فزعتكم معنا ياهل البليزرات

[االجباب]

بنشر البليزر 2007 بسبب حربات مستشفىء الشميسي عاكسين الدخول والخروج والولد مكسورة يده ومانتبهت

المهم غيرت الكفر الي بنشر بالسبير جنط عادي مشاني يوم واليوم الثاني علق الطبلون برسالة شيك على ضغط الاطارات ماعطيته بال والا اروح للسوق واسفط الموتر وانزل واخلص اموري وارجع اشغل يدق السلف لكن ماعندك احد والرسالة تظهر ان فيه مشكلة بالاطارات

السؤال :
هل اذا ارجعت الجنط الاساسي للسيارة سوف تشتغل ام ان العلة ليست بالجنط والبلف الالكتروني الذي عطل برمجة السيارة لان السيارة لم تتعرف الا على 3 جنوط تحمل بلوف الكترونية فقط

ارجوا المساعدة ولكم جزيل الشكر

[survivl]

اخي الكريم الي اقدر افيدك فية
ان الاسبير لة حساس عند فكة تطلع المبة في الطبلون لذلك يبد انك اخوي ماركبت الاسبير مكانة بغض النظر عن نوعه اي الاسبير او الاصلي
هذا والله اعلم

[االجباب]

اخي الكريم الي اقدر افيدك فية
ان الاسبير لة حساس عند فكة تطلع المبة في الطبلون لذلك يبد انك اخوي ماركبت الاسبير مكانة بغض النظر عن نوعه اي الاسبير او الاصلي
هذا والله اعلم

شكرا لك اخي العزيز

طيب اذا ارجعت السبير مكانة هل تشتغل السيارة

وين اهل الخبرة افيدونا !

[survivl]

هذا يكون احتمال كبير اذا رجعت الاستبنة مكانها يمكن تشتغل السيارة وحاول انك تفك اصبع البطارية لمدة ربع ساعة بعين اشبكها وان شاء الله تشتغل

[arabicizing]

لا اخوي

خد العلم الأكيد

الجنط مال سياراتك كل كفر له حساس

السبير ماله حساس يحسب الكمبيوتر الكفر منسم

اذا رجعت الجنط الأساسي راح يكون الوضع طبيعي

[االجباب]

لا اخوي

خد العلم الأكيد

الجنط مال سياراتك كل كفر له حساس

السبير ماله حساس يحسب الكمبيوتر الكفر منسم

اذا رجعت الجنط الأساسي راح يكون الوضع طبيعي

شكرا لك اخي لتجاوبك معي

رجعت الجنط الاساسي مكانة وراحت الرسالة لكن ماتشتغل السيارة الكهرباء شغال لكن مايوصل بانزين
رحت الصناعية وجبت مكانيكي تركي وقالي البانزين مايوصل للمكينة لان طرمبة البانزين ماتشتغل وصار يخبط باليور تحت السيارة على امل ان البانزين يوصل لكن مافية فايدة وقالي لازم تغير طرمبة البانزين وسعرها حول 2000 ريال وشغل يدة 300 ريال وقال ممكن تلقى عند محلات السبيعي بالصناعية القديمة .

نبي اهل الخبرة في هالامور لايضحكون علينا الميكانيكية (--------- سيارتي بليزر 2007 lt

[Magellan]

^^^^
حاط سيارتك عند دجال يخبط فيها من تحت
هذي اللي يسلمك دقمة السلف حقت المفتاح سعرها بمية ريال وتغييرها سهل...
وطرمبة البنزين بـ650 ريال كاملة من عند التقوى وين يابوي بـ2000 ريال
ثم الطرمبة شغاله هذا معي الموتر وماشي 125 الف ماغيرتها ...

[شعيب المسمى]

مثل ماقالولك افصل البطارية 15 _ 30 دقيقة ويعيد البرمجة من جديد

[االجباب]

^^^^
حاط سيارتك عند دجال يخبط فيها من تحت
هذي اللي يسلمك دقمة السلف حقت المفتاح سعرها بمية ريال وتغييرها سهل...
وطرمبة البنزين بـ650 ريال كاملة من عند التقوى وين يابوي بـ2000 ريال
ثم الطرمبة شغاله هذا معي الموتر وماشي 125 الف ماغيرتها ...



