المساعد الشخصي الرقمي

مشاهدة النسخة كاملة : ممكن تفيدونا بافضل ورشه لتربيط الديكورات الداخليه ؟والي يعرف شي عن ورشه الكردي يدخل


Fmejrad
26/09/2009, 12:50 PM
السلام عليكم

كيف الحال ياخوان وكل عام وانتم بخير ,,

اخواني انا اعاني من تفكك الديكورات الداخليه للسياره بشكل فضيع ,,

وانت تمشي والله تسمع لك اصوات حفله ,,

وخصوصاً اذا كانوا راكبين معك ناس تستحي منهم وهو يسمع هالاصوات من جد تطفشك بالموتر ,,

المهم قررت اني اربطهـ ودورت بقوقل لقيت الكل يمدح ورشه النويصر وابن مرضاح

لكن اسعارهم مبالغ فيه جداً

وحصلت ورشه اسمها الكردي او مشعل العتيبي

وكلن يمدحها بس بغيت اسال عن سعرها ,, بكم يربطون الديكورات الداخليه فقط ؟

ووين وصفها بالضبط ؟ انا بجي مع الدائري وبدخل مخرج 17 يمين ممكن توصفون لي من هناك ,,

وهل تعرفون ورشه ثانيه ممتازه ؟

انا فكرت اني اربطها بنفسي ,, سياره جمس 2003 والديكورات كلها كلبسات خصوصاً حقات الابواب ,,

فـ جت ببالي فكرهـ اني اشتري سمج واملي الابواب سفنج واشتري مسامير واثبت الديكور بالباب بالمسامير افضل من الكلبسات ,, وش رايكم ؟
لاتكب البيالة
26/09/2009, 01:31 PM
انا فكرت اني اربطها بنفسي ,, سياره جمس 2003 والديكورات كلها كلبسات خصوصاً حقات الابواب ,,

فـ جت ببالي فكرهـ اني اشتري سمج واملي الابواب سفنج واشتري مسامير واثبت الديكور بالباب بالمسامير افضل من الكلبسات ,, وش رايكم ؟
هذا الراي الصح
وتقدر تغير الكلبسات حيث انه فيه محل بصناعية النسيم يبيع جميع انواع الكلبسات واللي تقدر تخليه مسمار ازين شوي
اما النويصر وغيره تعطيه 1000 واكثر على ربط مسامير
ابو خــــالد
26/09/2009, 01:37 PM
هذا الراي الصح
وتقدر تغير الكلبسات حيث انه فيه محل بصناعية النسيم يبيع جميع انواع الكلبسات واللي تقدر تخليه مسمار ازين شوي
اما النويصر وغيره تعطيه 1000 واكثر على ربط مسامير
وش اسم المحل ؟ ووينه بالضبط؟؟!
لاتكب البيالة
26/09/2009, 01:42 PM
وش اسم المحل ؟ ووينه بالضبط؟؟!
والله ما اتذكر اسمه لكنه بصناعية النسيم ولو تسأل اي واحد يوصفه لك لانه الظاهر متخصص بالكلبسات
sfa135
26/09/2009, 01:58 PM
^^^


نبي اسم المحل اخوي

لاني بصراحه رحت لفيبر جلاس وجلس يلحمها لي بس باقي الاصوات موجوده

والمحل وين بالضبط موجود

في ناس يقولون بالصناعيه القديمه بس مااعرف المحل بعد
المميز99
26/09/2009, 02:01 PM
يا اخوان ااناا الي اخبره ان التربيط ب500 ريال

اذا اكثر من كذا مبالغ فيه وللمعلوميه تربيط كامل للسيارة
قناص خلاوي
26/09/2009, 02:46 PM
الظاهر المحل اللي يقصده اخوي لا تكب البياله محل الجمعان بصناعية النسيم
تراه على شارع المية يفتح شمال ومعروف لو سألت أي واحد هناك يدلك عليه
اخبر مريته وحصلت عنده قراشيع واجد من كل نوع
هاوي الصعب
26/09/2009, 04:32 PM
طيب احد يعرف محل يضبطها في الدمام
سوبر مكشات
26/09/2009, 04:54 PM
الله يعينك
اذكر الكردي غاااااااااااالي
ربطها انت
تعلم على موترك
ولاتخلي احد يتعلم عليه اومايضبط الشغلة
عاشق z71
27/09/2009, 10:08 AM
الكردي انا اشتغل عنده من زمان وكل اقاربي يربطون عنده


