دوام يومي 80 كيلو منها 30 كيلو طريق وعر وصخور وألرجو المساعده

[ريان2002]

بسم الله الرحمن الرحيم
مساكم الله بالخير جميعاً
بغيت أسألكم ياأخوان هل هناك كفرات أفضل من الدنلوب بالنسبة للطرق الوعره ( طرق صخور وحجار حرات )
لأن عندي يوكون 2002 وجربت البرجستون وكانت سيئه في البر لقساوتها وألحين الكفرات اللي عليه دنلوب ومحتاجه تغيير المقاس 256 / 75 / 16
وقبل ما أغيرها حبيت أسألكم لأني كنت حأركب دنلوب فهل هناك أفضل منها مع العلم أن دوامي يوميا 80 كيلو رايح جاي
منها 30 كيلو طريق وعر
ودمتم في رعاية الله

[ابوابراهيم333]

والله شوف انا انصحك بالبالون بترتاح عليها ومشيها زين في الطرق الوعره وتخفف من الازعاج وما تحس بالمطناج مثل العادية

بس مشكة البالون العمر القصير

يعني اذا بتحافظ عليها من البناشر وغيره اتوقع حدها سنة

وغير كذا خطير في السرعات العالية على الاسفلت بحكم ارتفاعه عن الارض اما على الخبب خذ كفر وموتر رساوة على سرعات عالية


وانا عن نفسي ما اقتنع بغيرها كفرات على اي دفع رباعي خصوصاً التويوتا والنيسان

[NissaN 1990]

تبي النصيحه ركب بالون لأنها تمتص الصدمات والمطاب الصيره ومافيه مثلها ماتسمع قرقعه في السياره لينه بمعنى الكلمه
ومن ناحية السرعه فيها ميزه إذا ضرب عليك كفر وأنت مسرع مع الخط السريع ماينسلخ الكفر ولا يعدم عليك البدي يسمك على الجنط وهي ممتازه

[مجنون باترول4800]

بس في مشكلة بالون ان التندة قريبة
سف عند الكفرات الحجريات(المضلعات) الدلوب ممتازت

[ريان2002]

أشكركم ياأخوان على ردودكم ولكن أتوقع إن البالون مابيصبر على الطريق لأن في الطريق أماكن كثيرة فيها حجارة وصخور مدببة

[ناصر الدهمشي]

البالون ماتنفع للطرق الحجريه

ركب كفرات حجريه تشوف نقشتها بارزه اكثر من الكفرات العاديه

وخاصه من الجوانب

لكن مشكلة الكفرات الحجريه فيها ازعاج بالطريق

مثل اللي بالصورة لكن فيه مقاسات اصغر

http://cars-club.maktoob.com/up/8-2-1/carsclub_61136136.bmp

[ريان2002]

وبالنسبة للكفرات الحجرية سألت عنها كذا محل وأكدو لي إنها تطلع صوت على الإسفلت والسيارة ماعندي غيرها يعني سيارة دوام ومشاوير وسفر وسوق وخلافه

[براد نجد]

هلا بك ياريان 2002 والله أنصحك تركب كفرات بالون نوع ( سايم تير ) مقاس 900 - 8 غاط تراة قوي ويتحمل الحصى والزفلت وغيرة وهو أحسن كفر بالون بس عيبة أن سعرة غالي شوي وهو أغلى كفر بالون ونادر جداً بالمحلات 00 وأنصحك بعد بالكفرات اللي يسمونها ( سلق) تراها قوية مرة وخذ نوع يوكهاما00 وتحياتي00

[ابوالجازي]

انا اييد البالون للوعر تتحمل بس لازم تكون 8 غاط ترا 6 غاط ماتنفع ولا بريال
وعندك الماكسز او السيام تاير
900×16 8غاط
والله يعينك على المشوار يا ريان2002

[ابو محمد1991]

ركب حقت وكالته النوع الصخري منها الي جا مع دفعات 2004 الاخيره الين 2006 واسمها جنرال وقيمتها على ما اظن من 500 الى 550 للكفر

[قمة افرست]

بالنسبة للمقاس الي ذكرت موجود اهم شي مواصفات الكفر


الكفرات تجي طبقات من 6 طبق الى 12 للسيارات ذات التحميل ولتحمل قوة الضغط
الكفرات الي جربتها ممتازة ولاكن غير مخصصه للمناطق الحجرية تجي 6 طبق سلك وهذه مخصصه للاسفلت


نصيحتي لك تبحث عن كفر مواصفاته
يكون 8 طبق ونايلو اذا مافيه الامخلوط سلك الله يعينك اهم شي يكون 8 طبق وفوق عشان تفتك من البنشر وبيكون ثقيل وقاسي شوي
انا ادلك على كفرات بمقاس 175/75/ 16 تركب على الجيوب الجي اكس
يسمونها كفرات خط شكل دعستها قديم عدة انواع فيها ياباني برجستون وفيها اندنوسي وفيها يوكوهاما وهو افضل شي ومجربة بنفسي مايعرف البنشر بالبر ولا لها صوت بالاسفلت
نفس الكفرات الي راكبه بالدينات بس يختلف المقاس
لوتمشي يومي فيها بالبر ماتبنشر وفي حرة كلها حجر وبسرعات عالية مايجرى لها شي ووقت الصيف
خذ كلام مجرب توصل السرعة بالردمية 100 في حرة المدينة مجربها دوام يومي
وتستطيع تمشي بالهواء منخفض فيها عشان المطبات والبطناج
المشكلة ماتركب معك الااذا تغير جنوط جيب جي اكس
او تركب جنط يوكون موديل 98 ماهو عريض
قد جربت تركيبها على جيب جنط عريض جي اكس ار ماتركب الا بلستك ماينفع توبلس واللستك بالبر والاسفلت خطر وسريع البنشر
اذا صعب عليك تركب جنط جيب او جنط جمس قديم
ابحث عن كفر اقل في العرض
كل ماقل عرض الكفر صارافضل في تفادي البنشر بيكون شكلها بشع بالسيارة لاكن زي مايقولون للضرورة احكام


الكفر العريض ماينفع بالمناطق الحجرية ابدا



وماذكرت لك عن تجربة غير الجنوط حقت جمس موديل قديم وركب الكفرات الي ذكرت بتغلق السنة ماشكيت منها
يعيب عليها في الاسفلت رجة خفيفه اول ماتمشي لانها نايلون لين تسخن

ملاحظه الكفرات الي ذكرت تجي لمقاسات جنط 14 ,15, 16



اتمنى لك التوفيق

[ريان2002]

ماقصرتم ياأخوان على تفاعلكم ونصايحكم القيمة وبيض الله وجوهكم وشكراً لكم جميعاً

[السيف11]

الله يعينك

[التعـ King ـديل]

البالون 900 ماكسس 8 غاط

او هنكوك وعن تجربه

[ابوابراهيم333]

لا تتعدى اسيام بالون تايلندي وسعرها بتلقاه الواحد من 530 الى 560
ولا اذا مره ماكسس تايواني وسعره اتوقع من 320 الى 390

وترا البالون ما في مثله وبتشوف كلامي لك