وحش ليلي يعتدي على رجل نائم ويقضم وجهه!!!

[بركان]

ذهبوا في رحلة برية
ولما اسدل الليل ستاره اشعلوا النار وبداوا يتجاذبون اطراف الحديث
حان وقت الصلاة فادوا الواجب وواصلوا سهرتهم الى ان حان وقت العشاء
تعشوا ثم تمشوا ليخففوا الثقل على امعائهم المثقلة بالشحوم واللحوم
حان وقت النوم فاتجه كل شخص الى فراشه في ليلة باردة فالكل حشر جسمه في ما يسمىب ( السليبنق باق)
احدهم كان كثيف الشعر في الوجه وخصوصا اللحيه ولانه من النوع الذي لا يفضل ان يغطي راسه اثناء النوم
فقد غطى كامل جسمه ما عدا الرأس.
شردت به الافكار والهواجيس الى ان جال كل مدن العالم لان الأكل في المعدة لم يهضم بعد
اشتد سواد الليل وزاد هدوءه الا من بعض اصوات طيور الليل وخشاش الارض.
بعدها اغمض الرجل عينيه والهواء البارد يدغدغ خديه واستغرق في نومة عميقة كسائر اصحابه.

وفجأة دوى صراخ وزعيق هائل كسر هدوء الليل
قام الكل من فراشه مذعورا
يا الهي ماذا جرى
اشعلوا النور بسرعة
وعند اشعال الضوء واذا الدماء تسيل من كامل وجه اخينا الذي نام مكشوف الوجه
تدرون مالسبب؟؟؟
لقد مر طائر البوم وبسرعة وغرس مخالبه في وجه اخينا ضنا منه بانه احدى فرائسه المعتادة
حيث ان جسمه كان مغطى بالسليبنق باق
فقد تصور طائر البوم بانم ما رآه هو فريسة يمكن له ان يحملها.
بعدها اخذوا اخينا الى اقرب مستشفى وعمل له الاسعافات الازمه وقد تشوه وجهه بفعل المخالب الحاده.

هذه ايها الاخوة الكرام قصة حقيقية حصلت لبعض الاخوة في احد مناطق شمال المملكه.
وقد سردتها من اجل ان نستخلص العبرة باخذ الحيطة والحذر
واحذر تسلم.

والله الهادي الى سواء السبيل.

[صقر]

لاحول ولا قوة الا بالله. .. بومة

من كان يتوقع ان البومة تهاجم الانسان..

أغلب الناس ينام مكشوف الوجه في البر حتى لو كان الجو بارد جدا.. وهذا خطر يضاف الى المخاطر التي يتعرض لها الكشاتة ...

[خشم الحصان]

الاخ الغالي
بركان
السلام عليكم
اخي في الله مشكور يابعدهم علي هالموضوع والله يجازك عنا بدخول الجنه وانا اعتبره نصيحه ثمينه من اخو غالي يخاف علي اخوانه ولا ياخيي من بيصدق ان البوم بتهجم علي الادمي لكن صار المكتوب علشان الغير يعتبر وعلي مقال الاخ صقر فيه اشياء مندري عنها زود علي الي ذكرته بس تكفون من ذكر شي لا يبخل علي اخوانه الوجب يعلمهم.
عموم مشكور يالغالي والله يغفرلك ويرفع من قدرك وجزاك عنا كل خير
اخوك
خشم الحصان

[طحنون]

السلام عليكم ورحمة الله وبركاته
تسلم يابركان على هل موضوع وفعلا الواحد يتعض ويعتبر
والواحد مايدري وش اللي راح يصيرله وللي مخبيله القدر
لاكن لاحول ولاقوه الابالله
يمكن هالرجال اللي نايم وجهه كبير وشافه هل بوم ونقض عليه.....:D
..................
تراني امزح:D
بالتوفيق

[بركان]

يا اخ/ طحنون
قصدك تقول ان الشكل له دور في الاعتداء الآثم وان وجه الرجال يشبه وجه الجر......
يمكن البومه الخبله تصورت ان وجه الرجال هو اللي في بالها و على بالك دي الوقتي.
خذ راحتك ترى الرجال ما يقرب لي.
بس يمكن الرجال يطلع على الموضوع وبعدين ياويلك وخراب بيتك!!!!


شكرا على مرورك يا باشا افندم!!!!

[طخطيخ]

عوذا

الله يكفينا الشر

ياربي دخلك

[al-nashmi]

السلام عليكم ورحمة الله وبركاته


مشكور اخونا بركان على التنبيه... والتذكير

وتاكد ان هذا مقدر مقسوم ....والله يحيينا حياة طيبه.

بس تدري ان علي انا خطر لانا ماعرف انام ولا يجيني نوم اذا كنت مغطي راسي..... لازم اكشف عن وجهي وراسي في برد ولا حر......

