المساعد الشخصي الرقمي

مشاهدة النسخة كاملة : كيف رايكم في النافارا 2009 ؟؟؟


ssmq2004
20/09/2009, 07:02 PM
كيفكم اعضاء منتدى مكشات ؟؟

انشاء الله انكم بخير ...

المهم بغيت اسألكم عن النافارا 2009 انا يمكن اطلع واحد تقسيط لأن معي جمس وأبي اخفف عليه من المشاوير لأن كل المشاوير عليه العمل والسوق ومشاوير البلد (تعرفون الزحمة على كبر الجمس= مشكلة ):no:

فلذلك ابي اشتري سيارة تريحني وتريح الجمس اروح فيها السوق و مشاويري الخاصة والسيارة اعجبتني انها فخمة وقوية سواءا هيكل السيارة او المكينة ....

والسيارة ابي استشيركم فيها من ناحية الخرابات وهل هي مشاكلها واجد وكم سعرها لأني ما مريت الوكالة وهي بعيدة علي شوي بس انا شفتها مع واحد من الجيران وصراحتا يمدحها لكن بغيت اسأل اهل الخبرة والتجربة .:)
الوتر الحزين
20/09/2009, 07:09 PM
هلا اخوي
كل عام وانت بألف خير..

والله وانا اخوك انا ماجربت النافارا لكن اشوفها مع الشباب ماشاء الله أفضل من الددسن بكثييييير خاصه فخامه الديكور واتساع المراتب الخلفيه ماهو مثل الددسن ضيق.

فيه شكل يجي خطوط والباب الخلفي للصندوق مكتوب عليه نيسان زي الددسن شف شكله بيعجبك بس مدري كم مديله والله.

وشكرا
ssmq2004
20/09/2009, 07:16 PM
اشكرك على مرورك ...وكل عام وانت بخير
النافارا الي تقول بخطوط وكتابة على الصندوق هاذي مواصفات خليجي مو مواصفات سعودية على ما اعرفة من المنتديات الي بحثت فيها
ابو جوري 1
20/09/2009, 09:30 PM
كل عام وانت بخير
الوالد الله يحفظه معاه نافارا
ممتازة جدا جدا جدا جدا من ناحية القوة ما شاء الله تبارك الله طبعا يجيك القير ست نمر الاول ما تقدر تقوم الموتر فيه طبعا اللي يركب بالخلف اريح بكثير من الددسن و اوسع
من وجهة نظري فيها مميزات حلوه كثير و خاصة انهم مزودين اماكن التخزين بالسيارة في الابواب و صرفيه البنزين معقوله على حجم السيارة
العيب اللي انا لا حظته من تجربه ان الموتر اقسى من الددسن من ناحية الراحة
و في الختام اقول لك استخر ربك
و السيارة ممتازة جدا جدا جدا
ميمون111
20/09/2009, 11:52 PM
خذها ولا تستشير احد

النافارا والددسن ماعليهن كلام
ssmq2004
21/09/2009, 09:40 AM
الله يكتب الي فيه الخير انا بستخير وبشوف كم اعسارها بالوكالة وبشوف اذا هي مناسبة
قيمتها وتقسيطها احتمالا اطلع واحد ...
ssmq2004
21/09/2009, 09:41 AM
واشكركم على المرووور
كاشخ 24 ساعه
21/09/2009, 09:48 AM
بكم لقيت قيمتها لو سمحت
ابونبيل
21/09/2009, 09:49 AM
ابعد عن النيسان

خذ هلي
التعـ King ـديل
21/09/2009, 03:56 PM
الهلي راح زمانه خله يولي على قوله واحد عاشق للهلي

لكن النافارا بطل .. محرك جديد وقوي وفخم ومااقول الا استخر وربي يكتب اللي فيه الخير ..

مواتر نيسان معروفه حقت جلد وكرف وتتحمل .. ومبروك مقدما وربي يطعمك من خيره ويكفيك شره
ssmq2004
21/09/2009, 04:15 PM
الله يكتب الي فيه الخير .........واشكركم على المرور.
رجيجه
21/09/2009, 06:21 PM
صراحة اخوي انا ما جربتها لكن اسمع عنها انها احسن من الددسن
فارس العمور
22/09/2009, 12:32 PM
من تجربة شخصية السيارة ماعليها كلام

افضل من الددسن وافضل من كرتون الهايلكس
الرأي الآخر
22/09/2009, 12:45 PM
سبق وان طلبت المشورة من الاخوان بمقارنة بين النافارا والهلي
واخير طلع التصويت للهلي ومااقتنعت وشريت ددسن
واثناء بحثي في سوق المستعمل وجدت نافارا 2008 قير عادي ماشية 50 الف اخت الجديدة
سوم 51 الف ولايوجد هناك مقارنه بينها وبين الددسن والهلي في سوق المستعمل حيث الهلي المستعمل 2006
بحدود 60 الف انا وقتها شريت ددسن 2008 فل 55 الف
الملخص انها ماهي والله اعلم شيك في المخبى حتى يعروفونها
لكن شكلها الخارجي والداخلي مغري جدا
اخير اقترح عليك اقتراح يحتاج جرأه منك اذا رأيت نافار اثناء تجوالك في الطرق تسأل السواق
واسال اكثر من واحد
واسأل الله لك التوفيق والسداد