على اصوله

لكن كل يوم نسمع انه فيه واحد مخبط ولازم اي سياره جديده يطلع فيها عيوب

لكن ما نقول الا معوضين خير ان شاء الله

مع العلم ان اكثر السيارات اللي احملهن الى القصيم ماشيات 6 كيلو او7

واسف على الاطاله
اقتباس:

ياجماعه ترا كلالام الرجاال صحيح

اناا معي 2010 ربع مااشي 2300 كيلو فقط


عندي صوت الفحمه بالقير



اقتباس:
السلام عليكم ورحمة الله وبركاتة

هذة اول المصايب من الشكل الجديد من بعد ما غيرو المكينة

أول عيب مصنعي أنة ماصورة المكيف جاية من فوق المروحة

قريبة على طول تنكسر أعرف كم واحد أنكسرت علية

هذة أولة الله يستر من الباقي...

اقتباس:
اول شئ مبروك مقدماً ثآني شئ ترآ الشاص 2010 يوم مريت معآرض الشيباني في الشفاء قالي انه مهوب زين المكينه تطقطق اذا وقفت الموتر ..

اسمحلي ولا تزعل اخوي انت تسأل وتجاوب على نفسك باقتباسات كان من الاساس نزلت موضوع بخصوص تخبيط مكينة الربع والشاص
الموضوع كله لتشويه صورة الموديل الجديد 2010 علشان القديم يمسك سعره صراحة هذا اللي طرأ على بالي

[ابوحمدان1]

السلام عليكم وكل عام وانتم بخير
نصيحه لا تصدق الا بعد فتره من الوقت
انا اقدر اخترع قصص على كيفي واحط بالنت اذا كنت ما اخاف الله ولي مصلحة من الاشاعات
اكيد تذكرون ايام الاسهم ياما صدقت هالكلام واندق اذا لا حظتو المعارض مليانه 2009
ويبيله تصريف
انا ما اتهم احد حشى لله بس عقب الاسهم ما اصدق الاعيوني
هذي وجه نظري الخاصه

اخوي تاكد بنفسك اسأل وين الورش ورح شف بنفسك نصيحه
انا اضم صوتي مع اخوي سفاري ياشباب ولد عمي معه شاص 2010 وماشي 17000 ولا اشتكا منه ويمدحه لانه جرب 2007 ويقول 2010 افخم واريح

[الكـاسـر]

الشائعات تعودنا عليها مع كل موديل جديد وعلى طاري الشائعات تذكرون سالفة الهايلوكسات 2006 اللي احترقن:D

[عالي مستواة]

هههههههههههههههه

تخبيط مرهـ وحدهـ

يابعدي ماظنيت وانا مع عمي الشاص 2010

والله مامثله والحين مشى 2500 كم

ولاكن بنشوف وانا ما اقدر احكم لان الموتر جديد بنشوف لا مشى 30 يخبط ولا لا

[راعي جيوب]

كله كلام في كلام مجرب ومابه احسن منه في العزم والصرفيه والآن ماشي 7600ك وأكثرها خطوط من الرياض للقصيم وحايل ماشاء الله عليه زي الحلاوه أمكن أللي يدور عيوب عليه معه 2009 ويبي يصرفه أو منقهر أنه توه شاريه وتغير الموديل اللي بعده (حدث العاقل,,,,,) وأرجوا تقبل كلامي أخي الكريم والله أعلم

[ابوطاقية]

اتوقع والله اعلم نفس مكينة اللاند GXR V6 واذا هي مثلها فعتبرها قويه
طبعا المكينه الجديده اعطت قوه اكبر واقل وزن وعمر قصير بالمقارنه بالمكينه القديمه Line in
المكينه القديمه ممكن تمشي 800 الف كيلو استخدام طبيعي بدون توظيب اما المكينه الجديده فاتوقع حدها 300 الف كيلو

اقول لو يركبونله مثل ها الطخمه 5.7 و 381 حصان كان يطلع مامثله موتر

http://i.ebayimg.com/05/!!fMSckg!mE~$(KGrHgoH-CcEjlLlyiyvBKp(ivHvOg~~_4.JPG

[قرم العيال]

تخبيط

ما الظاهر ..

بس يقول لي واحد من الشباب انه مع عمه حوض 2010

وطالع فيه نفود ومراقي بسيطة يقول يبرد عزمه وترتفع الحراره شويات ..

[سوبر VTC]

تخبيط
ما الظاهر ..
بس يقول لي واحد من الشباب انه مع عمه حوض 2010
وطالع فيه نفود ومراقي بسيطة يقول يبرد عزمه وترتفع الحراره شويات ..


عيب المكينه انه راسين يبرد عزمه على طول
لكن ميزته تسفط الطبلون بسرعه لانه راسين :good:
و اقل صرفيه
ميزة الراس الواحد سواء تويوتا او مكينه فتك
انه قومته عند اشارة قويه جدا
الدليل المرهمات اللي تشارك بسباق السرعه 91متر دولي
مثل حق الفروسية ببريده او بعنيزة
كلهم مركبين مكينه فتك + تويوتا راس واحد
طبعا لفئة 6سلندر
موفق

[عطاالله ناصر]

ياعيال اللي مهوب مصدق يجي معي لربع خليجي توني شايفه العصر بالورشه بصناعية بريده موديله 2010 ومامشى الا تمرينه على ظهر السطحه وراعيه راكب مع الهندي قدام ويدور له ورشه ..

[ريلاكس]

ترى المكينة تختلف على الاف جي ولاند v6 الاحصنه 239

مكينة الربع والشاص الجديد 259 حصان يعني فيه فرق

والمكينة يبرد عزمه بسرعه وعلى الحوض ماتصلح ابد خاصه اذا حمل عليه

وصوت المكينه وهي واقفه عادي الصوت هذا

[غضنفر]

معكم حق تستغربون و تتشككون

2010 ويخبط بهالسرعة ( مستحيل خاصة من تايوتا)

لكن هذا ما ذكر بالمنتديات

ولا اعتقد ان كل هؤلاء يكذبون
قد يكون واحد منهم او اثنين يكذبون ويختلقون القصص


لكني استبعد أن يجمع كل هؤلاء على الكذب بالتواطىء


وهذه إضافة جديدة بالنسبة للتخبيط ( اتمنى الا تكون هي الاخرى مختلقة ) ((( بالإضافة الى ما ذكره العضوعطاالله ناصر (http://mekshat.com/vb/member.php?u=134272) )))





هذا انا توني جاي من واحد من العيال معه ربع 2010 مخبط

وكنت ناوي انزل موضوع هنا وبالصور لكن الشباب صار عندهم خبر

وان شاء الله الضمان ماراح يقصر

ومشكور

[النوء]

الحقيقة ان الموتر فاشل خصوصاً أنها سيارتين تعتبر للمهمات الشاقة

لكن

لكن

لكن غصب ينجح عندنا !!!


الآن هي فرصة ذهبية تقدم لشركة نيسان على طبق من ذهب للتمسك بشاص نيسان وتعديل بعض عيوبة وتحسين شكله

وزيادة خط انتاجة واستهداف اسواق الخليج وتكثيف للدعايات

[0راعي الجبيل0]

كلامك صحيح اخوي الكاسر (( اشاعات)) لانه اظن بعض الشباب يذكرون اول مانزل 24 بلف موديل 1992 شريتلي واحد وكل من قابلته قالي يخبط على طول لانه 24 بلف والحين اللي شايفه ان النوع هذه من المكاين صايرة عند الناس الارغب بالسوق ؟؟؟؟؟

[ahmad995]

اشاعه
وبعدين رح للوكاله وتاكد بنفسك

واحد من الشباب يشتغل بالوكاله وماذكر شي بهالخصوص

[سوبر VTC]

اشاعه
وبعدين رح للوكاله وتاكد بنفسك

واحد من الشباب يشتغل بالوكاله وماذكر شي بهالخصوص



يا خبر بقروش

باكر ببلاش :)

و راعي الوكاله اكيد يبي يمدح اجل تبيه يذم :no2:

كلن يمدح بقله :D:p

[غالي]

ياعيال اللي مهوب مصدق يجي معي لربع خليجي توني شايفه العصر بالورشه بصناعية بريده موديله 2010 ومامشى الا تمرينه على ظهر السطحه وراعيه راكب مع الهندي قدام ويدور له ورشه ..


اوكي على سطحه

لكن مو مخبطه لو انها مخبطه كان ودها الوكاله على الضمان

يمكن مرهمه ولاعب فيه فلاتر وبواجي وخرابيط التلغيم


لكن مخبطه وانا اخوك مهوب مدور ورشه الا بينصى الوكاله وبيحوسهم حوس :good:


ابد فكرة تخبيط شيلوها من راسكم

الا اذا كان ابو جميل يعطيهمياه بدون زيت يبي يكسب من قطع الغيار هذي جايز استغفر الله :j

[فارس العمور]

وعلى طاري الشائعات تذكرون سالفة الهايلوكسات 2006 اللي احترقن:D

هذي ماهي شائعه هذي حقيييييييييقه وعشر هايلوكسات بوادي الدواسر احترقت وطلع الخبر بالجرائد ولم يعوضهم ابوجميل بريااااااااااال

[الشاص عز لهله]

والله ما جربتة ولا سمعت احد يمدحة ولا يذمة لكن من ناحية مكينتة انا عندي افجي وماشي 55الف و تراي من الي يجلدون الموتر تطعيس و كفخ ارصفة و سواقة قشرة المكينة ما فرقة علي من شريتة من الوكالة الى الان و من ناحية عزم انسى يطوفك في موتر ياباني به دبل غير النفنتي هذا الا ال180 طبعا
يعني الطبيعي ان الشاص اسرع لانه اخف ما به الا شاصي لكن تقولوي مايكد مثل قبل اكيد شي طبيعي

[ساري 111]

انتبهووووووو

تراااى السواليف والخرط الفاضي وااجد هالايام

واعتقد هذي اشاعه طلعوها الشريطيه عشان ترتفع اسعار 2009 ويصرفونه عليكم

اي موتر جديد يطلع لازم يعذربون به عشان يأكلون بالموديل اللي قبله ومايبلشون فيه

هالشريطه المساكين مايدرون ان مكينه الربع والشاص له 5 سنوات على البرادو

وهي نفسه موجوده على الاف جي والفورشنر الجيب الـ 6 سلندر

والكذبه جت بدري قوه لو الموتر ماشي 30 الف ووحوله كان نصدق

المهم اذا شفت الشي بعينك ولا لاتصدق وياليت اللي يقول شفته يجيب لنا صور تثبت كلامه

[اراك@]

انتبهووووووو

تراااى السواليف والخرط الفاضي وااجد هالايام

واعتقد هذي اشاعه طلعوها الشريطيه عشان ترتفع اسعار 2009 ويصرفونه عليكم

اي موتر جديد يطلع لازم يعذربون به عشان يأكلون بالموديل اللي قبله ومايبلشون فيه

هالشريطه المساكين مايدرون ان مكينه الربع والشاص له 5 سنوات على البرادو

وهي نفسه موجوده على الاف جي والفورشنر الجيب الـ 6 سلندر

والكذبه جت بدري قوه لو الموتر ماشي 30 الف ووحوله كان نصدق

المهم اذا شفت الشي بعينك ولا لاتصدق وياليت اللي يقول شفته يجيب لنا صور تثبت كلامه

وهذا الصحيح

يا اخوان ابي واحد يقول انا شفته ماهو يقولون

لكن اقووول تدرووون وش عيبه



درااااااااااااااااااااااااهمه


وكل عام وانتم بخير

[مخطور]

السلام عليكم ورحمة الله وبركاته

خير الكلام ماقل ودل

نبي واحد معه موديل 2010 خبطة معه المكينة وينزل وثائق تثبت ذلك انه راجع الوكالة وقالو له عيب مصنعي
وماعدا ذلك مستحيل يدخل العقل مكينة جديده ويباني تخبط في شهر حتى لو سيارة كورية ماتخبط في خلال شهر
الا اذا كان السواق ماشي فيها دون زيت ولا دون ماء
وتقبلوا تحياتي

وعـــــــــــــــــيد ســـــــــــــــــــــعيد

[صقار الهواشم]

