الفزعة يالربع .. لاند روفر Lr2 موديل 2010

[من نجد العذية]

السلام عليكم ورحمة الله .....


ابي رايكم و شوركم يالربع في موتر ....ميزاته .... عيوبه .....

لاند روفر LR2

موديل 2010 جديد

صناعة انجليزية

مواصفاته .. نظام ملاحة ( نافقيشن ) ... تلفون بلوتوث ... جنوط 18

من الوكالة

قيمته في حدود 130 الف ريال

ابي الشخص اللي مجرب او اللي سمع عنه يعطينا نبذه من خبرته .... لاحد يغرف من راسه بدون تجربه :)

وهذي صورته

http://www.edmunds.com/pictures/VEHICLE/2010/Land%20Rover/2010.land%20rover.lr2.20305366-396x249.jpg




http://image.automobilemag.com/f/reviews/suvs/6690076%2Bw440/0702_z%2B2007_land_rover_LR2%2Binterior.jpg


http://image.motortrend.com/f/car-news/land-rover-announces-spiced-up-2008-lr2-hse/6989108+w600+cr1+re0+ar1/2008-land-rover-lr2-hse-rear-view.jpg


http://l.yimg.com/dv/izp/land_rover_lr2_se_2008_other_trunk.jpg

[ساري 111]

اشوفه منتشر بالرياض بشكل ملحوظ

طبعاً من شكل الموتر اعتقد انه دفع امامي (مجرد احساس وانت تأكد)
طبعاً مثل السيارات الدبل يكون على الكفرات الخلفيه

مثل جيب لكزس ار اكس 300 والمورانو وجيب الهوندا

[لن أمل من العطاء]

السلام عليكم
شوف السيارة انا ما اعرف عنها شيء

لكن هنا في مجتمعنا
تواجهك عدة مشاك

1- عدم توفر السيارة بالشارع كثيرا بالتالي قطعها طلب الا المستهلكه
2- الوكالة ما عندك احد وكل الوكالات كذا حتى مافيها مهندسين متخصصين للسيارات
3- حتى الشاميين والاتراك ممن يدعي معرفته بالسيارة فهو سيتعلم عليها الا من هدى الله
4- لا تقول ان السيارة جديده ولن احتاج للفقرات 1 و 2 بالاعلى السيارات الجديده اكثر اعطالا من القديمه واكثر واعقد صيانه
5- هذا الانواع من السيارات لا يأخذها الا اناس لا يعرفون ماهي الورش وماهي الاعطال وانما هناك من يكفيهم حتى في بنشر الكفرات ( الاغنياء والغني الله )
6- لا تستعجل في الشراء اطلب تجربتها من الوكيل اولا ولا يغرك تماسك السيارة وقوتها في التجربه فالسيارة بعد 6 شهور تختلف عما كانت عليه
7- انت بتدفع فلوس سواء نقد او تقسيط فلا مانع من طلب ارقام عملاء انت تختارهم من عندهم ولنفرض 5 عملاء واتصل عليهم وأسألهم عن السيارة ويفضل عملاء لهم اكثر منسنه حتى لو موديل 2009 او 2010
8- اعتقد السيارة هي شراكه بين لاند روفر وفورد الامريكيه
9- انظر لرغبتك في اقتناء السيارة يعني كثير تروح البر والا مثلي مره او مرتين في السنه والباقي اسفلت
لانها ليست 24 ساعة في الصحراء

اخيرا لا يغرك ايضا من يبيع في الوكالات وبكلامهم لمعسول

(اتمنى ان يذهب العميل للوكالة ويطلب السيارة بعينها التي يريدها دون النظر للموظف الى ان يكون هناك موظفين يعرفون كل صغيره وكبيره عن السيارة )
اخيرا اسال الله ان ينير طريقك ويرزقك بسيارة كما احببت ان تمتلكها

كثرت الرد لكن سامحني اخي العزيز

[AMAZ]

