المساعد الشخصي الرقمي

مشاهدة النسخة كاملة : أجود البنادق التركيـة stoeger model 2000 موضوع كامل


براوينغ
03/10/2009, 01:49 PM
بسم الله الرحمن الرحيم
السلام عليكم ورحمة الله وبركاته
Stoeger model 2000
انا كتبت هالموضوع لعل وعسى اوفي حق هالبندق المظلومه بشكل كبير بين الرمايه بسبب ان صناعتها ( تركيه ) ؟؟ واغلب الناس ما جربوها ومن تقول له تركي يقول انحش ,, وانا بصراحه سألت عنها قبل لا اشتريها وكثير من الناس اللي ذمها وقال ؟ دامها تركيه انحش عنها وشلت فكرة اني اشتريها من راسي وراحت الايام وجات وحصلت عند واحد من الاصحاب وحده وكنا قانصين مع بعض لـ الدحاريج ( وز الربيع ) وشفت رمي البندق اللي معاه وعجبتني بصراحه وانا كانت بندقي البلجيك القديم وبصراحه عليها رمي تاكل الجول اكل ؟ وانا على بالي البنلي لان شكليتها نفس البنلي ونيشانها احمر نفس نياشين البنلي ؟ المهم وصدنا صيدنا وتعشينا وسألته قلت له ؟ البنلي اللي معاك بكم شاريها قال اي بنلي ؟ قلت اللي ترمي فيها اليوم قال لا هذي مو بنلي هذي ستوقر التركيه ؟ قلت من جدك ولا تمزح انت ؟ قال لا والله ويجيبها واشوفها وتطلع ستوقر , وطلعنا الاسبوع اللي وراه وخذيت منه البندق بجربها والله ياشباب رميت فيها عليها رمي طيّب طيّب طيّب , وقلت له انشهد عليها رمي طيب بس خوفك من الخرابات قال الشوزن عندي لها 4 سنين ولا يوم شكت بس ارتك عليها بالتنظيف بعد كل صندوق فشق واكرفها وترا عليها مرامي طيبه ؟ قلت يعني تنصحني اشتري وحده مثلها ؟ قال توكل على الله ترا مافي مثلها بالرمي وبخفة الوزن وما ترجف وخفيفه حتى اللي عمره 6 سنين يرمي فيها والله ياشباب يوم ارمي فيها تقول ارمي بنص شوزن ؟؟ مع اني رامي ببنادق من قبلها ورميت ببنلي رافيلوا اللي كنت على بالي اخف الشوازن ارتداد بالعالم ؟ ويوم جربت الستوقر تغيرت نظرتي والله اخف من الرافيلوا بالندف , المهم وانا ابحث عنها لقيت واحد عنده ستوقر بأحدى منتديات الصيد , جيته وسألته عن البندق ؟ قال من احلى الشوازن وعليها رمي طيّب وخفيفه حتى ارتدادها خفيف من اخف الشوازن ,, قلت له ؟ شلون قلت انها اخف من الشوازن جربت من الشوازن امثال البنلي والبرتا ,, قال لي جربت الشوازن واول شوزن لي كانت تركيه وقال لي ماركتها بس نسيت والله ويقول والله عيفتني حياتي كل يوم فيها خـراب ,, وحرمت من التركيات وشريت لي براوينغ بلجيك القديم ورميها حلو بس ترجف وارتدادها قوي على الكتف ,, ودورت شوازن وقلت ابي لي شوزن بنلي ووصيت لي واحد من الربع وجاني قال حصلت لك بندق بنلي السودا وقلت انا شراي ورحنا وكلمته وعطاني سعرها واستغربت قلت ياولد اسعار البنلي غاليه ماتجي يمكن الشوزن فيها بلا ولا خراب ؟ قال لا نظيييفه قال خلاص بعطيه عربون وباخذ الشوزن بجربها اسبوعين واذا تمام ما فيها شئ شريتها ؟ ويقول جربتها ورمي ما فيه مثله ويوم جيت اشتريها وقابلت راعيها وسألته عنها قال هذي تركيه ستوقر ؟ انصدمت من فعلها وشريتها وهي عندي موسمين من احلى البنادق ,, وشريت لي وحده وبصراحه من احلى البنادق
ملاحظة :- كل التركيات الجدد غازيات,ماعدا الستوقر.
4- نظامها: ولا يوجد تركية جديدة تعمل بنظام إنيرشا دريفين Inertia Driven غير الستوقر ,ومطور أيضا حيث جعل سبرنق الإرجاع حول المخزن لتلافي عطل الترباس والانيرشا درايفن ,, النظام اللي تعمل عليه شوازن بنلي جميعاً
ومن افضل الانظمه
وانا بنقل لكم كلام ناس من نفس المنتـدى ومن برا المنتـدى عن هالسـلاح

اولاً مقارنة ثلاث اسلحه لاخونا الغالي مرجوج
ام بطن ستيفنز , سوبر بلاك ايقل بنلي , ستوقر التركيه


سلام عليكم ...................
السلاح : سوبر بنلي .. ستوقر تركية .. ام حبة استفنز..
الفشق ار سي 6 ... 36
حطيت قارورة توت على بعد 100 خطوة
النتيجه ما كسر القارورة الا الستوقر التركية ....
مع العلم ان الوصله اللي فيها هي والبنلي رقم ثنين

ماشالله ..... الله يستر عليه

البنلي وام حبة نفس المرمى يعني نفس مكان الرمية بس الفرق برش الحلبي
شاااكرين


هذا كلام اخونا مرجوج بموضوع ( اختصر المشوار... في التعلم من تجارب الاخوان في شوزن ام خمس )



وهذا كلام اخوي صالح بموضوع ( ادخل ونصحني في ام خمس الله لايهينك ) ومدحه للشوزن


إذا تبي بندق عليك بالستوقر التركيه نفس البانلي لكن تصنع في تركيا
تحت إشاراف خبراء شركة بريتا المالكه للمصنع أقل شيء مب غازيه و لا تقعد تفك و تربط
البندق أثبتت جدارها مقارنه بالبنادق الاخرا و سعرها أقل من سعر البيكال و لكن الستوقر
أجود بكثير من البيكال فيها نظام الانريتا درايف نفس البنلي و فيها اللي يقلل الندف نفس اللي في
الفرانكي المخزن ما يشيل ألا 5 و السبطانه 30 ً و كذالك البندق ماقنوم
و حسب اللي يستخدمونها يقول أنها بالرمي تفعل فعل البريتا و البنلي و طيبه بالحيل أفضل من اللي
حتى لا شريت شوك 660 ما تدري وين يروح الحلبي و يجي معها أيضاً أكسترا فول تطلع من السبطانه تقريباً 3 إلى 4 سم و 4 شوكات أخرى إضافيه
البندق ركب و أرم على طولا لا وزن غاز لا خرابيط و يكفي أنها تحت أشراف بريتا
و تأتي كذالك بتشكيله من الالوان المموه نفس اللي بالبريتا (اللي عذب الناس بجماله و دقت الرسم اللي فيه)

http://www.stoegerindustries.com/firearms/stoeger_model_2000.php (http://www.stoegerindustries.com/firearms/stoeger_model_2000.php)

وهذا طريقت عمل الانريتا درايف المتبع في ستوقر
http://www.stoegerindustries.com/information/inertia_driven_system.php (http://www.stoegerindustries.com/information/inertia_driven_system.php)


:)


وهذا حاط لكم موقعها والله يعطيه العافيه ويجزاه الله الف خير


وهذا كلام واحد من الأخوان باحد المنتديات الأخرى مع واحد ذم جميع البنادق التركيه وقال انها ما تصلح
ورد عليه اخوي , وانا مع اخوي صحيح والبنادق التركيه فيها الطيب وفيها الردي واعتقد اطيب فيها نوعين
الستوقر اطيـّب نوع والثانيه الميراج اللي يجي عليها akm طيبـه ولكن الستوقر اطيب منها من ناحية الخرابات لاني ما حصلت احد يشكي منها ,, اما الميراج طيبه وحلوه بس ما تقعد موسمين ولا ثلاث مواسم ويشكون منها ان الابره تنكسر وإلخ


السلام عليكم ورحمة الله وبركاته
تعقيب على كلمه اخوي الي ذكر بندق تركيه

كل البنادق تقول طع وتذبح لكن في فرق بالجوده وفخر الصناعه والمواصفات

اعتقادك خاطئ يالاخو انا اشوف بندق التركيه الي اسمها ستوقر رشها افضل من رش الفرانكي
وللعلم ستوقر التركيه شرتها شركة بنلي وللمعلومه اي قطعه بنلي تركب على ستوقر و اي قطعه ستوقر تركب للبنلي
مثل الرد وولف التركيه يركب لها قطع غيار البراوننق الجديد والعكس صحيح

وشكراً

وهذا أحد الاخوان من منتديات الصيد الأخرى بندقيته ستوقر وصايد فيها بط خضيري ويمدح الشوزن

هذي الفشقه والله يحفظك والشوزن ستوقر طال عمرك والله انه دشت قلبي هالشوزن
المهم الفشقة واظحه 32 جرام رقم واحد



