المساعد الشخصي الرقمي

مشاهدة النسخة كاملة : باترول 2007


الأول دوماً
29/09/2009, 03:13 PM
السلام عليكم ورحمة الله وبركاته
حبايبتا أصحاب الباترول 2007 وأهل الخبرة عندي مشكلتين أبغى حلها

الأولى:أول ما أمشي يكون العزم ضعيف وكأن الدعسة مكتومة وأحياناً إذا زرّيت عليه ودّه يطفى ثم تسلك الأمور(في البداية فقط)؟ هل هي من البخاخات أو البواجي أو نوعية البنزين الأخضر...
الثانية: قبل الوقوف يطلع صوت طقة في الجير (القير أتوماتيك).

أفتونا مأجورين؟؟؟
ربي يسعدكم ويحفظكم ::d
ابوحمد666
29/09/2009, 03:38 PM
المشكله الاولى تاكد من فلتر الهواء يمكن متسخ,,وفلتر البانزين,,, اما البواجي لا تغيرها حتى يمشي 250 الف والبخاخات لا تقربها وتحركه فيها شي لان المشكله ليست منها مهما قالك اكبر مكيانيكي بالعالم
المشكله الثانيه عاديه جدا الطقه عند الوقوف عند الاشاره وكذلك عندما تكون السياره واقفه اي نقل القير من دي الى ان
تحياتي لك
ميمون111
29/09/2009, 04:32 PM
هاذي ياطويل العمر مشكلة في الكهرب
بالظبط مادري
بس شيك على الكهرب
ولا تنسى اسلاك البواجي
القناص 3626
29/09/2009, 07:00 PM
الله يعينك
المشكله الاولى شيك على حساس الدعسه با لكمبيوتر فحص 100
المشكله الثانيه صوت الطقه طبيعي على ذمة الوكاله قالو لي كذا
اخوك ابو فيصل
صرقوع
29/09/2009, 08:40 PM
السلام عليكم

الكتمه هذي مشكله وخصوصاً التماتيك لانه يكون مريح مثلاً بالثالث بعدين تدعس يكتم ويرد لثاني

انا سألت مكانيكي معروف قالي ثلاث اشياء
الاول فلتر الهواء
الثاني حساس الهواء
الثالث اللهاة
هذا والله اعلم
بالنسبه لي ابجرب اغير الفلتر وان شاء الله يكون منه
geneve2007
29/09/2009, 09:24 PM
الله يعطيكم العافيه
ابو انس111
29/09/2009, 11:18 PM
حل المشكله الثانيه بإذن الله
تشحيم عامودي الكردان
سوبر مكشات
30/09/2009, 03:44 AM
الظاهر منظم الهواء
قطعه صغيره بس نسيت وين مكانه يمكن عند فلتر الهواء
مساح الحزوم
30/09/2009, 09:46 AM
ولا أزيد على كلام الأخوان بس فيه حركه سواها فيني جنن الكهربائيين والميكانيكيين عموماً كان بعد مايتعدى 140 يكون فيه تقطيع كأنه تقطيع بنزين وهو واقف مافيه أي مشكله صافي بس بعد 140 تجي المشكله
اللي قال بواجي وانا مو مقتنع واللي قال طرمبة بنزين وغيرتها ولا طلع منها واللي قال حساسات وكويلات وجربت بدلت مع فتك ثاني ونفس المشكله بالأخير طلع فيش الديلكو مرتخي شو كبسته صح وصار 100%100 للمعلوميه الكمبيوتر مابين فيه شيء أبد لذالك تأكد أخوي قبل
ذيب عالية نجد
30/09/2009, 11:29 AM
السلام عليكم
المشكلة الأولى فبالتأكيد من صفاية البنزين
أما المشكلة الثانية والله ياخوك ماعندي خبره في هالموضوع
تحياتي لك
الأول دوماً
04/10/2009, 09:47 AM
أشكر الجميع على الرد كفيتوا ووفيتوا لا عدمناكم
سعد777
04/10/2009, 10:15 AM
الطقه شي طبيعي لا تشيل هم

لنك تجي وتهدي بسرعه فالقير ينزل من نمره اعلى إلى اقل نمره بدون تتدرج بيصير هاذا الشي بعض الأحيان لأكن انت جرب توقف بتدرج صدقني اتسمع الطقه
الأول دوماً
04/10/2009, 10:38 AM
الطقه شي طبيعي لا تشيل هم

لنك تجي وتهدي بسرعه فالقير ينزل من نمره اعلى إلى اقل نمره بدون تتدرج بيصير هاذا الشي بعض الأحيان لأكن انت جرب توقف بتدرج صدقني اتسمع الطقه



سعد 777 الله يسعد أيامك