فزعتكم يالربع معي جي اكس 2000 وضااايق صدري

[هبوب الرس]

السلام عليكم يا جماعة الربع


والله يا اخواني انا عندي مشكلة بموتري وهي غريبة بالفعل


يا اخواني


الموتر فيه ثقل شوي واذا احتمى وانا توني ماشي من عند اشارة او متوقف وامشي


بعد مرور دقيقه يثقل الموتر ويهدي كاني ضارب فرااامل


واذا وقفت شوي دقيقه او دقيقتين على جنب يزين الموتر


بس احس فيه ثقل


ووديته لصناعيه لواحد وفك الهوب الخلفي وشاااف القماشات وقال تمام مافيه شي


وحركهن بيده وقال غريبه مافيه شي


وطلعته ورجعت معي مره ثااانيه


والموتر اذا احتمى يطلع فيه


مو شرط احتمااائه ماسك خط لا لو اقف خمس دقااايق عند محل ومشغل المكيف وامشي بعد دقيقه يهدي الموتر ويثقل من حاله






وش تنصحوووني فيه يا اخواااااااان

[ابو تركي المطيري]

انصحك بالوكاله تفحص الموتر لك وتقولك العله شنهي او توديه فحص كمبيوتر يشوفلك العله يمكن من الكمبيوتر

[أبن المدينة]

أخي الكريم شيك على

-الرمان للهوبات الأماميه لأنك تقول فكيت الهوبات الخلفيه

-وشيك على البكرات للسيور يمكن أحد البكرات رمانها معلق زي الشداد وغيره هذا يمسك الماكينه ويسبب ثقل لأنها حصلت معي بس كانت السياره فورد

-وعندك كمان عامود الكردان يمكن الشيال فيه تراب وهو إللي يطلع صوت وثقل لم يدور

أما الوكالة إذا رحت لها الله يعينك بالسلخ

وربي يعينك

[نجران 1]

طابت أوقاتكم بالخير ان شاء الله

أنا صار معي نفس المشكله في جي 98 ورحت لورشة اسمها الشمس في صناعية العروبة وغير عندي

أصلاح في العلبة اللي تركب على الباكم وفوقها علبة زيت الفرامل وقضى معي سنتين بعدها بدون مشاكل

أتمنى ان تنحل مشكلتك ولك الشكر

[هاوي غماره]

افدووك الشبااب

[هبوب الرس]

مشكورين يالنشاماء

على ردودكم اللي تثلج الصدر


تو عندي واحد من الربع وقال صارت معه نفس المشكلة بسيارة كامري

وطلع الخراااب من علبة الفراااااااااامل


بس بصراااااحه ما خشت مزااااجي

لان علبة الفراااامل مافيها تهريب




بس يوم رد اخووووووي نجران


طبعا صار رده نفس رد خويي


بس هل تصيرررررررررر


ويا اخوووي نجران هل يوم صارت معك المشكلة كانت علبة الفراااامل تهرب او مافيها شي


لان اللي عندي مافيها شي






وشكراااااا لكم

[كاشت وحداني]

اشك في الباكم اخوي
حصلت لصاحبي معاه في اكس ار 2000
وغير باكم وضبط
شيك عليه والله يوفقك

[ابوعبدالله9999]

شيك على الباكم لأنه له وزنيه حساسه تقفل ماتخلي السيارة تمشي أحياناً.

[هبوب الرس]

اخواني

خراب الباكم مو يطلع صوت هواء

او فيه شي ثاااني

لان باكمه تمام مافيه صوت هواء و مسكت الفرامل ممتازه

بس بعد المشي يهدي ويتوقف من حاااااالح بدون المس للفراااامل


شي غريب اخواااااااني

[قناص عفيف]

علبة فرامل انا بصراحه جنني الثقل لين غيرة علبة فرامل ورتحت وبتوفيق

[هبوب الرس]

مشكووووووووووور اخووووي قناص

يعني افحص علبة الفرامل

طيب علبة الفرامل هل خرابها يكون بالتهريب

او يكون تخرب بدون تهريب يعني تجيم مثلا او انسداد

لان الزيت فيه تقريباً ثلاث ارباع العلبة

وهل اصلاح الكلتش له دخل

لاني مغيره قبل ثلاث شهور


وشكرا لكم

[هبوب الرس]

