يا اهل الاكستيرا من قبيلة نيسان سؤال؟؟؟ وهل من مجيب؟؟

[عاشق اكستيرا]

السلام عليكم...


كيفكم شباب؟


انا كل ما دخلت موضوع للاكستيرا القى ما فيه مشاكل ولا سلبيات انا عندي طلب واحد ابي اعرف سلبيات الاكستيرا مهب من ناحية الديكور او ضيق بالمراتب الخلفية ابي شي بالمكينيك او تصميم الهيكل وانا من النوع اللي ياخذ حقه من الموتر بالزيادة يعني (يكرف أو يجلد الموتر) ينفع لي انا رجلي حاره


لاني ناوي اشريه

[عاشق اكستيرا]

وين الردود والاراء

[عاشق الكابتفا]

انا رديت عليك بالموضوع الاول
انا ما ادري عنه لاكن
هو مع قريبي ودايم انا معه زي اخوه
الصراحه المسكين خرب معه مرتين خربات قويه وهو جديد 2009 وما مشى الاعشرين الف بس
خرب مره حذافه وكلتش ومره الدفرنس والحين هو بالوكاله

[قرم العيال]

اسمع العلم ..
والله .. انه مع اخوي .. وما شاء الله يجور عليه

وما شكى ..

[اسهيل]

نولله انسان سيارة بس مشاكل الكهرب في الاونه الاخيره كثيره ممدري ليش يعني في النسان كثير الخراب وبخص الكهرب ايضا
وفي الباترول مع احد الزملاء القزوز ينسم وهو 2008 يعني عليك الحساب وش يخربها
انا معي مستبيشي باجيرو 2008 فيه مشاكل وهي صغر التانكي البنزين ايضا كبر الجنط فمايصلح مع الرمل بس ماشكيت شي مكانيكي ولله الحمد وسلم على التايوتا بس خذ من الخليج لا كهرب ولا غيره لا كن فيه عيب غالي تشتري بيت الحسن منه ودمتم ساليمن

[ahmad995]

والله ماعرف عنه شي لكن سيارة ماهي منتشرة بالسوق ابعد عنه
رجلك حارة او باردة لا تتعدى التويوتا
تضمنه بكل مكان وبكل وقت والضامن الله

[فارس العمور]

السيارة مجربه ومنتشره والكل يمدحها ويمدح قوتها وقوة محركها الجبار

السيارة من وردة وهي بدون عيوب مصنعيه لكن لكل قاعدة شواذ

يعني في احد المنتديات بدون ذكر فيه رابطه لمستخدمين الاكستيرا واشوفهم يمدحون بالموتر بشكل فضيع ويجلدونه جلد

ولا شفت احد يشتكي منه او فيه مشكله متكرره عند اكثر من واحد (عيب مصنعي)

[بن سليمان]

اشم ريحة ارانب ومناديب:D
الاكستيرا ينطبق عليه المثل اللي يقول الحي يحييك و والميت يزيدك غبن
خذ اكستيرا قير عادي اذا كنت تبحث عن سياره مصنوعه للبر وكل من جربه مدحه وانا بمشيئه الواحد الاحد ناوي لي على واحد:good:
وكلام بعض الناس مهوب نصه قطه في البحر الا كله قطه في البحر:j