الله يكفينا شر المقسوم:D

يبركان لا تغطي راسك وتنسى رجليك..... ترى البوم يحب الكراعين:D :D

تحياتي لك وللجميع

اخوكم النشمي

[بركان]

الاخوان الكرام/
خشم الحصان
صقر
النشمي

هلا وغلا .

اخوي النشمي/
ساعمل بنصيحتك واغطي وجهي اذا نمت في البر ولكن مشكلتي ان اللحاف ما يقر على وجهي بسبب كبر آذاني. فالخوف على آذاني لانها كبار وتشبه من بعيد الجراذي الليليه, اما وجهي فما عليه خوف لانه ما يشبه اي طائر اوحيوان !!! يعني يلق.

[al-nashmi]

السلام عليكم ورحمة الله وبركاته


سلامه اذانيك يابركان..... ويوجد لها حل عندي .. ياطويل الاذاني...... قصدي ياطويل العمر...

جب قدر الكاتم واكفها على وحده والثانيه حط عليها بريق الشاهي......عل وعسى تنفع معك..ههههههاا

واذا راحت الاذاني مهو مشكله اهم شي الفره........ههههههههههههههههههههههه

[الطبيب]

القصه واقعيه

وما عليها اي غبار

واعتقد بان السبب الاهم لمهاجمة البوم له بانه لم ينظف ريح الدسم عنه بشكل جيد قبل النوم

لكن (( صراخ كسر هدوء الليل ))

اثريك كاتب قصصي منت هين

شكلك تذاكر من ورانا :)

لكن ما اقدر اقتنع ان الكاتب بركان

لان بركان دائما مواضيعه ما تتعدى

ليه هذا كذا ؟؟؟؟؟؟؟

وشهوله كذا وكذا ؟؟؟؟؟

ليه ما تسوون كذا ؟؟؟؟

او

تطيح جلد بضبنا المسكين

وسبب اننا ما نفزع للضب ان اسمك يخرع :)

=====

تنبيه تشكر عليه اخوي بركان

ولك كل الشكر

هذا والله اعلم

والسلام ختام

[برقن سرى]

أعوذ بالله ..


الله يحمانا من كل شر

والحمد لله إنها جت سليمه





بس أتساءل وش الغباء اللي فهالبومة الخبلة ؟؟؟

يمكن الشوف عندها شجر

والا ماركبت النظارات

أوا الأنوار عندها ضعيفة




حسبي الله ونعم الوكيل


ليته يقيم دعوى قضائية عليها عشان تتأدب ؟














:D

[بركان]

الاخ الكريم/ الطبيب

اولا
اشكرك على هذه التزكية التي اعتبرها شهادة ابرزها لكل من قد يشكك في صحة هذه القصه. يعني الآن انام وانا مكبر الوساده.
اما قولك ان رائحة الدسم في ثم الرجل هي السبب فلا اعتقد ذلك لان طائر البوم يحدد فريسته بواسطة النظر اليها من بعيييييييييييييييييييييييييد وينطلق اليها بكل ما اوتي من سرعة فهو ليس ثعبانا او ضب ورل يا كابتن.!!!

ثانيا
لقد وجهت سهم قلمي نحو الكتابة القصصية لفترة محدودة لأنني لم اجد من كتابات النقد والمطالبات ما كنت اطمح اليه بل على العكس يمكن انني قد جنيت على بعض الناس عندما طالبته بتخصيص خيمة ما!!!! وهو بالمناسبة وعد ووعد الحر دين عليه.

ثالثا
بالنسبة للاخ الغائب الحاضر ( ضب ) رده الله لنا سالما فقد اطال الغياب وياخوفي ان احد صاده والا وطا عكرته بالموتر. وبالتالي سيكون خسارة كبيرة للمنتدى. ومع ذلك فانا اعرفه ودائما ما اسميه بابو تسعة ارواح لو راح روح بقي لنا ثمان !!!!

-----------------------------------------

الاخ الكريم ابو راشد

على ما يبدو بان الجوع لدى هذه البومة الخبله قد اعماها من التمييز بين وجه الرجل والجرذي.!!!

شكرا على مرورك.

[الطبيب]

لاني وعدتك بان يناقش هذا الامر مع الاداره ...... صح !!!!

طيب

الطبيب رجع عضو (( يحب الحربثه ))

لذلك

ابي اطالب مثلك بوضع خيمه او جزء من خيمه للشعر التراثي القديم واللذي نعتز به جميعا كتراث لنا

لك كل التحيه والتقدير

يا كثرك ............ :)

هذا والله اعلم

والسلام ختام

[بركان]

هلا بالغالي الطبيب
شفت الحربثه وش سوت بك نعنبوا شيطانك ارفع راسك واترك عنك الحربثه بالارض وشف الناس اللي يحربثون فوق مهوب زيك تحت.
تكفى خل احط يدي بيدك ونستأنف المطالبه خاصة وانك من الواصلين اما انا فالله يرحم حالي.

اما كثري فهو من كثرك.
شكرا لك على مرورك وشكرا لك ايضا على رحابة صدرك وجم ادبك في الحوار.

تحياتي وتقديري.

