المساعد الشخصي الرقمي

مشاهدة النسخة كاملة : ملحقات المقطورات ؟؟؟؟ توجد صور


khalaa2u
29/09/2009, 09:11 PM
السلام عليكم ورحمة الله وبركاته

اخواني المكشاتيين اتمنى تكونون بتمام الصحة والعافيه
انا ادور على جيكات للمقطوره وهي اللي اذا جيت توقف المقطور تنزلها عليها ولما رحت للقاضي لقيتها عنده ولكن غاليه جدا وقصيره وماتتحمل وزن عالي ورحت لأوتو ستار بالدمام ولقيتها ب 650 ريال وهي بالنترنت ب 53 دولار تقريبا 200 ريال هي موجوده بامريكا واسعار حلوه واوزان عاليه جدا لكن المشكله الشحن فياليلت اللي يعرف وين ممكن القى الانواع الجيده وتكون تتحمل وزن اكثر من 1000 كيلو وتراها للمقطورات الصغيره مو للتريلات وبكم ومكان المحل طبعا في السعوديه ومو مشكله اذا في الامارات او الكويت وشاكر لكم تعاونكم

الصور

http://shop.easternmarine.com/images/product/9517.jpg (http://javascript<b></b>:;)

http://shop.easternmarine.com/images/product/9761.jpg (http://javascript<b></b>:;)وشكرا لكم جزيل الشكر
دغيم1
30/09/2009, 10:38 AM
السلام عليكم ورحمة الله وبركاته
حياك الله أخوي
إحتمال كبير تحصل مطلوبك هذا عند تجهيز السيارت الكبيرة مثل التريلات
لأنهم يستخدمونها
ولو مريت على العليان والسليماني والمحلات اللي بجنبهم في الجهة الشمالية الشرقية من الغرابي
تمنياتي لك بالتوفيق
تحياتي
hasham
30/09/2009, 10:47 AM
أسعد الله أوقاتك أخي العزيز .
لماذا لا تفكر في (ترهيم) القاعدة . فكما تعلم هناك تروليات مصنعة بالكامل محلياً . بما في ذلك القاعدة . وسواء كانت مقطورة صغيرة أو ترولي ففكرة الرافعة بسيطة وممكن ترهيمها بسهولة وبتكلفة منخفضة .
فكر في مرور ورش تصنيع المقطورات . وهي منتشره بكثرة في المدن الكبيرة . وحتى بعض المدن الصغيرة بها ورش تصنّع بيوت متنقله كما تعلم .
أتنمى أن يكون ردي مفيد لك .
هويدي
30/09/2009, 11:54 AM
600 واجد على هالعفريته

مالك الا زي ماقالو الاخوان رهملك واحده وشف شارع العويضه بالصناعيه القديمه بتلقى عندهم ضالتك ان شاء الله محلات متخصصه بزينه ولوازم التريلات
ملف علاقي
30/09/2009, 11:57 AM
تحياتي اخوي ابشرح لك طريقه سويناها باالمقطوره الي عندنا الصراحه بهذلتنا الرافعه الي جايه معها لا جاها رمل صارت ماترفع لو رفعها ثلاث رجال جا واحد من الربع سوالنا وحده ترفع حتي طن ونص وماعدت قيمتها 250ريال راح التشليح ودور علي عفريته حق مرسدس المانيه الي تجي واقفه وخذاها وداها ورشة حداده وفكو القديمه وركبو الجديده بطريقه جيده وانحلت المشكله بأقل التكاليف ولا زالت تعمل لها اكثر من سنه0
ابوهادي11
30/09/2009, 02:09 PM
اخوي هذا الموقع يطلبها لك وتوصلك الى المكان اللي تبي واهو بالكويت ومضمون ميه بالميه

http://www.q8dok.com/
Avalanche
30/09/2009, 03:51 PM
طلبك موجود عند ....

http://www.mekshat.com/pix/upload03/images127/mk34212_ww.jpg

وبسعر ممتاز جدا ....

الموقع : الشرقية - الراكة

بالتوفيق
بو خليفه
30/09/2009, 03:58 PM
في الرياض سعرها في حدود 50 - 100 ريال
khalaa2u
01/10/2009, 03:11 PM
شكرا لجميع من رد علي وجزاكم الله خير مشكلتي اني مفصل مقطورتين كبار الله يعزكم دورات مياه كل وحده طولها 4 متر في 2.5 عباره كل وحده عن دورتين مياه ومكلفتني كثير جدا جدا جدا

أخوي دغيم شكرا على الرد وانا مريت محلات التريلات ولكن للأسف ماعندهم الا جيكات التريلات فقط

أخوي Hasham شكرا لك على الرد ولكن الترهيم مو مفيد الى هذيك الدرجه زي الاصلي واللي يتحمل اوزان عاليه مثل الامريكي اللي يتحمل الى اكثر من 3 طن للرفع وللتثبيت 5 طن

هويدي بيض الله وجهك وانشاء الله قبل لا اطلب بمر شارع العويضه

ملف علاقي جزاك الله خير على الفكره

ابو هادي 11 بيض الله وجهك


اخوي Blazer-K5 شكرا لك اخوي ولكن المحل اللي قلت عنه شريت منه راس ثاني يوم اخترب وانفك القلص من الموتر وبغيت اعدم اكثر من 100 سياره وربك الحمد لله ستر علي وعلى المسلمين وفكني من مصيبه كانت وشيكة وبعدين اللي عنده مافيهن طول ومايتحملن وزن عالي انا لقيت عند القاضي لاكن اقصى وزن يتحمله 400 كيلو

بو خليفه شكرا لك واظاهر اني ببحث عنها بالرياض قبل لااطلب