كل الي مكتوب فقش والقيل و القال محد ياخذه

[الوتر الحزين]

شاص جديد ويخبط ................ معليش
لو انها مكينه صينيه كان ماخبطت بها السرعه شلون عاد تويوتا والمكينه مجربه قبل ؟؟

ماصدق حتى اشوف بعيني..... لان كلام المنتديات ذا الايام واجد
وشكرا

[عطاالله ناصر]

اوكي على سطحه

لكن مو مخبطه لو انها مخبطه كان ودها الوكاله على الضمان

يمكن مرهمه ولاعب فيه فلاتر وبواجي وخرابيط التلغيم


لكن مخبطه وانا اخوك مهوب مدور ورشه الا بينصى الوكاله وبيحوسهم حوس :good:


ابد فكرة تخبيط شيلوها من راسكم

الا اذا كان ابو جميل يعطيهمياه بدون زيت يبي يكسب من قطع الغيار هذي جايز استغفر الله :j



اشوى اني اخذت رقم الرجال :D


وبعدين وشلون يوديه لضمان وهو مهوب سعودي وانت خابر الخليجي


وماامداه يعدل عليه وهو مامشى شى :confused:


وابد انت شل فكره انه مايخبط من رأسك :D

[غالي]

اشوى اني اخذت رقم الرجال :D


وبعدين وشلون يوديه لضمان وهو مهوب سعودي وانت خابر الخليجي


وماامداه يعدل عليه وهو مامشى شى :confused:


وابد انت شل فكره انه مايخبط من رأسك :D


دامه خليجي اجل من هالخط الي يمسكونه هالشريطيه ماشين 200 وهو توه ماتمرن

خذها مني

ينقص الزيت وصاحبه مايدري المسكين


والله الادا وهي الادا ماخبطت

عاد مابالك تويوتا والا نيسان والا اي سياره لها باع طويل بالصناعه

معليش فيه سبب


اتوقع هالشريطيه او عيون هالي يطالعون مكاينها في هالمعارض


والعلم عند الله

[خالد030]

يازينه هو وتخبيطة وعلى فكره اول مانزل الشاص 2000 قالو هج مايصلح يصرف بانزين واذا قل البنزين عن الربع ينسد البخاخ وووووو وكله كلك وخرط
وعلى العموم كانت المكينة تبي تنزل على 2007 ولا حظتو نزل 2008 و2009 ماتغير فيه شي لان السياره تحت التجربه وبعد التاكد من جدارة المكينة اعتمدت على السيارة
وكل عام وانتم بخير

[راعي الشاص 10]

السلام عليكم
وكل عام وانتم بخير
لو افترضنا ان كلام الاخوان الي خبطت مكاينهم عليهم صحيح
فلازم نعرف ان الشريطية يشرن المواتر من الامارات ويفصلون العداد ويجون ما غطين ابو ابوه عشان ياصل للمعارض قبل غيره واذا هذا استخدام اول واحد وشلون تبي الموتر يعيش
انا سامع كلام راعي معرض بالنسيم ويقوله بعظمة لسانه

[فارس العمور]

الي سمعته من كلام الشباب (في استراحه) ان ملاك الشاص 2010 غير راضين عن محركه وناس كثير باعوه بحجة انه يرتخي عزمه مع التحميل وبالعروق ورجعوا لـ 2009

الكلام هذا واقعي بوادي الدواسر

لاهو كلام شريطيه ولا نصابين وبتشوفون بعيونك انحدار سعره خلال كم شهر

[شمالات نجد]

اللهم صلي وسلم على نبينا محمد

يا جماعة الخير

مكينه أقوى من الأوله وبراسين واربع كامات وهي أفضل من راس واحد وأقوى سرعه وعزم (إلا إذا كان القير فاشل)

والتخبيط إن جينا للجد والحقيقة لو حصل ما راح يصلحه الواحد على حسابه

بيوديه للوكالة

وإذا كان العذر انه خليجي بيشحنه لوكالته في الديره التابعة له أو اللي شراها منه بدون شك

أما يروح يوظب مكينه على حسابه!!!!!! بصراحه دنيا عجيبه

بعدين نفس المكينه على البرادو من موديلات 2003 (والله أعلم) ولا جاها شي وبعضها أكيد ماشي كثير ولا ضرها

أعتقد أن موديل 2010 (شاص وربع) بينجح نجاح كبير جداً دام هذي بداية عيوبه (تخبيط مره وحده!!)

سلام

[راعي جيوب]

أرجع وأقول عيبه سعررررررررررررررررررررررررررررررررررررره

[قدر مكتوب]

طيب نبي تقرير مصور مو معقول ولا واحد ماصور سيارته واثبت هالكلام


ياجماعه ارحمو عقولنا شوي

[اخوكم/ زياد]

الشاص اعطووووووه اكبر من حجمة

اجل يسوى 130 ألف ريال

صحيح انه يعجبك ليا جاكم وقت اللزووووووم بس قيمته على الاقل 90 الى 80 الف

130 الف تجيب لي جكسار نظيف والا نيسان جديد

[رانجلر عنيزة]

حيا الله الجميع

وصباح الخير


انا الان اكلمكم وعندي اثنين من ربعي يشيشون الله يهديهم :confused:

واحد معه شاص 2006 والثاني شاص 2010


وانا انقل كل ردودكم الان لهم

يقولون

انهم تجاكروا قبل كم يوم

2006 من واحد الى ثلاثه هو بالمقدمه لكن طلع عليه 2010 بفرق ماصوره او ماصوره ونص

ويقول راعي ال2010 والله ما لاحظت عليه شي يعيبه الى الان الا اللهم ان عزمه يبرد بالمرقى

ويقولون سلم لنا كثير السلام على الموجودين وقل لهم كل عام وانتم بخير :j

[العرمه]

اللي اعرفه او بالاصح سمعت عنه ان مكينة البرادو تخبط فجئة

والمشكلة الاكبر من التخبيط انها ما تتوضب يعني استبدال

كم سعرها ؟ الله اعلم

[ريلاكس]

نبي الموتر وهو مخبط

والي يبي يبيعه بـ 80 انا اشتريه منك بـ 90 بس وين محلك ..

[ريلاكس]

حيا الله الجميع

وصباح الخير


انا الان اكلمكم وعندي اثنين من ربعي يشيشون الله يهديهم :confused:

واحد معه شاص 2006 والثاني شاص 2010


وانا انقل كل ردودكم الان لهم

يقولون

انهم تجاكروا قبل كم يوم

2006 من واحد الى ثلاثه هو بالمقدمه لكن طلع عليه 2010 بفرق ماصوره او ماصوره ونص

ويقول راعي ال2010 والله ما لاحظت عليه شي يعيبه الى الان الا اللهم ان عزمه يبرد بالمرقى

ويقولون سلم لنا كثير السلام على الموجودين وقل لهم كل عام وانتم بخير :j

يمكن السواقه الفرق

ولكن لو يجربون بدبل ويفصله قبل 80

عشان مايصير واحد موتره يبوش والثاني لا هذا المقصد

ومشكور أخوي على الخبريه

[ابوضرار]

يا أخوان أرجو أن تنتبهوا أنكم تتكلموت عن تويوتا
وهي ليست شركة وليدة أمس واليوم أو شركة رديئه إنها تويوتا وما تقولونه ليس بمعقول
وأما الذي بيرد عزمه فأنا لاحظتها بنفسي في موديل ٢٠٠٨ واستغربت منها كثيرا
وللعلم فإنني أول مرة أجرب الشاص

[ابونبيل]

والله مايندرا...

بس يوم انها ماتتوظب مافيها خير

[بريداوي VIP]

اجل تخبط ماتمت اسبوع وتخبط خخخخخخخخخ


ياحليلكم لو فيه واحد صادق منكم كان حطو صور اوتقرير ياحبيبي هذا تويوتا انت سمعت زين هذا تويوتا

خل هرج الشريطيه ال2010 مكينته على الاف جي ونشيطه بالحيل وهذا الاف جيات كثرالتراب وله الاف جي 3 سنوات

وابشرك زادو على المكينه 20 حصان وحطو نفس المكينه على الاف جي

[الادعج]

مع ان ميولي نيسانية لكن مب معقول نهائيا هالكلام هو صحيح ان مكينة 2009 ازين بواجد من 2010 لكن عاد مهوب لدرجة انها تخبط من ممشى 3000 والله ياشيخ لو ان تيوتا اللي يشتغلون به بنقالية ما صار الكلام

[ام صتمة]

ـ خير الكلام ماقل ودل ـ :)
الله اعلم ، هذا يثبت وهاذا ينفي ، ولا ندري الصحيح من الغير صحيح ــ

[ابو رشيد]

خلاصة الكلام ......انا لو وصلني علم ان بوه شاص ولا ربع 2010 مخبط كان على طوول ركضت اصورة وانزله بالمنتدى موقصد اني اشهر بس حتى انشر الفايده وينتبهو اللي يبون يقنون ........واكيد موضوعي بلمح البصر تلقاه انتشر بالمنتديات
فالكلام في اول الموضوع نعتبره اشاعه الغرض منها حتى يحجم الناس عن الشراء وتنزل الاسعار على ظنهم....هذا والله اعلم

[سوبر VTC]

انا اتفق معكم يالربع
ان مايذبحنا الا القيل و القال بدون دليل :)
اليوم سير علي احد الربع
و قال به ربع ببريده و جيبين بالرياض واحد ربع و الاخر حوض
مخبطات :no: :burnout2: :looney:

مالكم الا منتدى تطعيس

[alkongrs]

الي يقول انه يخبط فقشة الموسم لعام 1430- 1431هــ

ياحبيبي اذا كان الشريطي يفصل الطبلون ويمشي 200 على يبي خبط لن الزيت خفيف موب ثقيل

اتمنى من الي حط الاشاعه ينزل صورر ولا لاعاد يهرج

[طفشان1]

السلام عليكم ورحه الله وبركاته ليش تحبووووون الاشاعه قولو ياشباب خلونا نستمر على المقاطعه احسن من قوله مكينته شينه مايقوم على موديل 79 الخط شين وغيرههههههه
الاشاء هاذي معروفه من ايام جدي بس يوم ينزل موديل جديد يعيبو فيه بقوه بس يرخص شوي شوي يبدا المدح

[(((.ابوتميم .))))]

كذباااات يا اخي توه مخلص رمضان ما امداكم على طووول معقوله واحد توه شاري سيارة سعرها فوق المية وعشرين الف وتخبط ويوديها ورشة معقوووله حتى اذا قلنا انه بريمي بودية للامارت انشاء الله على ظهري اتقووو اللله وذا الي يقول ببيعه ب80 الف والله لاشترية وين موقعك واللله لاجيك مكينه ما نزلت الا وهم كارفينه كرف واذا ما صدقت لليوتيوب وشف شلون يلعنون جدها كلااااااااام شريطية كذب في كذب انتو تتكلمون على الشااص والا على دباب بطه حق البقالات يكفي انه تويوتا هذا الاف جي مالي العالم كلها في كل شارع اشوفه والا البرادو كثر التراب يا عااااااااااااااااااالم اكذبو عاااااادي بس بشويش اسف على الاطاله
اخوكم :التميمي

[الباترولي]

السلام عليكم
من واقع تجربته احد الزملاء كان معه شاص 2006 وباعه واخذ شاص 2010
وماشي معه12000 كم تمام لكن حس بفرق عند السحب او يجر واحد مغرز على كلامه ان المكينة السابقة افضل عند السحب
وشكرا

[البدراني11]

سواليف:p


من اللي قد خبر مكينة البرادو مخبطة وهي نازله من موديل 2004 ؟

[شاص البحر]

السلام عليكم اعضاء مكشات الشاص 2010 انصب من ال2009 ولاكنه كهربه مايكد واجد وكمبروسره والدينمو يبيله صيانه ومداراه على ما يقولو اعن المكاين الراسين لونه راسين وثمان سلندر كالن لم السبايك من الذهب ابو جميل










































http://img102.herosh.com/2009/07/27/838091318.jpg

http://up.qatarw.com/get-11-2008-3830f7f801.jpg

http://up.t-cops.com/upload13/t-cops.com_43820716.JPG
http://dubaimoon.com/photogallery/cars/cars_2219.jpg


http://farm4.static.flickr.com/3101/2751204675_ab66e9c407.jpg?v=0

http://www.e7sasra8i.com/up/images/q9wsepwqs4pq673kd2g9.jpg

[نباك]

بتشوفون الشعب كلهم مطلعين 2010 اصبرو بس

[الادعج]

لو كان هالكلام صحيح^مع اني مااتوقع^تبي تصير بصمة عار بتاريخ تيوتا

[أبو عمار الخالدي]

الله يوفقك

وما عندي زود على كلام الاعضاء

[شاص البحر]

http://www.youtube.com (http://www.youtube.com/watch?v=IMZ4QMcqx6A&NR=1)
/watch?v=IMZ4QMcqx6A&NR=1 (http://www.youtube.com/watch?v=IMZ4QMcqx6A&NR=1)


http://www.youtube.com/watch?v=FPcjU57n5TM&feature=related



الله يعز التيوتا واللي ورد التويوتا

[معدي المرقاب]

الله يعين المسلمين

[ahmad995]

اذا الربع فيه مشكله
اجل باقي السيارات مابهن مكاين خير شر

[ياوجودي]

السلام عليكم

مكينة الراسين 4.0 معروفه بحساسيتها لذلك الخبراء يقولون انها ماتنفع للشاص والربع الا في حالة وحده
إن يكون استخدام هالسيارات للمدينه والمزارع القريبه فقط او انك تاخذ معك سياره ثانيه وإنتبه لاتنفرد بالسياره بالحالك في خلا خالي بعيد عن الناس.

