المساعد الشخصي الرقمي

مشاهدة النسخة كاملة : سؤال لأهل المعرفه


الطرفيه
29/09/2009, 05:55 PM
إذارتفعت حرارة السيارة وصلت أتش:eek: مالأحسن أطفي السياره أم أصب على الأديتر ماءوفك غطاء الأديتر إذا صار البلف مقفل واخليه لماتبرد وأطفي السياره مالأحسن؟؟؟
الطرفيه
29/09/2009, 10:11 PM
للرفع الله يرفع قدركم
جلجونيا
29/09/2009, 10:19 PM
طف السيارة على طووول وانتظر لم تبرد ثم افتح الغطاء ثم شغل السيارة وزد ماء الرديتر
الطرفيه
29/09/2009, 11:44 PM
طف السيارة على طووول وانتظر لم تبرد ثم افتح الغطاء ثم شغل السيارة وزد ماء الرديتر
مشكور ياخوي لكن هل جوابك مبني عاى معرفه بالمكينكا؟
نتطلع لمزيد من المشاركات:)
قاصد الصمان
29/09/2009, 11:56 PM
الصح عدم تطفية السيارة

ويصب على الاديتر ماء حتى تنزل الحرارة والسيارة شغالة

والحذرررررر من فتح الأديتر الا بعد ان يبرد لأن في ذلك

خطر لأن الماء يغلي داخل الأديتر
الطرفيه
30/09/2009, 12:07 AM
مشكور ياقاصد الصمان وهذا يرتاح له القلب أنك تصب ماء على
الإديتر لم يبرد الموتر ثم طف الموتر 0 نتطلع للمزيد من أهل التخصص والخبره
رعد الصحراء
30/09/2009, 03:50 AM
تطفي السياره لين تبرد
بعد ما تبرد تشغل السياره وتفتح غطاء الاديتر وتصب الماء
نصيحه يا اخوان لا تفتح غطاء الاديتر والسياره مرتفعه حرارتها
انتظر لين تبرد السياره
تـقبل مروري
راعي الهدد 77
30/09/2009, 04:26 AM
اخطر شي انك تفتح غطاء الرديتر والسيارة حاارة

لانك اول ما تفتحة راح تطشر على خشتك موية تغلي :D .. وبعدها الله يعينك دور اقرب مستوصف ..

لذلك صب موية على الرديتر لين تبرد السيارة وبعدين افتحة بس خلك حريص يعني وانت تفتحه تكون بنفس الوقت ضاغط على الغطاء تجنبا لخروج الماء بقوة وارفع الغطاء بشويش ... وزد على موية الرديتر لين ما تطلع الموية القديمة وراح تلاحظ انه يكون لونها برتقالي ..

عموما اسف ع الاطالة واتمنا اني اكون افتدك اخوي ..

تقبل مروري ..

اخوكـــ(راعــــي الــــهــــدد 77)ــــ
أبو عابد2000
30/09/2009, 05:52 AM
بحكم تجربتي إذا ارتفعت الحرارة وقف وطف المكيف وخل السيارة شغالة علشان المروحة تبرد وصب على الرديتر ماء :)
أبوياسر1
30/09/2009, 06:03 AM
اذا ارتفعت حرارة السيارة...

اصحك تطفي السياره وهي محتميه..
لأنكـ لاطفيته وش يبرده؟؟..لا مروحة تشتغل ولا ماء الاديتر يتحركـ بمجاري المكينه..

الصحيح انك تطفي المكيفات.. وتفتح الكبوت وتنتظر لين تخف الحراره
همن عاد تطفيه..

اتمنى إني افدتكـ.. تحياتي لكـ ,,,
الرسيفر
30/09/2009, 06:10 AM
لا تطفي السيارة والحرارة مرتفعة يجب عليك أن تبردها ومن ثم تطفئ السيارة
الطرفيه
30/09/2009, 06:24 AM
رعد الصحراء
راعي الهدد
ابوعابد
داكن
الرسيفر


مشكورين على المرور :) نتطلع المزيد من المشاركات حتى تعم الفائده الجميع:cool:
قطب 999
30/09/2009, 07:17 AM
يعتمد اذا الحراره مرتفعه لان الثيرموستات قافل لازم تطفي السياره في الحال اما اذا المويه مهربه لازم تطفي السياره وحسب العطل المتوقع وبعض السيارات من المكيف فيلزمك اطفائه اما من يجهل فعليه ان يطفئ السياره والوقوف فتح الكبوت واصبر لك شوي تشوف المكينه والخراطيش ممكن تبين العطل همن افتح غطا الاديتر بعد ما تصب عليه ماء للتخفيف من البخار وحط لك قماش يحجز الماء الحار والبخار وافتحه حبه حبه اذا بدا يطلع بخار وقف حتى يخلص
الطرفيه
30/09/2009, 02:13 PM
أخوي قطب
مشكور على المرور نتطلع المزيد من المشاركات
بدوي جنوبي
30/09/2009, 04:03 PM
لازم تتاكد من سبب الارتفاع

مثلا عندك تهريب زيت في صوفة الكرنك
وانت عارف ،،، وارتفعت الحراره الافضل تطفى المحرك على طول

اما اذا كانت الحراره بسبب قطع السير او وجود تهريب ماء
وقف السياره وأطفئ المحرك ،،، افتح الكبوت
اذا كانت مزوده بمراوح كهرب اتركها شغاله (افتح السوتش بدون تشغيل )
صب ماء على الاديتر ولو انه ما يبرد كثير ،، انتظر فترة 5 دقائق
انظر لعداد الحراره ،، اذا لاحظت ان الحراره انخفضت
وبأمكانك تشغيل المحرك بأمان ،،
شغل المحرك ،، وحط قطعة قماش سميكه على غطاء الاديتر
فك الغطاء نص لفه (الطقه الاولى) انتظر حتى يتفرغ الهواء
ويقل الضغط الحاصل من الحراره ،، فك قربة الماء الاضافى
اذا كان الماء ناقص،، اضف ماء فاتر(مويه عاديه من البزبوز )
صب الماء على خفيف (ممكن يحصل شُعر بالراس او بالسلندر لان الماء يعتبر بارد )
صب شوش شوي والمحرك شغال طبعا ،،،

وبعد الاصلاح حرك سيارتك وانت مطمئن

بالتوفيق
الشهامه
30/09/2009, 04:41 PM
الصح عدم تطفية السيارة



ويصب على الاديتر ماء حتى تنزل الحرارة والسيارة شغالة


والحذرررررر من فتح الأديتر الا بعد ان يبرد لأن في ذلك


خطر لأن الماء يغلي داخل الأديتر



كلام مزبووووووووووووووووط .
الطرفيه
30/09/2009, 05:05 PM
مشرفنا بدوي جنوبي
الشهامه
مشكورين على المرور العطر نريد المزيد من المشاركات للفائده