السلام عليكم
شوف السيارة انا ما اعرف عنها شيء

لكن هنا في مجتمعنا
تواجهك عدة مشاك

1- عدم توفر السيارة بالشارع كثيرا بالتالي قطعها طلب الا المستهلكه
2- الوكالة ما عندك احد وكل الوكالات كذا حتى مافيها مهندسين متخصصين للسيارات
3- حتى الشاميين والاتراك ممن يدعي معرفته بالسيارة فهو سيتعلم عليها الا من هدى الله
4- لا تقول ان السيارة جديده ولن احتاج للفقرات 1 و 2 بالاعلى السيارات الجديده اكثر اعطالا من القديمه واكثر واعقد صيانه
5- هذا الانواع من السيارات لا يأخذها الا اناس لا يعرفون ماهي الورش وماهي الاعطال وانما هناك من يكفيهم حتى في بنشر الكفرات ( الاغنياء والغني الله )
6- لا تستعجل في الشراء اطلب تجربتها من الوكيل اولا ولا يغرك تماسك السيارة وقوتها في التجربه فالسيارة بعد 6 شهور تختلف عما كانت عليه
7- انت بتدفع فلوس سواء نقد او تقسيط فلا مانع من طلب ارقام عملاء انت تختارهم من عندهم ولنفرض 5 عملاء واتصل عليهم وأسألهم عن السيارة ويفضل عملاء لهم اكثر منسنه حتى لو موديل 2009 او 2010
8- اعتقد السيارة هي شراكه بين لاند روفر وفورد الامريكيه
9- انظر لرغبتك في اقتناء السيارة يعني كثير تروح البر والا مثلي مره او مرتين في السنه والباقي اسفلت
لانها ليست 24 ساعة في الصحراء

اخيرا لا يغرك ايضا من يبيع في الوكالات وبكلامهم لمعسول

(اتمنى ان يذهب العميل للوكالة ويطلب السيارة بعينها التي يريدها دون النظر للموظف الى ان يكون هناك موظفين يعرفون كل صغيره وكبيره عن السيارة )
اخيرا اسال الله ان ينير طريقك ويرزقك بسيارة كما احببت ان تمتلكها

كثرت الرد لكن سامحني اخي العزيز

بقولك شي الذي اكتشفته من كلام اخونا اعلاه لا تشتري السياره والله وكلامه مقنع خصوصا لاصحاب الدخل المحدود صراحه اذا تبي تدفع المبلغ هذا خذ تاهو z71 فل ابشن والله احسن الف مره

[MSAHMM]

الاند روفر سيارة اعتماديه وبقوة ولاشك او غبار عليها نهائيآ

لكن مثل ماتفضل الأخ لن امل من العطاء اتفق معه جملة وتفصيلآ

هناك نوع من الاند ويسمى ديفيندر ويعتبر من اقوى السيارات الدفع الرباعي وافضلها على الأطلاق لكن العيوب في الوكيل وتوفر قطع الغيار وانتشارها يجعل الشخص يتردد في اختيارها كسيارة للطلعات

[ساري 111]

-
اعتقد السيارة هي شراكه بين لاند روفر وفورد الامريكيه

حسب علمي والله اعلم ان ملكيه الشركه في السنوات الاخيره تنقلت بين عدد من الشركات

بدايه من عام 2002 الى 2005 وكانت تتبع لـ bmw الالمانيه

2006 الى وقتنا الحاضر تنقلت بين فلكس فاجن وفورد وبالاخير انتهى بها المطاف لشركه تاتا الهنديه

واللي اعرفه ان المصنع باقي قي انجلترا بشرط من الملكه لكن رأس المال من تاتا الهنديه

[aoh200]

ينزلون من سعر البيع ويربحون منك في خدمات مابعد البيع

نصيحه من مجرب ابعد عنهم والله تبي تكره السياره من كثر الخرابات وتوديها الكاله يخربونها زود, الناس ماتجتمع على شي بدون سبب

اولا الصيانه الغاليه بدون سبب وماعندك احد غيرهم
ثانيا لاجيت تبي تبيعه يبي يطيح سعره وتبي تتحسف وهاذا الي صار معاي..