وهالشي شافوه الناس عام 2008 في الجي اكس آر 6 سلندر اللي هو نفس المكينه تفضلوا

http://www.youtube.com/watch?v=aPHimDliKHk

شباب نبي نوصل نتيجة بحق هل يستاهل الشخص يدفع 130.000 ريال فيه أو لا أقصد الشاص والربع
دام هذي مكينته . لاتتعصبون لو مايستاهل بنشري الـ 2009 والـ2008 يعني مالنا غنى عنها الشاص والربع بس نقصد هل فعلاً غلطة من المصنع يوم انه يحط هالمكينه على هالسياره اللي اشتهرت ان أهل الخليج بالذات يكرفون مندوبها بالرمال والجو الصعب؟؟؟؟؟؟


رجااااااااااااء بدون تعصب ترا شركة تويوتا ليست ملك لأحد منا والفلوس تروح لها وليس لمخباتي او مخبى احد منكم . أرجو مناقشة الموضوع في إطار البحث عن نتيجة مقنعه هل أجازف كمشتري أو انتظر أو أصرف نظر عن الـ 2010 بس

[شاص البحر]

ياخوك اذا الفلوس ماتجيبه انقز لليابان وجب لك واحد سعره بالمصنع يعادل 85الف وترا انا ناقزن اليابان قبل رمضان وجايب ال2009 واصل مكلفني90 لاكنه بدون ضمان الوكاله وبدون مكيف وبوليسي و11 سسته ولمن تمشيت بالمصانع هناك باليابان لقيت المكاين الراسين حزم حزم والضاهر ولا لهم اللا اسواق الخليج يمشوا المكاين اللي ممتازه بالمناطق البارده كشمال المملكه وجنوبها وباقي المناطق المكاين اللي بالحجم ذا وبسعة 5.7 تشب الله يامنا ومن اصبح افلح ههههههههه
ملح
استغفر الله العضيم واتوب اليه

[مجنون باترول4800]

([QUOTE=ياوجودي;3181169]السلام عليكم

مكينة الراسين 4.0 معروفه بحساسيتها لذلك الخبراء يقولون انها ماتنفع للشاص والربع الا في حالة وحده
إن يكون استخدام هالسيارات للمدينه والمزارع القريبه فقط او انك تاخذ معك سياره ثانيه وإنتبه لاتنفرد بالسياره بالحالك في خلا خالي بعيد عن الناس.

وهالشي شافوه الناس عام 2008 في الجي اكس آر 6 سلندر اللي هو نفس المكينه تفضلوا

http://www.youtube.com/watch?v=aPHimDliKHk........الخ)
وعليكم السلام
ابوي انا مجرب الجكس الجديد 6 سلندر ممتاز ولا هو زي الكلام اللي سمعت عنه
والمقطع لموتر قــطري وانت تعرف وش لون الشباب القطرين
يلعنون المواتر لعن وتعديل جامد على المكينة
بالعكس انا اتوقع نجاح المكينة الجديدة بشكل قوي

[شاص البحر]

السلام عليكم
انشاء الله ال2009
يزود سعره ولايمسك بالمعارض ا
لان الختام مسك
وال2010 اذا الجيربوكس بمبردات ومكينة الدبل كذلك والطرمبه ما تفصلها الصخانه
اءءيد استخدامه وسءلت عن الراسين مريح بالخط مثل الامريكي اليوكن 2500

[(((.ابوتميم .))))]

من الي شاف خواطر في رمضان ضنكم اليابانين بيحطون مكينه وهم ما يدرون عن السالفة والله ما حطو المكينة الا وهم عارفين وش تصلحلة وهذااا كلللللللللله كلام شريطية

[آل مهنا]

الله العالم انها خلاص راحت على الشاص والربع ... كسيرات كرف

الموديل الجديد مازال تويوتا ... و يتميز بجودة تويوتا .. لكنه قطعا اقل عمر و تحمل من القديم

القديم سيارة بر وكرف .. يمشي حالها في الخط و البلد.

والجديد سيارة خط و نصب.. يمشي حالها في البر

الفرق هو نفس الفرق في الصالون بين الجيل القديم والجديد .. ولو تلاحظون كل السيارات بدأت تتنعم مع كل موديل

وتبقى اولا واخرا قطعة حديد (يعنى لا احد يزعل من اخوه المسلم عشانها)

[بلاميعاد302]

والله الى الحين ما طلعنا بحل نبي كلام واحد مجرب مو كلمت سمعت او يقولون نبي الي عنده شي يعطينا تقرير او صور على الاقل ولا حد يذم شي الا ادا كان مجرب او يعرف واحد مجربه
الي ما يطول العنب حامض عنه يقول

[geneve2007]

الله يعطيك العافيه

[ابويارا1001]

مكينة الربع الجديد راسين نفس مكينة البرادو 2003 مع تعديل بسيط

كان عندي برادو 2003 شريته من صديق كده 5 سنين

وانا اخذ له عندي حول السنه

وبعته على واحد من الربع وله عنده زود عن السنه

ومكينته شد بلدها لا جاها تخبيط ولا غيره


واذا على موتر جديد خبط او تصوير كروزر جديد يدخن

ما احد يدري وشلون كان استخدام راعيها له لو تشتري موتر جديد وتحشره بالاول 3 كيلو خبط صح او لا


طيب وش تقولون في كامري 2009 خبط وهو ما شي حول 30 الف؟؟؟

عادي جدا تحصل في احسن العائلات


وسعوا صدوركم هذي المكينة الجديدة وخط انتاج جديد والقديم انتهى زمانه


وزي ما قالوا عن وجه الربع بعد ما تغير في 2007 انه سيئ وصداماته فيبر

شف وش كثره الحين بالشوارع

والقديم راحت ايامه

[شاص البحر]

:director::director::director::director::director: :director::director::director::director::director: :director::director:
السلامعليكم
اخواني
معي شاص 2009
وارغب في بيعه واتمنى من الله يرزقني بشاص 2010
لانه تويوتا ياباني ماعليه كلام والله كريم

[سيف الظفير]

دوسري من اهل المعارض يذمة ولا يمدحه في الرملة

[ابويارا1001]

اللي تعودناه من هوامير الشريطية يجمعون الموديلات القديمة ويذمون بالجديد


ويصرفون القديم بسعر اغلى من وكالته وبعد ما يخلص اللي عندهم يمدحون بالجديد اللي اشتروا منه بالكوم ويرجعون يصرفونه على المستخدمين بسعر اعلى من الوكاله وخصوصا اذا خلص اللي عند الوكيل


كما حصل مع اللاند 1997 و 1998


وايضا اللاند 2007 و 2008

وكذلك اي سيارة شعبية يحصل لها تغيير جذري سواء بالشكل او المحركات




التاريخ يعيد نفسه


بس متى الناس تتعلم

[خالد030]

الجديد افضل ومع الوقت راح تشوفون

[s3ed]

السلام عليكم ورحمة الله وبركاتة




اخواني تعلمت منكم الكثير ومازلت اتعلم منكم كل يوم جزاكم الله خير




اسمحو لي ان اطرح لكم تجربتي البسيطة عن هذا المحرك 4.0
انا من ملاك الاف جي من اكثر من سنتين السيارة ماشية اكثر من 100 الف
بالاضافة الي اني مشرف عام في اقوى منتدى للاف جي
عندي خبرة مكيانيكة استطيع الحكم على المحرك

ان شاء الله اتوفق في شرحي لكم وسمحوني اذا ماقدرت اوصل لكم الفكرة بسبب تعبيري المتواضع


على بركة الله

ميزة المحرك


محرك ال 4.0 جميل وتسارعة قوي واقتصادي في استهلاك البنزين
وزن خفيف بسب المحرك المسبوك من الألومنيوم






عيوب المحرك



يعطي قوة ممتازة بسبب ان المحرك مرهم للحد الاقصي من الشركة المصنعة

البساتن ضغط عالي
راس المحرك محفوف او مجلوخ
توسعة المخارج والمداخل بورتنق


لذا تجد صعوبة في اضافي اي قطعة ترهيم اخري لخطر تدمير محرك السيارة

من جهة اخري

من المفروض ان تكون سيارة الشحن ذات عزم قوي تسارع بطيئ نشبه الشاص ب الهمر

عزم قوي سرعة معقولة


مع محرك ال 4.0

تجد سرعة انطلاقة قوية عزم شد ضعيف


+ من خلال قرائتي لمنتديات اجنبية الكل يفضل القير الاتوماتيك على العادي لمحرك 4.0
ماعندي اي فكرة عن قير الشاص الجديد هل هو نفسة للاف جي الامريكي او الجير القديم ؟؟؟






الخلاصة


توقعاتي للشاص
سرعة
قوة في السحب
ضعف في النفوذ-المكينة تبرد
قصر عمر المحرك
نجاح المحرك للربع فشلة للشاص بسبب التحميل




هذة تجربتي عن محرك ال
4.0

[ابو شامه]

كذابين في نص وجيهكم

[الطيف الموادع]

والله يالقسم خرب صار اكثره شريطيه واحد يثبت والثاني يشوت حسبي الله عليهم

الله يرحمنا برحمة

[نواف نجد]

الشاص كله زين ومايخبط الا الملعووب فيه يعني حق الترهيم والتطعيس والتفحيط

[القناص الأسود]

السلام عليكم


أقول مشكلة الشاص السعر هو و بقية السيارات

وأقول خلكم من الكلام هذا و أعطيكم دليل...

المثل الأفريقي الشهير يقول:
الهمر عربة عسكرية تحول إلى مدنية و التاتشر (الشاص) عربة مدنية تحول إلى حربية
في افريقيا الشاص أغلبه ملك الجيش و القوات النظامية و عندنا بالسودان نزلت طلبية 2010

و هي كالعادة بالصحراء...