حبيبي ماجلان الله يجزاك خير والله يالتركي انه كرهني بالسيارة

وعلى قولة اخوانا بالكويت يامجلان قطيتنى على صخر ورحت

عطنا عناوين بالصناعية واحد تعرفة يضبط لنا الموتر عسى والديك الجنه

انتظر ردك يالغالي


تحياتي

[االجباب]

مثل ماقالولك افصل البطارية 15 _ 30 دقيقة ويعيد البرمجة من جديد

بجرب انشاء الله

الله يجزاك خير اخوي

[Magellan]

والله ودي أضبط لك الموتر ،لكني بعيد حيل عن الرياض وفي ديرة حتى االإتصال فيها تعبان
ألصفحة ماتتحمل إلا بعد 5 دقايق
لكن شوري عليك إنك تتبع التالي:
1- حرك السويتش حتى قبل التشغيل يعني على ON ، إذا شفت مؤشر الساعه على 12:00
فالبطارية خربانه ،بس بشرط ماتكون فاصله قبل ولارجعت ضبط الساعه.
2- لو كانت الساعه مضبوطه ، افتح الكبوت وناظر البلف اللي في الصورة فكه واضغطه بأصبعك ،إذا طشّر ينزين فالطرمبة زينه.
http://www.mekshat.com/pix/upload03/images126/mk11979_20090924473.jpg

3- كملت دقة السويتش(شغّل السيارة) إذا سمعت صوت من العدادات بدون مايشتغل فهذا من دقمة السويتش

لو هذا وإلا ذا مانفع شيّك على علبة الفيوز وكتاوت الطرمبة

وعندك البيان الجديد والجابري والقرعاوي كلهم شغلهم طيب ويعرفون بالأمريكي مضبوط
وفيه إذا تحب شغل المراكز الرخيصة ورشة القحطاني رقم 11 بصناعية أم الحمام (علي بن علي)

[االجباب]

والله ودي أضبط لك الموتر ،لكني بعيد حيل عن الرياض وفي ديرة حتى االإتصال فيها تعبان
ألصفحة ماتتحمل إلا بعد 5 دقايق
لكن شوري عليك إنك تتبع التالي:
1- حرك السويتش حتى قبل التشغيل يعني على ON ، إذا شفت مؤشر الساعه على 12:00
فالبطارية خربانه ،بس بشرط ماتكون فاصله قبل ولارجعت ضبط الساعه.
2- لو كانت الساعه مضبوطه ، افتح الكبوت وناظر البلف اللي في الصورة فكه واضغطه بأصبعك ،إذا طشّر ينزين فالطرمبة زينه.
http://www.mekshat.com/pix/upload03/images126/mk11979_20090924473.jpg

3- كملت دقة السويتش(شغّل السيارة) إذا سمعت صوت من العدادات بدون مايشتغل فهذا من دقمة السويتش

لو هذا وإلا ذا مانفع شيّك على علبة الفيوز وكتاوت الطرمبة

وعندك البيان الجديد والجابري والقرعاوي كلهم شغلهم طيب ويعرفون بالأمريكي مضبوط
وفيه إذا تحب شغل المراكز الرخيصة ورشة القحطاني رقم 11 بصناعية أم الحمام (علي بن علي)

ادري انك ماتقصريامجلان وهذا من طيبك

بجرب ومن الله التوفيق

[االجباب]

تم التشييك على السيارة
1- بلف البنزين عند الضغط علية لم يخرج منه بنزين
2- اخرمحاولة كانت اعادة البرمجة وتم فصل اصبع البطارية واعادته بعد نصف ساعة ولم يتغير شيء
تم تسعير تركيب طرمبة البانزين عند احد المراكز الكبرى بالبديعة بمبلغ 250 ريال
--------------
اعتقد انها طرمبة البنزين لان كهرباء السيارة قوية كذلك السويتش صوته لم يتغير لكن بعد افلات السويتش يخرج صوت مثل صوت الكاسيت وهو داخل المسجل تقريبا

اخيرا اشكر الجميع وعلى راسهم حبيبنا ماجلان وان شاء الله يرجع لنا بالسلامة

تحياتي

[االجباب]