وهذا من احد المنتديات الأخرى يتحدث عن الستوقر


السلام عليكم ,,

مرحبا اخوي العليمي ,, البندق ماعليها كلام ومن افضل التركيات ,, وهي تراها قديمه ماهي جديده ,, لكن موديل 2000 جديد يعني اصدار جديد لكنها نفس البندق ,,, وهي فعلا تتبع لشركه بنييلي لكن للتصنيع التركي اي للسوق التركي ولبنان وسوريا لقله الطلب على الايطالي لأرتفاع سعره بهذه الدول تم تصنيعها بتركيا لتكلفة اقل ,, لكنها وصلت لنا طبعا هي اقل جوده من البنلي الأيطاليه توكل على الله ,, ان كان سعرها طيب ,, وهي عند احد الشباب بسوريا يرمي فيها ومخليها هناك من اكثر من 4 سنوات ويمدحها وحاليا بيشتري الموديل الجديد 2000 ,, انا أملك وحده بالسعوديه ستوقر موديل 2000 البندق مراميها طيب ولا عليها ,,

وهذا أيضاً أحد الاخوان يتكلم عن الستوقر

الستوقر التركيه الربع نشدتهم عنها رموا بها البندق خفيفه ورميه اطيب من الروسيه
وانا شفتها وفهقت مكينتها اخف من الروسيه بمليون مرهـ
والله يكتب لك الي فيه الخير والصلاح



وهذا نظام الستوقر الأنريشا درايفن
الأستعداد

http://up4.m5zn.com/9bjndthcm6y53q1w0kvpz47xgs82rf/2009/10/3/03/7jp5tiusc.jpg

*إطلاق النار وعملية سحب الطلقة الجديدة.

http://up4.m5zn.com/9bjndthcm6y53q1w0kvpz47xgs82rf/2009/10/3/03/1dhiy7bvz.bmp

*الإرتداد وعملية الرجوع للترباس وكيفية الضغط على الضراب لكي يكون جهاز للأطلاق الجديد.

http://up4.m5zn.com/9bjndthcm6y53q1w0kvpz47xgs82rf/2009/10/3/03/2gv9nn1l3.jpg

*إخراج الفارغ وستبداله بجديد..


http://up4.m5zn.com/9bjndthcm6y53q1w0kvpz47xgs82rf/2009/10/3/03/64cg7jyel.bmp

وهذا رابط لزيادة المعلومات عن البندقيه

http://www.stoegerindustries.com/information/inertia_driven_system.php (http://www.stoegerindustries.com/information/inertia_driven_system.php)


http://www.stoegerindustries.com/firearms/images/calloutUniversalRecoilReducer.jpg
هناك تجويف يهدف الى بعقب مخزون من ستوقر النموذجي لعام 2000 للسماح لتركيب اختياري والزئبق معبأة ارتد المخفض...قطع التحكم ووزن الأخشاب الخلفي ( الأخمس) للبعد والارتفاع والنزول,و حيث مسكة البندقية وانحناءها أثناء التصويب ، فتختار ما يلائمك وتقوم بتركيبه.
ليكون مناسب أكثر لرمي.

ترباس الستوقر
http://www.stoegerindustries.com/firearms/images/calloutM2000Bolt.jpg
*نظيف لأجل أنه يعمل بنظام إنيرشا دريفين بدلا من الغاز.
*وقوي وذو قفل عند دورانه.
*ويعطي وزن أخف للبندقية بسبب عدم وجود أجزاء الغاز

http://www.stoegerindustries.com/firearms/images/calloutM2000Muzzle.jpg

ومزودة بنيشان أحمر مثل نيشان benelli في المنشاف الأمامي قابل لتغيير .
http://www.stoegerindustries.com/firearms/images/calloutM2000Chokes.jpg
يأتي معا الستوقر خمس شوكات ومفتاح شوكات


وهذا الكلام من موقع ستوقر شرح عن أجزائها
(ترجمة google)

http://www.stoegerindustries.com/information/images/ID-bolt-exploded.jpg
والقصور الذاتي انطلاقا ® نظام القوى في العالم ، أسرع وأبسط ، والأكثر موثوقية شبه البنادق بالسيارات


.
قانون القصور الذاتي قد تم تسخيرها في القصور الذاتي انطلاقا ® النظام ، مما يجعل شتويغر شبه السيارات البنادق أسرع وأبسط ، والأكثر موثوقية.
اول قانون نيوتن في الفيزياء ، وفيما يتعلق الجمود ، ثابت وغير متغيرة. ونضعه على العمل من أجل كنت في أفضل وضع نظام التشغيل من أي وقت مضى.



موثوقة -- وانطلاقا من القصور الذاتي لا تحتاج إلى ضبط النظام..

وسوف يقوم بتحميل أي شيء من دورة ضوء مجال ل3-1/2 "قناني العام بما يتفق مع الاعتمادية بعد عام.

بسيطة -- ونظام لديها سوى ثلاثة أجزاء رئيسية هي : الهيئة الترباس ، في الربيع والجمود ، ورئيس الدورة الحالية للاستيلاد.

سريع -- مع أجزاء قليلة جدا ، وانطلاقا من القصور الذاتي هو نظام سريع


النظيفة -- غاز ، دخان ، ومسحوق أحرقت برميل البقاء في المكان الذي ينتمون إليه ، بدلا من أن يتم تحويلها إلى بندقية آلية ، كما هي الحال في أنظمة الغاز.

القوي -- الصلب القوي قفل العروات على الدورية للرئيس الترباس من القصور الذاتي انطلاقا من نظام القفل الحديد الصلب إلى داخل ماسورة البندقية.

المنخفضة الصيانة -- غون التنظيف يأخذ جزء من الوقت ، لأن هذا النظام هو الأكثر نظافة.

وخفيفة الوزن -- والقصور الذاتي انطلاقا من نظام لا يصدق وخفيفة الوزن. البنادق صممت مع النظام يمكن أن يكون بعض من الأخف وزنا على الإطلاق.

والستوقر يجي منها اربع اشكال ,
1 - خشب
http://up4.m5zn.com/9bjndthcm6y53q1w0kvpz47xgs82rf/2009/10/3/03/bl0gyxwp2.bmp
2 - فيبر اسود
http://up4.m5zn.com/9bjndthcm6y53q1w0kvpz47xgs82rf/2009/10/3/03/o26xtahq4.bmp
3 - تمويه
http://up4.m5zn.com/9bjndthcm6y53q1w0kvpz47xgs82rf/2009/10/3/03/iijy9j2ik.bmp
4 - تمويه ماكس فور
http://up4.m5zn.com/9bjndthcm6y53q1w0kvpz47xgs82rf/2009/10/3/03/t0ut6uraa.bmp
المميزات
5- طول السبطانة 30 و28 و26 انش
6- قابلة لتركيب مخزن.
7- وزنها خفيف لايتجاوز 3 كيلو ونص.
8- ترمي من 24 إلى 56 قرام .
9- ما فيها رجف ورجفها يقارن بالنص شوزن
10 - سهولة فكها وتركيبها بخمس دقائق وبنزل مقطع بالأسفل يبين فكها وتركيبها
11 - مسكتها حلوه وتتركب على الكتف على طول واقسامها سحبتها سريعه وخفيفه مو مثل بعض البنادق تتهاوش معها على ماتسحبها
12 - فيه ميزه امأن ماتدخل الفشقه بالمخزن الا لما تضغط الزر اللي بجأنب الزناد وبأين باول صورة شرح لنظام انيرشا درايفن , زر ابيض وفيه خط احمر ,, هذا ينظم دخول الفشق للمخزن وميزه طيبه , واذا بغيت تطلع الفشق بسرعه تضغط عليه وتنفضهم بسرعه

والحين بعطيكم روابط لـ مقاطع يوتيوب عن البندقية
السايمي أوتو + والبمب أكشن
اول مقطع يبين لكم كيفية صيانتها وفكها وتركيبها , اللي من سهولته اشبهه , بالسخيف
http://www.youtube.com/watch?v=Wrgvn7NqY_U&feature=related

وهذا مقطع أخر شرح للبندقيه ويرمون فيها بط ووز وديك رومي ؟ شوفوا شلون رمي البندق
بالوز وبالبط , وهذا يبين انها ترمي فشق قوي مو مثل باقي البنادق التركيه
اللي حدها 32 قرام

http://www.youtube.com/watch?v=LYEUa7ZBJgs

وهذا المقطع لواحد يرمي بالستوقر

http://www.youtube.com/watch?v=cBtDxlal67U&feature=related

وهذا المقطع لواحد يرمي فيها على ورق

http://www.youtube.com/watch?v=SjNAd2cYWsA&feature=related


وهذا المقطع لواحد يرمي اطباق
http://www.youtube.com/watch?v=2tcyNrV6_Ic&feature=related

