جيب مسروق كامري مسروقه جمس مسروق ددسن مسروق وش الحل ؟؟

[هاوي البر]

يا اخوان كثرة السرقه هذي الايام وخاصه سرقة السيارات وقد لا تجد بيت الا وقد سرق منه سيارة انا شخصيا سرقت سيارتي واخي سرقت سياراته وجارنا سرقت سياراته وقريب لنا سرقت سيارته
طيب الحل
نبي نطرح افكار بعد التوكيل على الله في دفع السارق وحماية سيارتنا من السرقه
مثل افضل جهاز حماية سرقه وافضل ورشه تركبه لان اغلب اجهزة انذار السرقة لازم تقطيع اسلاك وتركيب وتلزيق
ياليت كل واحد يدلوا بدلوه في هذا الموضوع
انا شاهدت عند العليان جهاز اسمه قطع يد السارق سعره 250 ريال مع التركيب يقوم بفضل السلف بالرموت كنترول اذا جيت تنزل من السيارة تضغط على زر ريموت يفصل السلف واذا جيت تركب تضغط زر يرجع السلف بس هذا من جربه بعدين يفيد فقط من سرقة السيارة بالكامل لكن لايمنع من تشليحه ما بداخل السيارة او الاستبنه لانه لايطلق صافرة انذار اذا كسرت الزجاجه او فتح الباب
انا طريقتي هي تركيب الكلبشه الي تجي على الدركسون وتشنجر في الفرامل بحيث لا يستطيه ان يلف بالدركسون ولا يضغط فرامل والكلبشه هذي مصنوعه من الحديد القوي يصعب نشربها او كسرها وسعرها رخيص 45 ريال عند محلات الزينه وصنعتها ايطاليا لكن عيبها ما تفنع في حال كسر الزجاج او سرقة الاستبنه
فياليت الكل يشارك لكي نستفيد جميع
ماهي طريقتك في جهاز الانذار للسيارة
وشكرا

[خشيمان]

من امن العقوبة اساء الأدب ونا اخوك
بس الميزة في السيارات الجديدة انه صعب جدا سرقتها بالكامل لانها تكون مبرمجة ولا يشغلها الا مفتاحها

انا جربت واحد من افضل انظمة الحماية ,,
بس ما كان بالشكل المطلوب
اذا تريله او اي سيارة مزعجة مرت من جنبها يبدأ بالانذار والازعااج

وعن نفسي اشوف ان افضل شيئ انك تحط فاصل للسلف في مكان ما يعرفه احد
وكل ما نزلت افصله
ولا ننسى الدعاء والله خير حافظ سبحانه

[ابو تركي المطيري]

الحل تجيب هندي براتب 500 ريال بالشهر وتشتري سلسله تربط كفره بطرف السلسه وطرفها الثاني بيد الهندي :)

[أبو ربيعان]

شاكرين لك حرصك

نقطة مهمة وأنا اعتبرها أهم نقطة ألا وهي حرص صاحب السيارة بنفسه على سيارته
لاحظت انا كل اللي انسرقت سياراتهم من معارفي كانت بسبب الإهمال
يا أخوان ماراح يضرك شي لو تنزل البقالة / المغسلة / المطعم / ... إلخ إنك تطفي السيارة
إذا تقول كلها دقيقتين وانا راجع ، ترى تطفيت السيارة ما راح تاخذ منك شي ابداً ..
حتى لو فيها عيالك اهلك طف السيارة او على الاقل اقفل الباب
تقولون لي موسوس واخاف أكثر من اللازم
ياخوان الناس صارت ماتخاف الله هاليومين ، حتى برمضان سمعنا بسرقات سيارات ..

يقول لي واحد من الشباب مرة المال الحلال لا يضيع!
لا ياشيخ ؟ تسبل سيارتك وموقفها وماتبي أحد يجيها ؟
ياخي الشرع يحثك دائماً وأبداً على الفعل والأخذ بالأسباب في دعائك في عملك بكل شي بحياتك
افعل السبب وبعدين ادع الله وتوكل عليه سبحانه ..
ومعروف أن الشرع استثنى مِن مَن يقتص منه بحد السرقة (قطع اليد)
السارق لمال سائب أو بالأحرى مهمل ..

بقي أن أشير إلى أن أحد الأخوان بأحد المنتديات أشار إلى جهاز تعقب لا يكلف شيئاً (100-200 ريال) ومتوفر على كلامه بأماكن كثيرة ..



حفظنا الله وإياكم من كل سوء ووقانا شر كل ما كان به شراً ..

[سوبر VTC]

حياك اخوي
و الله يكفينا الشر
اليوم الموتر يسرق حتى و هو بالبايكه :no:
اعرف لك شقتين بجنب بعض عوائل
وحده منهن دائم تسرق و الاخرى
لم تسرق و لا مره
و السبب ان اهل الشقه يوردون الاذكار عند الخروج

هذا رابط لبعض الحلول

حيلة جديدة قديمة (( لسرقة السيارات)).... مع بعض الحلول لدرء السرقة (http://www.mekshat.com/vb/showthread.php?t=154904)




يوجد شخص بالرياض مهندس اسمه خالد الصانع
لاعرف مكان ورشته

ونعم والله بخالد وامثاله اصحاب الابتكارات والشغل المتميز..