سؤال فيه احد رهم طرمبة بانزبن الفكس ار للبليزر

سعر طرمبة البليزر عند التقوى 1000 ريال ومع الخصم 975 ريال وماتنضمن

واحد من الزملاء اكدلي ان معضم خراب طرمبات البانزين للجموس والامريكي عموما هو بنزين 91

[Magellan]

سؤال فيه احد رهم طرمبة بانزبن الفكس ار للبليزر

سعر طرمبة البليزر عند التقوى 1000 ريال ومع الخصم 975 ريال وماتنضمن

واحد من الزملاء اكدلي ان معضم خراب طرمبات البانزين للجموس والامريكي عموما هو بنزين 91

حياك أخوي الجباب
بالنسبة لي فأنا ما أتوقع عندك خلل في طرمبة البنزين والسبب إنك لما ضغطت على البلف ماطلع بنزين والمفروض يطلع ولو شوي،
لأن الطرمبة مستحيل تخرب بهذه الصورة يعني لابد تعطيك مقدمات من ضعف العزم والتقطيع بالإضافة تطفي فيك وأنت بالخط،...
اللي حاصل عندك هو إن الطرمبة ماياصلها كهرب نهائيا وأبيك تفتح علبة الفيوز وتتأكد من كتاوت الطرمبة يمكن محروق وممكن تجرب تحط كتاوت المكيف محل كتاوت الطرمبة سواء بيدك أو عند الكهربائي..
الشيء الثاني في حاجات ممكن تغفلها وهي دقمة السلف يمكن إنها عطلانه ولاتوصل كهرب للسلف ويمكن كذلك السلف نفسه وحتى البطارية...
والبنزين 91 مافيه خلاف ، أنا أعبي 91 من يوم طلع ولافيه أي مشاكل بس دائما أتبع طريقتين للسيارة:
1- إذا بغيت أعبي أطفي الموتر ولو إني في عز القايلة
2- لو بغيت أشغل الموتر (صبح وإلا ليل) أفتح السويتش إلى إن تولع لمبات الطبلون وأنتظر 5 ثواني إلين أسمع صوت فتحة لهات الثلاجة في المكينة ثم أشغل...

[ابو تركي المطيري]

دور خلف الموتر اذا فتحت الباب الخلفي في احد جنوب السياره احتمال تحصل دقمه سيفتي للموتر مثل دقمة الفورد الي تجي بالشنطه لمنع احتراق الموتر

يمكن ان الموتر فصلها لانه حس ان السياره فيها خلل

[االجباب]

حياك أخوي الجباب
بالنسبة لي فأنا ما أتوقع عندك خلل في طرمبة البنزين والسبب إنك لما ضغطت على البلف ماطلع بنزين والمفروض يطلع ولو شوي،
لأن الطرمبة مستحيل تخرب بهذه الصورة يعني لابد تعطيك مقدمات من ضعف العزم والتقطيع بالإضافة تطفي فيك وأنت بالخط،...
اللي حاصل عندك هو إن الطرمبة ماياصلها كهرب نهائيا وأبيك تفتح علبة الفيوز وتتأكد من كتاوت الطرمبة يمكن محروق وممكن تجرب تحط كتاوت المكيف محل كتاوت الطرمبة سواء بيدك أو عند الكهربائي..
الشيء الثاني في حاجات ممكن تغفلها وهي دقمة السلف يمكن إنها عطلانه ولاتوصل كهرب للسلف ويمكن كذلك السلف نفسه وحتى البطارية...
والبنزين 91 مافيه خلاف ، أنا أعبي 91 من يوم طلع ولافيه أي مشاكل بس دائما أتبع طريقتين للسيارة:
1- إذا بغيت أعبي أطفي الموتر ولو إني في عز القايلة
2- لو بغيت أشغل الموتر (صبح وإلا ليل) أفتح السويتش إلى إن تولع لمبات الطبلون وأنتظر 5 ثواني إلين أسمع صوت فتحة لهات الثلاجة في المكينة ثم أشغل...