المشكلة هي الجميع يرفض الإستغلال من الوكلات و ذلك تحت شعار
خلوهــــــــــــــــــــــــــــــــــــــــــــــ ــــــــا تـــــــــــــــــــــــــــــــــــــــــــصدى

[الادعج]

ياجماعة وراكم انتم الاحظ ان لغة الحوار بدت تشتد وتنتقل للاسواء ....بعدين تراكم تتكلمون عن شركة سيارات عريقة ومهيب بسيطة لدرجة انكم تشككون بجودة انتاجها^مع اني ميولي نيسانية^ خل عنكم الكلام اللي مالة ثمرة .....ويخبر بفلوس بكرة يصير ببلاش

[اسبيدر مان]

هذا مقطع قيديو

http://www.youtube.com/watch?v=JpqaySU368E

[الادعج]

هذا مقطع قيديو

http://www.youtube.com/watch?v=JpqaySU368E (http://www.youtube.com/watch?v=JpqaySU368E)
يعطيك العافية اخوي بس اللي بالمقطع 2009 مهوب 2010

[ربع 2009]

هذا مقطع قيديو

http://www.youtube.com/watch?v=JpqaySU368E
:no2: هذا 2009

[راعي الشاص 10]

يعطيك العافية اخوي بس اللي بالمقطع 2009 مهوب 2010
وسع صدرك من ظمن الاشاعات

[راعي الشاص 10]

يا اخوان
الموضوع عطيناه اكبر من حقه
وانا معي ولله الحمد شاص 2010
الان ماشي 7200 زي الوردة
ديكوره الداخلي قمه متماسك ومثبت بشكل خيالي
ويكفيك تثبيت قاعدة الكاس شف وشلون مثبتة
الحرارة وردة مع اني من ثاني العيد الى 15 شوال يويا اكشت وسافرت عليه للقصيم وحايل مرتين والمدينة المنورة
وماشي احلا من حلو
وبالنسبة للمقاوم قاومت عليه شاص 7 عليه فلتر وفرارات واسلاك بواجي وقام علي قومة يصيطة وقاومت شاص 5 بلد ويوم عطينه الرابع ما اشوفه بالمراية
ومسكين الي شرا 2009
والكلام هذالا كلام شريطة ومن كلامهم لي يو جيت اشري موتري يقولون السعودي احسن من البريمي!!!!
طبعا كلام ما ينصدق الشريطي يمدح سلعته دايم

[الاندكروزر123]

ياشيخ وانت كل ماطلع شي صدقته مثل سيارة سكويا اول ماطلعت قالوا فيها كذا وكذا وكذا


وهي الحين الموتر موتر لو تسبه يبقى موتر القوة والفخامة والوساع وكل علمن طيب يكفيك مكينته ولا شكله ياشيخ يروع خلع عنك الهرج وارقد وامن

[ahmad995]

يارجال سواليف تالي الليل يطير به الهواء
اللي صادق يجيب اثبات اوراق وفواتير الوكالة
وصارت الاشاعه بالهايلكس 2002 وشفه اللحين تباع عادي مكيف 38 الف بالراحة
وصار بالربع ال 92 يوم قالو 24 بلف تدمر المكينه وشفهم للحين يطحنونهن طحن

[خالد030]

بكم الشاص البريمي 2010 ونش دفلوك

[خالد030]

بكم قيمة الشاص البريمي 2010 ونش دفلوك بالريال السعودي

[ابو عنقا]

السلام عليكم ورحمة الله وبركاته


انصدمنا في الشاص 2010 كثيرا ولا نعلم ماذا حدث لهذا البطل


نعم للأسف سمعت من أحد أخواني الكرام انه خبط جيبين 2010


ولا اعلم هل هي احدى الجيوب اللي ذكروهن الأخوان أم لا


ااذا كانت حقيقة فهذه كارثة لأصحاب الشيصان واللي يحبون


الشيصان واذا كذبة واتمنى ذلك فهي ليست غريبة لإعداء هذا البطل الذي


أعجز الكثير والكثير


واتمنى من أخواني اللي ذكرو التخبيط وانه في ورشة وكذا وكذا فنتمنى


تقريرا كاملا مع الصور اذا امكن ذلك لتتسنى الحقيقة ونعرف وش اللي علينا


نتمنى ذلك التقرير بأسرع وقت


اما ما حكالي صديقي فهو حسب ما سمع هو


وهذا يتعرض للنفي والاثبات ولكن نريد الحقيقة من أخواننا


تقبلو تحياتي

[ابو فهد حاايل]

يا رجل تبي الصدز كله اشاعات
الشاص هو الشاص
لا تقولون يخبط ومكينه مع احترامي للجميع بس الشاص ما به بلى
بالعكس الحين صارمكينة راسين يعني تعال شف العزم والسرعه
اما الديكورات من داخل انا معك اقولك انه ما هي بالحيل اللي اول ازين
بس ما يعذربه

[ابو فهد حاايل]

بكم قيمة الشاص البريمي 2010 ونش دفلوك بالريال السعودي
132 الف تقريبا رخيص يعني :D :D ;)

[خالد030]

يــــــــــــــــــــــــــــــــاشباب نبي تجارب المالكين ل 2010 صراحة ذبحتنا الاشاعات وبالعربي ودنا نشريه000000000

[ابو كلام]

السلام عليكم ورحمة الله وبركاته

الموضوع انا دائما متابعه صراحتا وكل شخص يفتي وانا ابفتي:j بعد صراحه جاني خبر من شخص موثوق له زميل في ابو ظبي معه شاص 2010 يقول اني جيت اسحب واحد من الشباب ويطفى لازم تحبس للكلتش هذه وحده.
الثانية انا قابلت في المرسلات واحد كبير في السن ومعه شاص وسألته قلت وش رايك فيه والله العظيم انه يقول اني متحسف قلت ليه قال انه في البر اذا عشقته بالاول يطفى والله هذا الي دار بيني وبينة بس يقول ان الموتر اذا استوى على الخط يطريب يمشي ، حتى اني سألته حملت عليه اغراض قال لا.
الثالثه سألت واحد من الشباب معه 2005 بس له في امور السيارات قلت وش اخبار 2010 قال ان واحد من زملائي شاريه وحمل عليه شعير ولا مدحه يقول يبرد الموتر هذه للافاده

[ربع 2009]

تخيلووو
ان الشاص كان 4000 راسين ,,, زي ما هو الحين ((حلووو))

ونزل 2010 4500 راس واحد واقل احصنه ,,,


وش تتوقعون بيصير هع هع هع ,,,


الاكيد بنختار الـ cc

والا كان تويوتا ونيسان وغيرها ما ترررز الـcc على رفرف الموتر
كان تحط الحصان

تويوتا غيروا المكينه علشان توحيد مكاين الجوب الـ6 سرندل ((توحيد للمكينه)) لكل السيارات من الاندكروزر إلى الأف جي يعني اقل تكلفه للمصنع بدل مصنعين واحد

والسبب الآخر ,, هو بأن المكينه الأوله اثبتت جدارتها و رسخت الثقه في زبائنها لأنها لا تعود بمردود مادي (( ماتخبط وتشتري لها قطع غيار من الوكاله )) بينما المكينه الجديدهـ سيكون لها مردود مادي ,,,,



وافهم يا فهيم




تقبلووو مروري

[ابو كلام]

تخيلووو
ان الشاص كان 4000 راسين ,,, زي ما هو الحين ((حلووو))

ونزل 2010 4500 راس واحد واقل احصنه ,,,


وش تتوقعون بيصير هع هع هع ,,,


الاكيد بنختار الـ cc

والا كان تويوتا ونيسان وغيرها ما ترررز الـcc على رفرف الموتر
كان تحط الحصان

تويوتا غيروا المكينه علشان توحيد مكاين الجوب الـ6 سرندل ((توحيد للمكينه)) لكل السيارات من الاندكروزر إلى الأف جي يعني اقل تكلفه للمصنع بدل مصنعين واحد

والسبب الآخر ,, هو بأن المكينه الأوله اثبتت جدارتها و رسخت الثقه في زبائنها لأنها لا تعود بمردود مادي (( ماتخبط وتشتري لها قطع غيار من الوكاله )) بينما المكينه الجديدهـ سيكون لها مردود مادي ,,,,



وافهم يا فهيم




تقبلووو مروري
انا ايد كلامك خلنا نحلل موضوع المكينة ليه 2010 غيرو المكينة لان اليابات ما مشت مكاين 6 سلندر عندنا على الجيوب 2008 و 2009 فقالوا ما لنا الا ندبسها في 2010 نعدل شي بسيط ويالله على الخليج هذا رأي ولا وش رايك يالربع

[ربع 2009]

:cool: :cool:
انا ايد كلامك خلنا نحلل موضوع المكينة ليه 2010 غيرو المكينة لان اليابات ما مشت مكاين 6 سلندر عندنا على الجيوب 2008 و 2009 فقالوا ما لنا الا ندبسها في 2010 نعدل شي بسيط ويالله على الخليج هذا رأي ولا وش رايك يالربع



ماهي قضية ندسها عليها لأنها ما مشت ...

هي مشت وبتمشي غصب ... لعدم توفر البديل من نفس الشركه toyota المصنعه اللي زباينها مزروعه الثقه فيهم

بيقول البعض ,, (( شف المكينه . على البرادو من 2004 ولا ضرها )) انا اقول له جب لي راعي برادو واحد راعي مطامر بران ومراقا <((تطعيس جامد)) وقطع نفود وعروق بعز الصيف مثل الشاص 2009 وانا اقول معك حق ,,


يا عالم والله ما طقوا خبرنا اليابان يبون يوفرون ويحصلون اكبر مردود مادي قبل وبعد البيع

والدليل ان المكاين الجديدهـ حدها تصبر مدة الضمان اللي هي ,, ثلاث سنوات او 100,000 كم او 60,000

وبعدها بتطلب غير الاوله 300,000 ما والله تطلب


تقبلووو ردي ومروري

[ism]

بكم قيمة الشاص البريمي 2010 ونش دفلوك بالريال السعودي


خويي شاريه بـ 127 ألف ريال سعودي

[باثفايندراوي]

و الله اني اليوم الصبح الساعة 1:45 بتاريخ 14/10/2009 كنت في معارض منطقة العوير مال البلدية في دبي و رحت اخلص تويوتا lx10 اللي نفس الربع لكن 4 باب عائلي حجم البرادو مب الشاصي الطويل و الصراحة مدحولي فيه و قالو ان ما عليه كلام،ليش ما سمعنا عن اف جي خبط او فرتشن خبط او كروزر خبط تراهم كلهم نفس المكينة و ما سمعنا غير الشاص و الربع هم اللي خبطوا.كلام مب منطقي.
و ترا معظم الشباب من طلعوا السيارة و بعدها زيرو كم و بدا التطعيس و الضغط على المكينة،ناسيين مرحلة التليين و هي 1000كم و 2000 كم و 3000 كم و بعدها طير مثل ما تبا .
و تقبلوا فائق الاحترام و التقدير.

[باثفايندراوي]

عفوا كنت هناك الساعة 11:45 مب 1:45 صباحا .
و السموحة عالإطالة

[ابو خالد 1992]

اسمحو لي ياشباب كلمة فلان قالي وسمعت من فلان و يقولون كل هذي سوالف انت شفت شي بعينك نزل الصور و اسم الورشه , تابعت الموضوع كامل مافية احد من اللي كتبو معه 2010 إلى واحد الله يبارك له يمدحه , نفس الكلام عن الهايلكس 98 اول ما نزل قالو قير و عن الاسكويا قالو مشكلة في القير والمكينة وشفها اللحين مالية الشوارع وماسكه سعرها , يمكت تكون فيه بعض العيوب المصنعية لاكن ما تستاهل كل التهويل هذا .تعبنا من قولة يقولون

[aBu_aBdAlSlaM]

اسمحلي ولا تزعل اخوي انت تسأل وتجاوب على نفسك باقتباسات كان من الاساس نزلت موضوع بخصوص تخبيط مكينة الربع والشاص
الموضوع كله لتشويه صورة الموديل الجديد 2010 علشان القديم يمسك سعره صراحة هذا اللي طرأ على بالي

هذا الكلام المضبوط ،، والدعوى كلها شريطية تنشر هالاشاعات وتجيك الناس طايره سمعت عن فلان عن فلان عن فلان انه فلان من الناس يقول كذا ،، لكن حسبنا الله ونعم الوكيل

[المشقر999]

والله يا جماعة الخير كل هالكلام نصب في نصب وبين قوسين ( الي يسب ما لقى شغل) تلقى معه موديل 2009 وتحت ،،الدعوه فوضى << تخبيط .. حدث العاقل بما يعقل
هالعالم شغاله سب وبس يمشون ويسمعون من الناس قال فلان وقال علتان
الحمد لله هذا هو معي الحين 2010 وش زينه الله يبارك لي فيه

[خالد030]

نشري ربع والا شــــــــــاص

[fj44]

وجهت نظري
البريمي الشاص رفارف 147 الف
قبل شهر
وقبل يومين خذاه واحد من الربع 123 الف
وهذا اكبر دليل انه فاشل طاح 24 الف
وش ذنب اللي شرو قبل شهر او شهرين !!!؟