وعلى فكرة المهندس خالد عنده أكثر من براءة اختراع من مدينة الملك عبدالعزيز ..

على سبيل المثال حماية السيارة من السرقة وهي شغالة



له مدون بالنت او موقع خاص
فيه مقاطع فديو للفورد + الجيب الربع
يكرب جهاز يمنع السرقه و قد ركبه على فورد م2009
و ركبه على جيب ربع م2009
اذا شغلت نظام الحمايه
همن ضغطت كلتش
يطفى الموتر :good:
و اكيد عنده حلول اخرى لمنع السرقه في وضع الاطفاء عند البيت
ان بغيت رقمه علمن

اخبر قبل فتره فيه جهاز ب1200 + شريحه جوال
تقدر بواسطه الجوال تطفي الموتر و هو يمشي
كما تسمع الاصوات في داخل السيارة
و يخبرك ان النوافذ مفتوحه ....الخ

موفق

[نـجم الـشمال]

احب اضيف ان بعض الناس غير مبالي ينزل ويترك سيارته شغاله او مطفيها وفيها المفتاح على باله انه ماراح يتأخر مادرى ان سرقة السيارة ماتاخذ من اللي يركبها وهي مشغلة الا ثواني
تقبلو مروري...........

[قطب 999]

تساهل الدوله

[غالي]

سرقة السيارات مسؤلية الأمن

لازم يبتكرون حل

قالوا اللوحات الجديده ممغنطه وصدقنا ولاشفنا شيء للأسف

الأمن مسئوليته حماية المواطن

واذا انسرقت سياره هذا يعني خلل وتساهل من الامن

إذاً

لابد ان يعيد سيارتك ولو اضطر دفع الاضرار لك

يوقفون العالم على زيادة 5 كيلو فقط سرعه ويعطونهم قسايم

واذا جاء حقنا مالقينا شيء للاسف

خلونا واقعيين

اذا انسرقت سيارتك قالوا بندورها ((وانت دور معنا!!!! )) اجل وش شغلكم؟؟

شغلكم تتوزون وراء الاشجار والاعمده بالرادارات؟

ارجع واقول

كثرة السرقات مردودها سلبي على الامن ويضر بالسمعه

لابد يجدون هم حل وليس نحن

[م/الحمود]

الحل هو اقامت حدود الله:good:

عمركم سمعتو عن اقامة حد السرقة:mad:

[بنزرت]

مايبيلها
الحل موجود بس نبي واحد عنده سلطه وانا اعطيه الحل ببلاش
والله ياهو حل
صدقوني بعد الحل هذا راح تتذكرون ايام السرقات وتقولون من يذكر يوم كانت السارات تنسرق ودبات الغاز والجنوط
اصلا السرقه بعد الحل راح تنعدم الا ماشاء الله

[النداوي HZ2AF]

الحل هو اقامت حدود الله:good:


عمركم سمعتوا عن اقامة حد السرقة:mad:




نعم صدق هذا هو الحل

[أبو علي 444]

السيف الأملح :)

[برق خاطف]

ت ط ب ق ا ل ش ر ي ع ه

ت ط ب ق
ا ل ش ر ي ع ه
ت ط ب ق
ا ل ش ر ي ع ه

[هاوي البر]

نعم صدق هذا هو الحل تطبيق حد السرقه



نعم صحيح تطبيق الشرع فيه حد كبير من السرقات و الجرائم
ياخي انا يوم سرقت سيارتي رحت ابلغ القسم عقب صلاة الفجر مباشرة
دخلت غرفه الضابط المناوب ما حصلت قعدت ادور عليه واسئل كل واحد يقول يجيك الحين
في الاخير يوم شافني واحد من العسكر مهتم ومبتلش قالي بالحرف الواحد ضابط الخفر نايم في الغرفه الي جوى
وراح يصحيه شوي الا هو جايني عيونه مغمصه قلت في نفسي منتم العيون الساهره انتم العيون النايمه ما على الحرامي شرهه دام ضابط الخفر نايم

[aoh200]

واحد من الحلول التامين

امن ضد السرقه,, وريح بالك

والشكوى لله,, اما اذا بتعتمد على الامن فردد ياليـــــــــل مطولك..

[دايم العز22]

الحل التوكل على الله وقول استودعتك الله الذي لا تضيع وداااااائعه

[الصياهد]

ياليت الناس اذا شافوا سيارة واقفة لها ايام ومغبرة وما احد حولها يبلغ عنها المرور يمكن تصير لواحد متقطع قلبه يدور عليها ترا ما يضرنا شي فقط مجرد اتصال على المرور ان كانت مسروقة فكيت كربة مسلم والا ما ضرك شي وانا بلغت عن كم سيارة بالرياض في طريقي للعمل صدقوني يوم او يومين وراحت السيارة وكانت لها اسابيع واقفة وش دراك يمكن دعوة من صاحبها تسعدك بدينك ودنياك الله يجعلنا مفاتيح للخير مغاليق للشر