وهذا المقطع صور لمنتجات ستوقر من ام خمس وبمب اكشن وام بطن وام بطنين

http://www.youtube.com/watch?v=Y2ZFTlU8XXQ&feature=related


وشوفوا خفة الستوقر وخفة رجفها والله اني مجربها وترا نفس المقطع بالضبط
رجفها اقل من النص شوزن والله حتى ولدي اللي عمره 8 سنوات يرمي فيها
حتى بالـ 32 رجفها نفسه ما يتغير

http://www.youtube.com/watch?v=tYAmD-J_imw&feature=related


وهذا المقطع يبين لكم رمي الستوقر ورش الستوقر بالشوكات على ورق

http://www.youtube.com/watch?v=YM330Mhiu6g&feature=fvw


وهذا مقطع بعد ستوقر موديل 2000 نفس اللي فوق بس اخمسها غير
وشوفوا خفت رجفها

http://www.youtube.com/watch?v=YTB-C4Z1o54&feature=related

وهذا بعد مقطع لـ رمي الستوقر

http://www.youtube.com/watch?v=nt2g_Fd5KJI&feature=related


وهذا المقطع لشكل الستوقر الموهه

http://www.youtube.com/watch?v=z4wzqib5T-4&feature=related

وهذا مقطع لرمي اطباق بالستوقر

http://www.youtube.com/watch?v=EjB-buptb4U&feature=related

هذا المقطع الأول عن سهولة صيانة الستوقر وفكها وتنظيفها وتركيبها
وتركيب مخزن اضافي لها
http://www.youtube.com/watch?v=_yuOjUgIvcY&feature=related


وهذا المقطع الثاني عن سهولة صيانة الستوقر وفكها وتنظيفها وتركيبها
وتركيب مخزن اضافي لها
http://www.youtube.com/watch?v=fZm6tadwbpo&feature=related

وهذا مقطع للستوقر بس البمب أكشن شوفوا رميها

http://www.youtube.com/watch?v=2JwcUOgskok&feature=related


وهذي بعد مقطع لستوقر بمب أكشن

http://www.youtube.com/watch?v=6AhmptrkuHQ&feature=related

وهذا بعد مقطع لستوقر بمب أكشن

http://www.youtube.com/watch?v=vkFdgQKYSIo&feature=related

وهذا رابط لشكـل الستوقر بمب أكشن

http://www.youtube.com/watch?v=KOmtHkVTgqM&feature=fvw


وبالأخير ياشباب اتمنى أني افدتكم عن هالبندق ولو بالشي البسيط وترا البندق تستاهل من يقتنيها وترا سعرها رخيص وفعلها يهول ,, واتمنى من الاخوان يغيرون الفكرة الغلط اللي ماخذينها عن البنادق التركيه وانا معاهم
صح فيه بنادق تركيه رديه رديه رديه , بس هذا ما يعني ان كل البنادق التركيه
رديه ,, بالعكس انا اشوف ان الستوقر احسن من البيكال لان اغلب اللي شروا
البيكال يشكون من رشها ويقولون الحلبي مايدرون وين يروح ولذالك
يشترون لها تشوكات ,, وانا اقول ان هالبندق الستوقر احسن من
البلاك وولف + الريد وولف + الميراج
احسن من هالثلاث بنادق التركيه بالرمي وقوة التحمل
والجوده لان اللي يشرفون عليها مهندسين benelli
ولو تلاحظون بس الستوقر اللي لها مقاطع من بد البنادق التركيه كلها ويرمون فيها الاجانب ولها مقاطع باليوتيوب , والبلاك ولف والميراج وغيرها مالها مقاطع وهذا ان دل يدل على ان الستوقر فعلها طيب واحسن من البنادق التركيه الثانيه وتشوفون الاجانب يرمون فيها
وياليت من الأخوان اللي ماجربوها يجربونها لانها بصراحه بندق
مميزاتها جميله وانا بصراحه صار لها عندي من الموسم اللي فات
وهالموسم وما شفت منها الا كل خير وما شفت فيها عيوب
ووتسوق سوق يهول بالفل تشوك وتشوك رقم 2 , ومرماها حار
وبالختـام اتمنى أني افدتكم ولو بالشئ البسيط
واسمحوا لي على القصور

a7md al-q9em
03/10/2009, 03:29 PM
مششششششششكور يالغاآلي وبآرك الله فيك على المجهودوالستوقر بندقيه مايحتآج تعريف لهآ والناس كل ماقلت لها شي قالت لك بنلي بنلي هههههه سلامات يعطيك العافيه يالغالي وتقبل مروري

ضحية بيشة
03/10/2009, 03:53 PM
يظل التركي تركي ....ياما وهقتنا وجلسنا نتفرج على العالم وهي ترمي ..جربتها بام روحين

وام خمس وكلها فشلتنا ...خل عنك محد يجي زي الايطالي يبطوووون...

كل هاللي تشوف دعايات وتسويق

كسير الشوزر
03/10/2009, 04:42 PM
يعطيك ربي الف عااافيه
ومشكوووور علي الطرح الراقي والمميز
تقبل مروري

محمد الحمود
03/10/2009, 05:17 PM
يعطيك العافية على الموضوع والمعلومات.

BaDeR-21
03/10/2009, 06:35 PM
مشكور على الجهد الكبير ,,

ويعطيك ربي الله عافيه وجعله الله في موازين حسناتك ,,

أبو طلال-نقوه
03/10/2009, 10:17 PM
مشكووور عالموضوع الجميل, و أنا من زمااان أقول أن الستويجر هي أفضل شوزن تركيه, و من رأي أنها ما تعتبر من التركيات لأنها ذات جوده عاليه... و يعطيك العافيه.:good:

عــ ــاشـ ــق الكــ ـــدري
04/10/2009, 04:30 AM
وعليكم السلام ورحمة الله وبركاته
مشكو اخوي وما قصرت على المعلومات النادره جدا وماءجور على التعب الكبير
خابركم شقرديه
مع تحيات اخوكم \عزام حمود السويلم الحربي

ابو سفيان
04/10/2009, 07:54 AM
بيض الله وجهك
صراحه بندق تستاهل ان تقنى
وشكرا على هذا الموضوع الرائع والجبار
وتقبل مروري وتعليقي

براوينغ
04/10/2009, 03:38 PM
احمد القصيم .. مشكور على المرور المميز طال عمرك
ضحية بيشة .. هلا اخوي ومو اصابعك ماهي سوا ,, وهذي تعتبر من اجود البنادق وانت ما جربتها ,, وانا قلت بالموضوع ان فيه بنادق تركيه فاشله جدأً وما تسوى ريال ,, وهذي من اجود البنادق التركيه وحرام تكون صناعتها تركيه لان رميها بصراحه طيـّب طيـّب طيـّب وانت جربها واحكم ولأ تحكم على شئ ماجربته وبعدين الستوقر يشرفون عليها مهندسين بنيلي ونفس انظمة البنلي اللي تفتقدتها جميع البنادق التركيه ؟ كل البنادق التركيه غازيه ما عدا الستوقر الوحيده نظامها انيرشا درايفن نفس انظمة شوازن بنلي وهذا ان دل يدل على أن مهندسين بنلي يشرفون عليها , وبالنسبه للاعلانات لا اخوي انا ما امشي على الاعلانات انا مجربها بنفسي وصدقني لو احس ان البندق لو 1 % انها فاشله ما كتبت كل هالموضوع وتعبت نفسي بس انا مقتنع بالبندق 100 % وانت جربها وصدقني بتنقتنع فيها وبعدين لو تلاحظ ان هذي الشوزن التركيه الوحيده أللي لها مقاطع باليوتيوب ويرمون فيها ؟ باقي الشوازن التركيه مالها مقاطع وهذا أن دل يدل على انها بندق طيبه , ومشكور على مرورك المميز طال عمرك
واحد منكم .. هلا ومرحبا ومشكور وبالنسبه لسعرها بالكويت 230 دينار جديده بالكرتون ,, وبالسعوديه اتوقع 4000 ريال وماني متأكد من سعرها بالسعوديه ومشكور على المرور المميز طال عمرك
كسير الشوزر .. الله يعافيك ومشكور على المرور المميز طال عمرك
محمد الحمود .. الله يعافيك ومشكور على المرور المميز طال عمرك
بدر 21 .. العفوو وهذا أقل شئ أقدمه لكم ومشكور على المرور المميز طال عمرك
الهاون .. هلا اخوي سعرها بالكويت 230 دينار الفيبر الاسود وبالسعوديه اتوقع 4000 ريال وطولها يجي ثلاث 30 انش + 28 انش + 26 انش , واغلب شئ الثلاثين انش اللي جانا بالخليج .. مشكور على المرور المميز طال عمرك
الكشته .. هلا اخوي وبالنسبه للميراج حلوه ومراميها حلوه ما عليها بس اغلب الناس اشتكوا منها من ثاني موسم يقولون ينكسر النتاش (الابره) وتبدأ بالخرابات اما الستوقر واحد عنده له 7 سنين ما اشتكى منها وسعرها 230 موجوده بالكويت عند وكيلها المزين بويوسف .. ومشكور على المرور المميز طال عمرك
ابوطلال .. العفوو وعز الله انك صاج الستوقر بنظري ما اعتبرها تركيه على أداءها العالي وخفتها ورميها ,, ومشكور على مرورك المميز طال عمرك
المرقاب + حفراوي 190 .. هلا اخواني سعرها بالكويت 230 دينار الفيبر الأسود وبالسعوديه اتوقع 4000 ريال لاني مأعرف سعرها بالسعوديه ,, ومشكورين على المرور المميز
عزام الحربي .. العفوو وبالنسبه لسعرها 230 دينار بالكويت , وبالسعوديه اتوقع 4000 ريال , ومشكور على المرور المميز
ابوسفيان .. العفو والبندق بصراحه مظلومه بشكل كبير بين الصيادين وانا حبيت اوضح لهم بهالموضوع بس عشان يجربونها ويعرفون مراميها لاني انصدمت من فعلها بصراحه بندق طيبه طيبه طيبه والله , ومشكور على مرورك المميز طال عمرك

a1Ruwais
05/10/2009, 02:08 AM
الله يعطيك العافيه

براوينغ
06/10/2009, 02:26 PM
مدلهم المزن . الله يعافيك وشاكر لك على مرورك المميز طال عمـرك

