ميزة حفظ الاعدادات في ايكوم 8000

[راعي عنيزة]

السلام عليكم

توجد ميزة في ايكوم 8000 ممتازة للاخوان الي يقطون في جهاز واحد ;)

لنفرض انك تستعمل الجهاز ولك اعدادات معينه
مثلا :
- البحث على 25
- لون الشاشه اخضر
- درجة الاضاءه عالي
- الارسال على low
- التشويش (الهوا) مفتوح

ولنفرض ان زميلك يستعمل نفس الجهاز ويفضل اعدادات اخرى
- البحث على 12.5
- لون الشاشه برتقالي
- درجة الاضاءه منخفض
- الارسال على med
- التشويش (الهوا) مقفل

بدلا من اضاعة الوقت في تعديل الخيارات المناسبه لك بعد كل مرة يستعمل فيها زميلك الجهاز
قم بعمل اعداداتك ثم اضغط على زر f1 في الريشة لمدة ثانيه
وقم بعمل اعدادات زميلك واضغط على زر f2 في الريشه لمدة ثانيه

وعندما تريد استخدام الجهاز فما عليك سوى ضغط زر f1 وتجد اعداداتك مطبقه
واظغط زر f2 وتجد اعدادات زميلك مطبقه

وفي الختام اشكر اخي ابو عبدالله على اخباري بهذه الميزه ;)

[brems18]

والله جميل جداًً وبالأمكان ثلاثة واربعه اعدادات
وفقك الله ياراعي عنيزة
اخوك brems18

[حامض]

تسلم على هالمعلومه الحلوة

انا خذت لي جهاز نفسه من اسبوع من الاحساء بـ 880

والله جيد ......وعرفت فيه اشياء جميله بس عندي مشكلتين

في بعض الموجات يطلع لي + او - ولين كبست بالمايك يكبس فوق 600 او تحت 600

على كل حال الطريقة اعرفها واعرف ايش فايدتها مالقيت الا حل واحد واهوه اني اروح المنيو

واشل او ابدل من 600 الي 000 والحين عادي ارسل فيه

والشي الثاني لو بغيت اخزن الموجات كيف .........ز اتبهدل معاه الصراحه

ممكن حد يعلمني .............ويعطيكم الف عافية:rolleyes:

[راعي عنيزة]

بريمس18
حياك الله وتسلم يا خوي :)

حامض حلو يا اللومي ياللومي :D
اول شي على البركه الجهاز
ثاني شي الايكوم8000 يجي فيه اعدادات ربيتر اتوماتيكيه مخصصه لامريكا وهذا السب الي يخليه بعض الترددات يشغل فيها dup+ او dup- لكن تستطيع تلغيها بالشكل الاتي
طفي جهازك
اضغط على زر set في الجهاز وانت كابس عليه افتح الجهاز
بتطلع لك قائمه قلب فيها لحد ما تحصل
RPT وبتكون على R1
انت حطها على OF
اضغط على زر اطفاء وفتح الجهاز

وبكذا تكون الغيت الربيتر الاتوماتيكي



ولتخزين قناة بسرعه مع امكانية الصعود فوقها 25 والنزول 25 بحريه بامكانك تخزينها على طريقة F1 او F2 الي شرحتها فوق حيث انها تخزن الاعدادات مع رقم القناة

او بالطريقة العاديه
في الريشه اكبس على زر VFO/LOCK
اكتب رقم القناة
اظغط FUNC بعدها MW CLR A لمده ثانيتين
بتحصل رقم الذاكره يؤشر قم بتحريكه الى ان تصل الرقم المناسب لك
اضغط FUNC بعدها MW CLRA لمدة ثانيه
بتسمع صوت رنه

وبكذا تكون خزنت المكتب

[فرد حمزة]

يرفع
طريقه حلوه بجربها :)

ومجزي الخير يامال الخير :)

[راعي عنيزة]

يا مال التسلم يا بو حمزه

وبالنسبه للطريقه فهي حلوه ايضا لتخزين مكتبين
مثلا تحط f1 146050 و f2 145850
وبمجرد الضغظ على f1 او f2 تروح للمكتب بسرعه ومع امكانيه انك تنزل تحته وترقى موب مثل المكاتب المخزنه بالجهاز لو قالك احد انزل خمسه وعشرين بلشت :rolleyes:

[Icom 2800H]

السلام عليكم ورحمة الله وبركاته

راعي عنيزه بيض الله وجهك وتسلم على هالمعلومات النافعه
ماشاالله البتار مستلم 1200 ICOM، وانت مستلم 8000 V عيني عليكم بارده

إن سمحت لي ابسألك عن نقطه ماعرفتها وهي:
عندما اضغط M/CALL تظهر لي ثلاثة انضمه ، فما هذا النضام WX 1----10
وما الفائدة منه .

اخوك الصغير
Icom 2800

[راعي عنيزة]

تسلم يا غالي ايكوم 2800

هذا النظام وانا اخوك للخواجات مهب لنا ;)

فيه قنوات في امريكا تبث تقارير عن الاحوال الجويه وهذا النظام مخصص للاختيار بين تلك القنوات

[Icom 2800H]

مشكور يا استاذ/ راعي عنيزه

الله يخـــلف علينا ,

على كذا اجل الاجهزه الموجوده بالسوق عندنا هذي زايده عن حاجة امريكا واشباهها !

حتى مواصفات الاجهزه التي تدخل بلادنا مالنا حق نطلبها ؟؟؟ الله يكون فالعون .

[فرد حمزة]

جربتها يا جدي
لكن ما ادري ليش ما تتغير الأعدادات :(
وحده قفلت الهوى والثانيه فاتحه والنزول وحده 5 والثانيه 25 ... لكن مايتغير إلا اللون بس

ما أدري وش السبب ؟:(
بجرب مره ثانيه بتكي عليها :D

[راعي عنيزة]

اذا سويت الاعدادات الي تبي اكبس على زر f1 او f2 وطوووووووول شوي في الكبسه يا جد جدي ويظبط معاك ;)

[فرد حمزة]

يا ابو حمد يعافيك ربي
سويت اللي قلته

النقزه من 5 إلى 25 تمام ...:)
اللون من البرتقالي إلى الأزرق تمام <---- الأخضر :D
النقزه بين المكاتب تمام
لكن قفل وفتح التشويش ما زبطت ؟ لازم أفتح وأقفل يدوي :(

وش الدبرة ؟

[المطيور]

سلام عليكم كيف حالكم ان شالله طيبين يعطيك العافيه يا راعي عنيزه ما قصرت والى الامام ان شالله