استفسارلأصحاب الباترول 2009

[واثق الخطوه-]

السلام عليكم ورحمة الله وبركاته ،،
وكل عام وانتم بخير
عندي فتك 2009 يطلع صوت طقطقه ورا في الغماره وشكل الصوت من الابواب او من الغطاء حق الاستبنه هل سبق سمعتوه او بس في سيارتي علما اني دقيق في الاصوات ولا احب الصوت في السياره لعلي القا عندكم الحل وشكرا

[ابولولو]

اخوي واثق الصوت عادي معي فتك 2006 وفيه نصيحه ومجربه خذ لك لفه حقت تنسيم الهواء 20ريال وهي سوده وتلزق من جه وحده ولصق علي الابواب الخلفيه اي افتح الابواب الخلفيه ولزق من فوق علي البدي يمين ويسار وتشوف الفرق

[واثق الخطوه-]

اخوي واثق الصوت عادي معي فتك 2006 وفيه نصيحه ومجربه خذ لك لفه حقت تنسيم الهواء 20ريال وهي سوده وتلزق من جه وحده ولصق علي الابواب الخلفيه اي افتح الابواب الخلفيه ولزق من فوق علي البدي يمين ويسار وتشوف الفرق

يعطيك العافيه بس شكل الصوت من غطاء الاستبنه

[عاشق النفود 111]

وعليكم السلام ورحمة الله وبركاته

أخوي الله يعافيك أفتح البيبان الخلفية وحط شحم في الدقاره إلي في نفس الباب

الصغير وحط شحم خفيف على المفصلات أو حط على المفصلات بخاخ 4w

الاصلي موجود عند حقين قطع الغيار ..

راح تنسى صوت صرصرة أو طقطقة البيبان الخلفية ..

كان عندي صوت طقطقه خفيفه جدا ولكنها مزعجه مع هدوء السيارة من الداخل

حاطيت شحم على الدقاره إلي في الباب الخلفي الصغير من بداية شهر 8 وللحين

ما فيه أي صوت ..

ما انت خسران أقرب بنشري وبأصبع واحده حط الشحم على الدقاره

ولا تنسانا من الدعاء .. بارك الله فيك

[ahmad995]

باترول لا تستغرب منه الطقطقه
لكن واحد من العيال يقول انه الباب الخلفي طايح الربل حقه

[ساري 111]

الطقطقه شي اساسي بالباترول إلا من رحم ربي

عندك الباب الخلفي و الستبنه والمراتب الخلفيه ومرتبه الراكب بعض الاحيان ومكينه قزازه باب السواق لابد منها في الباترول

خلك مشغل المسجل ع طول ولاتتدقق راح تتعب كل يوم بيطلع لك صوت

[ابونايف الروقي]

السلام عليكم


انا معي فتك 2009 وعندي نفس المشكله
بس حليتها وبعلمك الخطوات ..
1- لف شطرطون على قاعدة الاقفال السوداء الي يدخل فيها القفل .. الثلاث الي ثابته في البدي على شكل حرف U .. الي فوق والي تحت والي في باب الاستبنه بس خفيف لا تكثر شطرطون تقريبا لفتين بس
2- خذ لك فلين من الي تجي مع الاجهزه الكهربائيه الي في الكرتون بس لايكون خفيف مره خذ واحد يكون شويه قاسي وقصه على شكل قطع اصغر من كف اليد ودخله بين غطاء الاستبنه الفيبر وبين الباب الخلفي الي فيه الاستبنه من فوق واحد ومن جنب عند الاسطب الايمن واحد ومن تحت واحد ..بس حاول انه يكون مقاسه مناسب لا يكون صغير عشان ما يطيح من الهواء والغسيل ولا سكون كبير يكون صعب ادخاله ..
3- فك غطاء الاستبنه وتاكد من الفلين الداخلي الي يمكسك الغطاء لا يطلع صوت اذا كان موجود اوكي اذا مو موجود لصق مكانه فلين من برا ..
وارجع غطه بس قبل تقفله قص فلين وخله سخيف شوي يعني ممكن 2 سم وحط الفلين بين الغطاء الي ينفك والغطاء الثابت الي فيه الاستبنه .
4- تاكد من عدة العفريته والخنبقه الي معها شف هل هي ثابته والا لا وحاول تلفها بقطعه قماش عشان ما تقرقع ..
5- تاكد من ان المراتب الخلفيه راكبه صح في مكانها وشيك عليها بمفتاح .