عاشق الفتك 20
06/10/2009, 09:12 PM
خل عنك التركيااات كلهن خرطي مايجي مثل الايطالي والرووسي
ونفس كلام اخووي ضحية بيشه

سيف الظفير
06/10/2009, 09:16 PM
عطي الله البريتا اكستريما 2

والبنلي

aljubail
06/10/2009, 10:48 PM
يعطيك العافيه اخوي وماااقصرت على الموضوع الرائع وصراحه دخلتها براشي بشوف لي وحده وان شاء الله احصلها

والعالم من سمعو شوزن تركيه قالو اتركها وابعد عنها التركي خرطي وهم ماجربوها وانا مجرب بلاك ولف وصراحه رميها حلوووووووو رامي فيها 40 قرام على بط وتسوق مشاء الله عليها

والي يقول بنلي البنلي بندق جيده وحلوة ومن افخر الشوازن بس مايقول احسن شوزن ومافي مقارنه بالسعر
يعني البنلي السوبر بلاك اقل شي بتلقاها وهي مستعمله ماتقل عن 7000 او 8000
وهذي اذا هي 230 دينار يعني تطلع اذا الدينار من 14 ريال3220
اوفر وممتازه

واكرر شكري لخوي طارح الموضوع وبيض الله وجهك

علي101
06/10/2009, 11:17 PM
الله يعطيك العافية

ابوعقرب
07/10/2009, 12:05 AM
الله يبيض
وجهك
على الجهود
الكبير
والطرح
المميز

ولد وايل
07/10/2009, 12:33 AM
اغلب ام روحين اللي اسمها كابسان 555 تركيات والنصاب بيقول انها ايطاليه وعندي لها اكثر من 10 سنوات

ابوس11م
07/10/2009, 12:38 AM
اللي يبي النصيحه من مجرب الستوكر كلها جنبها . شريت ثنتين وكلهن عيوب قلت الاولى يمكن فيها عيب وطلعت الثانيه مثل الاولى وفيها ثقل قدام .

اللي يبي التركيه ياخذ ميراج من غير كلام اللي يسمونها الشباب لميس رميها ناعم حيل تقول ترمي في بريتا ولا فيها مشاكل هذا ثاني موسم ارمي فيها ولا نظفتها بفضل الله ممتازه

ارحلي بسكات
07/10/2009, 01:37 PM
كلامك على العين والراس يابروينغ والله تستاهل عشر نجوم والله لايهينك
على مجهودك الرائع

براوينغ
07/10/2009, 02:56 PM
عاشق الفتك .. هلا اخوي نعم انا معاك ما يجي مثل الايطالي (الروسي) اغلب الناس يشتكون من البيكال ؟؟ من شوكاتها وثقيله وتندف ولازم توزن الغاز ؟ وانت قارن بالسعر حبيب قلبي يعني سعر الايطاليه البنلي او البرتا من 9000 إلى 14000 ؟ بينما التركيه 4000 ورشها حلو ومنظم ويقارن برش البنلي والبرتا
سيف الظفير .. هلا ومرحبا نعم البرتا من افضل الشوازن بالعالم ولكن حنا نتكلم عن الشوازن التركيه ؟ ونعم البرتا افضل منهم ولكن قارن سعر البرتا مع الشوزن التركيه الستوقر ؟ 4000 تقريبا مع 12000 ؟؟ سعر مبالغ فيه وانا اقول التركيه رشها طيـّب وحلو
aljubail .. انا معاك 100 % اخوي والشوازن اذواق ؟ ناس تقول برتا ناس تقول بنلي ناس تقول براوينغ وناس تقول بيكال الروسيه وكل الشوازن طيبـه واللي بالصداره البنلي والبرتا بس اسعار مبالغه جداً جداً جداً ؟ يعني 12000 ؟؟؟ وانا اقول التركيه توفي بالغرض ورشها طيـب وسعرها رخيص والبنلي والبرتا انشهد انهم بنادق وما عيبت بهالبنادق ابد بس انا اقول ان هالبندق عندي حالياً ورميها طيب ؟ وحبيت اقول لكم شغله انا عندي برتا اكستريما 2 وواحد من اخواني عنده بنلي رافيلو ديلوكس ؟ والسالفه مو متحيز ومو متحيز بس انا جربت هالبندق وشفت انها طيبه ورميها تقريبا مثل البرتا وكل من مجربيها يمدحونها ومشكور على مرورك
علي101 .. الله يعافيك وشاكر لك على مرورك
ابوعقرب .. ووجهك وشاكر لك على مرورك
ولد وايل .. والله ما عندي علم عن ام روحين وترى الصناعه الايطاليه فيها الشين وفيها الزين واتوقع الزين فيها الستوقر والميراج والبلاك ولف والريد ولف ,, احسن اربع بنادق بالصناعه التركيه تقريباً
ابوس11م .. اخوي الشوزن عندي وعند اكثر من واحد من الشباب وفيه بالمنتدى من مجربين الشوزن وما عذروب بها بس يمكن اللي شريتهم فيهم عيوب مصنعيه وانا اشوف الشوزن اللي عندي ما فيها اي شئ وطيبه, والميراج ما عليها كلام طيبه بس اغلب الناس يشكون منها من الموسم الثالث يقولون النتاش (الابره) تنكسر ولا رمي الميراج والستوقر عينين في رأس نفس الرمي وانا مجربهم ثنتينهم بس الستوقر افضلها على الميراج لانها نظام انريشا درايفن نفس البنلي اما الميراج غازيه يعني يحتاج لها تنظيف اما االستوقر مثل البنلي يعني تنظفها بعد صندوق فشق أو اكثر
ارحلي بسكات .. تستاهل الطيب يالغالي وشاكر لك على مرورك

ابو...فهد
07/10/2009, 03:26 PM
مشكور يالغالي على هالموضوع الرائع

فعلاً تقرير متكامل لك كل الشكر والتقدير

النوفي 3535
08/10/2009, 01:38 AM
]السلام عليكم
مساء الخير للجميع [/CENTER]
بخصوص هذه الشوزن احس إنها مظلومه جدا والناس الي ماتقدر على اكستريما 2
او غيرها من الفئه الاولى هجمت على البيكال الي تشكات الي تجي معها ماتصلح لنا وكذلك الغاز يدوي وتنظيف وثقل بس الناس طارت فيها
قريت عن البندق شفت مقاطع كثيرة باليوتيوب ودخلت المنتدى تبع بنلي ولقيت موضعات خاصه m200 واشياء حلوة مع احترامي للجميع والله ام سيلان عندي احسن البيكال بعشر مرات
تضيع فشق وجع راس ممكن موضوع تشكات البيكال حل جزء من المشكله للبيكال بس مازالت هناك مشاكل
يكفي ان البندق التركية الصنع تحت اشراف شركة بنلي يجي معه اربع تشكات ثلاث داخلية ( نقطه ضعف) والرابعه خارجية xf
وماتنفع للترهيم للماسورة وهذا احسن شي
سعرها بالنت مره رخيص 1800 ريال تقريبا
؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ ؟؟؟؟؟؟؟؟؟؟؟؟؟؟؟؟؟؟؟
قيمة ام حبة
اخر شي ابي اضيفه نحن شعب نمشي مع الدارج ( شعب النوكيا والتويوتا )
اسف اخواني بس هذا الحقيقي

نسيت حاجة حلوة كعب البندق متحركه
اسف على الاطاله
تمنيت الموضوع مانشر علشان تجار البنادق الجشعين يرفعون سعرها زي مارفعو سعر البيكال
الرابط الاول لشركة بنلي وحاطي قسم خاص في المنتدى للستونجر
والثاني موقع الشركه وفيها بعض المواصفات
http://www.benelliusa.com/forum/index.php

http://www.stoegerindustries.com/firearms/stoeger_model_2000.php


بالمحبة نلتقي

براوينغ
09/10/2009, 08:18 PM
ابوفهد .. العفو اخوي وشاكر لك على مرورك المميز

النوفي3535 .. جزاك الله خير اخوي على المعلومات اللي زدت بها الموضوع وبصراحه انا معاك 100% انا ما اذم البنادق الايطاليه مثل برتا وبنلي ؟ او اقول ان الستوقر اطيب منهم لا انا ما قلت هالكلام بس انا اقول .. ان مثل هالبنادق اسعارهم غاليه ؟ واللي ما يقدر عليهم ياخذ البيكال ؟ وانا اقول ان الستوقر احلى من البيكال ومراميها نفس مرامي البرتا والبنلي وبصراحه البندق رخيصه ولو ماهي طيبه البنلي ما شرت شركة الستوقر وخلت مهنديسنها يباشرون عليها وحطت لها قسم خاااص لها بموقع بنلي وانتم لو تلاحظون ان لها مقاطع واجد باليوتيوب وبالمواقع ,, عكس البنادق التركيه الثانيه اللي مالهم لا مقطع ولا طاري ,, وهذا ان دل يدل على ان الستوقر جودتها طيبه وعاليه ,, واشكرك كثير الشكرر اخوي النوفي بزيادة الموضوع بهالمعلومات القيمه وشاكر لك مره اخرى على مرورك المميز