تسلم يامجلان على التواصل وبيض الله وجهك

وانا اخوك كيف اعرف كتاوت الطرمبة من كتاوت المكيف

السيارة سحبتها من الورشة ودخلتها بكراج البيت اخاف يلعبون فيها وهي جديدة ماشية 33 الف فقط ومااستخدمها الافي المناسبات او سفريات الصيف وباقي الايام مكرجة من شان كذا حبيت اني اسأل من شان اكون على علم ومعرفة من اخواني في مكشات

تحياتي

[االجباب]

دور خلف الموتر اذا فتحت الباب الخلفي في احد جنوب السياره احتمال تحصل دقمه سيفتي للموتر مثل دقمة الفورد الي تجي بالشنطه لمنع احتراق الموتر

يمكن ان الموتر فصلها لانه حس ان السياره فيها خلل

راحت علي هاذي بدور عليها لكن الشفر مثل الفورد

تسلم يابوتركي على المعلومة

عاد تصدق ان كل هالمشاكل بسبة بنشر

[Magellan]

تسلم يامجلان على التواصل وبيض الله وجهك

وانا اخوك كيف اعرف كتاوت الطرمبة من كتاوت المكيف

السيارة سحبتها من الورشة ودخلتها بكراج البيت اخاف يلعبون فيها وهي جديدة ماشية 33 الف فقط ومااستخدمها الافي المناسبات او سفريات الصيف وباقي الايام مكرجة من شان كذا حبيت اني اسأل من شان اكون على علم ومعرفة من اخواني في مكشات

تحياتي

مادام ممشى الموتر 33 الف فأتوقع لازال مشمول بالضمان ، من الممكن تاخذه للوكالة...
الشيء الثاني أبغاك تجرّب الطريقة التالي:
إفتح السويتش حتى تولع اللمبات كلها ثم حرّك عصا القير حتى N ثم شغّل وعطنا النتايج

[االجباب]

مادام ممشى الموتر 33 الف فأتوقع لازال مشمول بالضمان ، من الممكن تاخذه للوكالة...
الشيء الثاني أبغاك تجرّب الطريقة التالي:
إفتح السويتش حتى تولع اللمبات كلها ثم حرّك عصا القير حتى N ثم شغّل وعطنا النتايج

لم تنفع الطريقة

تم فحص ضغط طرمبة البانزين ولم يتحرك المؤشر الا اقل من 20

اسف على التاخير اخي ماجلان واشكرك على المتابعة

تحياتي

[Magellan]

لم تنفع الطريقة

تم فحص ضغط طرمبة البانزين ولم يتحرك المؤشر الا اقل من 20

اسف على التاخير اخي ماجلان واشكرك على المتابعة

تحياتي

صباخ الخير الجباب تو الناس:D
يمكن إنك موقف الموتر مده فأتوقع جاها هالبلاء
على العموم دفعة بلا ولا أوصيك تروح لراعي معارض الشفا الباكستاني رشيد
والشيء الثاني :أنت حصلت العيار حق الطرمبة ووين ودي أشري لي واحد؟

[االجباب]

صباخ الخير الجباب تو الناس:D
يمكن إنك موقف الموتر مده فأتوقع جاها هالبلاء
على العموم دفعة بلا ولا أوصيك تروح لراعي معارض الشفا الباكستاني رشيد
والشيء الثاني :أنت حصلت العيار حق الطرمبة ووين ودي أشري لي واحد؟

ههههه صباح الانوار ماجلان بدت المدارس واخوك معلم ومافضيت له وعندي سيارة ثانية قلت خله جالس لما افضاله برواقه وبيني وبيني وبينك ماحبيت استعجل
والله الموتر ماستخدمة الابالاجازات او مناسبة ومسكة خط الشمال
بالنسبة لعيار الطرمبة حصلته عند راعي ورشة اخذته منه بتامين 100 ريال ورجعته له لكن مادري والله وين ينباع والا كان افدتك فية .
بالنسبة للسيارة حصلتلي مطوع سعودي عندة ورشة ومعه مثل موتري بس اقدم شوي وقالي مباشرة الطرمبة وفعلا مثل ماقال وقالي لاتاخذ وكالة رح وجب لي طرمبة في اكس ار 8او 6 سلندر تركب مباشرة بس نغير الفيش احسن من الامريكية وماراح تخرب ان شاء الله عليك والرجال عنده فلبيني ممتاز بالمرة ويرهم طرمبات وراني عنده اكثر من طرمبة لجموس ويوكونات والسيارة اطلعها اليوم بعد المغرب ان شاء الله والصناعية هي صناعية العاصمة الي بغرب الرياض امتداد طريق المدينة المنورة والورشة اسمها ( ورشة درب القافلة ) شغل يدة 200 ريال ونصحني اعبي بنزين 95 يقول ان 91 يسبب خراب الطرمبة على كلامة ..... على فكرة طرمبة البليزر عند التقوى بسعر ( 990 ) ريال وفيه ناس عندها بسعر (1300) ريال !!! واحس انهم حرامية ! ..................
-----------------------