سعره معقول جدا ربطلي جمس حوظ موديل 2000 ب650 ريال

ورجعه وكاله

مافي ولا صوت

وكل الي عليك تقوله عندي صوت من هنا وصرصره من هن ومن هنا يعني تحددله الاماكن

وباذن الله يشيلها

ويحطلك ليات مويه بجلد البيبان عشان العزل

ويمرلك على جميع القطع السفليه للسياره ويقولك وش الخربان فيها ويدق عليك يقولك اغيرها ولا لا

مكانه سلمك الله

يجيك مخرج 16 تخليه وراك وتروح ل17

تاخذ يمين مع المخرج وتبتل سيييييييييييييييييييييييييييده بتجيك اشارات وانفاق ماعليك منها خلك سيده

الين تجيك اشاره فوقها كبري الي هو كبري الخرج

تدوير مع الاشاره وتدخل اول شارع يمين

امشي لين يعارضك شارع الجمعيه << شارع كبير بالصناعيه رايح جاي

تعدا هالشارع وابدا ناظر على اليسار تجيك اللوحه صفرا مكتوب عليها ورشة العتيبي

والورشه كذا غريبه داخله على جوا ومكتوب على جدارها من الداخل ورشة الكردي

اسال عن ممدوح الكردي وقله جايينك من طرف السلولي والمناخه وبيعطيك سعر حلو انشالله
Fmejrad
02/10/2009, 06:29 PM
الله يعطيكم العافيه ويجزاكم خير ياشباب ,,

باذن الله بمرهـ هاليومين وبربط موتري عندهـ ,,

اخوي عاشق ال z71 جزاك الله خير ماقصرت كفيت ووفيت
راعي الطلعات
02/10/2009, 06:38 PM
برسلك رقم شخص يجي عندك بالبيت ويربط الموتر لك ويضمنه والي تلاحضه من اصوات علمه وهو بيعلمك انا جبته عندي بالبيت لمدة يومين شغله نظيف وسعره رخيص ما يتعدى 1800ريال
ابو سعد 1
16/12/2011, 12:54 PM
السلام عليكم
مساك الله بالخير
الاخ راعي الطلعات امل ارسال رقم الرحال اللي يربط بالبيت
تحياتي لك
mmoharb
16/12/2011, 09:45 PM
السلام عليكم

اخوي .. انا جربت ورشه النجيبان بعنيزه منذ ما يقارب 6 سنوات !!

ورشه متميزه جداً ,, جداً .

والله ياشغلهم ذمه.

واسعارهم معقوله جداً ..

يربطوووووووون السيارات . ويسون لها صيانه مكيانيكيه !!

ويحطون بالطبلون والديكورات قطن داخلي مع التربيط .

انا وديت لهم كذا سياره .. لي .. ولغيري من الناس .

وديت لهم هايلوكس 1990 . ورجعوه لي بلد !!

ووديت لهم باترولين من 1990 / 1997 . ورجعوهن لي بلد !!

وديت لهم gxr 2004 ونفظوه لي نفظ 100% .

وتوني جايب سيارتي باترول 1997 صالون .. وغيرو لي قطع ميكانيكيه .. وربطوه لي . وسوو لي صيانه كامله ب 1945 ريال بس !!

طبعاً هالجيب لما اقول لك انهم غيرو لي كل هالقطع مع شغل اليد .. فيبغالي صفحه بالحالي عشان اذكرها لك .
لكن عطوني 5 اوراق فواتير !!
وانت افهمها .

الورشه موقعها ( القصيم - عنيزه - المنطقه الصناعيه )

وهذي ارقام المهندسين الي فيها ( بعد اذن الاداره ) :

1 / اعتقد ان اسمه ( خياط 05022192243 )
2 / طارق - 0506988560

بس عيبهم انو يبيلك تحجز بالتلفون عندهم .. وتاخذ موعد قبلها بشهر .


والله يكتب الي فيه الخير لي ولك ولكل الاعضاء والمسلمين اجمعين