[قطب 999]

وجهت نظري
البريمي الشاص رفارف 147 الف
قبل شهر
وقبل يومين خذاه واحد من الربع 123 الف
وهذا اكبر دليل انه فاشل طاح 24 الف
وش ذنب اللي شرو قبل شهر او شهرين !!!؟

شهرين وهو كاشخ على خلق الله ومرضي غروره تبيها ببلاش
من بغى الدح لايقول اح

[خالد030]

شهرين وهو كاشخ على خلق الله ومرضي غروره تبيها ببلاش
من بغى الدح لايقول اح
صح هذا الكلام اللي يجمد على الشارب

[لاندكروزر2009]

الصراحة قريت كل الردود
واللي دش دماغي هو ان المكينة الجديدة
قوة العزم اضعف من 2009
مع التحميل اضعف من السابق
وافضل من 2009 في استهلاك الوقود
وافضل كذلك من 2009 في السرعات العالية

[قمة الثلبوت]

الشاص هو الموتر الوحيد اللي بقى على الصناعه الممتازه والجوده العالية
وقليل خرابه وشركة تويتوتا ماهي غبية موتر ما يخرب ما تستفيد منه هي تستفيد من القطع اكثر من صناعة السياره الشاص من اول يبلشون في قطعه ماتمشي غير فحمة الكلتش والصحن دائم تخرب فا بدوا يقللون من الجوده حتي يستفيدون من القطع اشتر الاول

من 2006 وتحت ولا تقرب 2007 وطالع

[راعي الطلعات]

فيه واحد من الربع اخوياه خبطة عليهم مكاين التيويتا الجديده صراحه

[الساهر2003]

متابعين ومحتارين بن الاثنين
والقهر انهم في المعارض الفرق في السعر 2000 ريال فقط لربع البريمي
والشاص كذلك او 3000 ريال فقط
قهر قهر
عطونا العلم الغانم خلونا نفلح ونعزززم على واحد منها

[خالد030]

نبي واحـــــــــــــــــــــــــــــــــــــــــــــــ ــــد جرب الاول من 2009 وتحت وجرب 2010 ونبي كلام صحيح ومقنع

[خزان الوادي]

دعوة لجميع (العملاء والاعضاء )

للمشاركة بمسابقة المنتدى لافضل 3 مواضيع للاطلاع على الشروط الرابط :

http://www.mekshat.com/vb/showthread.php?t=236655 (http://www.mekshat.com/vb/showthread.php?t=236655)

مع تمنياتنا للجميع بالتوفيق

خزان الوادي

[ساري المفعول]

انا معي 2010 وماشي 20000 اشتريت 7 رمضان ومشيته 1000 كيلو ورحت الطايف عليه امشي 160 وماشفت منه شي ولله الحمد

وانا جربت 2007 و 2008 والله انه فرررق 2010 موهب علاشانه شاريه بس فرق كبير

ويكفيك الزيت من دون سيفووون 4 ونص وبسيفون 5 ونص

والفين وسبعه وثمانيه 7 علب من دون سيفون وبسيفون 8 علب

وبعدين البنزين والله فرق 2010 عن الاولات وانا مجربها فرررررررق كبير ياااناس مايعررف الشرب ال 2010 وانا الحمد لله مرتاح له كثير وفلوسي ماراحت خساره

واسال مجرب ولا تسال خبير

[الادعج]

انا معي 2010 وماشي 20000 اشتريت 7 رمضان ومشيته 1000 كيلو ورحت الطايف عليه امشي 160 وماشفت منه شي ولله الحمد

وانا جربت 2007 و 2008 والله انه فرررق 2010 موهب علاشانه شاريه بس فرق كبير

ويكفيك الزيت من دون سيفووون 4 ونص وبسيفون 5 ونص

والفين وسبعه وثمانيه 7 علب من دون سيفون وبسيفون 8 علب

وبعدين البنزين والله فرق 2010 عن الاولات وانا مجربها فرررررررق كبير ياااناس مايعررف الشرب ال 2010 وانا الحمد لله مرتاح له كثير وفلوسي ماراحت خساره

واسال مجرب ولا تسال خبير

ما شاء الله ..الله يعطيك من خيرة ويكفيك شرة ..عزالله انك شريت موتر ...والله ان الشاص كان شفي به لكن عذروبة ان رفيقك واحد

[الساهر2003]

اخي ساري المفعول
بيض الله وجهك والاخوان جميعاً
الله يطعمك من خيره ويكفيك شره وجعل سياراتك من هذا واحسن
الف شكر لك
الصراحة من نزلت هذه المكينة ونحن نعرف انها اقتصادية في الوقود والزيت واقل ضجيج وصوت من 4500
لكن هل تتحمل الاستعمال الشديد والمراقى في النفود والسحب والمشي مسافات طويلة في البر والغبار والماء والنفود وانت مشغل الدبل

[ساري المفعول]

نفووود انا ماني راعي مراقى وتطعيس بس عزمه بالنفوود لايعلى عليه

ومن ناحية الدبل قنصت جيزان عليه وتعرفون فيفا والعقبات يعني لازم الدبل شغال ولله الحمد ماشفت تغيرات بالعكس اشوف الافضل


وانا انصح كل من يبي يشتري يشتري 2010 ومن يبي يجرب انا مستعد لخدمتكم

[(((.ابوتميم .))))]

هلاا اخوي ساري بغيت اسئلك عن الديكور الداخلي متمااسك مرررره والا لك عليه ؟؟؟؟؟؟
وهل الخليجي يجي فيه مشغل سي دي ؟؟؟؟؟؟؟؟؟ وهل هو يحن في الطريق اذا مشيت اكثر من 120 والا هادي با الظبط اذا مشيت 160 الضغط وين يوصل ؟؟؟؟؟؟؟؟ تكفااا اخوي انشاء الله اني بشري واحد وابي نصايحك

[كبسولة2]

الشاص 2010 والله موتر ينشد به الظهر

سرعة قوة فخامة

وما قيل عنه أشااااااعة من الشريطية

عمي معه واحد ويمدحه

زميل لي معه ربع ويمدحه

يقول يطلع على 2009 في

نفود الثويرات تعرفونه

[خالد030]

يعني الكلام اللي نسمعه كله اشـــــــــاعات

[خالد030]

ياشباب نورونا ابي اشري ربع 2010

[سحاب بقعاء]

السلام عليكم معشر المكشاتيه


عيدكم مبارك وكل عام وانتم بخير

تقبل الله منكم صالح الأعمال


2010 له اكثر من شهر نازل بالمعارض

نبغى كل من جربه يعطينا رأيه فيه من حيث


1- صرفية البنزين


2- تماسك الديكور الداخلي


3- الأعطال ان وجدت


4- العزم ثم السرعة


5- برودة المكيف


6- الحرارة

يا غضنفر نصيحه اللي يبي يشتري شاص افضل موديل من 2005 وتحه اما الجديده كله خايسه ماتضمنو :eek:

اما الربع كل بايخ مايستاهل اللي يشتريه مامن عزم لازم يخبطبك :mad:

[معبر11]

انا ما ادري ليه ابو جميل الله لا يجمل حاله ما يجيب زي الخليجي ونش وتانكي بنزين خلفي للربع
----------------------------------------------------

[قطب 999]

ياشباب نورونا ابي اشري ربع 2010


ان كنت راعي سرعه ومطارحات اشتر:good: وان كنت راعي مقناص وطلعات للبر اشتر:good: وان كنت راعي ديره وتبي موتر قليل خراب ويتحمل مطباتنا وغرابيل شوارعنا اشتر :good:

[خالد030]

ان كنت راعي سرعه ومطارحات اشتر:good: وان كنت راعي مقناص وطلعات للبر اشتر:good: وان كنت راعي ديره وتبي موتر قليل خراب ويتحمل مطباتنا وغرابيل شوارعنا اشتر :good:
جزاك الله خير وماقصرت

[ابو شريفة]

يـآشبـآب هذي اشـآعـآت شريطية اخوي معه ربع الفين وعشرٍهـ ماشي ثلاث ألالف تبي عزم تبي قوهـ سسرعة لاطقطقة على قولت بعض الناس لااصوات اما الي يقول خـبط هذا واحد يقول جاي من الشرقية شوي يقول سقط علي ثلاثه ألفين وعشرهـ يقول صافطين الميتين وفاصلين العداد وزيت الوكاله مهب زيت يقولون الزيت ذا عشان يمشي امورهـ يعني عشان يحركونه من المصنع للباخرهـ ثمن للسطحة لكن ذولا فاصلين العداد ويميشون عليه ميتين والزيت الي بوهـ مب زيت واذا وصل المعارض شبكة وقال اصفارٍ لكن خذ لك واحد مجيوب على تريلة وعلى طول غيرت زيتـه وشف هو يطقطق وإلالا والي يقول يبي يبيع بثمـآنين انا اقوله وضبـة اخـذهـ منك بتسعين اكـبهن بحجرك ...
اسفين على الاطاله..

[المميـز]

مكينة الربع والشـــاص الجديدة 2010

مكينة معروووفه ومجرررربه على سيارات تويوتا الثانيه من عام 2006

يعني لها أربع سنوات وحققت نجاح في إقتصاد البنزين والزيت فلذلك تم إعتماد
المكينه على سيارات تويوتا 4×4 كلها

وأول سيارتين نزلوا عليها هذي المكينه هم البرادو والفورتشنر عام 2006
وبعدين نزل الـ Fj عام 2007

وبعدين نزل اللاند كروزر Gxr 2008 وعليه نفس المكينه

و2010 تم تدشين الربع والشاص بنفس المكينه :)

بإختصار المكينه هذي لها تاريخ اربع سنوات << يعتبر تاريخ عريق :d

[صياد المجمعه]

يا شباب مكينة الربع والحوض والاند الجديد كلهن ينقصن زيتهن بالهبل وشي هالمواتر الي ادفع به مئااات الاااف واخر شي ينقص زيتها والله حرااام ولكن ما نقول الا حسبي الله ونعم الوكيل

[الساهر2003]

الله يجزاكم خير ماقصرتو
ونورتونا الله ينور عليكم والموضوع مهم جدا
والف شكر لمن رد على استفسارات وتسائولات الشباب

[لاح البرق]

ركبته مع الشباب و قنصنا عليهن و الحمدلله ابداع و احسن مايكون و بكل مكان جربناه من طعس لحره ومالاحظنا شي عليهن ماشاءالله..
لكن في واحد من الشباب و انا اعرفه رجله حاره على السياره ويوم طرد بها ارنب و كان على حصى و اطراف حره و تفاجأ أن الصدام الأمامي طاح و مايمنع انه من التنقيز لكن مهما كان اسمه جيب و هو من عشاقهن من الموديلات اللي قبلهن و مجربهن >>هذا اللي لاحظته فقط بالجديد...
وتقبلو مروري

[ساري المفعول]

يا شباب مكينة الربع والحوض والاند الجديد كلهن ينقصن زيتهن بالهبل وشي هالمواتر الي ادفع به مئااات الاااف واخر شي ينقص زيتها والله حرااام ولكن ما نقول الا حسبي الله ونعم الوكيل




ياااشيخ خاااااااااااف الله شفه معي والله ولله الحمد ماينقص وممشاي عليه واجد وجاه جور الخطوووط ومابان فيه شي

وتعال شووف اذا منت مصدق

[ابوعبدالله530]

يا شباب مكينة الربع والحوض والاند الجديد كلهن ينقصن زيتهن بالهبل وشي هالمواتر الي ادفع به مئااات الاااف واخر شي ينقص زيتها والله حرااام ولكن ما نقول الا حسبي الله ونعم الوكيل


السلام عليكم
اخوى كل السيارات ينقصن مهوب الشاص والربع بس والسبب مهوب بالمكاين السبب بالزيت
جرب الزيوت وتعرف الفرق بالنقص

انا تجربتى الشخصيه كاسترول جى تى اكس الى علبته بيضا وخط اخضر ينقص على يوكن 2005 وعلى لاند 2004 وغيرت نوع الزيت وحطيت موبيل الازرق وواحد من الشباب حط الترا سفن على شاص 2005 وكملنا اكثر من 6000 بدون نقص
والسبب كله بالزيت واعذرونى على الاطاله

[ما جد العنزي]

مساكم الله بالخير جميعا
ياخوان اني معي ربع 2010 ماشي الحين تقريبا ً 6000 كم وجالده ردمية أكثر من أربع مرات والموتر اسم الله عليه وغير كذا واحد من الشباب معاه موتر نفس اللي معي ومن أبدع مايكون عزم وقوة وتكييف وتماسك ديكور
دمتم بود ...

