نداء وطلب المشورة من اصحاب الربع الباترول

[ابن عكاش]

السلام عليكم ورحمة الله وبركاتة
حي الله الشباب ان شاء الله بخير
ودي اسألكم عن الجيب الربع النيسان من موديل 2005 وطالع من جميع النواحي للي جربوه
العزم التحمل السعة صرف البنزين المشاكل قطع الغيار القيادة في الطرق السريعة يعني الموتر وشو من لحيه
الله لايحرمكم الأجر على تفاعلكم
اخوكم ابوصقر

[ابن عكاش]

للرفععععععععع

[ماكسس 900]

هلا ومسهلا أخوي
العزم ممتاز وأن بغيت يفتح جادة وقوة الدفرنسات أنك تقدر ترقى طعس بالأول وأمبير الظغط على 3

التحمل والله وأنا أخوك انه فيه طربقه خفيفه(( مع الوقت)) لكن الي يبي يطلع النخل براسك الباب الخلفي وكلها حلها تربيط كل 6 شهور وتحمل المكينه ممتاز جدا لدرجة انه مره نقطع علي سير المروحه ومشيت تقريبا حول عشر دقايق (( ما انتبهت)) والحراره اتش ولو انه موتر ثاني تتشعر راس المكينه أو يختلط الماء مع الزيت وشف هو ماشي معي مثل العسل
من ناحية السعه تبي مراتب طول ولا عرض؟ ان كان طول ضيق للركاب ووسع للأغراض لكن أوسع من مراتب الربع (( طول ))
وأن كان عرض يشيل لك ورى ثلاث رياجيل بالراحه ووراهم عزبه كامله (( تقريبا مابين الباب الخلفي والمرتبه 35 أو 40 سم))
وصرف البنزين لله يعينك يشرب شرب اليهود والحل أنك تعبي 95 وتركب فرارات ومراوح كهرب )) ويبي يصير صرفيته مثل الأربعه سلندر (( مجربها ))
قطع الغيارسعرها لابأس ومتوفره وأن كانت أغلى من التويوتا لكن شي بسيط مثال (( صدام أمامي بــ700 بعد الخصم ولاتنسى أنه جيب لأنه هذا سعره ))
والقياده ماشاء الله راسيه ومريحه عكس الربع تويوتا اذا وطيت مطب تناقز لين تاصل باب بيتكم
يعني الموتر كله على بعضه مهب شين لكن أهم شي نك تسوي تعديلات الفرارات والمراوح وتعبي 95 عشان صرفية البنزين
أتمنى أني أفدتك

[المنيعي1]

شرحك وافي وجزاك الله خير بس أخالفك في صرفيت البنزين على اي اساس بنيت انه يصرف بنزين المقياس الحقيقي لصرف البنزين الكيلو أذا كانت سرعتك 140 على خط يمشي بك التانكي 450 كلم وهذا ممشا جيب نيسان وتايوتا كله نفس المسافه ونفس الترات
بس مشكلتنا نسمع ونعمم على البترول انه كله يصرف وهذا غير صحيح مشكلت الصرفيه في الباترول كانت في المديلات القديمه اما الجديده لاتصرف

[ماكسس 900]

حياك أخوي
من ناحية ان الجيب الجديد مايصرف عكس القديم كلامك صحيح وهل نقارن البخاخ بالكربريتر
وأنا معي الجيب نفسه وشاريه من الوكاله ونظري له أنه يصرف أكثر من ربع التويوتا (( كان عندي 2004 كويتي)) والمعروف بالربع التويوتا أنه 24 بلف تلقاها مكتوبه ورى الموتر 24valveبينما الباترول 12 بلف بس يعني بواقع كل سلندر بلفين للباترول والربع التويوتا بواقع 4 بلوف للسلندر
يعني بالعربي الربع التويوتا أقل صرفيه من الباترول بمراحل لأن كل ماكثرت البلوف تريح المكينه وقلل من صرفية البنزين

[المنيعي1]