اخواااااني

رحت تو وفحصت على الباكم

وقالوا تمام

وجاء واحد وقال غير علبة الفرامل لان الزيت اللي بداخلهاااا مغشوش صاير والله غلاظ شوي

وجاء الفلبيني وقال يمكن عندك البستم حق اللي يمسك الفحمات مجيم

قلتله وراااااي


قال لا تستعجل اذا جت الحالة دبل بالفرااامل واذا فك اعرف انها السبب

واذا لم يفك تعال ونغير علبة الفرااااامل





وش رايكم يالربع


هل الكلام مقنع

[ahmad995]

صارت معي بكامري
لقيت الزيت ناقص
لكن خرب علي الاصلاح

[moafaq999]

اعتقد علبةالفرامل يبلها طقم اصلاح وسبب ذلك رداءة الزيت (( مغشوش ))
ولك كل الشكر

[رعد الصحراء]

مثل ما قالو الاخوان شيك على علبة الفرامل
وشيك على رمان الهوب الأمامي
أتمنى أن تنتهي المشكله بأقل الخسائر
بالتوفيق

[ابو كلام]

السلام عليكم افحص الباكم وانت نايم

[قرم العيال]

يمكن من علبه الفرامل ..

كله من الزيت المغشوش غير الامريكي الاصلي لا تحط

[ABO AL-HESH]

السلام عليكم ..
اخوي وشي الورشات الي مريته..
انصحك تمر ورشة الشامل اول ورشه اذا جيت من عند شركة الكهرب..
وبالبنسبه للباكم مر مخرطة العساف الجديده وقله يفحصه..

[معدي المرقاب]

الله يجزاء من افادك بخيروان يصلح سيارتك

[هبوب الرس]

اللهم أمين

====================

مشكورين يا اخواااااااني

على تجاوبكم يا النشاماء

بصراحه بعد ردودكم

ابجزم ان العطل من علبة الفرامل

ان شاء الله ابغيرها ونشووووف

======================

اخوي انا مريت على العساااف وكشفوا لي على الهوبات الخلفيه

وقالي الفلبيني رح للوكاله احسن


ومريت هالوكاله هالكسره ولقيتها فل ولا يستقبلون احد


ومريت على خويي الفلبيني حق القزلان

وقال رح جرب بالتدبيل الفرامل

اذا ضبط تعال ونغيرلك البساتم حقات الفحمات


ولا تعال نغير العلبه






مشكورين حباااايبي

[VXR.2007]

اذا كانك من الرياض راح وكالة الراشيد في الصناعية القديمه على طريق الخرج اذا جيت اشارة زجاج السالم وانت وجهك شمال امش شوي بتلق على اليمين وكالة الراشيد راح شفهم يمكن الفلبيني اول مايسوق السيارة لتجربة يعلمك وش المشكلة وتتفقون على السعر

[هبوب الرس]

لا والله ياخوووي

انا من الرس

[إبن هاشم]

‘إذآ موترك قير تمآتيك يآلغآلي
فهآلمشكلــه مع آلزمن لآزم توآجهك
[ وآنت مشغل آلمكيف .. ورفعت رجلك عن آلبترول .. << كذآ تقصد ؟؟

[هبوب الرس]

اخووووي القير عايدي

واليوم كلة ماواجهت مشاكل

مدري وش السالفه


هل اتوكل على الله واغير علبة الفرامل


وش رايكم يا اخواني

[سوبر VTC]

و عليكم السلام و رحمة الله

عندك ورشة ابو خالد الخضير ببريده
متخصص بالتويوتا و النيسان
راعي ذمه و نصوح :good:
رقمه تحصله على الخاص
موفق

[هبوب الرس]

حياك ربي

ومشكور على الخدمة

إن شاء الله أبكلمة بكرى الصباح




وابشرح لة الحال

واذا عرف ابروح له


مشكووووور اخووووووي فتكـ



على هالطله و هالفزعه


الف شكر خيي