المساعد الشخصي الرقمي

مشاهدة النسخة كاملة : من عنده خلفية عن اللاندروفر Lr3 ؟


A L T A M I M I
27/09/2009, 11:55 AM
http://images.automotive.com/reviews/images/05-lr3-hero.jpg


أعرف قوته وتحمله وفخامته

لكن سؤالي من عنده خلفية عن قيمة قطع غياره الاستهلاكية ؟

أخاف اشتريه وأنشب بأسعاره الغالية !!
ممتر البران
27/09/2009, 03:36 PM
مر الوكاله واترك عنك الهرج اللي ما منه ثمره وخذ اسعار القطع
لكن بالنسبه للمركب بريطاني والقوه ما صنع مثله والفخامه تخصص اهله صانعين الروز والبنتلي
لكن مهوب مرغوب الشعب يمشي مع الي ما شي عليه اللي حوله من يطلع الواحد على الدنيا وهو يوجه فبالتالي ما اتيحت له الفرصه انه يجرب ويشري الا من رحم الله فلا تستشير الا مجرب وانصحك فيه اذا منتب ناوي تبيعه يعني ناوي تستخدم عليك فيه وارتفاع قطعه اعتقد انها ظريبة امتلاك سياره بريطانية بهالمواصفات
A L T A M I M I
27/09/2009, 08:03 PM
مر الوكاله واترك عنك الهرج اللي ما منه ثمره

عين خير يابن الحلال شوي شوي علي

خلاص أتوب وأبمشي الحين للوكالة :p
عريدان
27/09/2009, 08:21 PM
يالتاميم إترك عنك هالسيارات تراها تشغل الواحد في نفسه وماله سواء كانت من الوكاله جديده او قديمه ... هالوقت الواحد يفكر بالصالح اللي يعينه مهوب بالطالح اللي يشقيه ويفقره... الحقيقه لاهي سيارت نفود ولا صحاري ولا تتحمل أجواءنا وغبارنا !!ممكن جبال ووديان وديرة بارده ... ولا يمشي ولا يسوقها الواحد إلا "بتؤده" تؤده هاذي لحالها يبي لها إنقليزي بكبره. والسلام.. هاذا ما عندي والله يدلنا وإياك على الخير.. على كل تعليقه الجديد هو و الرنج روفر والب إم والبورش والاودي والشله ذي كلها فاشل جدا وخاصة بالنفود مع مرتبة الشرف البريطانيه والالمانيه.

فيه ورشه راعيه أعرفه يصلح هالسيارات الانجليزيه وسعر قطع غيارها تصنف بأكقر من غير المعقول وفيها مبالغه يعني تشتري من موزع بعد وليس الوكاله طقم مساعدات امامي مع التركيب وخلافه بحدود 4800 ريال. غير أسعار المفاجئات مثل قطع إلكترونيه او حساسات او قطع ميكانيكيه وهنا لا تفكر إلا بالطعش وفيها...
أبو علي 444
28/09/2009, 02:38 AM
إذا دراهمك واجد ولايهمك يطيح سعره ولالا
اشتر وانت مغمض
ماراح تلقى افضل من مركب الاندروفر
بو خليفه
28/09/2009, 08:00 AM
انا من مالكي هذه السيارة سابقاً كان آخر سيارة عندي ديسكفري 2003م بعته لتغير الشكل ولاشريت الشكل الجديد بسبب انه لا يوجد في وكالة في الاحساء وعند البيع يطيح سعره لاني انا استخدم السيارة ثلاث أو خمس ثم ابيع و اشتري غيرها لان المصنع فقط يقول العمر الافتراضي للسيارات ثلاث الى خمس من 60 الى 100 ثم السيارة يبدأ الصرف فيها

ميزته
في الطريق والسرعات العالية ثابت راسي
في الرمال مريح مع قوة عزم عالية
بالنسبة مقارنة بالامريكي والياباني لا تقاس هي أفضل منهم بكل المقاييس

عيبه
يتغير الشكل ما يجب نصف سعره و هذا في جميع السيارات الاوروبية مثل المرسيدس والبي ام دبليو يتغير الشكل السعر يطيح
الوكالة فقط ثلاثة فروع في المملكة
لا يوجد قطع تجاري وبعض الاحيان التجاري بسعر الوكالة
الصيانة الوكالة تأخذ موعد و عندهم السيارة تنتظر معدل اسبوع
السيارة ستعمل فقط ثلاث او خمس سنوات تبيع او تعلف عليها و تفلس وعند البيع لا تترجى منها خير لان لا يوجد سوق


اقتراح
بسعره اشتر ارمادا أو برادو
لانهم فيهم ميزة عند البيع و الوكالات في جميع مدن المملكة