المساعد الشخصي الرقمي

مشاهدة النسخة كاملة : ضمان الوكاله


معن1420
01/10/2009, 01:01 AM
الاخـــــــوان السلام عليكم ورحمة الله وبركاته

نشتري سياره جديده ويقولون لنا مع الضمان كذا سنه ؟؟؟؟


ولكن عند كل تشييك تدفع مبلغ وقدره ؟؟؟؟


احب اسال عن نظام البلد ووزارة التجاره

هل هناك نظام ينظم هذه العلاقه بين الطرفين


والا كل واحد يشرع لنفسه
أبونجد1
01/10/2009, 02:28 AM
عندنا شفروليت كابرس نفس الكلام ولكن يشهد ربي مع أوريون ماشية حوالي فوق 96 ألف وصار فيه صوت العكس والدركسون وانهم مغيرينه لي الذراع والدوده وفيه شي ثالث نسيته والله وقبله تقريب بست شهور مغرين لي رمان الكفر طبعاً المشكلة مني لأن الخط حق الديره سيء مره كأنك تمشي في ردميه وعره .. إللي هوه خط الوشم بالضبطع بعد ضرما وأنت رايح للوشم تحياتي للجميع بالتوفيق.
أبونجد1
01/10/2009, 02:28 AM
طبعاً الوريون من تويوتا.
لاتكب البيالة
01/10/2009, 02:36 AM
صحيح يعطونك ضمان لكن كم ياخذون من بالصيانة
افترض انت شريت سيارة جديدة عليه ضمان اول صيانة بتدفع 0 الثانية تدفع 300 ثم 500 ثم 800 ثم 1000 وعلى هالحال لو تحسب ما تدفعه خلال سنتين يمكن يجيب لك سيارة جديدة
يعني انت لو بعد سنتين يا خذون سيارك ويعطونك موديل جديد فهم كسبانبن
نصيحتي الضمان لاول 5000 ولو السيارة به شي بيبين بعده حافظ على سيارك والضامن الله
معن1420
01/10/2009, 04:25 AM
شاكرا للجميع مرورهم ومشاركتهم

ولكن انا اسال عن نظام الحكومه فقط ؟؟؟

وين حماية المستهلك ؟؟؟
VXR.2007
01/10/2009, 11:51 AM
الحين الضمان السياره اذا جاء وقت الصيانه تدفع فلوس وانا شاريه من عندهم والله حرام انا احسبه مجانا لين ينتهي الضمان .
وبعد اذا دخلت السيارة في الصيانه ماتشوف وش يسوي في السيارة ويصدم داخل الصيانه ويوم كامل على الصيانه اوساعة واذا كان صادم يقول تعال اسبوع الجاي علشان فيها خلل في القير والله ظلم
معن1420
01/10/2009, 12:42 PM
الحين الضمان السياره اذا جاء وقت الصيانه تدفع فلوس وانا شاريه من عندهم والله حرام انا احسبه مجانا لين ينتهي الضمان .
وبعد اذا دخلت السيارة في الصيانه ماتشوف وش يسوي في السيارة ويصدم داخل الصيانه ويوم كامل على الصيانه اوساعة واذا كان صادم يقول تعال اسبوع الجاي علشان فيها خلل في القير والله ظلم

طيب وش تبينا نسوي نحط يدينا على خدنا ونسكت
معن1420
03/10/2009, 10:03 AM
مااحد عنده خبر عن الموضوع هذا
ahmad995
03/10/2009, 10:32 AM
واحد من العيال شرا فكسار 2003
وكان ماشي على التشييك بوقته ياخذون منه غيار زيت وتشييك كامل وسيفون بخصم 50%
الين مشى 20 الف ثم تركهم
معن1420
03/10/2009, 04:46 PM
واحد من العيال شرا فكسار 2003
وكان ماشي على التشييك بوقته ياخذون منه غيار زيت وتشييك كامل وسيفون بخصم 50%
الين مشى 20 الف ثم تركهم

اشكرك اخوي على هذه المشاركه

ولكن نبي نظام الدوله وحماية المستهلك في ضمان السيارات