ازالة الرائحه من السياره

[كاشت وحداني]

السلام عليكم ورحمة الله
كل عام وانتو بخير اخواني اعضاء مكشات
اعذروني عالتاخير
كنت وعدتكم في موضوع ازالة الرائحه من السياره اني بحط صورة منتج يباع في السوق وهو معقم لرائحة الجو داخل السياره وليس له رائحه وانما يمتص الروائح
وقمت بتجربته وكان ممتاز جدا
لكن بالنسبة لرائحة الجثه فلم اجربه
http://www12.0zz0.com/2009/09/23/11/252272323.jpg (http://www.0zz0.com)

[ابو شلش]

وين القاه وبكم

[بحر المعاني]

نفس السؤال وين نلقاهـ ؟

[ابوعلي الحربي]

يا اخوان فيه طريقه حلوه تخلي السياره ريحتها تعدل الراس وانا استعملها حط بكيس هيل مطحون وحط معاه شوي مسمار (عويدي) وخله بالسياره راح تكون الريحه تعدل الراس وانا مسويها لي فتره وما يحتاج

[مرامر]

موضوع ممتاز ومهم ، هذي مشكله يعاني منها الكثير ، أنا شخصياً عانيت منها عدة مرات .
معظم مشاكلي كانت نتيجه انسكاب مواد ذات رائحه قويه ، وتوصلت الى افضل حل وهو غسل المكان بالكلوركس ، لكن مشكلته انه يحل اللون ويصير فيه بقع بالفرشه او الكراسي .
أحيانا الكلوركس الملون ينجح ولا يحل الألوان .

لكني الآن في مشكلة رائحه عجزت عن التخلص منها بجميع الوسائل ، والمحاولات على قدم وساق.

المشكله اني كنت شايل معي حليب غنم بالترمس الكبير بخلفي الأكسبلورر ، طبعاً كان معه ثلج كثير ، وكنت مسافر من القصيم للرياض ، جلست يوم بالرياض وسافرت للدمام.

وانا بالرياض بديت اشم شوي ريحه خفيفه، بدأت الريحه تزداد شيئاً فشيئاً وعند وصولي الى الدمام وجدت ان الصمام اللي اسفل الترمس كان مفتوح والسياره سابحه بحليب غنم مع ماء.
تصوروا رائحة حليب غنم متخمر بالحر وله يومين او ثلاثه . شيء لايطاق .

فكيت الكراسي وغسلناهن عدة مرات بالكلوركس الملون وخليناهن بالشمس حوالي 5 ايام مع الغسل مره كل يوم. كذلك الفرشه الأرضيه نغسلها كل يوم وهي في مكانها لأني ما قدرت افكها. المهم لي الآن اكثر من 20 يوم وحنا على هالمحاولات.

الصراحه لازالت فيه ريحه، صحيح خفت كثير لكن فيه ريحه. اذا احد عنده حل آخر ارجو المساعده، وسوف افيدكم اذاتخلصت من الريحه. سيارتي موديل 2007 وكانت ريحتها تهبل. الظاهر اني ضربتها عين.

--------------------------------------

[فارس البيد]

الشكر لصاحب المضوع الأخ

كاشت وحداني على المنتج


وبالنسبة للأخ مرامر

الله يعينك على الي انت فيه شكلك عانيت وصبرت واجد

اهم شيئ تتأكد أن ما تحت الفرش بقايا للحليب او انه تسرب بين الفتحات

وفي طريقة سمعت عنها يقولون تجلس ريحتها سنه والله اعلم ما جربتها لكن قريتها بكذا منتدى

تجيب برتقالة وتسوي لها فتحات وتحط بالفتحات عويدي (زر) وتحطها بكيس وتعلقها

وترى ما جربتها بس قريت عنها وحاول منت خسران

[VXR.2007]

الله يعطيك العافيه
ياليت تقول وين شاريه وش اسم المحل وكم سعره

[رعد الصحراء]

الله يجزاك بالخير
وين يباع فيه وكم السعر
’’تـقبل مروري’’

[مشلب]

الله يعطيك الف عافيه

[فارس العمور]

والفحم ينفع ومجرب ومعروف في امتصاص الروائح

انصحك ياراعي الحليب تحطة تحت المرتبة

[القناص4800]

يا راعي الحليب عليك بالفحم

[faris alfaris]

مره من المرااات كنت مسافر ونسيت ماسددت فاتورة الكهرب وبعد ماجيت لقيهم قاطعين
الكهرب وريحة الثلاجة مخيسة البيت ما خليت شي ماجربتة ..
وبصدفة قالي واحد من الشباب عن علبة صغيرة تطرد الريحة دورت عليها وحصلتها
في ساكو بالكثير ثلاث ايام والريحة مختفية تماما العلبة شكلها دائري وعليها شريط البيض اذا سحبت الريحة يصير لون الشريط ازرق

[الجندي2005]

مره من المرااات كنت مسافر ونسيت ماسددت فاتورة الكهرب وبعد ماجيت لقيهم قاطعين
الكهرب وريحة الثلاجة مخيسة البيت ما خليت شي ماجربتة ..
وبصدفة قالي واحد من الشباب عن علبة صغيرة تطرد الريحة دورت عليها وحصلتها
في ساكو بالكثير ثلاث ايام والريحة مختفية تماما العلبة شكلها دائري وعليها شريط البيض اذا سحبت الريحة يصير لون الشريط ازرق