[باسم الرياض]

اللي تعودناه من هوامير الشريطية يجمعون الموديلات القديمة ويذمون بالجديد



ويصرفون القديم بسعر اغلى من وكالته وبعد ما يخلص اللي عندهم يمدحون بالجديد اللي اشتروا منه بالكوم ويرجعون يصرفونه على المستخدمين بسعر اعلى من الوكاله وخصوصا اذا خلص اللي عند الوكيل


كما حصل مع اللاند 1997 و 1998


وايضا اللاند 2007 و 2008


وكذلك اي سيارة شعبية يحصل لها تغيير جذري سواء بالشكل او المحركات




التاريخ يعيد نفسه



بس متى الناس تتعلم



كلامك عين العقل بس وين للي يفهموون
كل واحد يقول هذا كلام الشريطي للي بالمعارض
يابوي عشان يصرف للي عنده وبس

[محب النياق]

السلام عليكم ورحمة الله وبركاته

اخواني نبي نسال اللي جربو 2010 وش فرقه عن المكينه السابقة

1 - اللعزم
2-السرعه
3-صرفية البانزين
4- ظجيج المكينه

[ابوخالد 9]

مافيه مشآكل أبد

وكل هالكلام اشاعات شريطية

رح ادخل المعارض واسأل أي شريطي عن اي سيارة جديدة وشف الذم

كل هذا عشان يمشي سوق المستعمل والقديم !

الكذب (مصل) يطعم به الشريطي في صغره الا (مارحم ربي) وقليل ماهم ! ~

أجل مرت هالسالفة على (تايوتا) وصادوها (طيور شلوى) في معارض النسيم !

ارحموا عقولنا يابشر ؟؟

[راعي الركيات]

اتوقع والله اعلم نفس مكينة اللاند GXR V6 واذا هي مثلها فعتبرها قويه
طبعا المكينه الجديده اعطت قوه اكبر واقل وزن وعمر قصير بالمقارنه بالمكينه القديمه Line in
المكينه القديمه ممكن تمشي 800 الف كيلو استخدام طبيعي بدون توظيب اما المكينه الجديده فاتوقع حدها 300 الف كيلو

اقول لو يركبونله مثل ها الطخمه 5.7 و 381 حصان كان يطلع مامثله موتر

http://i.ebayimg.com/05/%21%21fMSckg%21mE%7E$%28KGrHgoH-CcEjlLlyiyvBKp%28ivHvOg%7E%7E_4.JPG


هلا بك اخوي بالنسبه للمكينه انت ماجربتها لذالك تقول انه ماتمشي الا 300 الف


لكن هي مشت اكثر من 300 الف في البرادو وشفتها انا في المعارض اليومين هذي


وماشاء الله مافيها الا العافيه


المكينه ليست جديدة في السوق


هي من سنة 2003 م تركب علي البرادو


اما صاحب الموضوع اقوله السيارة بتطلع افضل من اول واقتصاديه بكل ماتعنيه الكلمة





وبالتوفيق يارب

[الشمال الغربي]

اقول ياليت جابو هالمكاين من زمان اهنيكم ياراعيين الربع والشاص

[خالد030]

السلام عليكم ورحمة الله وبركاته

اخواني نبي نسال اللي جربو 2010 وش فرقه عن المكينه السابقة


اخوي هذا الكلام من واقع تجربه
مـــــاشاء الله
1 - اللعزم
2-السرعه
3-صرفية البانزين
4- ظجيج المكينه
اخوي العزم ممتاز
والسرعة بالرابع يجيب 180 بالراحة طبعا يفصل مثل الاول
صرفية البنزين ممتازه جدااااا
ظجيج المكينه اخف من الاول بس صوته طرررررب وصراحة من 2009 وتحت حط عليه x بعد الجديد
ولا يهمك كلام الشريطيه واللي مايقوا له واللي مايطول العنب يقول حامض

[طير المحبه]

عطون 2002 شاص .. :(

مابي 2010 :(

[صديق كلم رفيق]

أنا ناوي على شاص 2010 لكني خايف صراحة ، أغلب الناس يقولون إن المكينه ناجحه على الربع ، لكن على الشاص يقولون ما راح تنجح لأن قير الشاص ودفرنسه ثقيل ما تتحمله المكينه

فيا ليت اللي جرب الشاص في الرمله يعطينا الخبر الاكيد ، وهل يتحمل الجلد ، لان صراحه ناويين نقنص عليه الربع الخالي وتعرف الربع الخالي السيارة بثنين وواحد ، فوش رايكم نأخذ 2010 وإلا نتلحق 2009

نحتري تجربتكم يا أهل الشاصات ...

[طير جنون]

يا عالم انا جربته لي شهرين والله انه احسن ربع يجوزلي يكفيك مكينته وداخليه غطا على كل اللي قبله فخامه

واذا بغيت تسأل اسأل واحد مجربه وشف الدعدعه هذي من بعض الناس حقد حقد

[سليم الشمري]

هلا وغلا يا خوي مر معرض العواد بحايل اسئل عن الربع 2010 الي جابه صديقهم من الامارات وين خبط يقولو قبل القصيم وباعه ب 80 الف انا حاظر بيعته بغيت اشتريه وارهم له مكينه كابرس قالو ما يستاهل رايح تخسر بعد الترهيم الكثير

[خالد030]

هلا وغلا يا خوي مر معرض العواد بحايل اسئل عن الربع 2010 الي جابه صديقهم من الامارات وين خبط يقولو قبل القصيم وباعه ب 80 الف انا حاظر بيعته بغيت اشتريه وارهم له مكينه كابرس قالو ما يستاهل رايح تخسر بعد الترهيم الكثير

خلنا نقول انه خبط ياعزيزي (الله بالعين ماشفناه _ وبالعقل عرفناه) تلقاه فاصل العداد وماشي طبلون الموتر وبزيت الوكاله دعسه وحده من الامارات الى حايل حول 2000 كيلو شي طبيعي يبي يخبط حتى لو هو عشه 84 على وقته يبي يخبط

[أبو ونيان]

مساكم الله بالخير أخواني الأعزاء ،،، هذي أول مشاركه لي في هذا الصرح الشامخ والذي ينبع منه ثراء الكلمات والتجارب والمعلومات وغيرها الكثير أدام الله هذا الصرح وأدام الله أنفاس أعضائه ومن هم مسئولين عنه ،،،

بصراحه أنا حرصت على هالموضوع لأني أن شاء الله بشري ربع 2010 ولي فتره وأنا أقراء عنه بعد ما سمعت عن المشاكل الموجوده فيه ، وأطلعت على كامل الردود للأخوان وبالأخير الناتج هو أن ما ينشره بعض ضعاف النفوس هو لمصلحه شخصيه يستفاد منها طرف واحد ويتضرر منها أشخاص .
الربع والشاص سيارات لا يعلى عليها وأنا أشهد ما شاء الله أنها عز المواتر وما بها عذروب والا ما تعينونه بالشوارع والطلب عليها زايد والسعر بأرتفاع والا كان حصل العكس .
كنت مقرر أني أخذ خليجي بعد ما جال بخاطري من كلام الأخوان عن مشاكله أو تحسب لظهور مشاكل مستقبليه لأني من النوع ألي يكرف الموتر كرف سواءً بالخطوط أو بالنفود وطلعات الكشاتيه قلت بأخذ لي من أو جميل بس المشكله أن أبو جميل يقول أن ما عنده ربع بدون رفارف وكفرات عراض يعني ما عاد يجي الا فل كامل طبعاً بدون ونش ودفلوك أنا أستغربت قلت يمكن عندهم كم سياره مكومه بالمخازن ومحد شرا وقالوا هالكلام لأني بصراحه من وجهة نظري أبو رفارف ما خش بالعين ألي عنده علم عنه يعلمني هو ماجود والا مثل ما قالوا ؟؟
وأنا أن شاء الله شاري بعد العيد لأن ما مداني أخذ علومه ؟؟
وهل بأمكاني أني أشري أبو رفارف وأشيل الرفارف يرجع مثل أول بدونها ؟؟

أسف على الإطاله ولكم مني كل الشكر والتقدير ،،،

( وكل عام وأنتم بخير بمناسبة عيد الأضحى قبل الزحمه )

[شاص 4500]

يااحواني مكينة 2009 وتحت اكثر امان موب راسين صرقعة
اصلا مكينة راسين6 سلندر على جيب انحش
انا لوبشتري شاص او ربع ماخذت راسين
شف البرادو لين جاه دوف دلا يصرقع
هذي لعبة قطع الغيار
مع ماني قد سمعت شاص فكت مكينة الشاص القديمة إلا إذ جاة حرارة أو سوء استعمال ولا 2010

[ساهر2009]

مساكم الله بالخير أخواني الأعزاء ،،، هذي أول مشاركه لي في هذا الصرح الشامخ والذي ينبع منه ثراء الكلمات والتجارب والمعلومات وغيرها الكثير أدام الله هذا الصرح وأدام الله أنفاس أعضائه ومن هم مسئولين عنه ،،،

بصراحه أنا حرصت على هالموضوع لأني أن شاء الله بشري ربع 2010 ولي فتره وأنا أقراء عنه بعد ما سمعت عن المشاكل الموجوده فيه ، وأطلعت على كامل الردود للأخوان وبالأخير الناتج هو أن ما ينشره بعض ضعاف النفوس هو لمصلحه شخصيه يستفاد منها طرف واحد ويتضرر منها أشخاص .
الربع والشاص سيارات لا يعلى عليها وأنا أشهد ما شاء الله أنها عز المواتر وما بها عذروب والا ما تعينونه بالشوارع والطلب عليها زايد والسعر بأرتفاع والا كان حصل العكس .
كنت مقرر أني أخذ خليجي بعد ما جال بخاطري من كلام الأخوان عن مشاكله أو تحسب لظهور مشاكل مستقبليه لأني من النوع ألي يكرف الموتر كرف سواءً بالخطوط أو بالنفود وطلعات الكشاتيه قلت بأخذ لي من أو جميل بس المشكله أن أبو جميل يقول أن ما عنده ربع بدون رفارف وكفرات عراض يعني ما عاد يجي الا فل كامل طبعاً بدون ونش ودفلوك أنا أستغربت قلت يمكن عندهم كم سياره مكومه بالمخازن ومحد شرا وقالوا هالكلام لأني بصراحه من وجهة نظري أبو رفارف ما خش بالعين ألي عنده علم عنه يعلمني هو ماجود والا مثل ما قالوا ؟؟
وأنا أن شاء الله شاري بعد العيد لأن ما مداني أخذ علومه ؟؟
وهل بأمكاني أني أشري أبو رفارف وأشيل الرفارف يرجع مثل أول بدونها ؟؟

أسف على الإطاله ولكم مني كل الشكر والتقدير ،،،

( وكل عام وأنتم بخير بمناسبة عيد الأضحى قبل الزحمه )
خذ خليجي ولا تشاور الخليجي فرق عن السعودي في الاستخدام انا معاي ربع 2010 وزي الحلاوة ولله الحمد واكثر الاشاعات اللي طلعت على 2010 كذب انا كنت متردد وبعدها توكلت على الله واخذت 2010 بريمي والحمدلله خليته تحت التمرين حتى كمل العداد 1000 كيلو وبعدها غيرت الزيت ودووووس بس انتبه اذا جيت تغير الزيت ترى اغلب البناشر يحسبونه مثل 2009 يشيل 7 علب بدون سيفون 2010 يشيل 5 الاربع بدون سيفوون....
اتمنى لك التوفيق ...