محمدالعريني
20/10/2009, 04:08 PM
والله البندق بدت تدخل مزاجي والظاهر بدورها

بارود برنو
20/10/2009, 09:42 PM
السلام عليكم ورحمة الله وبركاته

اخي الغالي ... براوينغ

موضوع جميل....... وجهد مميز

بارك الله فيك

تستحق التقييم الاعلى

مع خالص شكري لك

al7adag
22/10/2009, 02:11 PM
يا اخي انا شريت ستوقر من كلامك يالغالي:)ههههه ولايصير خاطرك الا طيب وبجربها لعيونك

al 3teeBe
22/10/2009, 02:28 PM
الله لا يهينك
مشكوووور وما قصرت

أبوحيا
07/11/2009, 01:17 PM
مشكووووووووووووووووور

براوينغ
10/11/2009, 07:07 PM
محمد العريني .. انا انصحك بها وبصراحه بندق طيبه ورميها لا يعلى عليه مشكور على المرور
بارود برنو .. تسلم اخوي بارود برنو وشاكر لك على مرورك المميز
al7adag .. مبرووك والله يعطيك خيرها ويكفيك شرها وماتنقل فيها دم عدو ولا صديق واتمنى أنك تجربها وتعلمني عن تجربتك وانا واثق انها بتجوز لك برميها الراكد لاني توني رامي فيها 10 دستات بيوم وكان الرمي على طيور البصو(الحصد) والله الرمي متواصل ما وقفت البندق من الرمي وما شاء الله عليها رميها ثابت وما تغير نيشانها والله يبارك لك فيها ان شاء الله , وشاكر لك على مرورك
العتيبي .. لاهنت وشاكر لك على مرورك طال عمرك
أبوحيا .. العفوو وشاكر لك على مرورك

ابو حصه
12/11/2009, 12:42 AM
الله يعطيك الف عافيه

مشكور على هذه المعلومات

بشتريها بعد هذا الموضوع الشامل

BOU_ZAID
13/11/2009, 12:24 PM
الله لا يهينك على الموضوع الرائع ...

قناص خليص
13/11/2009, 02:25 PM
شكرا لك وتمنياتي لك بالتوفيق

باترول_94
13/11/2009, 09:10 PM
مشكور يالغالي ع المجهود الرااائع

henter666
14/11/2009, 07:48 AM
مشكور لكن اعتقد ما راح نحصلها بالسعوديه لاني لي فتره ادور ولا حصلت شي

مخاوي ......؟
14/11/2009, 08:04 AM
الله يعطيك العافية من جد وافي وكافي
والله لايهينك على الموضوع

sa7are
14/11/2009, 10:18 AM
يعطيك العافيه وخلونا نكون واضحين

العيب مو في الاسلحه.. العيب فينا حنا ما نعرف نحافظ عليها ... ولا على فكره كل الاسلحه ممتازه سواء التركي او الروسي او الايطالي او البنقالي ... الموهم لازم نحافظ عليها علشان تعيش معنا وقت اطول

الوتر الحزين
14/11/2009, 12:56 PM
الله يعطيك العافيه اخوي براوينغ

طيب كم اخر ضغط ترميه؟

لان ودي بوحده مثلها بس ماحصلت للأسف :(

شكرا

فهد550
14/11/2009, 01:10 PM
يعطيك ربي الف عااافيه

براوينغ
15/11/2009, 08:50 PM
ابوحصه ,, الله يعافيك وبالنسبه وين تحصلها بالسعوديه لا اعلم ولكن بالكويت تحصلها عند المزين بويوسف بشرق مقابل قصر السيف وشاكر لك على مرورك المميز
قطوعه .. العفوو وبالنسبه وين تحصل بالكويت بمحل المزين بويوسف بشرق مقابل قصر السيف ,, وشاكر لك على مرورك المميز
بو زايد .. لاهنت وشاكر لك على مرورك المميز
الوليد919 .. بس البيكال ناس واجد يشتكون من رشها وشوكاتها ,, وانا أفضل الستوقر على البيكال لعدة شغلات ومنها ( نظام الانريشا قليل الاتساخ + وخفيفة الوزن وما تندف + ورشها منظم وموزع وحار 100 % ) وشاكر لك على مرورك المميز
حسن ابوتركي .. العفواً وشاكر لك على مرورك المميز
باترول_94 .. العفوو يالغالي وشاكر لك على مرورك المميز
henter666 .. العفو ولكن اكيد بتحصلها بالسعوديه لان اعرف كذا واحد عندهم بنادق بالسعوديه نفس هالنوعيه ,, وبالسعوديه كل شئ موجود ولكن صعب تحصله , وشاكر لك على مرورك المميز
مخاوي .. الله يعافيك ولاهنت وشاكر لك على مرورك المميز
sa7are .. الله يعافيك ونعم كلامك صحيح 100 % كل الاسلحه جيده ولكن يبي لها مداراه ومحافظه عليها وتنظيف مستمر ,, ولكن يفرقون بشغله واحده الا وهي ( الرش ) فيه بندق رشها حار وبندق رشها ما يبرد الكبد وهالبندق رشها حار 100 % , وشاكر لك على مرورك
الوتر الحزين .. الله يعافيك والبندق 3" يعني ترمي من 24 لـ 56 ,, واعتقد ما راح تحتاج اكثر من هالقرامات لان اكبر شئ بتصيده الكرك ,, والكرك بي بي ولا متوسع < وهالانواع اغلبها تجي 32 و34 و36 , واتمنى أن تحصل لك على وحده مثلها وترمي فيها وتشوف مراميها الطيبه ,, وشاكر لك على مرورك المميز
فهد500 .. الله يعافيك وشاكر لك على مرورك المميز

mlikhunter
29/11/2009, 05:43 PM
عيدكم مبارك
كلم زين ويشجع لان مافي غير التركي بالسوق بالوقت الحاضر
لكن الانواع زفير او كرال
شنو راي الي عندهم هالانواع
وشنو الري بالاوفر مو افضل من الاتومتيك بالنسبه للعطلات
تسلم على الموضوع الوافي

(محمد)
19/12/2009, 01:16 AM
لاهنت اخوي الصراحة طرحك ابداع ولاكن السؤال اخوي السوبر بنلي بالقصيم يرهمون لها ماصورة 32 إنش حقت البلجيك ماأدري هل الستوجر نقدر مثلا نرهملة نفس الماصورة

وحفظك الله ورعاك

classica
23/12/2009, 03:34 AM
مشكووور اخوووي ع المعلوووماااات عن هالشووووزل

يفرق بين الشوازل ..
تحملها ورشها
والتحمل عند البيكال <كسرها كان تقدر>
والرش عند البلاك ولف والتركيات عموماً

وغيرها ماجربت

مخايل الغربى
28/12/2009, 02:27 AM
مريت المزين وقال مش موجوده وسعرها 280 وليس 230 ويمكن تجى بعد اسبوع
المزين انتقل الشويخ خلف سوق التمور

أبو صالح 2825
28/12/2009, 09:34 AM
الله يعطيك العافية على المعلومات المهمة

ومشكور اخوي

ابو تمام
28/12/2009, 10:17 AM
الله يعطيك العافيه اخوي على هالموضوع والظاهر بيرتفع سعرها بعد هالمدح بنشوف لنا وحده مستعمله خفيف نجربها

شكرآ لك اخوي براوننغ

رفيق الأمل
29/12/2009, 12:44 PM
تسلم ياخوي جزاك الله خير على الموضوع الرائع

جذآآآب
01/01/2010, 09:43 AM
موضوع قيم وانتظار تجارب الاعضاء
ولكن هل ستوقر التركيه طول مصورتها 32 انش والا اطول شي 30 انش

ابن السحاب
18/01/2010, 07:47 PM
مشكوووووووووور

اخو سعود
19/01/2010, 01:07 AM
يبقا الاصلي اصلي والتقليد تقليد وغير البلجيك لاتدور