ممكن صورة واسم المنتج ولك تحياتي ،،،،،،،،،،،،،،،، :D :p

[عاشق الفرعه]

محلات التلميع تغسل الفرش الأرضي وتروح 95 باميه من الرائحه

[ابوصالح77]

الحل عندي طال عمرك
بعد أن تغسل اللي إنثر
حط قطرات عطر مركز والأفضل يكون ورد أسطنبولي(تركي)
وتحصل ربع التوله ( 10 -25 ) . من واقع تجربة
أو حط مثبت البخور وارد مبروك (كويتي)
وشب لك بخور بالمبخرة وسكر الدرايش .
وإذا ما نفع شب رمث رطب بمنقل وحطه بالسيارة هههههههههههه

[رمح الطنايا]

بالنسبه للي انتثر في موتره الحليب عندي كذا حل

الاول حط لك طاسه او صحن اترسه فحم اسود وخله في المكان اللي انكب فيه الحليب
يوم يومين ويمتص الرائحه ولا كنه حصل شي

الثاني بخر السياره بالجاوني موجوده عند العطار

الثالث يوجد بالبسوبر ماركت بخاخ ديتول يمتص الروائح استعمله كذا مره لين تختفي الرائحه

هذا وحاول ان تفتح الابواب والدرايش اذا عندك كراج خل السياره تهواء

وانشاء الله تختفي الرائحه

[مرامر]

مره من المرااات كنت مسافر ونسيت ماسددت فاتورة الكهرب وبعد ماجيت لقيهم قاطعين
الكهرب وريحة الثلاجة مخيسة البيت ما خليت شي ماجربتة ..
وبصدفة قالي واحد من الشباب عن علبة صغيرة تطرد الريحة دورت عليها وحصلتها
في ساكو بالكثير ثلاث ايام والريحة مختفية تماما العلبة شكلها دائري وعليها شريط البيض اذا سحبت الريحة يصير لون الشريط ازرق

الحل عندي وانا اخوك. انا صار لي بالضبط نفس المشكله بس مع فريزر مليانه لحم وما شابهه. الظاهر ان الكهرب كان مطفي اكثر مت 10 ايام, لأن الريحه صابغه المطبخ كله. كان قراري بدون تردد اني ارمي الفريزر, لكن كان معي خالي ذاك اليوم لما اكتشفنا المشكله و نصحني ان اغسل الثلاجه بالكلوركس قبل ارميها. وفعلاً بعد كم يوم راحت الريحه تماماُ وكأن شيأً لم يكن.


بالتوفيق

[ابو فهد 2004]

فعلا المعقم رهيب والظاهر موجود عند الزينه او امحلات ساكو

[كاشت وحداني]

حياكم الله يا اخوان
وشاكر لكم التفاعل مع الموضوع

بالنسبة للمنتج
قيمته 30 ريال
المكان اللي حصلته فيه
اذا جيت الاشاره الاولى بشارع الغرابي وانت طالع منه
لف يمين
وتجيك محلات واجد على اليمين
وامش لين ماتجي الحديقه على يسارك
على اليمين قبل اخر محل فيه محل تعديل سيارات وترهيمها
المنتج متوفر عنده
كان سابقا محل بالسليمانيه خاص بمنتجات السيارات لكن قفل

[sfa135]

معلومات حلوه بصراحه بس انا استخدم البخور ابخر السياره ومايمنع نستخدم الطرق الجديده

[الستانس]

الله يعطيك العافية

[التل الصامت]

مشكور ايا اخوي صاحب الموضوع وبيض الله وجهك وما قصرت

[التل الصامت]

مشكور ايا اخوي صاحب الموضوع وبيض الله وجهك وما قصرت

[فتى النخيل]

مشكور اخوي على هذا المنتج
والله أني اعاني من رائحة سيارتي خاصة بعد تطفئة المكيف

[for]

طيب وش الحل مع جاعد الغنم الطبيعي اوذتني ريحته نشرته بالشمس اسبوع مافيه فايده حطيت بودرة اطفال وفركته لين دخت لكن مافيه فايده :(
قررت اعطية فرصه اخيره يومين في الشمس وان ماتعدل وراحت ريحته شته بوز في اقرب شعيب :mad:

[مطحن]

السلام عليكم ورحمة الله وبركاته

علاج الحليب الفيري

يحل بماء ويصب بكميات كبيره على مكان الحليب

اخوكم عبددالرحمن

[m1m2m3m4m5m6]

خط خيشة فحم في الشنطه ...وخلها لين تروح الريحه .... لأن الكربون معروف بامتصاص الغازات والروائح ,,,

[عطاالله ناصر]

واحد من اخويانا بمكشات صار معه موتر متوفى فيه شخص واذكر قابلته عند محل في كول وقال انه يبي يركب عزل كامل لداخليه ثم يغير التلابيس كامله لانه على كلامه حاول يبعدها بس بدون فايده بكل الطرق .. اخذت رقمه واتصلت عليه بعد فتره وذكر لي انها نجحت معه ومافيها اي رائحه وهو يستخدمها اظن ان كان ماباعها .

[اعقلها وتوكل]

والله ريحة السيارة بعد المطر وخصوصن اذا كانت الدعاسات قماش خياس

الله يجزاكم خير