[خالد030]

مساكم الله بالخير أخواني الأعزاء ،،، هذي أول مشاركه لي في هذا الصرح الشامخ والذي ينبع منه ثراء الكلمات والتجارب والمعلومات وغيرها الكثير أدام الله هذا الصرح وأدام الله أنفاس أعضائه ومن هم مسئولين عنه ،،،

بصراحه أنا حرصت على هالموضوع لأني أن شاء الله بشري ربع 2010 ولي فتره وأنا أقراء عنه بعد ما سمعت عن المشاكل الموجوده فيه ، وأطلعت على كامل الردود للأخوان وبالأخير الناتج هو أن ما ينشره بعض ضعاف النفوس هو لمصلحه شخصيه يستفاد منها طرف واحد ويتضرر منها أشخاص .
الربع والشاص سيارات لا يعلى عليها وأنا أشهد ما شاء الله أنها عز المواتر وما بها عذروب والا ما تعينونه بالشوارع والطلب عليها زايد والسعر بأرتفاع والا كان حصل العكس .
كنت مقرر أني أخذ خليجي بعد ما جال بخاطري من كلام الأخوان عن مشاكله أو تحسب لظهور مشاكل مستقبليه لأني من النوع ألي يكرف الموتر كرف سواءً بالخطوط أو بالنفود وطلعات الكشاتيه قلت بأخذ لي من أو جميل بس المشكله أن أبو جميل يقول أن ما عنده ربع بدون رفارف وكفرات عراض يعني ما عاد يجي الا فل كامل طبعاً بدون ونش ودفلوك أنا أستغربت قلت يمكن عندهم كم سياره مكومه بالمخازن ومحد شرا وقالوا هالكلام لأني بصراحه من وجهة نظري أبو رفارف ما خش بالعين ألي عنده علم عنه يعلمني هو ماجود والا مثل ما قالوا ؟؟
وأنا أن شاء الله شاري بعد العيد لأن ما مداني أخذ علومه ؟؟
وهل بأمكاني أني أشري أبو رفارف وأشيل الرفارف يرجع مثل أول بدونها ؟؟

أسف على الإطاله ولكم مني كل الشكر والتقدير ،،،

( وكل عام وأنتم بخير بمناسبة عيد الأضحى قبل الزحمه )
وانت بخير اخوي لكن نصيحه خذ بريمي افضل مواصفات وكل شي شد بلد افضل من الترهيم وشل رفارف وسمكر ورش وجب جركل وجب خط وووو ....... ريح راسك وخذ بريمي

[سوبر VTC]

بس انتبه اذا جيت تغير الزيت ترى اغلب البناشر يحسبونه مثل 2009 يشيل 7 علب بدون سيفون 2010 يشيل 5 الاربع بدون سيفوون....
اتمنى لك التوفيق ...



اجل كرتير الزيت اصغر :good:
5علب الترا سفن جملة
الوحده ب9ريال = 45ريال :good:
توفير :good:

[رأس الزعامه]

ياجماعه انا فيه واحد يقول كل مانزل موديل جديد اروح للإمارات
انا وواحد معي ونجيب سيارتين من الموديل الجديد ويفصلون الطبلون
ويعلكونهن علك ثم يجون ويوقفونهن بالمعرض ويقلون مامشن شي
والضحيه المشتري

[خالد030]

ياجماعه انا فيه واحد يقول كل مانزل موديل جديد اروح للإمارات
انا وواحد معي ونجيب سيارتين من الموديل الجديد ويفصلون الطبلون
ويعلكونهن علك ثم يجون ويوقفونهن بالمعرض ويقلون مامشن شي
والضحيه المشتري
للاسف كلامك صحيح اخوي لكن ان الله حسيب رقيب

[أبو ونيان]

خذ خليجي ولا تشاور الخليجي فرق عن السعودي في الاستخدام انا معاي ربع 2010 وزي الحلاوة ولله الحمد واكثر الاشاعات اللي طلعت على 2010 كذب انا كنت متردد وبعدها توكلت على الله واخذت 2010 بريمي والحمدلله خليته تحت التمرين حتى كمل العداد 1000 كيلو وبعدها غيرت الزيت ودووووس بس انتبه اذا جيت تغير الزيت ترى اغلب البناشر يحسبونه مثل 2009 يشيل 7 علب بدون سيفون 2010 يشيل 5 الاربع بدون سيفوون....
اتمنى لك التوفيق ...

جزاك الله خير أخوي وبصراحه غيرت تفكيري من ناحيت السعودي ،،، لاكن أن شاء الله بحول ألي ما تنام عينه بعد العيد لأني ما جيت الا بالوقت الضايع وما أمدى أني أطلع لي واحد ،،،

ما شاء الله هذا المزيون ألي بالتوقيع ،،، أنا أشهد أنه سياره ( الله يطعمك من خيره ويعديك شره ) ،،،

تقبل مني خالص التحيه والتقدير ،،،

[أبو ونيان]

وانت بخير اخوي لكن نصيحه خذ بريمي افضل مواصفات وكل شي شد بلد افضل من الترهيم وشل رفارف وسمكر ورش وجب جركل وجب خط وووو ....... ريح راسك وخذ بريمي

تسلم يمينك أخوي خالد ونصيحتك على راسي والله يريحك دنيا وأخره ،،،

[مصندق الجوف]

انا معي سعودي وتمام مافيه اي مشاكل وماشي 9000 بس يا اخوان ودي ارهمه بريمي وش رايكم هل تطيح قيمته لافكيت الرفارف ولا لا ؟؟

[قفار]

الزبدة اني ابمشي للامارات بعد اسبوع واطق لي شويصي ولا علي من احد..
لو يفيدونا الاخوان اللي قد جابوا مواتر من هناك وشلون الطريقة

[سعد الخرجي]

الله يعطيكم الصحه والعافيه جميعا
انا يا اخوان معاي ربع 2010 وماشي فل الفل تبارك الرحمن
من عزم وسرعه لايعلى عليه
لو المكينه تخبط ما يعطيني الساير كفالة ثلاث سنوات او 100 الف + سنتين عداد مفتوح (شريتها150دينار)
يعني اجلد الموتر ولا تحاتي شي
ف كلام غير منطقي عن الـ 2010 مع احترامي للجميع

[محمدالمسلماني]

اللي يقول انه يخبط يقابل

[الادعج]

اللي يقول انه يخبط يقابل

يامحمد سوالاف تالي الليل ..يطيرن مع الهواء

[الادعج]

وياشباب ..نسيت اقولكم شي
اللي يشري ربع او شاص 2010 وخبط عليه:mad: ..يعطين اياه عاادي اخذه وهو مخبط مافيه مشكله :p ;) :D

[شاص99]

يخبط عادي مافيها شيئ كل السيارات تخبط وقفت على الشاص والربع

والي يخبط عنده شاص2010 اشتريه منه إذا كان 130 الف أنا ابي اشريه125الف وهو مخبط
عرض مغري:d :d :d :d :d :d :d

[خزان الوادي]

الاخوة الاعضاء

ويسرنا دعوتكم للمشاركة فى مسابقة خزان الوادي الشهرية لافضل 3 مواضيع , على الرابط :

http://www.mekshat.com/vb/showthread.php?t=253688

مع تحيات ادارة
خزان الوادي

[براق دخنة]

الي يقول يخبط

الضاهر ان عقله مخبط

[رفيع المقآم]

الله يعينهم

[sal7]

اجل كرتير الزيت اصغر :good:

5علب الترا سفن جملة
الوحده ب9ريال = 45ريال :good:
توفير :good:





و الله يا أن المحرك الاول In-Line 6 سلندر
القديم ملعوب علينا به أنا كان معي ربع 2005
كديته كده و أحسب أني لاعب عليه توني أدري أنه لاعب علي
104 الزيت و السيفون 38 هذا غير أني أفلله 47 ريال 91
على ما اذكر و لا يكمل 400 كيلو
تقل تكد على عيالك من كثر صرفيته بالزيت و البنزين
لكن الـ V6 عز الله أنه موتر قل صرفيه و قوه و سرعه
و الله يا أنا حسيت بفرق يوم ركبت الجديد
الموتر مع محركه هذا و داخليه جداً روعه أحس أنه أخف
لكن به عذروب ما جازلي هو صرقعت البلوف أول ما يشتغل
كنه صوت محرك الجمس 8.1 لتر له صرقعه ما جازتلي
و كذالك وضعيت السيفون غريبه فوق المحرك
و للمعلوميه الموتر ربع 2010 خليجي ماشي 18000 على ما أعتقد
في شهر واحد 1431 مع واحد شرواكم

[Aقناص الجنوبA]

شكرا لكم 123456

[راعي العفرة]

انا اعلمك السالفة اخوي هذة شايعة على 2010 طلعوها اصحاب المعارض من اجل يمشون بضاعة2009 ثم يرجعون على 2010
2010قوة الاحصنة 257 و2009 قوة الاحصنة 240 لاحظ الفرق
تبي الصراحة انا معي شاص 2010 والله انه بالنفود انه مثل السلق لانه مايغرز ولانه عزمه قوي ومايهدي مع التغاريز القوية والربضات وان غرز يطلعها بالدبل الخفيف

وشكــــرا وماعليك من هروج هل المعارض

[عاشق الحوض99]

الدفعه الثانيه 100% إلى الآن ما سمعت موتر واحد يقولون خبط

[ا ا د 1681]

السلام عليكم
أولاً :اللي مايطول العنب حامض عنه يقول
ثانياً : أنا يامحدثكم معي شاص 2010 بريمي وكرفته كرف الحمير
ومشيته الحين 35000 والحمد لله ماشفت شي من هاللي يقولون
أو بالأحرى هاللي يتقولون!
لكن أنا سائل خبير الصيانة في وكالة تايوتا
في عنيزة يقول هذا كلام شريطيه راعين معارض
عشان يصرفون ال2009 من المعارض
ويقول كم له ال2010 طالع له 4 شهور ولاواحد جانا مخبط


وآآسف إن كاني أخطيت على أحد في شي
لكن هذا شي يضيق الصدر:mad:


تقبلوا مروري
أخوكم
ا ا د 1681
لوحت موتري سابقا
ددسن 2008

[ولد وايل..]

هو ماتاصل للتخبيط الا ان كان حالة ولا حالتين وطبيعي جدا...


لكن اللي لاحظ ومن مستخدمينه ومستخدمي ال اف جي

انه بالطلوع يبرد لان الدعسة الكترونية...

<<ياليت لو معلومتي خطا احد يصححها...

[البرنو96]

ان شاء الله اني شاااريه

[OoكبسولهoO]

السلام عليكم ورحمة الله وبركاته

اقول مالكم غير الكلام الي يجبد على الشارب الجيب الربع 2010 ما شاء الله عليه ان بغيته بر وان بغيته خط الموتر ما عليه كلام وهذا الكلام بشهادة ناس مجربين الجيب وشارينه وما منهم واحد متحسف انه شرا الجيب 2010

وخلو عنكم كلام الي ما عنده سالفه ما يعرف غير قال فلان وقال علان

تحياتي

[هو1ي البر]

كلمة وحده تنقال
الشاص من بعد 2006 مب شاص

[الرزق من الله]

السلام عليكم ورحمة الله وبركاته


انا استطلعت جميع ردودكم والصراحه انه ردود غريبه واحد يقول مخبط واحد يقول ماخبط


اسمعوو الهرج الصاامل


انا رجال اشتريته اول ماطلع 115 الف ريال بشهر 1_1431 هـ


وهالحين ماشي 34000 الف وانا رجلً راعي مزارع وتحميل وشيل وحط


الجيب يوم تعدى 5000 طلع عندي صووت بفحمة القير وحقيقه تضيق الصدر


المهم الجيب اذا حملت عليه برميل زيت عادي يبرد حيله ما اشبهه الا على الشاص الديزل


الشي الثاني يوم انه تعدى العشرين الف طلع عندي صوت الحقيقه انه غريب صادر من فحمة القير بعد ولكن كأنه صووت صرصره قويه تسمع من بعيد


وبالنسبه للمكينه من طلعته من المعرض جديد مامشى ولا كيلو والمكينه له خررفشة ماهو صوت الشاص اللى قضيت عمري انزل من واحد واركب واحد وآخرهم الفين سبعه مشيت به 180 الف
واذا على سالفة التخبيط ماسمعت بالكلام هذا من قبل ولا من بعد واعرف واجد من ربعي اهل بل ولا حلال ويجلدون الجيوب جلد ماقالو انه خبط ولا نقص ولكن يعانون نفس مااعاني انا
وللى يبي رقم جوالي يبشر به واسمع صوت الفحمه اللى يرعب القلب
وبالنسبه للأستعمال والله انا رجال راعي حشمه منا راعي جور ولا تطعيس وغدان والسياره مايقضبه غيري
والرجاء من الاخوان اللى يرد لايقول خويي يقول ولد فلان يقول