بواردي الدبدبه
19/01/2010, 04:30 PM
احوول مافي بندق تركيه لها جوده ؟؟؟؟؟؟؟

ابن السحاب
19/01/2010, 05:25 PM
اللي يخبر لاينسانا ويبشر بالسعي

ابو عبود 2013
15/02/2010, 11:50 PM
السلام عليكم ياخوان اللي يقول ان البكال
بــــ 4000 آلاف غلطان ولايعرف عن السوق شي وإذا باع احد فيكم البيكال اللي عنده
بــ 4000 آلاف ترى انضحك عليه البيكال مستعمل بـ 5000 آلاف الجديد وصل لي
7000 وبعدين ياشباب البيكال نوعين نوع قديم التشك يركب من الداخل وموجوده عند واحد من الربع وفيه الجديده أو الاخيره وهي اللي يركب عليها تشك 660 يعني تشكات خارجيه
والشوزن التركية مابها عيب بس ياخوي التركي تركي والروسي روسي لاوجه للمقارنه روسيا اقوى واشهر وافضل دوله في العالم لتصنيع السلاح كلام مايختلفون عليه اثنين اول مانزل سعر البيكال كان بي 4500 بس الان اللي عنده بيكال جديدة او نضيفة بـ4000 انا شراي والكميه اللي تقدر عليها عشان اوريكم انكم مخدوعين بالسعر اما عشيقتك يالغالي مانكر انها حلوه بس سعرها برضه غلط واحد من الربع اشتراها الجمعه الماضيه بـ5800ريال ورد على اللي يقول البيكال ماتصبر او انها تنفجر ياخوي كم شوف موضوع كسرها لوتقدر خل اي بندق تتحمل ذا الكم الهائل من الرصاص كان انفجرة زي ماقالو الاخوان غير كذا الاخ الروسي اللي يدخل البندق في الماء ثم في الطين المقطع المشهور جدا للبيكال ومع ذالك ترمي وغير ذالك افضل بندق لعام 2005م سنة الصنع
لاأريد ان اطيل ولاكن للمعلومية
لولاء إختلاف الاذواق لافسد السلع
وشكرا على الموضوع والمتابعة المتعوب عليها اخوي الكريم
عسى ربي يجمعنى في جناااااااااااااااااااااااااااات النعيم

مرهف
16/02/2010, 12:03 AM
السلام عليكم جميعا مساء الخير على الجميع من واقع تجربة الستوقر ممتازة يا شباب مجربة ولايعيبها شي في رميها في سوقها السبطانة طولها30 انش سعرها بالسعودية 6000 ريال واي خدمة تراني حاضر للمساعدة
تقبلووووو مـــــــــــــــروري اخوكم مرهف

القطاوي 2008
04/03/2010, 10:38 PM
مشكور على الجهد الكبير ,,

وجعله الله في موازين حسناتك ,,

معرب الخال
05/03/2010, 02:56 AM
ماشاء الله عليك يابراوينغ

موضوع مابعده موضوع للبنادق التركية وغير النظرة القديمة لها

حر شلع
05/03/2010, 03:31 AM
مشكور يالغالي ع الموضوع

f 16
05/03/2010, 04:07 PM
عموما التركية زينة بالحيل ستوقر وبلاك ولف والريد ولف انا مجرب وهذا ترتيبهن من ناحية تحمل ومتانة وخفة وماصورة 30 فما فوق تسوق سوق طيب غير ماتوقعت لا الناس اخذو سمعة خاطئة للاسف وللمعلومية التركية نفس مصنع البنيلي بس عشان العمالة ارخص واسال عنه من ناحية المصنع

أبو غند
06/03/2010, 02:33 PM
اخوي انا قانص امس واحد مدحها لي وانت اثنيت عليها واتكلت على الله واشتريت سعرها يقلون عندنا بالسعوديه 6 الف

يازين البر
09/03/2010, 01:44 AM
ياشباب البيكال نوعين نوع قديم التشك يركب من الداخل وموجوده عند واحد من الربع وفيه الجديده أو الاخيره وهي اللي يركب عليها تشك 660 يعني تشكات خارجيه


للمعلومية التشك 660 يركب على هذي وذي لأن السنة وحدة

اللهم ان الخارجية تشكاتها بارزة والداخلية لا .. فقط

يعني تقدر تركب التشكات الخارجية على البندق اللي جاية تشوكاتها داخلية والعكس كذلك

قطاع الارماس
12/03/2010, 08:23 PM
ماشاء الله تبارك الرحمن


مشكور ياخوي


الله يعطيك العافيه

أبو غند
23/03/2010, 03:00 PM
يقولون انها ماترمي الا ظغط 36
واذا رمت 40 تنفجر كلام اشخاص هل هذا صحيح

السنايبر
23/03/2010, 05:05 PM
مشكووووووووووووور
الله يعطيك العافية

الكحيان
23/03/2010, 05:38 PM
الله يعطيك العافية مشكور وما قصرت وفيت وكفيت

عضو مكشاتي
23/03/2010, 06:18 PM
الله يجزاكــ بالخيــر

ابو هيا2010
26/03/2010, 02:28 PM
الله يعطيك العافيه
والف شكر على التقرير الرائع
ممكن صور خااصه من بندقك
او اي شخص عنده نفس البندق وشكرا

عضو مكشاتي
26/03/2010, 06:58 PM
البندق ممتازه الحمد لله ونظمها غازي نفس البنلي ومكينتها قريبة لمكينه البرتا لاكن مشكلتها انها تندف بقوه عشان كذا رميها حار
:) :) :)
http://www.mekshat.com/pix/upload04/images153/mk44080_img_0005.jpg


http://www.mekshat.com/pix/upload04/images153/mk44080_img_0006.jpg

شوكة نحر
27/03/2010, 12:26 AM
يقولون انها ماترمي الا ظغط 36
واذا رمت 40 تنفجر كلام اشخاص هل هذا صحيح

رميت فيها اربع طلقات متواصله ضغط 38 ولله الحمد رميها ورجفها معقول

ابو هيا2010
28/03/2010, 11:04 AM
شكرا لك على الصور بس ابيها كامله ممكن
وثانيا من مميزاتها انه رجفها خفيف مثل النص مثل ماقال اخوي برااونغ الله يجزاك ويجزااه كل خير واخوانا المسلمين

ابو هيا2010
02/04/2010, 06:32 PM
قصدي في شهر 5/1431هـ

يازين البر
03/04/2010, 05:25 PM
شكرا لك على الصور بس ابيها كامله ممكن
وثانيا من مميزاتها انه رجفها خفيف مثل النص مثل ماقال اخوي برااونغ الله يجزاك ويجزااه كل خير واخوانا المسلمين

مصدق أنت ؟!!

رميت فيها وكرهتها على طول من رجفها وقلت الله يهديك يا براونغ وين اللي ما ترجف :)

قلت يمكن الرجال متين شوي ما يدري عن الرجف :) مع العلم اني رميت بضغط 32

واللي في المقاطع نصابين الظاهر يرمون بضغط 10 :)

ولد دوارد
03/04/2010, 10:58 PM
سلام عليكم
انا معي رد وولف امخمس تدخل 8 رصاصات ممتازه وحلوة ماحسيت فيها شئ بس ياخي احس واوسوس ماتوصل
افيدوني عن الرش حقها ووش نوع الرصاص الزين لها؟
يمكن من رميي باطيار ماهوب ذاك الزود

أبـو مـدمـر
05/04/2010, 02:23 PM
ياشباب تنصحوني فيها

والا في البيكال

انتظركم

ابن عواض الحربي
10/04/2010, 01:20 PM
السلام عليكم ورحمة الله وبركاته

كنت من اشد المعجبين بهذي البندقيه وناوي اشتريها لكن هونت والسبب انفجرة على العيال في موسم الرهو ثنتين وبظغط 34 والحمد لله سلمو
غير الاكستريما 2 لا تدور جوده ومتانه وفعل بندق ترمي فيها وانت مرتاح وفي نظري انها اجود من البنلي والسبب
1-نظام الكيك اف ترمي اي ظغط بدون ندف يذكر
2-انسى ان البندق تهنق
3_ضد الصداء
والله يالربع حرقت بها حرق وفي مره رميت فيها بطنين ورى بعض 8 طلقات ضغط خمسين من اروع مايكون
.......لكن يبقى التركي تركي....

