سؤال تردد والخلافات فيه كثيره ماهي افضل كفرات للرمال الدخول للخبرا نريد انهاء المسأله

[كثير السؤال]

اخواني اهل مكشات الافاضل


اخوكم في الله لا يعرف الكفرات المناسبه للرمال


ولقد احتار من كثرة المواضيع التي يتم فيها النقاش والتجادل

...................
ويرجوا ان يكون قد دخل على منتدى فيه اناس
لهم خبره في هذا المجال

اخواني الافاضل
يوجد اناس قالو الشاهين
يوجد اناس قالواالبالون
يوجد اناس قالو الهانكوك
فيا ايها الملاء انقذوني من هذه المأساه اكاد اجن

ماهي الكفرات المناسبه مع العلم اني
لا اذهب بعيدا بر ديرتنا فقط للأستمتاع مع الاهل او التطعيس مع الاصدقاء


ارجوا من الله التوفيق للجميع ودعوه صادقه لكل من شارك ان شاء الله

[غالي]

ان شاء الله منت منجن ولا شيء الامر سهل

بصفه عامه كفرات الرمال هي الي تجي نقشتها ناعمه مثل الشاهين والبلون

والكفرات الي تصير نقشتها خشنه وبارزه هذي للحجاره والشعبان

هذي معلومه بصفه عامه

عندك الان الاختلاف بين الشاهين والبلون بالنسبه:

1- الي يعيش اكثر.

2- الخفيفه بالمطابات.

3- الي تتحمل سرعات عاليه.

4- الي ماتنشق بسهوله مع شوك او ضربة رصيف او حجر ...الخ


هذي ان شاء الله الاخوان يفيدونك فيها

واحرص تاخذ ارتفاع الكفر الاكبر المناسب لسيارتك ((رغم انك ماذكرت سيارتك))

علشان مع التنسيم تفرش على الرمل

حبيت اعلمك بشكل عام كفرات الرمل واسف ان طولت او اشغلتك

تحيتي لك اخوي وموفق

[كثير السؤال]

شاء الله منت منجن ولا شيء الامر سهل
:D الشي اذا هرفته يصير سهل يالغال

بصفه عامه كفرات الرمال هي الي تجي نقشتها ناعمه مثل الشاهين والبلون
ممتاز جدا اخي الفاضل

والكفرات الي تصير نقشتها خشنه وبارزه هذي للحجاره والشعبان
طيب هنا سؤال يطرح نفسه
ايهم ازين الكفر العريض بالحيل ولا الوسط

هذي معلومه بصفه عامه

عندك الان الاختلاف بين الشاهين والبلون بالنسبه:

1- الي يعيش اكثر.

2- الخفيفه بالمطابات.

3- الي تتحمل سرعات عاليه.

4- الي ماتنشق بسهوله مع شوك او ضربة رصيف او حجر ...الخ


هذي ان شاء الله الاخوان يفيدونك فيها

واحرص تاخذ ارتفاع الكفر الاكبر المناسب لسيارتك ((رغم انك ماذكرت سيارتك))

علشان مع التنسيم تفرش على الرمل

حبيت اعلمك بشكل عام كفرات الرمل واسف ان طولت او اشغلتك

مشكور ياخلفهم الله يطول عمرك ماتقصر ياغالي:)

[غالي]

العريض والنحيف واقف على سيارتك وشهي

حرام تشتري وتغير الجنوط تكلفك

فيه مقاسات تلقى نحيف او عريض او وسط

وحط ببالك كلما صار عريض مره تكثر مشاكله

مثل يصعرعر

وياخذ وطيه عريضه بالبر لو تمسك طريق سيارات بالبر ممكن تتعرض لقشع (اشجار مثل الحرمل) او غيره

لانه بيكون اعرض من كفرات السيارات السابقه ((اتمنى فهمت قصدي))

العريضه زينتها بشيء واحد انها ترسي السياره اكثر من النحيفه

والا بالبر سمعت مافيه فرق

الفرق فقط بالسياره

وانا انصحك بالشاهين عريضه او نحيفه لكن غالي سعرها الواحد فوق 500 حسب ماسمعت

وحط ببالك اي كفرات تركبها شاهين او بلون او اي نوع لازم تنزل هواء الكفرات شوي

اريح لسيارتك واريح لبالك

وحط ببالك كذلك ان الكفرات كلما كانت نقشتها ناعمه مثل البلون والشاهين

كلما صارت تزلق بالازفلت ((انتبه للنقطه هذي لسلامتك ))

يعني بالمطر لاتسرع ابد لانها فعلا الموتر يلعب لا قدر الله في منعطف او فرامل

والله يدلك على الخير

[@قرناص@]

وش نوع سيآرتك ؟؟

البلون افضل شيئ لرمال الي بيطلع دآئما ..

