المساعد الشخصي الرقمي

مشاهدة النسخة كاملة : اخواني هل ساعتموني.... اخوكم ناشب؟


kadem bn laden
12/05/2002, 02:48 AM
السلام عليكم ورحمه الله وبركاته

اخواني الفزعه

اخواني باختصار الموضوع لقيت لي عش طير .. لاكن على راس برج كهرب ناقل لطاقه بقوة 130000ألف وات يعني منتهي الخطر:confused: كنت قاطع الزفلت ودي بتبوك صحراوي ( طريق مختصر).
اللي عنده دبره يعلمني بها :light:
الفروخ اثنين ومريشات ... وهقوتي انها على وشك الرحيل
اما امهم شفتها حوامه بسبد الخظيراء ... تخمش القلب ويلاه;) ;)
تكفون اللى عنده دبره .... سنع .... حل تكفون الحقونا به

حررفي فجر يوم الاحد الساعه 3 فجرا يعني مستعجل
راعي عنيزة
12/05/2002, 01:28 PM
شوري عليك يابو الشباب ابعد عن الشر وغني له

ابراج الضغط العالي في منتهى الخطوره وبناء على كلام احد المهندسين في شركة الكهرباء يقول ان العاملين في صيانة تلك الابراج لو ارتكب احد منهم خطأ وحدث له التماس وهو على البرج فمصيره ان ينزل للارض على هيئه رمااااااد ( يعني موب صاير لك ولا جثه)
اما لو تغير جهد الكهرباء تغير بسيط فان الدوره الدموية تنعكس ويموت في ساعته :eek:

لذلك حط رجلك واشتري السلامه لنفسك
kadem bn laden
12/05/2002, 08:41 PM
السلام عليكم ورحمه الله وبركاته

اخي / راعي عنيزه


طيب كلامك زين ومفهوم لاكن الطير .... الطير ياغناتي ؟؟
وش السواه تكفى ..... اخوك بطق من القهر...
طيب وش يصير اذا قنصت امهم وتركت الفروخ ؟؟
هل هو صحيح انها بطق وتموت على فروخها؟
والفروخ هل يوجد اي احتمال انها من الجوع تطمر من العش؟

اتحرى الجواب من زين الاحباب

اخوكابو الوليد
خوي راعي كيف
12/05/2002, 08:57 PM
:rolleyes:
والله انا من راي راعي عنيزة ابعد عن الشر وغنيلة

طيب الا منك رقيت ونزلت العش ومحطك المكهرب ونزلت فحمة واعدمت الدنيا وطفا الكهرب


وجت شركة الكهرب وتحقيق وغرابيل وتعويضات من اهلك على هالتلفيات وادفع غرامة

وش علشانة كلة علشان عش طير.


:o عاد انا لو القا ادمي محل العش مانزلته كان اروح واخلية ماهوب عاد عش .

وانا من رايي ان الطير يموت من الكهرب ولا يموت من رمي الاوادم.
السمح
15/05/2002, 12:07 AM
الغالي kadem bn laden ياحياك ...

أجل ذابت كبدك يابعدي على هالفروخ ...

أولاً أرجو التأكد إن العش عش حرار لأنه من الغريب أن يفرخ في مثل المكان اللي ذكرت ..

ثانياً : ترى الإخوان راعي عنيزة وخوي راعي كيف عطوك النصيحة ...

ثالثاً : هذا الكلام كلام أحد المهندسين في شركة كهرباء الرياض يقول :

إن الجهد 132.000 فولت وليس 130.000 وات ..

وأن النظامية المعتمدة من شركة الكهرباء للسلامة تقول يجب ألا يقترب الإنسان أكثر من 3.8 متر للكيبل بالنسبة للمختص الفني .... و 6 متر لغير المتخصص ( يعني أنا وانت والثاني والثالث ) وإلا تعرف ما الذي يحدث ..

وعليه إذا كان العش الذي رأيته يبتعد عن الكيبل هذه المسافة وبالتأكيد أنه يبعد أكثر من ذلك وإلا احترقت الطيور .. ولكن من يضمن أنك لو تسلقت البرج مثلاً أنك لن تقترب أكثر من 6 متر ...

فيا ابن الحلال مالك ومال المشاكل والأخطار التي ليست مثل السقوط من جبل أو النزول برشا إلى العش ..