براوينغ
21/08/2010, 11:33 PM
مشكورين اخواني على المرور وحبيت أعلق على كم رد بالموضوع
اخوي يازين البر يالله حيه كيف حالك عساك مرتاح .. بالنسبه للندف والله رميت فيها 36 رقم 0 ورميت فيها 40 قرام رقم 7،5 وبالعكس ندفتها عاديه نفس ندف البنلي ,, وانت هوّلت فيها تقول كرهت البندق بسبب الندف ؟ يعني تبي تبيّن لنا ان ندفها نفس ندف البراونق اوتو فايف وام حبه .. بالعكس اخوي هي نفس ندف البنلي وخفيفه جدأً مادري عاد اذا انت حسّاس انصحك تشتري اكستريما تو عشان نظام الكيك اوف وتربط على كتفك شماغ او تحط فوطه واسمحلي على الأطاله طال عمرك
اخوي ولد حرب ,, بالنسبه للبندق اللي انفجرت ماظنتي بتنفجر من ضغط 34 لانه ضغط عادي وترميه حتى بندق الكسر وانا ياخوك والله رميت فيها 36 رقم 0 ورميت فيها 40 قرام ورمي متواصل كان على قطا النغاق خمس ورى خمس ما صار فيها شيء وماشيه معاي ويمكن البندق اللي معاكم فيها عيّب مصنعي او سوء استخدام .. وانا سمعت بعد عن ناس انفجرت فيهم بنلي وانفجرت فيهم بيكال روسيه ؟ وتقدر تبحث بالمواقع وتشوف الانفجارات ووياليت تسأل خويك عن سبب الانفجار وتعلمنا ,,
وياخواني والله انا يوم نزلت الموضوع ابي الفايده لكم لاني جربت بندق زينه وعجبتني وحبيت اخواني يجربونها ويستانسون مثل ما انا رميت واستانست فيها ,, وماراح احصل ربح وراها ان شريتوها او ما شريتوها .. بس بعض الناس يجي يقول ( تركيه تركيه ) انحش انحش .. ومع ان فيه بنادق تركيه زينه واغلب الناس تشتريها مثل ريد وولف وبلاك وولف والميراج اللي هي akm وهي خفيفه وحلوه وتسوق وماعليها .. وانا حبيت أعلمكم عن الستوقر اللي هي شركه تابعه للشركات قروب برتا ..واللي يشرفون على صناعتها مهندسين من شركة بنلي والصناعه بتركيا .. والبندق نفس نظام بنلي بالضبط ويركب عليها قطع بنلي وانا عندي بنلي السوبر سبورت وارمي فيهم اثنينهم ورمايتهم حلوه ولكن انا يوم نزلت الموضوع عشان بعض الناس ما يقدرون يشترون البرتا او البنلي اللي اسعارهم وصلت الـ ؟ فـ يشترون التركيه اللي بـ بدال الروسيه اللي يرهمون لها شوكات وإلخ ,, واخوي ولد حرب انت تقول برتا برتا معروفه على مستوى العالم وادائها ممتاز جداً ولكن حنا ما نقارن التركيه بالايطاليه .. ولكن نقارن المرمي كلهم نفس المرمى ولكن مو نفس الجوده ,, بس فارق السعر شوف يعني التركيه والبرتا بـ وما ادري اذا اغلى يعني بسعر البرتا تاخذ بندقين ؟ والتركيه توفي بالغرض هذي هي صار لها عندي 4 سنوات وللحين ترمي وما فيها شيء وللعلم ترى الموسم كله ماتوقف رمي اربعه وعشرين ساعه رمي حاطها بالمزرعه واي واحد من اخواني يروح او من الجماعه ياخذها ويرمي فيها والبنلي السوبر سبورت شاريها حق رماية الاطباق ورماية الفري/السمان .. بالليل على الجهاز ,, اما حق الكرف والله اكرف التركيه وانا يوم حطيت الموضوع ماقصدت ان التركيه أفضل من برتا ولكن اللي ماعنده الماديه الكافيه لشراء بنادق مثل برتا وبنلي يقدر يشتري الستوقر والمرمى والله قريب جدأً من مرمى البنلي وللأمانه ماجربت البرتا عشان احكم ولكن البنلي معروفه والكل يمدح بمرماها وخاصه الرافيلو والام تو واسمحولي ياشباب.. ان أصبت فمن الله ومن أخطئت فمن نفسي والشيطان .. واسمحولي على الاطاله اخواني

باترول_94
22/08/2010, 01:55 AM
الله يجزاك خير ع الجهد الرائع

يازين البر
24/08/2010, 05:36 AM
شكرا لك على الصور بس ابيها كامله ممكن
وثانيا من مميزاتها انه رجفها خفيف مثل النص مثل ماقال اخوي برااونغ الله يجزاك ويجزااه كل خير واخوانا المسلمين

لا لا لا توهق عمرك يا ابو هيا اللي قال لك رجفها مثل النص ما أصاب في الوصف

خذها من أخوك شريتها جديدة بقراطيسها وصرفتها ما كملت نص دستة

أنا يوم جيت أرمي بها متوقع اني أبلقى نفس اللي بالمقطع يلعب بها الرجال وهو يرمي !! هذي المقاطع دعايات يرمون بضغط خفييييف مرررة الظاهر ولا ضغط 18 ويلعبون على الناس

إلا ترجف ونص عورت كتفي وحتى خدي عورني منها بندق غريبة تضرب الخد !!

وكذلك أحد زملائي اشتراها وما أبطت معه باعها يقول ترجف وتعور الخد


صحيح البندق خفيفة ورميها حلو ومكينتها سلسة ( مع انها كانت تفوت في الطلقة الثانية ) لكن مسألة الرجف معليش فيها مبالغة

يازين البر
24/08/2010, 05:41 AM
مشكورين اخواني على المرور وحبيت أعلق على كم رد بالموضوع
اخوي يازين البر يالله حيه كيف حالك عساك مرتاح .. بالنسبه للندف والله رميت فيها 36 رقم 0 ورميت فيها 40 قرام رقم 7،5 وبالعكس ندفتها عاديه نفس ندف البنلي ,, وانت هوّلت فيها تقول كرهت البندق بسبب الندف ؟ يعني تبي تبيّن لنا ان ندفها نفس ندف البراونق اوتو فايف وام حبه .. بالعكس اخوي هي نفس ندف البنلي وخفيفه جدأً مادري عاد اذا انت حسّاس انصحك تشتري اكستريما تو عشان نظام الكيك اوف وتربط على كتفك شماغ او تحط فوطه واسمحلي على الأطاله طال عمرك


أبشر يا طويل العمر

يازين البر
24/08/2010, 05:54 AM
الفئات الأخيرة من البنادق التركية جيدة بصفة عامة (ستوقر- بلاك وولف - akm - رد وولف - بريدوس- إيسكورت ) ورميهن طيب وتقريبا واحد ما فيه فرق , إلا التوماهوك بندق فاشلة كلها خرابات

اهل الردات
24/08/2010, 06:14 AM
انا اقول كلامك عين العقل بس ماترمي اضغوط به تنكسر

القناص 200
25/08/2010, 11:50 PM
صراح شجعتني اني اشتر مثلها
تقبل مروري

براوينغ
27/08/2010, 10:18 AM
مشكورين ياجماعة الخير على هالردود اللي تشجع الواحد بأنه يجتهد وينزل مواضيع وانتم تستاهلون كل خير والله اخوي ابومقعد نعم البندق تقبل مخزن اضأفي ،،، اخوي يازين البر طبيعي كل بندق لا جات بكرتونها جديده يبيلها تليين عشان تلين اجزائها ,, وهذا مو كلامي كلام ناس اخبر مني بعالم السلاح ,, ولازم كل بندق تشتريها جديده بالكرتون تليينها بفشق قوي مثل 40 قرام 36 وترمي فيها 4 دستات على الاقل ,, على شان ترتخي اجزائها ويخف ندفها بنسبة 180 درجه ,, وياليت تسأل عن هالمعلومه وان شاء الله بيفيدونك اللي اخبر مني ومنك بمجال الاسلحه ,, وارجع اكرر شكري لكم ياجماعه والله يعطيكم العافيه على المرور

بن عيد1
27/08/2010, 02:44 PM
براوننق طلبتك لاعاد تكتب باللون الاحمر او البرتقالي .....

بارود برنو
21/12/2010, 11:10 AM
تم حذف الردود المخالفه



يمنع منعا باتا عرض وطلب الاسلحه الناريه او الهوائيه


او اجزائها او الاستفسار عن اسعار الاسلحه او الفشق او الاستفسار عن اماكن بيعها في منتديات مكشات



القوانين الأساسية لخيمة أدوات الصيد (http://www.mekshat.com/vb/showthread.php?t=237658)

S-A-L-E-H
29/04/2012, 11:55 AM
لا لا لا توهق عمرك يا ابو هيا اللي قال لك رجفها مثل النص ما أصاب في الوصف

خذها من أخوك شريتها جديدة بقراطيسها وصرفتها ما كملت نص دستة

أنا يوم جيت أرمي بها متوقع اني أبلقى نفس اللي بالمقطع يلعب بها الرجال وهو يرمي !! هذي المقاطع دعايات يرمون بضغط خفييييف مرررة الظاهر ولا ضغط 18 ويلعبون على الناس

إلا ترجف ونص عورت كتفي وحتى خدي عورني منها بندق غريبة تضرب الخد !!

وكذلك أحد زملائي اشتراها وما أبطت معه باعها يقول ترجف وتعور الخد


صحيح البندق خفيفة ورميها حلو ومكينتها سلسة ( مع انها كانت تفوت في الطلقة الثانية ) لكن مسألة الرجف معليش فيها مبالغة



فعلا كلامك صحيح ترجف وخاصه سالفة الخد ^_^
اول ماشريته طلعت على غطاط وبثالث رميه دخلت وتركت الجول
من شدة ضربها لي مع الخد
شوي إلا براطمي مترين وارمات ههههههه
طبعا أنا عرفت وش المشكله ماكنت مثبتها بالشكل الصحيح بكتفي

شاهين12
29/04/2012, 11:41 PM
مشكور اخوي على هال الجهد الطيب ويعطيك العافيه ..