وانت على كلامك طلعاتك خفيفه .. ولا ااقدر افيدك الا بعد ما اعرف وش هو موترك ..

والموضوع بسيط

وبالتوفيق //

[هويدي]

البالون والشاهين مكتوب عليه رملي

بس عن تجربتي الشخصيه افضل البالون على الشاهين

البالون يقضب الجاده بالنفود واذا لفيت لف على طول

الشاهين لو القاه بريال ماشريته لانه بسرعه يصعرر بس يمدحون الدنلوب نقشه شاهين ونا ماجربته

[ابوناصر426]

يمدحون الدنلوب

[سوبر مكشات]

معليش ياشباب جربت البوالين بالبر والله ياهي نعال وانتم بكرامه

نسمنا خلينا الهواء20 وكنت ماسويت شي

ميزتها ترفع السيارة والين مطب
وتنفع للحصى

اما الرمال ركبت جنط17 حق الفتك ارزين وارسى بالخط للكن المطب اقسى من البوالين بشوي



وانت شف لك احد اخوياك مركب وجرب
\

\



موفقين...........................................ز

[كثير السؤال]

كلامك مفهوم اخوي غالي وانت قصدك اذا مشيت بالجواد
اخوي قرناس مواترنا هايلكس دفرنسين2003
وباترول باب واحد 96
وهايلكس غماره 2007
الهويدي وصل كلامك يابعدي
ابوناصر ::شكرا لك
سوبر مكشات:::الخلافات واجد طال عمرك والعمده على التجربه وماقصر غالي عطانا مفتاح الحل

[أبوخطاب]

حياك الله أخوي أنا جربت الهانكوك في هايلكس 2004 بنزين الصراحة إبداع بالتطعيس والنفود لانها لينة طبعا جنط 15 مرسدس وسعرها زين ومناسب .
لكن بالشعبان دمار مرة بحث إنها لينة فهي تنشق مع الجنب .

وجربت اليوكهاما أيضا مقاس 15 على نفس السيارة زين وممتازبالخط ولا يصعرر وممتاز بالشعبان والردميات
وبالنفود لا بأس به .
أي سؤال أنا حاضر

[M Fox]

البالون ما ينفع بالرمل نهائياً .. لـ الحجره والجلد ممتازه جداً ...

جربت الهانكوك خيااالي بالرمل لين جداً جداً .. لكن فقط لـ الرمل يعني بالحجره ما ينفع أبد ...

على العموم التجربة خير برهان ...

[كثير السؤال]

مشكورين على المرور الاكثر من رائع
كل تحياتي

[مجالس الرجال]

إذاانت ماتطلع مكاشيت حصى لاتقرب البالون لأن نقشته ناعمه يضيع عزم الموتر بالرمل
يعني يزلق وثقيل على الموتر ويضعف عزمه وهذا من تجربه
مثل ماقال بعض الأخوان الهانكوك لين ممتاز بالرمل وسرعات عاليه الى 210 طبعا هذا الغالب
لكن العمر لك عليه وخصوصا إذا الهواء قليل
الماكسس كفر صاعد وإنتشر إستعماله لأنه يجي منه الأمريكي

[GMC79]

البالون في الرمل سيء جدا

عليك بالشاهين رائعه في الرمل

والكفر اللين افضل بدون ما احدد مار كات

[خالد030]

البالون للتحميل والافضل دنلوب او ماكسس 6 كاندس مقاس 825
واذا كنت راعي تطعيس وطلعات خفيفة دنلوب نقشة شاهين وعلى فكرة الشاهين مامنه ضرر على السيارة ولا يرج
وانتبهو الكفرين خطيرات بالمطر يزلق
عسى الله يحفظ الجميع وكل عام وانتم بخير

[كثير السؤال]

ومازال الخلاف مستمر

[PATHFINDER 4]

ومازال الخلاف مستمر



وسـيسـتمر خخخخخ :D

واتوقع انك انت جاوبت على سؤالكـ !! تقولي كيف ؟؟ انت تقول وش احسن كفرات للرمل

وأتوقع انك تدري وهذا شئ معروف ان افضل كفرات للرمل النوع اللي يجيك ناعم

خلاص ابعد عن الانواع القاسية مثل البرجستون الدنلوب وتوجه الى الانواع الناعمة مثل اليوكوهاما والهانكوك والشاهين

والفكرة بشكل عام : افضل شئ للرمال اللي يجيك ناااااااااااااااااااعم

ولا تصعبها على عمرك ولا شئ