المساعد الشخصي الرقمي

مشاهدة النسخة كاملة : أقرب واحد من القصيم يفزعلي..........


طير رمان
10/09/2004, 03:39 AM
السلام عليكم ورحمة الله وبركاته
تكفون ياأهــــــــــــــــــل القصيم أفزعولي...
أبي أحسن وأحد بالقصيم يضبط توانك الماء على السيارة.....
أبي وصفه بالضبط لاني الصراحة ما ادل بالقصيم.......
نمر بن حثلين
10/09/2004, 06:40 AM
حياك الله

وش تبي من توانك يا طير ؟

عموما
احسن ورشة تسوي توانك الحديد هي ورشة الوادي بالرس
واحسن ورشة تسوي توانك الالمنيوم هي ورشة الضويان بالرس
واحسن ورشة تسوي توانك الستيل عند محل عروق الشمال للرحلات ببريدة
الروضة
10/09/2004, 08:41 AM
أخوي طير رمان
عليكم السلام ورحمة الله وبركاته
ماذكرت نوع سيارتك
والسلام
طير رمان
10/09/2004, 01:28 PM
السلام عليكم ورحمة الله وبركاته
مشكور أخوي نمر على هالافادة الطيبة ، وعزالله إنك فزعتلي يالنمر...
والله يعافيك....
ومشكور أخوي الروضة على الرد، أما بالنسبة لنوع السيارة فهي دادسن...
والله يعطيل العافية...
الروضة
10/09/2004, 01:42 PM
وعليكم السلام ورحمة الله وبركاته
مادام سيارك دادسن فاالدعوى سهله يعني مافيه تعقيد أي واحد من الحدادين يضبطها لك
والوصف هو إذا دخلت بريدة من الجنوب ( طريق عنيزة ) وتعديت جامعة الإمام بعد ثاني إشارة على يمينك محلات تفصيل التوانكي لجميع أنواع السيارات ( قبل الإشارة الثالثة بقليل )
والسلام
اشهب
10/09/2004, 11:15 PM
اذا سيارتك عراوي دور الرخيص لان ماتبي له فن
وممكن تسويهن بديرتك
طير رمان
11/09/2004, 01:16 AM
السلام عليكم ورحمة الله وبركاته..
مشكور أخوي (الروضـــة) على هالوصف والصراحة ماقصرت والله يعافيك....


مشكور أخوي (أشــهب) على مرورك والله يعطيك العافية...
نمر بن حثلين
11/09/2004, 08:47 PM
اعتذر حصل خطأ
توانك عروق الشمال المنيوم مب استيل

ودام السياره ددسن فهي ما تبي حرافه
وعلى شور الاخوان مر الورش الي بطريق عنيزه ارخص لك
طير رمان
12/09/2004, 01:09 AM
السلام عليكم ورحمة الله وبركاته...

مشكور أخوي( نمربن حثلين ) والله يعطيك ألف ألف عافية...

والشكر موصول للجميع...
بــرق الشمال
19/09/2004, 01:59 PM
مساك وصبحك الله بالخير اخوي طير رمان......بالنسبه للتانكي
كانك قريب من الرياض في محلات مماتزه وتفي بالغرض وخصوصا
(للتانكي ستيل)مثل محل الزايدي مماتز بالمره وانامركب عنده وفيه ايضا
المميز(جيد)وفيه المواهب(مماتز بس غالي شوي)اما كانك ملزم الى بالقصيم
ففيه محل عروق الشمال(ببريده)والضويان (بالرس)وايضا الرحيلي ببريده
وكانك حول حايل ايضا يوجد محلات جيده وافضل وانا اخوك اذا
ركبت التانكي انشاء الله على خير تلبسه قماش تنزاني ويحطونلك ايضا عازل
فيصير دافي بالبرد شوي وايضابارد بالصيف(اقل حراره)والمحلاتواجد اللي تلبس
منها السنيدي وعروق الشمال والغنام ببريده وان كانك تبي تلبسه بالرياض
ففيه اليوسف او السنيدي بالغرابي
طير رمان
19/09/2004, 02:30 PM
السلام عليكم ورحمة الله وبركاته...

أخوي برق الشمال الله يعطيك الف الف عافيه وعزالله انك ماقصرت وفيت وكفيت يالغالي...

وتقبل تحيات اخوك...

طير...

رمان...