المساعد الشخصي الرقمي

مشاهدة النسخة كاملة : ودي أعرف شغلة بسيطة ........ ان شاء الله ما تقصرون .....


ابوراس الدحمي
22/09/2009, 09:55 PM
اخواني المكشاتية السلام عليكم ورحمة الله وبركاته ......
ودّي اعرف الفرق بين رش بوية الموتر بالفرن أو الرشة العادية
وكل الكلام هذا ناوي ادخل الموتر الورشة لتجديد البوية .......
وتقبلوا فائق احترامي
تحياتي::::::::::::
عبرود طويق
22/09/2009, 11:19 PM
مراحب اخوي الدحمي-----------خذ العلم الي مهب مية مية-----------


بوية الفرن أفضل حسب علمي لأن الموتر يكون بوية وحدة بالضبط...فهي غرفة مغلقة..

لكن العادية قد يكون فيه فرق نوعا ما لأن ظروف البوية العادية قابلة للحوسة بالعربي.

يعني أن كان الموتر جديد فبوية الفرن أفضل...
أن كان الموتر قديم فيحمد الله على أي بوية...حتى لو بوية جدران...

تقبل تحياتي -----عبرود طويق----
abo_hoor
22/09/2009, 11:32 PM
وعليكم السلام ورحمة الله وبركاته

بوية الفرن افضل لانها بتكون مكان جيد بعيد عن الغبار وعوامل كثيره

وان شاء الله شباب يفيدونك
الضاحي
23/09/2009, 01:13 AM
لا ترش وانا اخوك الا فرن وتأكد بعد من الورشة انهم يرشونه فرن
لأن فيه ورش يقولون انهم يرشون فرن وهو يرش مسدس عادي في الشارع
رانجلر عنيزة
23/09/2009, 04:14 PM
الرشه العاديه ما يتنشف بسرعه ولاحظ انت بنفسك انه يشغل على المكان المرشوش كبس اصفر علشان ينشف


اما الفرن بعد الرش مباشره يشغل الفرن على حرارة 50 درجه وينشف بربع ساعه

وسرعة الوقت هذي تخلي البويه تنشف قبل لا تمسك اي ذرة غبار
الاصلي
23/09/2009, 04:56 PM
بوية الفرن افضل لانها بتكون مكان جيد بعيد عن الغبار وعوامل كثيره
asd_asd
23/09/2009, 05:34 PM
على حسب اللون تظبط الرشة
الافران ماهي سوا والكلام على الفني اللي يرش ما هو الفرن المعلم يرش بوية فرن برا الفرن مثل ما في الفرن
شوف لك معلم شاطر اهم شيء وهو يدلك ويعطيك الشغل النظيف
من مكونات البوية المجفف اللي يساعد تنشيف البوية مو الفرن ولازم تنتظر في الفرن ساعتين بعد ايقاف الحرارة علشان ما يلتصق الغبار بالرشة ولو خرجت السيارة مباشرة بعد درجة 50 وحطيت يدك تطبع والغباريلصق في الرشة الجديدة
تحياتي للجميع
ابوعلي الحربي
23/09/2009, 08:02 PM
خلك وانا اخوك واقف على راسهم كل شوي مر عليهم ورش فرن افضل لك
برق خاطف
25/09/2009, 04:37 PM
رشة الفرن افظل من الرش العادي....
ابوعيدالدوسري
25/09/2009, 05:14 PM
اخوي انا اعتقد انك سالت عن الفرق وماسآلت عن الافضل.
الفرق اخوي ان رش الفرن يتم في غرفه محكمه الاغلاق من دخول الاتربه والغبار وعازله ويوجد بداخلها شفاط وكذلك فلتر لدخول هوا نقي.
الفرن يمنع دخول الغبار ويطلع عندك اللون مايتقشر بسرعه مثل الرش العادي الي يكون اللون يتقشر من اول دقشه بالصدام. وكذلك في الفرن يرشون اللكر الي يعطي لمعه وهذا حساس للغبار واذا كان الرش خارج الفرن فنه يوضح من المعه تكون خشنه.
يعني احرص على الفرن.
صور للفرن
http://midwestautocreations.com/yahoo_site_admin/assets/images/Paint_Booth_001.279134706_std.jpg

http://www.advanced-airbrush.com.au/images/Wayne%20-%20new%20custom%20spray%20booth%20500.jpg

والرش العادي العكس تماما. يكون في الورشة ومايضبط الشغل في الغالب وتكون اللمعة اي كلام
انشاللة اني افدتك