أرجو لك السلامة في كل خطوة تخطوها ...
ثهلان
28/05/2002, 04:05 PM
انا عندي لك راي ,شف وانا اخوك ابيك اول شي تعرف وش شركة الكهرب اللي تغطي هالابراج,ثم تروح لها وتدخل على مديرها بعد ماتكون نشدت عنه وتشرح له السالفه وانه يبي ياخذ اجر مثل الرجال اللي اسقا الكلب الله يعزكم, ودخل الجنه,الزبده عطه من هالرخيص لين انشالله يوافق لك تخاوي المهندسين ثم بخششهم واستلم الفروخ وادع لي.
kadem bn laden
05/07/2002, 06:15 AM
السلام عليكم

اقول بارك الله فيكم جميع
*************
كنت احسب اني بس اللي شاف هاطيور ؟
بعد العوده لهذاك المكان .... مالقيت اش
دورت وسالت وعرفت
ان واحد باكستاني من صيانه الابراج
موقت لهن ؟؟
منزل الفروخ .. وعلى سته الاف ريال بايعها
وميمتهن ... طايره ... طايره ... طايره:(
*************
على العموم / مشكورين يا الاخوان وماقصرتو:D :D :D
*جمس79*
05/07/2002, 02:28 PM
تلفاه ((صقير ابو الفار))))ولا اوحقب

بس انا مدري لتكون الطيور الي تقصدا الي بين تبووووووك وطريق دمج

الي يودي لمعارض السيااااارت
واذا بغيت طيور كلمني وامشي انا وياك نقنص في الطبيق
ولا الحره
&{أبوعـمـر}&
28/08/2006, 01:25 AM
:butt3: :butt3: ياخي ارم بالبندق لين تجفل وتنزل....






وانتهينا
مدالنظر
28/08/2006, 01:41 AM
حلووووووووووووووووه
حركاااااااااااااااااااااات
هههههههههههههههههههههههههههههههههههههههههههههههههه هههههههههههههههههههه

وين انت من اول يابعدي

كخخخخخخخخخخخخخخخخخخخخخخخخخخخخخخخخخخخخخخخ


الله يغفرلنا ولك

الحين تلقى الطير اللي هو الفرخ ميت الله يحييك

هههههههههههههههههههههههههههههههههههههههههههههههههه هه
الدندون
28/08/2006, 01:55 AM
أقول ما ودك تمــّقل في هالصورة زين قبل .. :D :D :D

http://www.4img.com/ar/up/06/08/27/beda847edabdd461b87a0821a65cad5f.jpg
مدالنظر
28/08/2006, 02:05 AM
هلاااااااااااااا بــــــ؟؟؟؟؟؟
والله العظيم اني احسبه الحصان بلاستيييييييييييييييك حق التدريب ؟؟؟؟؟؟؟؟؟


ياحبيبي الكهرب مايستهبل مع احدّّّّّ!!!
شمالي بعيد
30/08/2006, 02:35 AM
لي تجربه...
في احد القرى بروسيا علقت معنا شيهانه وانفل السبب وعلقت بعمود الكهربا العمود يودي على القريه حاولنا نرقى العمود
لاجل سلامتها وتجمعو علينا اهل القريه قالو انتم العرب مجانين.. لا تحاولو على بعد مترين من الاسلاك تضربك ...الحاصل ما قدرنا
((( خذ من مجرب ولاتاخذ من طبيب )))
العملاق النائم
30/08/2006, 02:45 AM
http://www.4img.com/ar/up/06/08/27/beda847edabdd461b87a0821a65cad5f.jpg

لاتعليق
مهاجر11
30/08/2006, 04:00 AM
الكهرب مهوب لعب وانا اخوك
طز بالطيور كانها بتذبح اللي يبيها
ابوسليمان 11
30/08/2006, 05:32 AM
العاقل من استفاد من تجارب الآخرين
بعيد المساري
30/08/2006, 09:18 AM
السلام عليكم ورحمة الله وبركاته


يـــــــــــــــــــــــــا أخـــــــوان هذا الموضوع
مـــــن تـــاريـــخ12\5\2002 ويـــش فـيـكـم مستعجلين في الردود













لكن














نصائحكم تنم عن محبتكم لاخوانكم والاجابه عن أسئلتهم التي لاجواب لها

وشكرآلكم
أخوكم ومحبكم في الله
بـــعـــيـــد الـــمـــســـاري
جيتك يابعد حيي
31/08/2006, 02:25 PM
عسى الله يكفيك شر هالطيور
أنا من رايي أنك تنحاش عنهن ولك رزق الطير.......
ابو عايد
31/08/2006, 02:57 PM
موضوع قديم 28/05/2002
بواسامه
31/08/2006, 03:06 PM
السلامة لا يعدلها شي
محب الغيم
31/08/2006, 03:13 PM
شكل بعضنا يرمي بالمشاركة بدون ما يشعر !

الموضوع قديم

لكن وش وداك له يا بو عمر ؟!!
--------------------------

ننتظر من بيطب في هالموضوع بعد ؟!!