ياأنه يرد على شي جربه هو ولا يكتفى بالمتابعه علشان نستفيد حنا وغيرنا لاتصير المسأله كثر ردود على الهبني


والسلام عليكم

[AL-ashhab]

لا إله إلا الله وحده لا شريك له
الهم صل على محمد

[((ابوملاك))]

انا قريت الردود من صفحة 1 الى صفحة 12

وبه عالم ماتفهم ؟

يقالكم تجارب ملاكه

مو تجارب اوياكم وعيال عمكم وعيال خالك وعيال جيران عمام خالتك

وش بكم انتم

اتركا الهرج اللي ماله سنع ولحد يتكلم الا وهو يدري وش يقول

الشاص والربع من موديل 20 الى موديل 2011

واللي ماعنده فلوسه ولا معيي عليه الوالد لا يعذربه

الشاص ما ينسئل عنه يجرب ولا ريال بتدفعه فيه خساره

اما راعي ربع 2009 اللي يعذربه عذاريب الدنيا يقول ان

الموديلات 2010 لعبه من تويوتا لانه ماتخرب زي الموديلات القديمهاللي ماتدفع به ولا ريال

اقول خلك على التسعه ازين لك

معيي عليه الوالد لا يطق 2009 قام يضحك على روح ويعذربه

[ذيب النجيل]

لي صديق مع اخوانه شاصين واحد 2010 وواحد 2011 ويقول كلهن انفقع فيهن الصوفة الي بين المكينة
والقير وصلحوهن بالوكالة على الضمان

لكن يقول لي ان الشاص ال 2010 وال 2011 اقوى عزم من ال 2009 وتحت بالطعس وهو جربهن بطلوع طعس بنفسه

[أبو مزنه]

والله لو معي 180 ألف لأشتري الربع و أغير مكينته الناشفه بمكينة دينالي
وخشو على اليوتوب واكتبوا بترول مكينة دينالي وشوفو الطرب

[ذيب النجيل]

بالنسبة للي يقولون انه يخبط اعتقد اذا انه خبط فالسبب من زيادة الزيت لان ال2010 مكينتة تاخذ زيت اقل من ال2009 وتحت
ويمكن هذا السبب (( زيادة زيت المكينة ))

[ابو الجموس]

ياشباب انا اتفق مع اللي قالوا انه مكينة الشاص 210 تخبط سرعة لاكن الوالد الله يووطول بعمره شرا 2009 نطيف من المعارض لونه ايض ركب عليه شد (شراع) وش زينه حق نوم حق كل شي كما ان الموتر الحين واقف بالبيت:good2:

[((ابوملاك))]

^^^

يعني يوم شراه الوالد صار اطلق موتر وغيره يخبط ؟؟؟

الله يرحم حالك

[بنزرت]

خلو الشركه تتكسب
يعني مو معقول تصنع لكم مكينه زي مكينه ال 2009 ونازل ثم ماتخرب ... وتقعد اسنين ماتحتاج قطع غيار
الحين الشركه كسبانه .. الشركه الحين مايهمها جوده السياره بعد ماحققت الانتشار والثقه.
النصيحه ... اللي عنده 2009 ونازل لايفرط به

[mr.قهد]

والله مــــواتـــــر تقولون ولا ماتقولون

[فرخ قطا]

للرفع للفائده

[sgl2002]

استخدمت الشاص ٢٠٠٩ و ٢٠١٠

ال٢٠٠٩ يفرق معك عن ٢٠١٠ بالنفود وبالسحب والا غيرها هو هو مافيه فرق

لكن تبون الصراحه ، انها ماخذه سمعه اكبر من حجمها ، يعني ماهي بذيك القوة اللي تبهرك ، ولاني من مستخدمي الباترول فبعته ع طول ورجعت اشتريت باترول لانه اقوى منه الف مره


ماهو مناحية العزم ، انا اتكلم عن القوة في الاماكن الوعره وفي النفود

[fate]

استخدمت الشاص 2009 و 2010

ال2009 يفرق معك عن 2010 بالنفود وبالسحب والا غيرها هو هو مافيه فرق

لكن تبون الصراحه ، انها ماخذه سمعه اكبر من حجمها ، يعني ماهي بذيك القوة اللي تبهرك ، ولاني من مستخدمي الباترول فبعته ع طول ورجعت اشتريت باترول لانه اقوى منه الف مره


ماهو مناحية العزم ، انا اتكلم عن القوة في الاماكن الوعره وفي النفود

الله يهديك اذا بغيت تمدح الباترول نصيحتي لاتقارنه بشاص وتويوتا عموما معني والله اعشق الفتك
لانه كان معي فتك 2005 تصدق ان الحرارة ترتفع بدون اي سبب مع العلم ان الموتر سليم
لا وتعال شفها اذا دخلت النفود تاصل حول النص هذاغير حساساته ولمبة تانكيه الثاني معلقه
والان معي شاص 2012 بريمي ولله لحمد ماشي ماشاء الله 73الف ولا يشكي من اي شي
مع العلم ان استعمالي جائر واغلبه نفود ومعروف ان النفود تفقع كبد الموتر لاكنه ماشاء الله
راعي صبر وجلد ولا استنكرت عليه شي لا حرارة ولا تخبيط الحمد لله

[((ابوملاك))]

انا قريت الردود من صفحة 1 الى صفحة 12

وبه عالم ماتفهم ؟

يقالكم تجارب ملاكه

مو تجارب اوياكم وعيال عمكم وعيال خالك وعيال جيران عمام خالتك

وش بكم انتم

اتركا الهرج اللي ماله سنع ولحد يتكلم الا وهو يدري وش يقول

الشاص والربع من موديل 20 الى موديل 2011

واللي ماعنده فلوسه ولا معيي عليه الوالد لا يعذربه

الشاص ما ينسئل عنه يجرب ولا ريال بتدفعه فيه خساره

اما راعي ربع 2009 اللي يعذربه عذاريب الدنيا يقول ان

الموديلات 2010 لعبه من تويوتا لانه ماتخرب زي الموديلات القديمهاللي ماتدفع به ولا ريال

اقول خلك على التسعه ازين لك

معيي عليه الوالد لا يطق 2009 قام يضحك على روح ويعذربه

انا اعتذر للجميع واسحب كلامي بعد ماجربته زين شاص 2011 سعودي اقسم بالله والله ثم والله ولا بريال اننا نمشي بالنفود بواحد قلنا عادي كلتشه احترق اكثر من مره قلنا عادي صلحته باكثر من ٧٠٠٠ وقلنا تهون بس ما يساعد العزم على طول يبرد ولو حاول تصعد اكثر من مره وما يصعد يحتمي الكلتش

اقسم بالله والله على يدي من الوكاله ماشي 89الف يوم بعته وباللعنه بعته اكثر من شهرين وانا احاول ابيعه بي مهوب شيك رحت المدينه والرياض والقصيم والله يدخل 2000 وفوق يباع من اول يوم لدرجه اني تعرفت على اللي معهم زي موديلي صرت كل ماجيت القاهم كلهم يبون اقدم واللله

اخر. شئ بعته ب ٩١ والله يعوض على شخص اعرفه ومشترينه ب ١١٥ واقصاد فايدتهم ناسي كم لكن حول السبعين الله لا يخسر

والحين شريت ٢٠٠٤ خليجي فل كامل ب ٩٠ ووالله ثم والله منيب مستفيد شئ ان كذبت علبكم انه افضل الف مره واللي يبي ادله على جيوب مخبطه بحايل جديده ارسله لورشه ويشوفهن ويسال العامل بعد واللي جرب الاثنين يعرف كلامي صح حمل الجديد وشف وحمل القديم وشف وجرب بالنفود بدون تحميل وتعرف كلامي

لكن انا معكم الجديد ازين بالخط لكن من متى والشاص حق خطوط

والربع ماجربته صراحه لكن اعتقد ان المكينه نجحت عليه بعكس الشاص

[صديق كلم رفيق]

8
8
8
الله يهديك بس خليته ددسن ، يا ابوي الشيصان الجدد قطعت الربع الخالي ، اهل القوانيص اغلبهم معهم الجدد ، والبدو في الدهنا مامعهم الا الجدد ...

معنا شاص 2011 بريمي ، عيبه اقولك دعسته الكهرب في القومه ، والدبل الثقيل صراحه قصه مب مثل الاول .

اما وهو يمشي وشاد والله مايرده رداد . هالكلام عن تجربه لمدة ثلاث سنوات كامله ..

[sgl2002]

الله يهديك اذا بغيت تمدح الباترول نصيحتي لاتقارنه بشاص وتويوتا عموما معني والله اعشق الفتك
لانه كان معي فتك 2005 تصدق ان الحرارة ترتفع بدون اي سبب مع العلم ان الموتر سليم
لا وتعال شفها اذا دخلت النفود تاصل حول النص هذاغير حساساته ولمبة تانكيه الثاني معلقه
والان معي شاص 2012 بريمي ولله لحمد ماشي ماشاء الله 73الف ولا يشكي من اي شي
مع العلم ان استعمالي جائر واغلبه نفود ومعروف ان النفود تفقع كبد الموتر لاكنه ماشاء الله
راعي صبر وجلد ولا استنكرت عليه شي لا حرارة ولا تخبيط الحمد لله

اخوي انا ما جربت الفتك وعلى انه قوي بس ماحب الموتر اللي فيه كمبيوتر وخرابيط


انا كل تجارب مع 4500 المكينه القديمه والله اني ادق سلفها وامشي وحتى لو مان به خراب والا شي تمشيك وبسيطه يعرف لها كل واحد

والحرارة ما اذكر انها عدت الربع لكن مشكلته عزمه ، لكن انا موب محتاج عزم اقعد اسابق والا اراقي


وبعدين من يوم عرفنا الدنيا ومواتر هل البر والقنص واللي يروح بهالمقاطع والاماكن البعيده كلها شاص تويوتا وباترول

ليش ما اقارنه به ، بالعكس انا ممكن امشي اماكن الشاص التويوتا اتحداه يلحق وراي من غير الرساوة في البر والخفه في النفود

وانا كلامي عن تجربه ما تكلم لك عن فلان وعلان

[((ابوملاك))]

8
8
8
الله يهديك بس خليته ددسن ، يا ابوي الشيصان الجدد قطعت الربع الخالي ، اهل القوانيص اغلبهم معهم الجدد ، والبدو في الدهنا مامعهم الا الجدد ...

معنا شاص 2011 بريمي ، عيبه اقولك دعسته الكهرب في القومه ، والدبل الثقيل صراحه قصه مب مثل الاول .

اما وهو يمشي وشاد والله مايرده رداد . هالكلام عن تجربه لمدة ثلاث سنوات كامله ..
انا مجربه من 2011 مهوب ددسن اقوى من الددسن والهايلكس ولكن ما يقوم مكان الشاص القديم والله بالنفود اجي شاد لو من بعيد لا وصلت راسه ضعف عزمه وارد نمره ولا ما ارد ضعيف بالنسبه للقديم لكن ما يتقارن بالهايلكس ولا الددسن طبعا يبقى شاص لو انهم خربوه

[ع ــقــاب]

انا عندي ربع 2009, وجربت شاص واحد من الزملاء 12 سعودي في عقبة , الشهادة لله ماشفت بينهم فررق كبير بالعكس اشوفهم حول بعضهم

[((ابوملاك))]

^^^
دالربع انا معك لكن جرب شاص جديد وقديم

[ع ــقــاب]

^^^
دالربع انا معك لكن جرب شاص جديد وقديم



افهم من ردك ان عزم الشاص القديم افضل من الربع القديم؟ ماتوقع انه اقوى من الربع

[((ابوملاك))]

لا قصدي ان الربع القديم والجديد متقاربات لكن الشاص القديم والجديد مافيه تقارب بينهم ولا مقارنه