لاكن ترى فيه مبالغه شوي فيها ..حتى وهقت الشباب بالرجف ...هههه

اقل البنادق بالرجف تمتلكها شركة بريتا الايطاليه..
وليست البنلي..........

الباثفايندر3
14/05/2012, 03:15 AM
ياجمااااعه صحيح انها ترجف اقوا من البلاك اوولف

جهق//حايل
25/05/2012, 01:46 AM
جزاااااك الله الف خير
صرآحه موضوع كامل والكامل الله
وانا معروضه علي بس متوهق وعقب كلامك شاريه شاريه والله لايعوق بشر
تحيآآآآآآآآآآآآآآآآآتي للكاتب الكبير ((براوينغ))

فارس556
01/06/2012, 09:54 PM
السلام عليكم


قبل يومين شريت لي ستوقر2000


وتم تجربته مع فشق ارسي الاصفر 32/7.5


اقوول والله ياهي تطررررررررب وبتشوك رقم 2 بعد الفل تشوك


رميت على قيسيتين على نخله مسافه تقريبا 25 متر الى 30 متر

بين القيسيه والثانيه تقريبا اكثر من نص متر كل وطاحن كلهن طيحه موت


يالربع جربت البيكال والفيوجن والبنلي افضل مارميت به

الفيوجن ايفلوف +ستوقر 2000 (حراره رمي ماهي طبيعيه وكلهن تشوك رقم2)

العبوب
02/06/2012, 02:43 PM
استوقر وبس بندق لايعلا عليها في جميع الاستخدام

استوقر استوقر استوقر

جهق//حايل
03/06/2012, 05:23 PM
بالعربي
سلاآح لايعلى عليه

خالد747
05/06/2012, 06:10 AM
اللي يقوول ترجف انا شراي للي عنده مستعمل

صقار محترف
05/06/2012, 09:46 AM
حتى وان كانت بندق جيده لكن لاحد يقول افضل من البانيلي واقوى
وشخصيا افضل البانيلي والبرتا والبيكال

تساهيل1
02/10/2012, 10:42 PM
الله يعطيك العافيه للجهد المبذول في ترتيب الموضوع


والدفاع المستميت عن السلعه

لو تدري الشركه المنتجه كان بيكافؤنك

واحتمال ينصبونك مدير تسويق للخليج


وعلى كلن ارى ان التركي اجمع فاشل نوعا ما


وسلمت يداك للموضوع

حربي الحرة1
02/10/2012, 11:42 PM
الله يعطيك العافيه
ماقصرت كفيت ووفيت

بلوز بلوز
03/10/2012, 01:01 AM
مساء او صباح الخير للاعضاء المكشاتيه
استفسار بسيط عن مستخدمي الاستوقر 2000
بالنسبه للنيشان اثناء التصويب علي صيده واقعه
من مسافة لاتتجاوز 30 متر اين يتم وضع النيشان
ودمتم سالمين

ابولفه
03/10/2012, 03:02 AM
مساء او صباح الخير للاعضاء المكشاتيه
استفسار بسيط عن مستخدمي الاستوقر 2000
بالنسبه للنيشان اثناء التصويب علي صيده واقعه
من مسافة لاتتجاوز 30 متر اين يتم وضع النيشان
ودمتم سالمين


صباح الخير يالغاالى
من 10 الى40 تحت الصيده
من 40 الى 70في الصيده
من 70 الى100 فوق الصيده

من واقع تجربه بالستوقر 2000

محب الفكتوريا
03/10/2012, 04:19 AM
تسلم يمينك على هاالموضوع
والله يعطيك العافيه

ابو محمد 50
03/10/2012, 08:16 AM
والله انه بندق بالرمي تعجبك ما رفعته الموسم هذا على قميري وصفار الا يطيح ما اخطيت ابد بعيد ولا قريب حتى صفار الشتاء الاسود على صغر حجمه من مسافة 25 متر تقريبا والله ما اخطيته والفشق 32 7 ميراج كحلي

بلوز بلوز
03/10/2012, 08:38 AM
صباح الخير يالغاالى
من 10 الى40 تحت الصيده
من 40 الى 70في الصيده
من 70 الى100 فوق الصيده

من واقع تجربه بالستوقر 2000


يعطيك العافيه ابولفه على الرد
وماهي التشكه المستخدمه من قبلك والتي تعتبرها افضل تشكه
علما بانني استخدم تشكه رقم 2 ورصاص 32 7.5 ارسي

ابوطيف2
03/10/2012, 10:18 AM
انا عندي بلجيك ابي ابيعها وبصراحة رايح اشري ستوقر 2000 لان ناس واجد مدحوها داخل المنتدى وخارجه

مكشاتي بريدة
03/10/2012, 10:22 AM
كلامك رائع

فيه نوعية جديدة نفس مواصفاته تقريباً اذا كنت سمعت فيها اسمه ارتميس arthemis
البندق طيبة بالحيل ونظامه نظام البنلي والناس كثير تمدح الارتميس على الستوقر لكن بحكم انه جديدة ما انتشرت بشكل كبير

طول الماسورة للارتميس 32 انش
مخزنها ياخذ خمس والسادسة بالمكينة وبالامكان تركيب مخزن البيكال عليها بدون ترهيم بس يطلع فراغ بسيط يركب فيه وصلة ماسورة 2 انش تقريبا وتصير تشيل ثمان فشق البارود له مستقبل في عالم القنص عندنا

تساهيل1
03/10/2012, 10:29 AM
انا عندي بلجيك ابي ابيعها وبصراحة رايح اشري ستوقر 2000 لان ناس واجد مدحوها داخل المنتدى وخارجه


نصيحه من اخوك لوجه الله

كان بندقك مافيها خلاف لا تنكب عفشك
وخلك على ارسي 32\6 واذا بغيت اقوى 34\6
لاترمي بغيرهن كافيات و وافيات لها البندق سوق وحرارة رمي

والله انك لتندم شر ندم اذا فرطت فيها الا كانها قاضيه ومهرقله بكيفك

وموفق

قناص اشيقر
01/11/2013, 07:28 AM
شكرا على الموضوع القيم بس هل يجي منها نوع مقلد ام ﻻ ﻻني مع تصحفي ﻻحظت فيه فرق وحده ساحب اﻻجزاء فضي واﻻخرى ساحب اﻻجزاء حقها اسود ارجوا الرد لاهميه ﻻني ناوي على وحده

بينلي
01/11/2013, 06:27 PM
موجوده ستوقر موديل 2000 الاصليه
اخت الجديده راميه 4 دستات

ابن البدو
01/11/2013, 07:22 PM
الف شكر على هذا الموضوع والجهد القيم

وسجل عندك واحد من عشاق الاستوقر الله يعطينا خيرها ويكفينا شرها

ومن خلال تجربتي اقول ما عليها كلام من افضل الشوازن وسعرها معقول

وتفي بالغرض وزوووود

دمت بود

غواص وقناص
02/11/2013, 03:30 AM
أبشركم شريت لي ستوقر جديدة اللهم لك الحمد
مكفتني وزود وعلى قد فلوسي وأنا اشهد انها تطرب

عجيبان
02/11/2013, 05:55 AM
اولن اشكر صاحب الموضوع على الجهد الطيب المبارك
وانا صراحه مالي علاقه بالشوازن استعمل سكتون وخرازه فقط لاكن بقول كلمتين .. بالنسبه للي يعطيك من الاخر يقول ميدك التركي خايس من دون مايناقش ولا ياخذ ويعطي معك انا اقولك ترا نفس الهرجه صارت في السكاتين .. تجي عند الواحد تقول ميده خذلك سكتون اسباني تراه كويس ومجرب .. يرد عليك لايارجال فاشل فاشل افضل شي الالماني وبس وفي النهايه الاسباني ماسك السوق حاليا يعني ياجماعه لاتنشبونها مره وحده اقل شي جرب بنفسك واحكم والتغيير زين وانا اخوكم ... وسلامت الجميع

تحياتي

الهوى جنوبي
04/11/2013, 06:04 PM
السلام عليكم
اشتريت ستوقر موديل 2000
وودي استفسر عن تشوكاتها الاربعة . وش افضل تشوك للتجميع والتشوك اللي يفرش
وسلامة الجميع

الخزيمkzeem
04/11/2013, 07:08 PM
السلام عليكم ورحمة الله

شوف هذ انا وضعته للفائده

صراحه تطربك

مامثلهاhttps://www.youtube.com/watch?v=UouXJ5-qq1g

الهوى جنوبي
04/11/2013, 09:41 PM
شكراُ اخي الخزيم
وفي انتظار النشاما

زهير الظالمي
07/11/2013, 08:34 AM
شكرا على هذه التفاصيل عن بندقية ستوقر انا كنت متردد في موضوع اسلحة الصيد التركية والان بفضل الله تعالى حصلت على الماركة الجيدة بفضل هذه العلومات القيمة نحن في العراق بنادق الصيد التركية و الصينية رخيصة لكن الماركات العالمية اسعارها باهضة جدا. وكنت ابحث عن افضل الشركات التركية وقد وجدت ما كنت ابحث عنه شكرا لك اخي الكريم و حفظك الله .