الله يوفقك للخير والصالح

[هواوي صيد]

حد علمي انها كثيرة خرابات

ما ادري عن 2010

تحياتي

[عآشق الحره]

هج عنها جربوها عندنا بس اظنه رانج روفر والله يوم جا من البر يقول اللمبات الي بالطبلون كلها مولعه مهو لديرتنا ابد وفيه سياره اثبتت جدارتها بديرتنا الي هي هيونداي جيب صراحه قوه كبيره وياخي كثر الموديلات مالقيت الا هذا

[Fmejrad]

والله لو تبي نصيحه ابعد عن لاندروفر كله ,,

تراهـ سيارهـ موب حقه كرف ابد ,, حقه دلع ,,

قطع غيارها تقص الظهر ,, ووكيلها سيئ لابعد درجه ,, وسعر مابعد البيع الله لا يوريك ,,

شف الرنج روفر الحين 2004 اسعاره بال 60 الف مستعمل !!

والرنج سبورت جديد 2009 وكاله ب 220 الف !

نصيحه ابعد عن هالشركه تراها بتقص ظهرك بالخرابات ,,

تغيير الزيت للرنج روفر بالوكاله ب 1200 ريال اذا ماعندك علم عن هالشي ,,

انا اقولك بالمبلغ هذا نصيحه خذ لك سياره اعتماديه وقطع غيارها معقوله ,,,

بالمبلغ هذا صراحه باخذ لي همر H3 فل كامل ,,

موتر يطربك بالبر ولا يطلب واجد وقطع غيارهـ غاليه حبتين لكن مو مثل اللاند روفر ,,

بالشارع يطربك وبالبر وبكل مكان يطربك ومايقول لا ,,

او خذ لك تاهو ,,

[ابو ناصر2020]

لاند روفر ابتعد عنه بعد الاسلام على الكفار

غلاء في قطع الغيار والصيانه وعدم توفر القطع يعني سياره متعبه لك مره

طبعن انا مجرب موديل 2002 و 2004 من لاند روفر جد تعبت من الوكيل السيف

[ahmad995]

ابعد عنه
ونصيحة لا تبعد عن التويوتا

[الوتر الحزين]

هلا اخوي

يارجال وش لك والقلق نصيحه لوجه الله ابعد عنه..
وان كانك بتوصل 130 الف خذ لك تويوتا او نيسان وريح بالك.
تحياتي.

[كا شت]

إنتبة حتى مجرد التفكير فيه:no2:

[بو خليفه]

انا مجرب و عندي سبق كان ديسكفري 2003م
اما الفريلاندر و الان اسمه Lr2


طبعاً لا يخفى عليكم السيارة دفع رباعي دائم مستمر لا ينفصل و يوجد فيها نظام التحكم بالعجلات عن طريق Abs و نظام Tc وهذا النظام موجود في جميع اللاندروفر و انا سائق Lr2 في المدينة والرمال ممتاز
لكن اقول اذا تستخدم 3 سنوات و تبيع و لا يهمك سعر البيع اشتر و اكثر من 3 سنين لا تترجا منه خير لانه سبتعبك في الصيانة و غيره
عيوبه
من ينزل شكل جديد ينزل سعره وفي السوق لا يثمن
الصيانة و التصليحات فقط الوكالة غيره لا تصلح
لا يوجد لها قطع تجارية يعنى اذا قلة عليك الفلوس وقف السيارة


عند راي آخر
130 اشتر ياباني مثل نيسان باثفندر و تويوتا برادو 2010م الشكل الجديد او باجيرو من الامارات سعره 98400 ريال فل كامل


والرأي الأخير لك أي سؤال عندك انا اجيبك لاني من مالكي هذه السيارات سابقا

[ياسر العضيله]

من وجهت نضري ماشوف الوديلات السابقة كثيرة زي التويوتا والنيسان
ممكن يكون الشكل منتاز ولكن الخدمة بعد الشراء
خذلك من الشركات المعروفة ويكون تجارب الأعضاء أكثر من هذا الطراز ولا تنساء الإستخارة

[راعي جيوب]

أنا رأيي من راي الشباب اللاندروفر والرنج روفر ما تصلح عندنا بالخليج الأجواء حاره والتضاريس صعبه وسياره تبي صيانه وأنت ما عندك وكيل يدعمك بالقطع غيار والصيانه يعني أي عطل عندك مالك ألا الوكيل وبتتعطل كثير وقطعها غاليه بالحيل مقارنه بالسيارات اليابانيه والراي لك وبالتوفيق

[b969d]

ههههههههههههه..