تحياتي لك اخوي ماجلان ومشكور على المتابعه

[االجباب]

نسيت اقولك عن طرمبة الفي اكس ار

فيه نوعين
1- ياباني تجاري - يمشي الحال ورخيص بحدود 240 - 260

2- النوع الثاني وكالة من وكالة تويوتا وهو اغلى من الاول 600 ريال مع الشاخول ( الفلتر ) لكن % وماينخاف منه واخذت منها واتوكلت على الله لان فيه ناس خوفوني منه انه يتعطل وهو ياتي من الامارات ويقال انه يصنع بالهند ويكتب علية (جابان) مابغيت اغامر وخفت على الموتر وقلت شي تعرفة ولا شي ماتعرفة صحيح فيه فرق كبير بالسعر لكن ارحم من 990 وغير مضمون

وقابلتلي واحد عندهم بالورشة سيارته متعطله واعطاني معلومة عن الزيت قال انتبة للزوجة الزيت وخذ من 10w30 افضل للموتر ولا راح تنعدم عليك طرمبة الزيت وتخبط السيارة ولازم توضب لاني احس ان فيه احيانا وانا على الخط وخاصة اذا كان خط سريع طقطقة خفيفة وتروح

مادري اخوي ماجلان وش رايك ( تفيدنا )

تحياتي

[Magellan]

أخوي بالنسبة للزيت لاتتعدى كاسترول GTX 10w30
وكلامه صحيح 100%
وتراني أحطه على أكثر من سيارة من بينها كامري ولاخالفت
ونصيحة الرجال في محلها وترى الزيت الثقيل يعطّل الطرمبة وممكن تخبط السيارة وأنت ماتدري..
ولا قد غيرته دون من 5000 كيلو ممشى سواء بالصيف أو الشتاء
ولا أحلى منه وأصل إلى 6600 ممشاي عليه ، بس أغير السيفون معه
أشتره جمله بـ15 ريال أصلي مضمون ورقمه 59


والطرمبة ما أقدر أفيدك عنها لأني أنا أمدح حقت الفكسار الأصليه
لكن مثل ماقلت صار يجي مقلّد مكتوب جابان وهو صيني فهذي ممكن تنغش منها خصوصا إن أبو جميل له عوايد مع الصين
حتى قطع إي سي ديلكو ترى مكتوب عليها Made in USA وهو صيني بس مو الكل
يعني شختك بختك

[االجباب]

ابشرك طلعت الموتر وصار عزمة افضل من قبل والفلبيني يمشي معي لين ماركبت الموتر ويوصيني اني مااقرب بنزين 91 ويقول(( صديق مابي عبي واهد وتسئين بئدين طرمبة كربان ائبي كمسه وتسئين كويس .... ما سلامة)) .... قلتله ابشر وانا اضحك

اشكرك اخوي ماجلان من القلب لانك شاركتني همي الله يبعد عنك الهم قل امين

تحياتي لك ومعرفة الرجال مكسب

[Magellan]

بالمبارك والله ياحبيبي
بس هالفلبيني وجع راس وخساره:p
91 مافي يأبي ...أجل خله يشوف وضعي ،،هههههههههههه
ماقد شم ريحة 95 من يوم طلع لنا هالأخضر
مشاويري واجده وكل 4 ايام أعبي فل اخضر بـ35 ريال
الله لايغّيرها من نعمه:)