المساعد الشخصي الرقمي

مشاهدة النسخة كاملة : فزعه يالاعضاء,, ابي اشتري جيب ؟؟


نفوذ مكشات
21/09/2009, 06:43 AM
السلام عليكم ورحمة الله وبركاته
من العايدين وتقبل الله صيامكم وقيامكم انه سميع مجيب:D
يالربع ناوي اشتري جيب بحدود قيمة 10 الاف ريال الى 15 الاف ريال ؟؟
ممكن تفيدوني بجيب مناسب وينفع للبر والمكشات

وجزاكم الله الف خير كل من يشارك ويعطني رايه
اخوكم
عاشق تويوتا
21/09/2009, 06:50 AM
جيب شروكي+ربع نيسان
الموديل بالتحديد ما اخبره زين
بس تحصل بالسعر الي تبيه في الموترين الي قلت لك
والله يرزقك الموتر الطيب
العريني1
21/09/2009, 06:56 AM
الله يرزقك.....
شف الرابط هذا ..ممكن تستفيد منه

http://www.mekshat.com/vb/showthread.php?t=226681
سطام vip
21/09/2009, 07:15 AM
بسم الله الرحمن الرحيم

السلام عليكم ورحمة الله وبركاته

هلا بك اخوي وكل عام وانت بخير

كل واحد بيعطيك رائي مع احترامي لجميع الاعضاء

15 الف بتجيب موتر على قد الحال مستحيل تجيب جيب تويوتا والا نيسان نظيف ابد

يمكن شيروكي او الشركات الاخرى المهمله عندنا في السعوديه

مثل مستوبيشي او ايسوزو او فورد

اخوي اذا انت رجال منت راعي مطامر في النفود وتحب التمشيه في الجبال والشعبان

وتحب الطعيسات الخفيفه لا تتعدى الباجيرو من موديل 90 لحد 95 بتجيبه فلوسك

ان شاء الله وصدقني الباجيروو موووتر كرف بس الله يفكنا من وكيله التعبان ذا

انا معي باجيرو 91 واعشق سواقته والطلعات فيه بالرغم انه عزمه متوسط

واربعه سلندر بس افضله على السيارات الثانيه الي عندنا

معي ميركوري والله اني صرت ما احب اطلع فيه كثير بسبب الجيب الباجيرو

طبعا السياره بسطيه في كل شي عزمها وسرعتها يعني يبيلها واحد راكد

اما الي رجله حاره ويبي سرعه واطول طعس ابرقاه ما ينفع له

هذي تجربتي لها السياره واذا فكرت تشتري مثلها دور النظيف ولو غالي

والله يرزقك ياخوي بالي بخاطرك وويفتح لك ابواب رزقه

دمت بحفظ المولى
نفوذ مكشات
22/09/2009, 04:43 AM
مشكورين وجزاكم الله خير .اما الباجيرو والله ماعندي خبر عنه . بس على كلامك شكله مايجوز لي ابقطع شعيب ولا انا وسط النفوذ ماينفع

مشكورين على التجاوب