واتمنى اني اكون افدتك بشي


اخوك
ابونايف الروقي

[الادعج]

ما ازيد على كلام اخوي الروقي .....انا كانت عندي نفس المشكلة بالضبط وموديل موتري نفس موترك وجربت كل انواع البخاخات ما فاد شي الين ما دلاوني المكشاتية على طريقة الشطرطون... .... ....
وطيب والعمل...
تروح للبقاله اللي جنب بيتكم وتقولة عطن شطرطون اسود بريال ثمن تروح وتفتح باب الفتك الخلفي تلاقى ثلاث حلقات فضية على شكل حرف U وحدة فوق بالبدي ووحدة بالنص بالباب الايمن الكبير ووحدة تحت بالبدي تقوم وتلفهن بالشطرطون دار ما دار لفتين الى ثلاث لفات بس وارجع اقول بس لانك لو زودت مثل ما سويت انا بالبداية ما راح تستفيد شي همن عاد صك الباب ودق سلف وهذا وجهي ان سمعت الصوت مرة ثانية ^اسأل مجرب^ ولا بخاخات ولا شحم ولا هم يحزنون ياربي لك الحمد لي الحين حول 6 شهور ما سمعت الصوت ابد ابد

[واثق الخطوه-]

السلام عليكم



انا معي فتك 2009 وعندي نفس المشكله
بس حليتها وبعلمك الخطوات ..
1- لف شطرطون على قاعدة الاقفال السوداء الي يدخل فيها القفل .. الثلاث الي ثابته في البدي على شكل حرف U .. الي فوق والي تحت والي في باب الاستبنه بس خفيف لا تكثر شطرطون تقريبا لفتين بس
2- خذ لك فلين من الي تجي مع الاجهزه الكهربائيه الي في الكرتون بس لايكون خفيف مره خذ واحد يكون شويه قاسي وقصه على شكل قطع اصغر من كف اليد ودخله بين غطاء الاستبنه الفيبر وبين الباب الخلفي الي فيه الاستبنه من فوق واحد ومن جنب عند الاسطب الايمن واحد ومن تحت واحد ..بس حاول انه يكون مقاسه مناسب لا يكون صغير عشان ما يطيح من الهواء والغسيل ولا سكون كبير يكون صعب ادخاله ..
3- فك غطاء الاستبنه وتاكد من الفلين الداخلي الي يمكسك الغطاء لا يطلع صوت اذا كان موجود اوكي اذا مو موجود لصق مكانه فلين من برا ..
وارجع غطه بس قبل تقفله قص فلين وخله سخيف شوي يعني ممكن 2 سم وحط الفلين بين الغطاء الي ينفك والغطاء الثابت الي فيه الاستبنه .
4- تاكد من عدة العفريته والخنبقه الي معها شف هل هي ثابته والا لا وحاول تلفها بقطعه قماش عشان ما تقرقع ..
5- تاكد من ان المراتب الخلفيه راكبه صح في مكانها وشيك عليها بمفتاح .


واتمنى اني اكون افدتك بشي


اخوك

ابونايف الروقي



يعطيك العافيه على المعلومات والله يجزاك خير

[واثق الخطوه-]

ما ازيد على كلام اخوي الروقي .....انا كانت عندي نفس المشكلة بالضبط وموديل موتري نفس موترك وجربت كل انواع البخاخات ما فاد شي الين ما دلاوني المكشاتية على طريقة الشطرطون... .... ....
وطيب والعمل...
تروح للبقاله اللي جنب بيتكم وتقولة عطن شطرطون اسود بريال ثمن تروح وتفتح باب الفتك الخلفي تلاقى ثلاث حلقات فضية على شكل حرف U وحدة فوق بالبدي ووحدة بالنص بالباب الايمن الكبير ووحدة تحت بالبدي تقوم وتلفهن بالشطرطون دار ما دار لفتين الى ثلاث لفات بس وارجع اقول بس لانك لو زودت مثل ما سويت انا بالبداية ما راح تستفيد شي همن عاد صك الباب ودق سلف وهذا وجهي ان سمعت الصوت مرة ثانية ^اسأل مجرب^ ولا بخاخات ولا شحم ولا هم يحزنون ياربي لك الحمد لي الحين حول 6 شهور ما سمعت الصوت ابد ابد

يعطيك العافيه

[صرقوع]

السلام عليكم

كلام اخواني صحيح
بالنسبه لي انا حطيت شحم بلجيكي الاصلي وراح الصوت
طبعاً حطيت داخل الاقفال الثلاث اللي ذكروهن اخواني