حياك أخوي
من ناحية ان الجيب الجديد مايصرف عكس القديم كلامك صحيح وهل نقارن البخاخ بالكربريتر
وأنا معي الجيب نفسه وشاريه من الوكاله ونظري له أنه يصرف أكثر من ربع التويوتا (( كان عندي 2004 كويتي)) والمعروف بالربع التويوتا أنه 24 بلف تلقاها مكتوبه ورى الموتر 24valveبينما الباترول 12 بلف بس يعني بواقع كل سلندر بلفين للباترول والربع التويوتا بواقع 4 بلوف للسلندر
يعني بالعربي الربع التويوتا أقل صرفيه من الباترول بمراحل لأن كل ماكثرت البلوف تريح المكينه وقلل من صرفية البنزين
انا قلت في مشاركتي السابقه ان المقياس الحقيقي لصرفيت البنزين عداد الكيلو يعني ياصديقي عبي التويوتا فل والبترول فل وصفر العداد ومش على سرعة140 كلهم يقطعون 450 كيلو ويصفرالتانكي.
وليس محصور على البخاخ حتى الكبليتر من موديل 98 الى 2003 نفس الصرفيه شرط مايكون مكربن ونا مجرب وليس نقل عن أحد على باترول ربع موديل 99 كبليتر .
وكذلك داخل المدينه يمشي من 450 كيلو الى 480 اما مسألت البلوف فليس لي علم بها ولاأعتقد ان لها تاثير

[ahmad995]

واحد من العيال معه 2006 ماشي 150 الف
شراه ب 70 الف
من المشاكل اللي مرت عليه
1- كان يطعس وفقع الريديتر
2- اذا نزل البنزين عن النص ولف يمين يطفى ويشتغل من نفسه
3- الماء عدوه اللدود دايم يطفى باماكن تجمعات الماء
4- عزمه بالنفود يقول ما يمشي الا بالاول
5- باعه ب 58 عقب 5 شهور

واشترا 97 سلقه يقول اخف ومركبه احلى لكن قرقعه

[ابن عكاش]

اشكر كل واحد افادنا برأيه وماقصرتوا بس انا مشكلتي اني كان معي هدد 2007 زي الحلاوة فشكل التغيير بيكون صعب لكن الله يعيني على التدوير وعلى الموتر المناسب

[ماكسس 900]

واحد من العيال معه 2006 ماشي 150 الف
شراه ب 70 الف
من المشاكل اللي مرت عليه
1- كان يطعس وفقع الريديتر
2- اذا نزل البنزين عن النص ولف يمين يطفى ويشتغل من نفسه
3- الماء عدوه اللدود دايم يطفى باماكن تجمعات الماء
4- عزمه بالنفود يقول ما يمشي الا بالاول
5- باعه ب 58 عقب 5 شهور

واشترا 97 سلقه يقول اخف ومركبه احلى لكن قرقعه
حياك أخوي
من ناحية السعر صحيح انه مايمسك مثل التويوتا
وكل مااقدم موديل الموتر كل مازادت وذافته وخفة طينته وذا شي معروف خصوصا للجيوب....

1-لكن انه يطعس وانفقع الرديتر هذي غريبه ممكن أنه السير انقطع عليه وارتفعت الحراره ولا انتبه
وانشق علية الرديتر بس برضه الباترول من النوع الي مكينته تتحمل وتلعن الطيب مافيه ولايقولك باء
لأنه انا سبق وارتفعت علي الحراره يوم انقطع السير ومشيت عليه يجي 15 كيلو والحراره طاقه ولا اختلط
الزيت بالماء ولا انشعر راس المكينه هاذاه معي زي الحلاوه
2- هذي برضه غريبه انه اذا نزل البنزين تحت النص ولف يمين :confused: الله العالم ان الموتر فيه نفس ولاش
3- الماء عدوه اللدود:confused: انا ذاك اليوم داخلن به شعيب ولا بعد مسرع والما ياصل الى نص ربع الباب وتعرف رفع الجيب شلون وهذا مقطع لجيب باترول قاطع فيه أحد الشعبان بعد اذن راعيه

4- عزمه بالنفود مايرقى الا بالأول ممكن اذا كان يرقى طعس مقدي وهذا دليل على قوة ومتانة الدفرنسات وبرضه دليل على ثقل مبالغ فيه على جيب ربع تقدر ترقا من خشم الطعس بالأول والضغط على 3
مقارنة بربع التويوتا من خشم الطعس وهو يحفر مياقوى يتعدى 3 متر يالله يالله تاخذ لك عزم 50 متر ورى

اما بمطينات ورباضات اذا كنت واقف يمشي سلام عليكم والا الناس ماسموه سلقه عبث
وهذا فيديو يبن فرق قوة دفرنسات الربع التويوتا والربع باترول (( خواجات )) والأرض موحله ورطبه يعني أصعب من الرملhttp://www.youtube.com/watch?v=PV8n7uPP0qA

[ابن عكاش]

بيض الله وجهك اخوي ماكسس 900 الله يعطيك العافية على مشاركتك ونصيحتك

[ماكسس 900]

وجهك أبيض اخوي ابن عكاش