والله شيئين غريبين في مجتمعنا..

1)اذا غلا الشي ما عاد نزل سعره..

2)اذا اخذوا فكره عن شي عمموها واستمرت معهم..

ابختصر الموضوع علي وعليك..

من ناحية اللاندروفر LR2>>انا مستخدم له من فترة طويلة..

سيارة ما فيها كلام..والله افضل سيارة استخدمتها..كل شي فيها..
ان بغيت المركب>فراحه
وان بغيت الرفاهية>فمتوفرة
وان بغيت التكنولوجيا>ولّم يدّك
ان بغيت الخط >موتر
وان بغيت البر>بيض وجهك
وان بغيت الرزّة والإسم>فحدث ولا حرج
والسعر بالنسبة للمواصفات رخيص..وضمان 5 سنوات
والصيانة عند الوكيل كل 12000 كيلو..(8علب زيت جوده عالية جدا + فلتر + تشحيم + صنفرت الفحمات + تشييك كامل + تعبئة الناقص ) بـ770ريال..تراها كل 12 الف


وبعدين الوقت تغيّر ولا عاد صارت السيارة محصورة في تنقل فقط بل صار الانسان يبحث عن رفاهية اكبر بالسيارة..ولو دفع لهذه الرفاهية ضريبة..


طبعا أنا راجعت بعض الردود وضحكت..وتمنيت ان اللي ذمّوا السيارة سبق وان استخدموها..!!
معليش..!! قال ايش قال تويوتا..((والله احب تويوتا واقدرها ولكن..!!))

صحيح ان مواترها حمير كد..لكن بالله جب لي جيب في تويوتا بـ130 الف وابيك تعطيني الفروق الخمسة بينه وبين الددسن 85..والله اني جاد ولا أمزح !!!.. نفس الشي غير انهم حطوا بدال الشريط سي دي..


بإختصار السيارة من داخل مسجل وطبلون ومراتب وطفاية دخان..على ايش سعر السيارة فوق 100الف..!!
على مكينه ما تخرب..بس..!!


خل نحسبها صح..
الان سيارات تويوتا تزيد عن مثيلاتها في الشركات الاخرى عشان اسمها من 25% الى 35%..وبحكم انها اعتماديّة ((يعني صبورة))

لو حسبت انك اخذت لاندروفر بـ130الف بفخامته ومكانته وثباته والتكنولوجيا التي يحملها وافرض انك كل اسبوع تمشي 12000 وتسوي له صيانه في الوكالة فلن تصل لمبلغ جيب برادو اللي افخم ما فيه المسجل..!!


تبقى تويوتا رائدة في صناعة السيارات و افضل شركة سيارات على مستوى العالم..ولكن اسعارها في السنوات الاخيرة مبالغ فيها جدا على ما تمتلكة من امكانيات مقارنة بمثيلاتها..

[كاشخ 24 ساعه]

من أستشارك دخل في ذمتك

ارجو من الجميع الكلام من تجربه فقط وليس سمعت ويقولون

أخي العزيز انت خذه تجربه او تأجير وشف يصلح لك او لا


اما من ناحيتي وانا طبعا لم اجربه مطلقا فلو خيروني اروح مشوار للبر لمدة يومين باخذ كامري 4 سرندل ولا اخذ لاندروفر وحتى ان كان جديد

مدري ليش بس ماعندي ثقه فيه ابد


والله يوفقك في اللى بتاخذه سواء لاندروفر او غيره

[ع الحصان]

السيارة مميزة ورائعة
لها معي من 2009 وكالة فل كامل
والسيارة ممتازة ورساوة عالية ومتانة وفي البر جيدة
اسعار الوكيل مرتفعة ولكنها لا تحتاج الى صيانة الوكالة الا كل كم سنة
على الرغم اني شيكت معهم حتى نهاية الضمان 5 سنوات او 150000 كلم

[قناص مزاجي]

عليك بالاند كروزر واذا لم تقدر عليه خذ نيسان

الاند روفر ابتعد عنه