ويعذرني الاخوان عن الخروج عن موضوع البومة اضطراريا.

اخوك المشاغب كما تراه / بريكين

[ناصح]

لا حول ولا قوة الا بالله

قصة مخيفة فعلا ولا بد ان هذه البومة من النوع الكبير ...!!

لكن الاهم بعد اخذ الاحتياطات هو قراءة الاوراد في المساء وقبل النوم خاصة

نسأل الله ان يقينا شر ما خلق .

[مريقب العيفار]

حياك الله اخوي بركان

الصراحة انك بهالقصة تبي تخرعنا

لكن ما تلاحظ ان البومة ما توجد الا باماكن محددة

غالبا يكون وجود نخل

اما بالنفود ما هقيت

[الربذي]

السلام عليكم ورحمة الله وبركاته((الحمد لله على سلامة رفيقكم )من هذا الهجوم الجوي الانقضاضى
اخوي بركان فعلا انت بركان وش هالبركان الي انت مثورة في هالعامة والبطل لالاسف بومة عندي لك استفسار وعتاب السوال وشلون دروا انها بومة يمكن ان واحد مسوي علية هالقصة والى مكرمش وجة ذيب بس ماودة لة بالصيت الزين خل خويك يتاكد بس
:p
وبعدين العنوان لاغبار علية بس كاتب انت ويقضم وجه معناة ان هالحوش افترس رفيقكم بفمة ولا وشلون يقضمة بمخالبة0000000 ممكن يخربش00يكرمش( صارت كتابة ذى )وليش ماكتبت فخدشة خدشة اطارت السكون بصرخة مدوية ودمة كاشلالات نيقارا
اذكر واحد من عرفتة وهو عينة فقودة يعني مايشوف فيها مغمصة
:(
ويقولون ان ذلك نتيجة اصطدام لله يعزكم ابا الجعل بها بسرعة جنونية بس ماصرخ قال وش الي دخل بعيني
افا راحت علوم الرجال من بوم لابوى الجعل
اعذرونا يالربع ماباليد حيلة ندور الستر
لان راعي البوم اسمة جربوع مع احترامي لاخونا واقولة الحمد لله على السلامة وانصحك بتغيير اسمك ولون وجهك
وراعي الجعل اسمة جراز والماخوذ فهم غلط
المعذرة القصة ومافيها فقط لتخليد هجمات رخوم الليل ولا لوفيهن شجاعة شفناهن بالنهار ولي مايعرف الاخير خنفسانة تطير ومركبة صدام مسنن :confused: :confused:
مع اعتذاري الشديد لكم وكل مافي الامر لتسلية :confused: :confused: :confused: :confused:

[سنتافي]

السلام عليكم ورحمة الله وبركاته

اقول متأكد انها بومه مهب ام العيال http://www.ezboard.com/intl/aenglish/images/emoticons/laugh.gifhttp://www.ezboard.com/intl/aenglish/images/emoticons/laugh.gif

http://www.mekshat.com/pix/upload/images5/mk8041_1121.JPG

[بركان]

اخي الكريم/ الربذي

اسئلتك كلها في محلها وتنم عن متابعة لتفاصيل القصه.
بالنسبة لكلمة قضم فقد استعرتها في العنوان من اجل الاثاره فقط فكما ذكرت البومة تمخش ولا تقضم.

اما سؤالك كيف عرفوا انها بومه فالاجابة يبي لها قعده يتخللها دليلة قهوه مع شوي قدوع خلاص مهوب سكري وتوه مخروف وتحته شوي برسيم يعني متكتك.

تعرف ان طائر البوم وسائر الطيور الجارحه عندما يحدد فريسته وينطلق اليها كالسهم وهو بالطبع ينوي حملها بعيدا فان لم يستطع حملها في المرة الاولى فانه يعاود الكرة مرة اخرى يعني عندما لم تستطع حمل وجه اخينا في المرة الاولى اكملت دورتها وعادة مرة اخرى ولكن الوضع اختلف عليها فلم يعد وجه اخينا في مكانه لانه استيقظ وهو يصارخ وقد اختلط الحابل بالنابل. بالطبع رآها الكل.

هل ارتحت نفسيا الآن بعد هذه الاجابة الطويله الممله.

تحياتي وتقدير لك وشكرا على تشريفك وزيارتك واضافتك لا عدمناك اخا عزيزا.

----------------------------

الاخ / سنتنافي

ام العيال تهوش هوش مهيب تمخش.!!!

تحياتي.

[ابو شكاع]

الله يستر

اجل ازبنوا مواتركم او ازبنوا خيامكم

على فكرة عندنا خيام للبيع سريعة التركيب والفك <<<< صارت دعاية :)

شكرالك بركان

[العودالازرق]

لاحول ولا قوه الا با الله . الله يستر انا واعوذ با الله من كلمه انا دائما انام بدون ما اغطي راسي . لكن في الشتاء يكون (القبع) محل الغتره ويحميك من البرد وغيره .