مشكله في الباثفندر

[الذيب 502]

السلام عليكم ورحمة الله وبركاته

كل عام وأنتم بخير

وتقبل الله منا ومنكم صالح الاعمال

أخواني انا شريت باثفندر 2003

المهم أنه قعد معي 4 ايام والحراره فوق السي بشرطتين

مره ارتفع لي ووصل الي تحت الاتش وطفيت السياره

وجيتها بعد يمكن 9 ساعات وشغلتها ودعسست عليها ومسكت خط ومشيت ولا ارتفعت علي

يعني رجعت زي اول المهم السياره لما الحين ولا لاحظت عليها شي

والسياره تنقص حدود لتر كامل مويه يوميا من القربه

المشكله ان مافيه تهريب والزيت طبيعي الحمد لله يعني ما يدخل على الزيت

وفيه ملاحظة اني لو رحت لمشوار وطفيت السياره ورجعت مره ثانيه اشغلها >>بعيد يمكن3 دقايق

القى الحراره على النص او تزيد بدين تبدأ تنخفض

مدري وش المشكله ؟؟؟ تتوقعون الاديتر ؟؟؟

لاني اصير قلق في كل مشوار وفي كل طلعة بررر


أنا في انتظار ردودكم

[عزوزي 2003]

هلا بالغالي
شوف من ناحيت انك تطفي وتشغل بعد 3 دقايق تلقى الحراره مرتفعه هذى معي من شريت الموتر من سنتين تقريبا بعدين تنزل الحراره لكن ان عندك نقص تقريبا هاذي مالي علم عنها لكن شيك يمكن تهريب بسيط موملاحظه
وان الحراره ارتفعت معك ممكن البلف قفل بعدين فتح شيك عليه او تاكد من الاديتر يمكن يبيله تسيخ وتاكد انه مروحه التبريد تشتغل عندك
اتمنى اكون افدتك بالي اقدر عليه ومايقصرون باقي الاعضاء يفيدونك إن شاء الله
اي خدمه حاضر بلي اقدر عليه

[الذيب 502]

مروحة التربيد شغالللله وتمام

وبيض الله وجهك لكني اشوف في السياره زيااادة في الزيت مع اني ما زودته

يعني او لما شريتها كان فوق الا L بشوي

الحين فوق الاتش مدري >>شكل المويه تدخل عليه وش الحل؟

[omar445]

الذيب

إنتبه البلف عندك يقفل فجأه

وغير الماء أحسن لك

أو شيك على لي طالع من جنب غطاء الاديتر الى القربه احيان يكون مسكر

اما اذا شغلت السياره ولقيتها مرتفعه الى النص و تزل بعد ثواني هذاي معي وعاديه

[Gm Bas Gm]

كل عام وانتم بخير

بخصوص مشكلتك اخوي

1- شيك على لي الموية الى داخل الى ثلاجة المكيف الحار يجي ليين دخول وخرج انها سليمه ولبد تشيك عليها بعد مشوار علشان يكون ضغط في الي وبالعاده يكون التهريب من نهاية الي ومشبكه مع الماسوره عن القفيز وراح يكون تهريب خفيف لبد تركز في الفحص

اذا سليم وفيه تهريب

2- بعد مشوار شيك على فرشه الارضيه تحت ارجل الراكب هل فيها رطوبة او لا قد يكون التهريب من نفس الثلاجة الحار تهرب فيها مشكله او اذا تلاحظة فيه رطوبة داخل السياره فهو من الثلاجة

- وبخصوص اذا شغلت السياره تحصل الحرارة مرتفع لحظات وترجع فشي طبيعي

مشكلتلك والله اعلم من احد الامرين الى ذكرت وان شاء الله تحصل السبب ............

[قرم العيال]

عيب الباث القديم (( بعضهن )) الحراره ..

لانه بلفين

[ابومحيميد]

يالغالي تاكد من طبات الرديتر يمكن فيه تنسيم

صارت معي من قبل وكنت استغرب تقضي الموية بدون تهريب

وبالأخير اكتشفت ان فيه شرخ بالرديتر من عند الطبة

وفي كل الاحوال لاتنسى تسييخ الرديتر

[سوبر VTC]

و عليكم السلام و رحمة الله

تقبل الله منا و منك صالح الاعمال
كل عام وانت بخير

اذا كان الماء ينقص
تاكد من غطاء الاديتر خصوصا ضعف ربله الغطاء + سبرنق الغطاء
طبات الايتر
رصات الاديتر يصير ينسمن الماء
احيانا من شده الحرارة يتبخر الماء
اجلد الموتر بمشوار لمده 5دقائق
خصوصا عند الاشارات كانك ملحوق بسباق سرعه
تدوس و تهدي بشكل فجائي
همن وقف و افتح الكبوت و افتح غطاء الزيت
اذا حصلت على نفس الغطاء حق الزيت بخار ابيض تقل حليب
فهذا وجه الراس ضعيف ما يحجب الماء و الزيت
او الراس به شعر بسيط

اساس البلا و المشاكل بلف الحرارة
الباث بلفين اي بلف يكون ثقيل او معلق
على طول تضرب الحرارة

اي موتر تطفي همن تفتح السويتش
يرتفع الانبير فوق النص اى ما قبل الاتش
لان البلف يكون فاتح
فيدخل الماء الحار اللي بالاديتر
على الماء اللي بسلندر المكينه
حار + حار => اتش :D:p



مع احد الربع باثفندر م2005
الكلام هذا قبل شهر
الحرارة توصل فوق النص
سيخ الاديتر للاسف
غير البلف => بلفين للاسف
ركب اديتر جديد اصلي للاسف
راح لمحل اديترات ببريده خبره

جاب ورقه صغيره او قرطاسه :D
و حطه على مراوح الكهرب حقات المكيف عند الشبك

حصل ان وحده تدفع و الثانيه تسحب
المسالة تضاد
و ايضا تعيق عمل مروحة السير
قلب فيش المروحه
و نامت الحرارة :good:

موفق